سلام يهل القروب

[اللحالي]

هذه الكلمه مهداه لشعراء قروب الجزاله بمثابة اعتذار بعد غياب بعض الوقت
ارجو قبولها لدي الحروب مع اجمل التحايا للجميع

سلام يهل الـقـروب اللي رفـاع المـقـام
الكل مـنكـم مـقـامـه بـالـجـزايل رفـيـع

ابطيت مازرتكـم مـيـر الـعـذر يـالـكـرام
عوامس الوقت تشريني بسوق و تبـيـع

ايّام فـضـواتـنـا قـلـنـا عـلـيـهـا الـسـلام
اليوم حال الصّحاوي مثل حال الوجيع

لكن رجانا بمن يـبـعـث رمـيـم الـعـظـام
أمالنا فـيك يـامـنـطِـق لـسـان الـرّضـيـع

ياللّه فزعـتـك في من سـبـب الاكـتـمام
و تعـيـدنـا لـلـكـتـاب و أتّـبـاع الـشّـفـيع

اللحالي. جزّاع

هلا هلا فيك ياللي جبت جزل الكـلام
اللحالي اللي يجيب من الكلام البديـع

قـدرك عـلينا كبير و عـالـيٍ بـالـسـنـام
و معزتك عاليه بنفوس كل الـجـمـيـع

جزاع لو غـاب و ابطى له نكن احترام
من قدم الطيب لاهل الطيب لامايضيع

دورات الايام ياجزاع فـيـهـا انقـسـام
تعطي امل نوب وحيانٍ تقفي سـريـع

وهي هكذا حالة الدنياء حلاها مـادام
الوقت لو جار ياتي من بـعده الـربـيـع

سالم مغيران

[معيض الضعيني]

صحت ألسنتكم جميع وبيض الله اوجيهكم كفيتم ووفيتم جمل آلله حالكم

[اللحالي]

صح الله بدنك ابو وليد
حياك وحيا مرورك العطر
جزاك الله خير واخوانك المسلمين