ديوان عيسى العوفي

[اللحالي]

السلام عليكم ورحمة الله وبركاته يامرتادي منتدى اللحالي تفضلوا بديوان الشاعر عيسى رجعان العوفي الحربي هذا الشاعر اجتذبتني مفرداته بالقوافي الجزله و مهماقلت عنه لايكفي بالتعبير عن ابو عبدالرحمن ولكن عليّ ان اضع له هذا الديوان بين دواوين امثاله ولعل قصائده خير معبّر عن جزالة هذا الجزل حيث ان ديوانه متجدد ان شاء الله ونوافي اعضاء ومرتادي المنتدى بكل جديد وإليكم اول قصائده من احد اولوياته الشعريه... نقول إلى الاتي

عسى السحاب اللي ركود ٍ بممشـاه
الـلـي بـدا مـن يـمـة الـغـرب نـاشـي

جعله على نـجـد الـعـذيـه نـثـر مـاه
وتروى الفياض اللي منول اعطاشي

احـب. نـجـد. و كـل حـيـا ٍ و مـربـاه
ياعل يسـقـيـهـا صـدوق الـرشـاشـي

احـبـهـا. مـن قـلـب و الـشـاهـد الـلـه
ولالي ورى ماقلت كسب و معـاشـي

وكل الوطن غالـي و بـالـعـمـرنـفـداه
امّـا.. حـمـيـنـا... الـدّار. و الابـلاشـي

والـمـوت حـق و كـل حـي ٍ بـيـلـقـاه
و لافيه حي طـيـلـة الـدهـر عـاشـي

لابـد.. مـن. يـوم ٍ يـوارى... لـمـثـواه
تحت الثرى من بعـد زيـن الـفـراشـي

اهل المناصب واهل الاموال والجـاه
تـجـردوا. مـنـهـا بـقـطـعـة اقـمـاشـي

و الـرّابـح. الـلـي طـاع. ربـه بـدنـيـاه
كسبـان بـالـثـنـتـيـن مـابـه. نـقـاشـي

القاف ينحاني على الصعـب و انحاه
بيني و بين القاف فـيـه اهـتـواشـي

وارجع وعيد القاف من حيث مبداه
حـتى يـعـود و يـزدهـر بـنـتـعـاشـي

واشيد باللي لـجـل عـيـنـه نـظـمـنـاه
اللي من اجله هاض فكري و طاشي

الـلـي. غـمـرنـي. بـالـوفـا مـاتـنـاسـاه
اقـولـهـا مـن قـلـب. مـانـي..مـراشـي

اللي نصح وخلص عسى الرب يجزاه
مانغش من عرض القلوب الغشاشي

وقفة شرف تبقى لشخصه وطرياه
مثل القمر مايلـتبـسـهـا الـغـطـاشي

نـفـس ٍ ابـيـه مـصـعـد الـعـز تـرقـاه
بالحق تمـشي طـبـعـهـا مـاتـخـاشي

يالله عسى ماتنـقـل الـعـوق يـمـنـاه
ولالف فيها من ابيض الخام شاشي

و يالله تــصـبـرنـا عـلـى نـارفـرقـاه
وهذا الذي من مقبل الوقت خاشي

عيسى العوفي

[اللحالي]

سوق السحاب يسوقني يمك الشوق
سوق الرياح لسـحـبـهـا في فـضـاهـا

هبت ويتبعها ضهى الـمـزن بـرفـوق
غـربـيـة ٍ قـام.. يـتـصـافـق.. هـواهـا

اظلم سماهاواكتسى الجـومـن فـوق
وركـد اثـقـال الـمـزن و انـهـل مـاهـا

ديّـم. مـطـرهـا وارتـوى كل. زمـلـوق
من فـضـل ربـي يـوم ربـي عـطـاهـا

مـراحـب ٍ يـرتــع. بـهـا راعـي الـنـوق
خـضـراء غـدت يوم الربيع اكتساها

فيها النفل فيها الخزمى لـهـا اطـروق
فيهـا ام سـالـم سـاجـعـه في غـنـاهـا

انـا عـلـى ذكـرالـحـيـا دوم مـطـفــوق
انـسّـق. الـرّحــلات و اســعـى. وراهـا

مجهزالـعـزبـه مـعـي وسـط صـنـدوق
لـلبـر و أشـعـل نـارهـا مـن غــضـاهـا

و مـهــيّـلـه تـنـعـش و بـراد مـحـبـوق
سجـه وخـل الـنـفـس تـلـحـق مـداهـا

وخدمة خويي واجبي خـيـرمـنـطـوق
اعــتــز. فـيـهــا و افـتـخـر. و اتـبـاهـا

الـصـحبـه الـلـي بـالـسـفـركـلـهـم ذوق
عـن. ســيـرة. الانـذال. تـكـرم لـحـاهـا

مـابـيـنـهـم خـدعــه و لابـيـنـهـم بــوق
خـوّة... رجــال ٍ عـالـي ٍ مــســتــواهـا

فلـة حـجـاج و كـل مـطـرود مـلـحـوق
و لادامـت.. الـدنـيـا.. لـحـيـاً... بـغـاهـا

الـقـاف ابـا سـجــه عـلـى كـل طــاروق
مـع. ســكـة. اخـطـوط ٍ بـعـيـد مـداهـا

مع القـريحـة بـيـن سـابـق و مـسـبـوق
نوب تـعـصـاني هـي ونـوب اعـصـاهـا

ابـعـد. عـن الـنـمــة و هـرج بــمـخـلـوق
مــجـالـس ٍ مـايـانـس.. الـلـي.. لـفــاهـا

و الـمـزح.. احـبـه.. دائـم.. يـمّـه.. اتـوق
طـبـعـي وربـعـي مـاتـضـايــق عـســاهـا

وقلبي خضر. وان شاف له زول غرنوق
عـلـى الـشـرف. و إلاّ الـرديـه. حـشـاهـا

مايـسـتـتـرمـن يـرتـدي ثـوب مـشـقـوق
الـسـمـعـه. اغـلـى مـن حـيـاتـي غـلاهـا

و العلم كـنـز و تـاخـذ الـطـاق مـطـبـوق
سـلـعـه. ثـمـيـنـه. مـاخـسـرمـن شـراهـا

[اللحالي]

يادحـيـم جـهـزلـي مـن الـبـن فـنـجـال
شـوفـه وحـوفـه ثــم ذوقــه وسـوقــه

ابـيـك ذيـــب لالـفــوا عـنــدي ارجـــال
ولمقابـل اهـل الطيـب نفسـك شفـوقـه

بعـطيك نبذه درس في خـاطـري جـال
دامــك. صـغـيـر اول نـهــارك شـروقــه

حـنــا بـعـصـرفـيـه صــــادق ودجــــال
وقــت ٍ بـنـا قـامــت تـوسـع اطـروقــه

فـيـه. الـنـفـوس الـلـي تبـجـل تـبـجـال
يشـوف نفـسـه فـوق و الـنـاس فـوقـه

يـادحـيـم مايحقـرالـريـاجـيـل رجــــال
إلاّ. ضـعـيّـف نــقــص عــرفـه يـعـوقــه

اللي على هرج القـفى يـهـجـل اهـجـال
بـعـروض خـلـق الـلـه يـلـوي اشـدوقــه

عــرض المجـالـس يرتـجـلـهـا تـرجــال
بـالــهــرج و الاقــاصـــرات اسـبــوقــه

يـبـي عـلـى طـولـة لـسـانـه تـمـرجـال
لاشـك. مـايـجـهـل مـســوّق. بـسـوقـه

الـسـمـعـه اشـعـارك تـسـجّـل تسـجـال
لاتـنـخـدش تظـهـر بـثـوبـك اشـقـوقـه

و يادحيم دينـك كـل نـفـس لهـا آجـال
اغـنـم شبـابـك قـبـل تيـبـس اعـذوقـه

[اللحالي]

حقك علي ان كنت ضـايـق و زعـلان
آعـاهـدك.نـبـدا.. بـصـفـحـه جـديـده

جيت استبيح العذر لو كنت غلطـان
والعفو من ضمن االخصال الحمـيده

إن الخطا يابنت من طـبـع الانـسـان
ولافيه نفس من الغلط مـسـتـفـيـده

مهما يطيش الـظـلـم لـلـحـق مـيـزان
يرجح ومن ضـيّـع طـريـقـه يـعـيـده

والشعر مـايـوفـيـك حـقـك ولـو كـان
آصـبّـحـك. فـي كـل يـوم بـقـصـيـده

إن قلت لك لـولـو و عـنـبـر و مرجـان
وان قـلـت لـك يـاجـوهـره يـافـريـده

وإن قلت لك ياقوت وإن قلت ريحان
وأن قـلـت. دهـن الـعـود والا نـديـده

وإن قـلـت. لـك. يـاورد كـادي ورمـان
آحسها في وصف شـخـصـك زهـيـده

آخـاف. نـفـتـح بـاب وتـصـك بـيـبـان
تـطـوفـهـا بـعـض الـعـقـول الـبـلـيـده

يـالـنـادره كـل الـمـزايـا بـك. احـسـان
اسـتـثـنـي إلاّ. فـي نـقـاشـك عـنـيـده

الـحـق.. بـاقـولـه.. و لانـي. بـنـدمـان
حـتى ولـو جـا عـكـس شـيء نـريـده

خاين ضميره يعتبر شـخـص جـابـان
ضـيّـق على نـفـسـه فـجـوج مـديـده

يخـاف من كشف الـحـقـائـق لـيـابـان
عـائـش. بـذل.و لا حـيـاتـه. سـعـيـده