كان انت ياجزّاع

[اللحالي]

كان انت ياجزّاع فـيـك الـمـدى طـال
من عمرك ولاشـفـت من يـفـهـمـونـك

تـراك..في حـالـك تـنـافـيـك الاحـوال
بين اللي أقصى منك والبعـض دونـك

لاتحسب ان الوسط لك خـيـر مـنـزال
خـلّـه.. لـغـيـرك. لا. تـفـافي ظـنـونـك

ياللي سباقـك مـع جزيـلـيـن الافـعـال
عـزّي.. لـحـلـك كـانـهـم يـسـبـقـونـك

كانك قصرت بنظرتـك حـول الاطـلال
فـأحـذر هـل. الاطـلال لا يـمـلـكـونـك

وأتصير في توجيـهـهـم وصـف جـوّال
من حيث مـايـطـري لـهـم يرسـلـونـك

وتخيب منـهـم كان مـاحـولـك أرسـال
لياصرت بالمـجهـود مـع مـن يخـونـك

وانت برجاء الله واحذر القيل و القـال
مـادام...را سـك.. يـنـقـلـنّـه.امـتـونـك

إلاّ بـمـايـنـفـع...عـمـامـك و الأ خــوال
فـي مـايـوا.لـف بـيـنـهـم يـسـمـعونـك

و حلو النّباء للضّـيف و الـجـار يـنـقـال
مـع. الـخـوي الـلـي ربـيـعـه. امـيـونـك

و تـلاوة الـقـرآن فـيـهـا ســعــة... بـال
مع الخشوع و مأوجـلـت بـه عـيـونـك

واحسن على الأيتام من ياسـر الـمـال
تؤجر. و هـم. بـدعـواتـهـم يـذكـرونـك

امّـا الـهـروج الـلـي تـواقـد بـالأعـمـال
مـنـهـا الـحذر و اللي لـهـا يـجـذبـونـك

[اصايل]

الله يطول بعمرك
صح لسانك وبيض الله وجهك
ابيات رائعه معنى ومضمون
احترامي

[اللحالي]

جزاك الله خير واخوانك المسلمين يالاميره
صح الله بدنك اصايل

[الاماكن]

حلو البنا للضيف والجارينقال
صح لسانك على النظم يديك العافيه يارب عمي بوسلطان
جزل من يومك حكيم

[اللحالي]

جزاك الله خير واخوانك المسلمين يالاميره وحياك وحيا مرورك الأماكن