ويليك على لينه

[اللحالي]

ويـلـك عـلـى لـيـنه ومـربـاع الـشمال
الـهـرش تـقـطع فـيه كـل الـفجوجي

تـمـشي عـلى هـونك وضـابط لـدلال
ومـافـيـه خـبـتً الا نـزلـته تـدوجـي

مــن شــأن لاشـافوك وقـالولك تـعال
قـلت الـمكان مـافيه حـتى البروجي

وانـته مـخطط لـلعشاء عـلى الـغزال
وغــداك خـفـفته وبـطـنك يـجـوجي

مــــــعــــيــــض الــــضـــعـــيـــنـــي

يامعيض بالله كيف تصفيف الاقوال
بـالمنطق الـلي مـن حساب ألّجوجي

الـقـاف يـبـي لــه مــع الــوزن تـعدال
مـنطق عـرب مـاهي لـجالج زنـوجي

أمّـا. قـل. الابـيات مـع مـثل من قال
و إلاّ. تــرا. مــال. الـمـجاراه حـوجي

انــا غـشـيم و فــي مـعـانيك مـهتال
مــثـل مـضـيّع صـيـدته بـالـعحوجي

الـــــــــــلــــــــــحــــــــــــالــــــــــي

مـا انـته غـشيم انـته مـعلم للأجيال
وعـــن الـعـلـوم الـغـانـمه مـاتـموجي

وانــا احـويـش واتـحـرش بـالازمـال
تــوي اصـغـير مـثـل ولــد الـخلوجي

مـنك انـتعلم بـدعت الـقاف لـو طـال
ومـعـزتك فــي وسـط قـلبي تـلوجي

يـاسـتـاذنـا جـزاع يـاطـيـب الـفــال
نــقـدك لــنـا كــنـا لـبـسنا الـتـيوجي

مــــــعــــيــــض الــــضـــعـــيـــنـــي