علوم ٍٍ تروّج

[اللحالي]

علـومٍ تــروّج بالرسـايل على الجــوال
لهــا ناس تنسخـها وناسٍ تصــورهــــا

رسايل ارجال وبه رسايل هزيل اهزال
علـوم النشاماء والمجالس يـدمـرهــا

بعضهـا هــروجٍ تدبل الكبـد ماتـنـقــال
وبعضها حِيَلّْ ناسٍ غشيشه ضمايرها

تقيّــد بـترك اللي مايعنيــك يارجــــال
وترتـاح وطبــوع البشــر مـن يغـيرهـا

ياكثر الهروج اللي تضيّـق وسيـع البال
تجيـله على الوتسـاب لـو مايـدورهـــا

ومدام الكلام يطيـح نصفـه من العقال
ومـدام اعجلتنا خالق الخلـق ذاكـرهــا

وش اللي يبي يبقى من ارسالة الجهال
على شان تسبـق بالخبر ماتوخـــرهـــا

تحرأ الصحيح ولا تسـرّع بقيـل وقــال
والاخبار خذ مضمونهـا من مـصـادرهـا

لنا من عظيم الشان قدر وذراء وضلال
ولنا دولةٍ ربي على الخصـم ناصرهـا

ولنا حاكمٍ من دون شعبه يسوق المـال
معمـر بيـــوت الله وخـادم مشـاعـرهـا

ووامر حكومتنا الرشيده بدون اجــدال
هدفـها ســـلامتنـا ونفخــر بوامــــرها

ترأ الأمر في منع التجوّل مافيـه إشكال
لـــزوم انتكاتـف قبـل تكـثر جـرايـرهــا

ياطيـب التكاتف لاتحقق بدون اهـمـال
رجالٍ تكاتــف ينــهزم من يحاصـــرها

صالـح بن غانم العوني الحربي

[معيض الضعيني]

بيض الله وجهك يا ابو سلطان وصح السان ابو رايد الشاعر صالح بن غانم العوني
والله نعم الخوي ونعم الفزعه سيفً مجرب الله يحفظه

[اللحالي]

والنعم فيكم جميع
وحياكم الله يالغالين ونتشرّف بكم و بشرواكم جميع

[معيض الضعيني]

والنعم فيكم جميع
وحياكم الله يالغالين ونتشرّف بكم و بشراكم جميع


والنعم بحالك ياابو سلطان ولاعليك زود وبيض الله وجهك على تفاعلك الدايم الغير مستغرب وتفاعل منتداك مع كل جزل لاعدمناك