الحمد لله

[اللحالي]

في قروب شعراء الجزاله وجدت ابو فهد يقول ولحق به ابو عبدالله هالشيبان يقصدون هالشباب اللي هو ابو سلطان والسبب كلمات قالها الشباب فالقروب يعتذر عن غيباته تسببت بالاتي


نبي نداعب شايبنا وأميرنا اللي بدأ يتخوف من بعض الأشياء وهو عنها بعيد الله يلبسه العافية...
اللي وده يكمل يكمل...

الـحـمـد لـلـه.. يـاجـزاع مـابـك خـلاف
مادام رجليك تسمح بالمشي والوقوف

انته ماشا الله شغلك بين ربعك يشـاف
فلا يجي فيك شك ولايجي فيك خوف

لازلت تسبك حروف القافية باحـتـراف
وانا من اللي على سماع شعرك شغـوف

رجا الهويملي:m (3):

بيوت شعرك ثقال الروز ماهن خفاف
تبدع بشعرك وشعرك بالجزال محفوف

لك منهجٍ بالشعر سبكٍ و حـبـكٍ وقـاف
تتعب عليهن وياتن مثل صب القـنوف

و انا ترايه سـواتـك يـارجـا ذا عـتـراف
معجب بجزاع واللي يكتبه من حروف

سالم السليمي:m (3):

يابو فهد لاتجـاذبـنـي عـلـى الإنـهـياف
تراي يامـسندي مـتسـايـف ٍ للـشـعـوف

لو الرّساله بمـطـواهـا بـجـوف الـغـلاف
أشاعة الوقت تكشف خافيات الحروف

ولولا جزالاتـكـم تـنـعـش بـي الاكـتياف
يمديني اخذت من وقتي مسـارالنّكوف

لكن وجود الرّجال اللي جزيلة صحـاف
هم عزوتي يشهد الله بمأسمع و أشوف

وشف العماوي تضامن معك بـالاكـتتاف
ياللّه تجيركم من معـضـلات الـصـدوف

ياسعد والله من انتم لابتـه بـالـجـحـاف
تفخر بكم حرب يامن للقـبـيلـه سـيـوف

اللحالي الحربي:m (3):

[معيض الضعيني]

صحت ألسنتكم جميع كلا بسمه وطاب نقلك ياابو سلطان

[اللحالي]

صح الله بدنك ابو وليد
جزاك الله خير واخوانك المسلمين

[اصايل]

صح الله السنتهم وصح الله السانك
والله تستاهل الطيب ياعمي
واجر وعافية وماتشوف شر يارب
احترامي وتقديري

[اللحالي]

صح الله بدنك يالاميره اصايل
تستاهلين الخير جزاك الله خير ومن يعز عليك