سلام(ن ) لنحوت اكزه

[معيض الضعيني]

يا سلام الله سلام(ن) لنحوت اكزه = ودنا منه انتعلم درس بالميداني
له قدر محسوس عندي مع معزه = تظهر الايام ما يحمله الشرياني

[ابو مناحي]

مرحبابك والعلم فوق الطوال نرزّه=يارفيع الشان سولف مع رفيع الشاني
صاحبك يامعيض كان تقدّره وتعزّه=مايجيب الا الثمين مرجّح الميزاني

[معيض الضعيني]

اشهدنك يا عميل للثمين اتقزه = والثمين نقدره وندفع به الاثماني
مثل ماتنق عش لضيف لحم ورزه = ودي انق للثمين في منتدى الغيداني

[ابو مناحي]

الردا ماهو بطبعي وانت عنه منزّه=والثمينه قسمنا من ماضي الازماني
انت مثل الضلع راسي والهوا ماهزه=واللحالي يعلم الله مابه النقصاني

[معيض الضعيني]

ماعليكم زود يالي للجزور اتجزه = وضيفكم مايكل الا عدلها وسماني
ياجبال اطويق ماحد(ن) جالها بيرزه = وكل عدا تارده منه العدو ضمياني

[ابو مناحي]

البيارق يالضعيني بالجبل مرتزّه=والخبر شرحه وتفصيله من العنواني
كان وانك ماتخلا عن قوافل غزّه=انتبه لا يخدعك حزب الله اللبناني

[سعد السمين]

صح ألسنتكم متابعين

[اللحالي]

ايوالله متابعين دام فيها ذكر هذيك الديار
صحت ألسنتكم وكفو عليكم جميع

[ابو مناحي]

صح ألسنتكم متابعين

صح بدنك ياسعد

تحياتي

[ابو مناحي]

ايوالله متابعين دام فيها ذكر هذيك الديار
صحت ألسنتكم وكفو عليكم جميع


هههههههههههه

ماعليك زود يالشايب
وصح الله بدنك
واثرهم معهم حق يوم يسجنونك

[معيض الضعيني]

صحت ابدانكم لاعدمناكم

مايروح لغزه الا من بقلبه عزه = وده يصلي ويدي ركن من الاركاني
وكان مايقدر للقدس او يقربه ويلزه = يبعد الشبه عنه ويقضب الكتماني

[ابو مناحي]

ان بغيت الصدق انا ماجيتكم متنزّه=جيت شاعر والضعيني مثل ابو سلطاني
الدلال مبهره ومجهزه بالجزّه=كايفٍ فنجالها ويكيّف الضرماني

[ابو مناحي]

معيض الضعيني=
يا سلام الله سلامٍ للنحوت اكزه=ودنا منـه انتعلـم درس بالميدانـي
له قدر محسوس عندي مع معـزه=تظهر الايام مـا يحملـه الشريانـي
السيل النحوت=
مرحبـابـك والعـلـم فـــوق الـطــوال نـــرزّه=يارفيع الشان سولف مع رفيع الشاني
صاحبـك يامعـيـض كــان تـقـدّره وتـعـزّه=مايجـيـب الا الثمـيـن مـرجّـح المـيـزانـي
معيض الضعيني=
اشهدنـك يـا عمـيـل للثمـيـن اتـقـزه=والثمين نقـدره وندفـع بـه الاثمانـي
مثل ماتنقا عشى للضيـف لحـم ورزه=ودي انقا للثمين في منتدى الغيداني
السيل النحوت=
الردا ماهـو بطبعـي وانـت عنـه منـزّه=والثمينه قسمنا من ماضي الازماني
انت مثل الضلع راسي والهـوا ماهـزه=واللحالـي يعلـم الله مابـه النقصـانـي
معيض الضعيني=
ماعليكـم زود يالـي للجـزور اتـجـزه=وضيفكـم ماياكـل الا عدلهـا وسمانـي
ياجبال اطويق ماحدٍ جالها بيرزه=وكل عدا تارده منـه العـدو ضميانـي
السيل النحوت=
البـيـارق يالضعيـنـي بالـجـبـل مـرتــزّه=والخبر شرحه وتفصيله من العنواني
كــان وانــك ماتـخـلا عــن قـوافـل غــزّه=انتبـه لا يخدعـك حـزب الله اللبنـانـي
معيض الضعيني=
مايروح لغزه الا من بقلبه عزه=وده يصلي ويدي ركن من الاركاني
وكان مايقدر للقدس او يقربه ويلزه=يبعد الشبه عنه ويقضب الكتماني
السيل النحوت=
ان بغيت الصدق انا ماجيتكم متنزّه=جيت شاعر والضعيني مثل ابو سلطاني
الدلال مبهره ومجهزه بالجزّه=كايفٍ فنجالها ويكيّف الضرماني

[معيض الضعيني]

صح السانك وبيض الله وجهك وماقصرت وشاعر مافيك حيله مشكور على التنسيق الغير مستغرب منك
واعتز بشهادتك وسام على صدري من جنيه الشعر والسيل النحوت شاعر قدير وله تقدير واحترامي واختمها لك
بحبة على الراس والخشم ودمت بصحه وعافيه

[ابو مناحي]

الشاعـــر معيض الضعيـــني

صح لسانك واعتلا شانك

على هالطاروق والقاف الكايف

تشرفت باللعب معك

بيض الله وجهك ولاهنت

ولك تحياتي وتقديري