ياللي تراسلني

[اللحالي]

ياللي تـراسلـني من ابـعـيـد الاقـطار
العلم عـبر اقـمـار ماهـو مـحـسـومي

كان انت مانعتك ضروفك ومـحـتـار
احـسن اجـي لك كان ترغـب قدومي

و إلاّ تـجـي وأوّل كـرم.. بن.؟و بـهـار
وكبش ٍ على لحمه سميك الشّحومي

بديار من فضله على الضّيف و الجار
و سلومـهـم مـن وافـيـات السّـلـومي

بأرض الجزيره مابـهـا خـافـي اسـرار
الـطّـيـب فـي كلّ الـقـبـايـل عـمـومي

و انا عـلـى الابـعـاد مـاعـنـدي اخـبـار
وعلى لجوج الـصّـوت مـانـي ولـومي

تـعـال و لـيـاجــيــت نـبـدأ بـالاسـفـار
الـلـي تـنـاسـب لـلـكـلام الــحــدومـي

يصـيـر لـلاسـمـاع و بـسـاحـة انـظـار
ماهو لذبـذاب الـفـضـاء و الـنّـجـومي

انـا. بـدوي. مـايـقـنـعـه عـبـر الاقـمـار
تـعـال. كـانـك. بـالـمـقـاصـد. فـهـومي

لـيـاجيت نبحر في محيطات الابحـار
ياللي تـبـي بـالـكـون مـوجـز عـلـومي

من ساع أشوفـك و اتـأمّـلـك بـأفـكار
ويبين لي فـيك احـتـمـاس الـعـزومي

اعـطـيك ماني من يـوافـيـك الاعـذار
كانـك من اللي بـالـجـزال مـحـشـومي

وكان انت من قالو عنه عـشبة الـغـار
ترجع مثل ماجـيت مـانـت بـيـمـومي

[اصايل]

صح لسانك
احترامي وتقديري

[اللحالي]

صح الله بدنك يالاميره اصايل
جزاك الله خير واخوانك المسلمين