ديوان الشاعر صنت البدراني

[اللحالي]

حبايبي الجميع السلام عليكم ورحمة الله وبركاته
وبعد إليكم بدايات ديوان الشاعر صنت البدراني اعجبني مفردات هذا الشاعر وحبيت اسجل له بالمنتدى هذا الديوان لوضع مايصل لي من قصائده هنا. كاهديه لمتذوّقي الشّعر و الديوان سيكون متجدد بقدر الامكان من اشعاره لثقتنا بالإستفاده من جزالة قوافيه لمتذوّقي اجزل الاشعار فهو كفو ومفرداته تشهد بذالك وأهلا بالجميع لماهوا أت


‎ياليل ياللي سهرتك وانت كلك ظلام
‎خدمتني رغم ضني مامعك منـفـعـه

‎مشكور ومجمل و مني عليك السلام
‎كشفت بعض الوجيه وطاحت الاقنعه

‎كم واحدٍ كنت أعده بالـلـوازم حـزام
‎وهيب في حضرته وأموره مـسنـعـه

‎ياكثر ماشالت ضلوعي من الاحـترام
‎مفتوحه ابواب قلبي قدمه مشـرعـه

‎وليا تعينت ماتلقى صلـيب الـعـظـام
‎اللي بكـثـر الـهـيـاط مـسـويٍ زوبـعـه

‎ياكثرهم بالمجالس يوم سـرد الكلام
‎وياقلهم بالظروف الصعبه المـوجـعـه

‎تزيحهم مثل ماتزيح الهبوب الغـمـام
‎الخمسه اللي معك منهم يطيح اربعه

‎لامتس حبل الصداقه بالنهار العسـام
‎مع سكةٍ مقفيه تسـمـع لـهـم قـربـعـه

‎ماكنهم مع جنابك محتمـين الـمـقـام
‎ضحكاتهم فالسعه تجمـيع ومـلـمـعـه

‎واليوم ماني مجازي بالعتب والمـلام
‎رافـع مقامي عن المسكيـن والإمّـعـه

‎صنت البدراني


امـنـت بااللي حياتي تـحـت تـدبـيره
يـوم ان تـدبـيـر الانفـس عند خالقـها

سبـحـانـه ارجيه ماني مرتجي غيره
كـافـل جـمـيـع الـبـشر بالجود رازقها

لي مـطـلـب ٍ عـنـد رب البيت تيسيره
مـن غـيـر ربّـي لـيـا جـيـتـه يحقـقـها

و ادعـيه في كل تهـلـيلـه و تـكبـيـره
لـعـل مـاتـكـرهـه نـفـسـي يـفـارقـهـا

مايمسح الذنب تقـليلـه و تـصـغـيـره
مـاتجني النفـس يبقى فـوق عـاتـقـها

و مـادام عـنـد الـولي موجود تكفيره
اسـتـغـفـر اللي نـواة الـحـب فـالـقـها

الناس كلٍ حـسـب مـمـشـاه تـفـكـيـره
مـانـي مـوصى على الـعـالـم والاحّقها

لو باب الارزاق تقفـيلـه و تـسـكـيـره
عـنـد الـبـشـر مالـقـيت اللي يصـادقـها

عـمـيـان الاريـاء تـجـيـب الشر وتثيره
و تـوصّـي الـنـاس مـاتـتـرك بـنـادقـها

واللي يفك الـعـرب من شـره و خـيـره
معـاد لـه كـلـمـةٍ يـصـمـل و يـنـطـقـها

علـمٍ طـواه الـزمن و الـيـوم جـا غـيره
دورات. الايـام. مـاتـخـطـي حـقـايـقـها

الـوقـت مـايـخـتـفى بـالـنـاس تـاثـيـره
كـنـه عـلى وجـيـهـها بالـكـف صـافـقـها

يا الله بـغـيـثٍ من الـمـنـشـا تـبـاشـيـره
سـحـايـب ٍ مـن عـصـر مـاكـف بـارقـهـا

حـتـى رزيـم الـرعـد يـطـلـق تـحـاذيـره
الارض كـنّـه. بـعـد غـيـبـه. يـعـانـقـها

و لـيـا ركـد و اسـتـوى هـلـت مـزابـيـره
يـالـيـن شـعـبـانـهـا تـسـمـع مـصـافـقـها

ايـام و الـعـشـب.. تـطـلـع لـك نـواويـره
و يـفـوح عـطـر الـخـزامى من رحايـقـها

مـن شـوفـتـه خـاطـري ينـزاح تـكـديـره
والـعـيـن تـسـلـى و تـنسى مايـضـايـقـها

صنت البدراني الحربي

[اللحالي]

ياالله ياللي تعلم اسرار الـمـخـالـيق
يامطلع بالخـافـيـات من الـضـمـاير

لاصارت الدنيا بلا حـظ و تـوافـيق
جميع ماسـويـت يـاالانـسـان بـاير

احيان مايحـتـاج للافـعـال تـوثـيق
يـطلع بـهـا حـظٍ مـع الايـام طـاير

واحيان لو عندك لها عـدة مواثـيـق
ماثمنوها مـنك عـمـيـان الـبـصـاير

العله السودا بـصـنـدوق الـمـعـاليق
ماتنـسـتر لو زيـنـوهـا بـالـسـتاير

مايبتني بيتٍ وعظم الساس تلفيق
تلقى الخلل موجود فـيه بكل عاير

بيض النوايا ميزت فعل المـطـاليق
خل الضعوف اللي تعـبا بـالـشـكاير

واللي رقد يصحي مع الايام ويفيق
تكشـف له الايام تـاثـيـر الـذخـايـر

صحيح مايحتاج للموضوع تدقـيق
مايجبر المكسور تكثيـف الـجـباير

والادمي لابد مايشكي من الضـيق
هذا الكلام اللي تقول الناس صاير


صنت البدراني

[اللحالي]

والله اني من الاوضاع بالحيل خايـف
كـنّـي ابمركب الاخطار والضيق راكب

ادفع النفس يم الصبر لـوكـنت عـايـف
الفرص ماتساوى لو تسـاوى الـمـنـاكب

شايف بعيني وغيري من الناس شايف
لكن الوقـت يجبرنا نطـيـع ونـواكب

رغم مايلحق الـوافـين فـيـهـا كلايف
الـسـمـاء ماتحرك لـو تـطـيح الكواكب

ليش كثر الملامـه ماعليهـا حـسـابف
دام حبل العلاقه من خيوط العـنـاكب

صنت البدراني

[معيض الضعيني]

يستاهل ابو طارق وطاب نقلك ياابو سلطان وكفو بالجميع

[اللحالي]

وانت وامثالكم تستاهلون يابو وليد
جزاك الله خير واخوانك المسلمين يالامير