سقى الله ليالٍ

[اللحالي]

حبايبي مرتادي منتدى اللحالي
السلام عليكم ورحمة الله وبركاته وبعد
الشاعر رجا جهز الهويملي الحربي غني عن التعريف وفي قروب شعراء الجزاله وضع هذه التغريده في ادوات فقط؟ دون تطرّقه للمسميات.. ولاكن بذالك اعادني لوقت الطفوله وبساطت ترافيههاوانا مكفي من قبل والديا ومكفي الهموم يسرح بمزاجه الله يرحم والدينا ووالديكم اجمعين اقصد عموم المسلمين

يقول الشاعر رجا جهز الهويملي الحربي

سقى الله ليالٍ كنت عايش بها مبسوط
لك الله زمانٍ فيك الأوضاع مابسـطـهـا

بها لعبة الورع المـرفـه كـفـر و جـنـوط
و نواعـير عـيـدانٍ من الاثـل يـلـقـطـهـا

صناعة محلية مجـرد حـصـا و خـيـوط
ومسابيق من لستك يربطها ويمـغـطـهـا

رجا جهز الهويملي

زمان البساطه يارجا عاشـه الـمـغـبـوط
ولا ترجـع ايّـامـه. عـلـى من تـحـوّطـهـا

وذكّرتني يابـو فـهـد في زمن محـيـوط
بـمـاتـنـتـج الافـكار وصـفـة شـوايـطـهـا

بـه اللي يبي الترفيه بالتكتكه مـسـعوط
من ذاته وفي ذاتـه اوموره يـخـطـطـهـا

ليامن لقط جالون كيّف على الـمـلـقـوط
يسجّي جنوبه و بالـقـديـمي يـشـعـطهـا

و يسوّي تواير مايبنشر بهـا الـخـمـيـوط
طوابيق صلصه في بعضها يحـاشـطـهـا

و غـيره يسوّي لـه تـرافـيـه بـالـمـنـبـوط
لجل كل ماشاف الـعـصـافـيـر يـنـبـطـهـا

اللحالي جزاع

شعوني ثنينٍ لاحقـينٍ على ام اخـطـوط
بهـا يملكون افـكار و اسـرار واخـطـطـها

كما يعرفون ام التسع و الـثـلاث اشروط
وعلى العبه اللي بـالـمـزاقـيـط نزقـطـهـا

وعلى العبه اللي خذ مخلي من المقروط
يقولون لعب الجني اللي يـحـطـحـطـهـا

وشق القنا وعظيم ساري بشوط وشوط
فريقين واهل المـاد تـسـمـع مـعـابـطـهـا

لعابـيبنا ذاك الـزمـن و الزمـن مـضـبـوط
قبل يظهر (الببجي ولودو) يـخـربـطـهـا

زمانٍ ولو رزق العرب مـنـه بـالـمـنـقـوط
ياحي الزمن يوم الـعـرب في ترابـطـهـا

(سالم مغيران)