ياللي سلبت العقل

[اللحالي]

ياللي سـلبت العقل في حـسـن ذوقك
بأمداعبن ماهو على السلب مـسـبـوق

اودعـت فكري يـلـتـوب مـع طـروقـك
ملـواب من بينه وبين الـعـشـاء عـوق

ياسعد من وافـقـت لـه في عـشـوقـك
والله ليقسم لك مدى العـمـر مايـبـوق

أمّـااا.أنـا..لـو.. أقـتـدر. فـي سـروقـك
سريت بك لم الفضاء نـجـتـذب فـوق

اجتث من سطح البـسـيـطـه عـروقـك
ياللي لدامـس لـيـلـنـا مـصـدر شـروق

خوفي عليك من الـحـسـد لايـعـوقـك
ياللي تقل بك عـوق لو مشيـك رفـوق

وانـا..لـيـا..كـسـبـت.صـادق اوثـوقـك
اقـرأ عـلـيـك مـن الـتّـعـاويـذ بـوثـوق

[اصايل]

ههههه تأثير الحجر ياعمي جزاع
نسااااااااك
صح لسانك رائعة
احترامي

[اللحالي]

هههههههه. اكيد الحجر
وبعض اوادم الله يستر علينا وعليهم
ونقدر نقول زلّة لسان وبعدين انا بذالك دون المحذور
المنهي عنه افنع الله يتوب علينا

[معيض الضعيني]

صح السانك ياابو سلطان اكيد برى والبراه بينه والكيبورد له شطحه وانا اصغير ما لحقت مماشيك

سرهيد اشوفك مجددً في اطروقك
وخبري اقليل فيك ويعوقني عوق
توي اصغير ما المحتلي ابروقك
وانته كما حر اشقرً مطلق اسبوق
معلوماتي تقصر عن المفالي لنوقك
ومدري لونك معتلي فوق شاهوق

[اللحالي]

صح الله لسانك يابو وليد
واقول انا اللي توي شباب انشد الغزال بشمال الوادي شمال غربي باريس نجد

[معيض الضعيني]

صح الله لسانك يابو وليد
واقول انا اللي توي شباب انشد الغزال بشمال الوادي شمال غربي باريس نجد

صح بدنك ياابو سلطان والظاهر ان الغزال بحمايتك ماعد لقيناه بالوادى مختطف وانت المتهم حتى تثبت برائتك

[نايف n البلاجي]

صح لسانك يابوسلطان
ابداع. لواعرف تلفونات عيالك لي كلام ثاني. مايستغرب كل انسان عنده احاسيس سواء شايب ولاشباب اهم شي الواحديعبر احاسيسه وخياله...

[اللحالي]

ههههههههههههه
صح الله بدنك يالامير

الحمدلله انك ماتعرف التلفونات عاد استقبال شهر الخير... وانا بسبع وعشرين منه اغلق السبعين يعني باول الشباب الله يجزاك خير واخوانك المسلمين

[نايف n البلاجي]

الله يطول عمرك على طاعته ويمتعك بالصحه والعافيه .قريت تصريح لاحدالمنضمات ماني حافظ اسمهايقولون عمرالشباب الى ٨٠وبعدين الدوله خليت كل شي بالتاريخ الميلادي ماعدا رمضان والحج احسب بالميلادي يحصلك تخفيضات😂😂

[اللحالي]

هههههههههههههههههههن