ديوان الشاعر. حسين عبيدالله بن هندي

[اللحالي]

حبايبي الجميع هذه القصيده بداية قصايد الشاعر حسين عبيد الله بن هندي وإن شاء الله سنواصل وضع لاحق قصايده لجمهوره حيث الجزاله بقصائد هذا الشاعر بغير قاصر بالغير وقصائده خير برهان

نـيـّتـك زيـنـهــا تـراهـا مـطـيّـتْـك
‎حـافــظ عـليها لا تعـثـر المـطيــه

راقـب إلـهٍ عـالـمٍ فـي سـريـرتْــك
‎المـطـلـع بـالـبــيـنــه و الخـفـيـــه

عـلام مـاسـويـت غـفــار سـيّـتْـك
‎مـضـاعـف الحـسـنات عشره بميه

ومـلامـحـك ابدابــهـا بابتسـامتْك
‎مـع الـســلام. ابـدابـهـا و التـحيـه

من زار بيتك اسعده في بشاشتك
‎كـرر هــلا بـالضـيــف يــالله حيــه

أًوصـل رحـمـك ولا تنفر قـرابـتـك
‎خلك من اللي ينـفرح في مـجـيـه

والصبر ناطح به ظروفٍ تـحـدتـك
‎الصـابـريــن مـبـشــريــن بـجـزيــه

ولاتبدي الحاجـه وتنسى كرامـتـك
‎حـفـظ الـكـرامـه بـالنفوس الأبيــه

وحـفـظ الامـانه خلها من سجيتك
‎ولاانته باقو مـن الجـبـال الرسـيـه

وحذرمن اللي يبتسم لك بحضرتك
‎ ابــو وجـهــيـن ونـيـتـــه قـلـبـيــه

#حسين_بن_هندي

يــامــل قلبٍ كل. ما جيت اهدِّيــه
عيــا. يــطـاوعني و يبــدي عتابــه

لولا الضلوع العوج وش حيلتي فيه
كــان... يتقــدّم يشـتـكـي للنيــابـه

و لاني بَلُومــه لا تذكرت.. ماضيـه
علي من مــا فيه وونس.. صوابــه

و لولا التنهت. نوب. يمكن يطفِّيـه
وذكــر الإ له و مــا ورد فــي كتابه

مـع مدَّة. الدربيـل و الرجــم راقيه
بعد المطر و اشوف.. سيل الدعابه

و نــوبٍ. الياشبّيت. نــاري. اسلِّيـه
وجــذبت.. جمــرٍ زايــدٍ. بلتهـــابــه

و حمست بن إعن الشوايب. منقِّيه
من خــوف.. يطلع نكهةٍ في شرابه

لاهـي... بحــرقــانه و لاني بمِنْيِيـه
راح...الخضــار و لاش لونٍ يعــابــه

و دقيت في نجــرٍ يصوّت... لباغيـه
اليا ثلثته؟ جــاء. بصوتـه. صــلابـه

صوت. النجر. يجذب لنا ناس تغليه
و اللي يـسيِّــر يمَّنـــا.. مــرحبــا بــه

واحضّرت. صفرٍ حامي الجمر صاليه
للّي يريــد. الكيــف رســلان جـابــه

والمـاء قــراح وفــاح. بِبْرِيـق صافيه
راويــه؟ مـن نقـع. الصفـا من سحابه

و فوَّحت بــن أُو وارد الهند. ثــانـيــه
مــع زعفــران ايــران زان و زهـــابــه

واليا. اسْتوت للكيف هي كيف راعيه
اللي يبيــع. ابســوقهــا. و اشتـرابـــه

فنجال. مع. تمــر الوطــن من مّجانيه
اعــلاج.. للي بــالضمايــر. سطـــابـــه

وراع الترامس واجب الكيف مخطيه
مــن صبّهــا بــالبيت.. لا يــاسفــا بــه

وقال المثل من يجهل الصقر يشويه
والسرج من غير الفرس ما حــلابــه

واخيــر منــهــا ركعتـــيـنٍ يـصــلِّيــه
فــي ســاعــةٍ بــالليل محـــدٍ درابــه

وزاد الصـلاة و للولي يـرفـع ايديـه
فــي. سـاعـــةٍ فيهــا يقين الإجابـه

سابق.. بــها بن حميد ضمن قوافيه
لله دره و المــثـــل مــــا غــــوابـــه

حسين عبيدالله بن هندي

[اللحالي]

لا ضاق... بالي و الهواجيس وردن
النار...شبّتهـــا... بداية. اعلاجـــي

و البن... بالمحماس و النار.. تلسن
نارٍ.. تزايد.. جمرهـــا.. بوتْهَـــاجي

وزال.. اللهب. وزان به حمست البن
أجود انواع.. البن رغبـــة.. مزاجي

وتمييلة المحماس في حمسه أحسن
لا تـم. تقليبه سـريــع... إنــدراجي

إليا .. رفعها. الكف. ترجع وتَطْمن
وزانت في المحماس والريح فاجي

شــوي..بالمبراد وإلْنِجْـــرهــا دن
صوته إلراع الكيف ما به ازعاجي

ماهي . في الطاحون تزن واتْوِن
لا فرَّها. بالفيـش. كهرب مفاجي

وادلال.. من بغداد. بيضٍ يــراكن
يقول.. راع. الصنف ضِد الهماجي

من شان..راع الكيف صنعن وربّن
قراح... لأهل الكيف. أكثر رواجي

البن.. به. تونيس و إلحوفته..فن
في مجلسٍ مَّا فيه. غمز و مناجي

و الهيل و المسمار بالريح.. عطّن
اعلاج... للي.. به غثا..البال لاجي

مع . زعفرانٍ.. فيه..صابغ. و باين
الروح... جوهرها. يزيده..إبهاجي

يفـوح.. ريحه والفناجيل سِـيـقـن
وفنجالها..لا راب.. يقعد احجاجي

فنجال... بنن..سيق.. يبدأ بالايْمَن
صَـبّه... بَاداب و ماشيٍ.. بِنْدراجي

منّه.. ثلاث.. من الفناجيل.. يكْفن
للراس هو. والكيف هذا احتياجي

و اللي يبي.. إِزْيَــادِةٍ.. عنه مـا كِن
يصب.. له و يزاد مابه. إحـــراجي

الكيف.. هذا.. الكيف يــوم اتفطَّن
و اشوف.. هالأيَّام.. فيه إنْسهاجي

شـفْنا.. معاميل. الكـــرامــه يهانن
بيعَن مع الخرْدَات وسط الحراجي

وشفنا الترامس بالمجالس يحطّن
وصبابهن له جلسةٍ بِنْطعـــاجي

مَــرَّه يسَكّرْهِــنْ ومــَرَّه فتــحْهِــن
واللي بهن شعير وبعض الحواجي

والمَعْذره إن جــار حكمي عليهن
ياللي مواكب. وضعهن بندماجي

و صــلاة ربي.عـد.سحـبٍ يرشّن
على نبيٍ.. للشّريعــه. إسـراجــي

حسين عبيد الله بن هندي

[اللحالي]

أليا. بـــدا. فجــران. شبّيت.. نــــاري
‎ الفجـر. الاول. بــاديٍ. ضــوح.نـوره

حمست بـــن.. بـرغبتي و اختيـــاري
‎ و بــرّدتـــها. حتى تطايـــر. اقشوره

ودقيت في نحرٍ صدى الصوت ساري
‎المـــاو الاول غـايتي. مــن نــجــوره

وادلال... يصلاهــن لهيب السعــاري
‎وفهقتـهن مــا بيــن بـــرد وحــروره

مـــن يــوم. فاحــت بـان ليه مواري
‎نظــرت زايد فــوحهــا. من حجوره

صفرٍ كما. صوغ الذهب... بالوجاري
‎ماهن. من اللي. بس.هيكل وصوره

و الما مـــن الشهلول نقــع..الخباري
‎مـــا هــو. من البيـــذر. كثيرٍ. كلوره

فنجــال.. يبري من طرت له طواري
‎لا شــفــه.. الشّــرّاب يــرتـــاح زوره

فنجال. مثل خضاب. سود الخماري
‎ورسٍ صبــــغ. بخدود خودا ستوره

دم؟ الفريـــد. او دم خـرب الحباري
‎عنــــدي و كــلٍ لــه. مـــزاجٍ يـدوره

و افرح اليا. جــاني. زميلي وجـاري
‎ ودار الحديـــث و نجتنب قـو زوره

يجيلنا اللي لقومة. الصبح . ضاري
‎والا المـصـفّـر مِلتحــف. في دثـوره

‎حسين عبيد الله بن هندي

[اللحالي]

البن.. مــاهــو كيف.. بـالزمـزميــه
ولا ظنتي يصبها صاحب.. الكيف

الكيف.. بــالدّله.. بـجــال. اللضيه
بغداد. أو رسلان. أو مــاركة سيف

قبـــل الفجــر يبـين و النــار حيـه
اسحب لهنّ وصفّف السمر تَصْفيف

بوجـار. نـاره.. سوّدت. فـي شفيّه
يركن.. على جمره. دلالٍ مهــاديف

بهــن.. العويدي.. ياهـل الشاذليه
وبهن. المهيَّل. زان في ثعبته ليف

فنجالهن لا سيق. صبـح و عشيه
علاج. همٍ يسرق الحال ما شيف

و البن بالمحمــاس ماهــو. شويه
بريــةٍ يعلّهــا.. الوســم. والصـيف

لا هي بحــرقانـه. ولا هيـب نيــه
وحمّاسها. ماقال في شغلها كيف؟

ومــع صبة الفنجال يثْـن التحيه
في مجلسٍ جيتوه زدتوه تشريف

في مجلسٍ..ماصـار بـه منجويّــه
ولا قال به نمّام.. شين السواليـف

حسين عبيد الله بن هندي

[اللحالي]

ياللي طلبتوا مـن قصيدي جديده
أنا قـصـيــدي قـيـمـتـه لاطـلبـتوه

أخـتـار من جزل المعانـي مـفـيـده
حـتى يـنال اعجـابـكم لاسمـعـتـوه

واللي يـبي ماضـيـه ممكن نـعـيـده
وعلـيكم الـتـحـديد بـاب رغـبـتـوه

شـعـرٍ بـلا مـعـنـاه.مـاحـد ٍ يــريــده
واجد سمعـتوا بـه اواجد قـريـتـوه

ماكـل ما يكـتـب يـسـمـى قـصـيـده
ولاكل من يبغى السنع عنه مايـتـوه

و بـيتين لـلـشـاعـر تـبـيـن رصـيــده
اما بـحـر والا نـضـيـحـه عـرفــتــوه

وكل حـسب عـرفـه يغـنـي نـشـيـده
امـا يـحــوز.إعـجـابـكـم أو نـقـدتـوه

حسين عبيد الله بن هندي

[اللحالي]

من باب. ما جاملك و مجاملي زيـف
خذها. على المكشوف جتك ابرحيه

يـاشـاري.. الخلطـات تبغا بـهـا كيـف
خـــلّ. الدلال وجيــب لك زمـــزميـه

وجب خلطة القصيم مع خلطة حنيف
و حــوج بهــا مــن كل خلطه شويـه

وتـرا النـوا ممدوح مـاله تـواصيـف
وان خـالطــه شعيــر مــافيــه زيــه

مكــونـــاتٍ. بالبـــرازيل و جنيــــف
و خليــــط نسكافيــه ميــه بـميــــه

يقال كيف و كيف يرجع. به الطيف
يــفوح.. بـنـــه بـــالدلال العـذيــــه

البـن. له. نــقــّاد. مـا يقبــل الحيـف
وتـصيبـه.. الغيـره على الشــاذليــه

كيف.. يعزونــه..من السيف للسيف
صبـابـة.. الفنـجـال. بعــد التـحيــه

اللي يصفون.. الدلال.. المهـــاديـف
على وهــج. جمــــرٍ تـزايـد..لضيــه

والياحتما المحماس يفهق بتخفيف
مـن خـوف لاتــاتي نجيـضـه ونيـه

ومـاوٍ اليــاحرك يجيـله تراجيـــف
يشدى. قنيب الذيب بــارضٍ خليه

بنن وهيــل وعود من دون تعريف
مـع زعفـران ايـــران فيــهـا مزيــه

يصبغ. في الفنجال أشقر الياشيف
دم. الخشـوف بـــدون طـردٍ حليـه

يصب. للمــرار و يـسـاق. للضيــف
و لاهـــو. بمقصــورٍ عـن. الآهليـــه

صبـابها. شاطر. في الصب.حرّيف
مـاصبـها .عامل و جـاهـــل. حليـه

وزادت. وناستهم. بزين السواليـف
البـــال. رايـــق و السـوالف. زكيــه

أوجزت غايـة كيفــها يالعـواريـف
و لاهي على اهل الطايلات انكريه

و اعداد هطـال. المزون المراديـف
أزكـى. صـــلاة الـرّب علـى نبـيـــه

حسين عبيد الله بن هندي

[اللحالي]

لواهني.. اللي اليــا شــب. نــاره
يجيه من يشفق على شبة النار

ربــعٍ لهــم فــي كل عليا وقــاره
تجمعهم الرفقه على خير مقدار

اللي.. على.. يمناه واللي يساره
واللي مقابل كلهم صفوة أخيار

ماهاض. واحدهم بنمّة هــذاره
والكل منهم ما سمع قول هذار

هلاّ. ورحّب واشقــر البـن داره
من اليمين و متّجه نحو اِلِإيسار

فنجال... بــن وزايــدٍ لّه بــهــاره
به زعفران وهيل مع عود مسمار

بنٍ في الفنجال. صابغ.. حماره
يشــدى لدمٍ بالشــرايين لافــار

و قدوع من مجناه تـو انحداره
أجود. تمور بـلادنا حلو الاثمــار

وسوالفٍ حول القنص والصقاره
وحول الربيع وحول نزول الامطار

وسوءال. للعساس. سيرة مساره
الكل. ملقي نظـرته يبغى الاخبار

وأول. بــدايــة. كلمــةٍ لّه بشــاره
بالسيل و المرعى تشابك بلازهار

السيل ناقـع. في محـاني محاره
في منقعه. شكَّل بُحيرات وانهار

ربيع. كل. القـاع. ضـافي خضاره
متساويٍ فيه السهل هو والاحجار

قفــرٍ. ضحيّن. فيه تشبع. ابكــاره
فيه. الطياح. مربّعــه كل معطــار

تـــدر. خلفــاتــه. بليَّــا. احــــواره
وتعْطف على اللي يَمْسَحَهْ حسْك الاوبار

و مشوا على جيـبين بأول نـهـاره
آخــر موديل وجاهزاتٍ للاسفــار

اطــراز لانــد اكــروز باين اشعاره
تمثــال تــويـــوتا عليهِنْ منـــدار

لو غليت. الاسعار. ما هي خساره
ذا مركب الشرهين تايوت فكسار

ونــداء و ماجــلان زين اختيــاره
مع. الثريــاء نتصل عبــر الاقمــار

و زان المكــان إووقّفــوا بالزبــاره
بالمرتفع.. ترتاح. بــه مد الابصــار

طعسٍ... من الوسمي.. بعيدٍ عفاره
عنده مشب. النار من بين الاشجار

و بعد تقهــووا.. زانت.. الانتشــاره
يبون.. صيدٍ. مدهله بارض الاقفار

وشافوا.. لهم.. جولٍ تواقع طياره
وهــدوا.. عليهن. أشقــرٍ منه خمار

حرٍ. على. زرق الغلب. بـه سطـاره
الخرب. لا كوبر. غدا ريشه اطيـار

واكهف على اللي دورقت في حراره
وراحت. ضحيه بين مخلب ومنقار

و البال. راحــت. ضيقته وانحشاره
بشوف. الربيـع. اللي زها. فيه. نوار

مـع. خوة. الاخيــار. عنـدي. اتجاره
أربــح.. بهــا. ما هي. بدرهم ودينار

وصلوا... على اللي جاه وحيه بغاره
محمــد... المختار هــو سيد الابــرار

حسين بن عبيد الله هندي

[اللحالي]

من لايـقــدّر مـن يجيــه وعنـاله
اخطا. سمات.. الطيبين و جهلهـا

ومن لا يجازي. بالوفا من وفـاله
قصــر ولا رد. الجمايــل. لاهلهــا

ومن لاشترى ستره بغالي حلاله
يجيـه لوم. اللي على اللوم ولهـا

ومـن لارتكى.. للكايده باحتمـاله
مــاقيـل. شيـال الحمول وثقلهـا

و مـن رام للعليا بهـا الطيب نـاله
في همته. روس. العلالي وصلهـا

و من لاصبر. ماهو بكاسب جماله
الصبر.. مفتاح. الفرج في مثلهــا

و من لا يساعـد. لليميــن بشماله
مــاكل. شغـله. كايــده يشتغلهــا

ومن لا شرب من جمها في احباله
احبــال. غيــره مــا تــروّي بللهــا

ومن لا يدوس الراي فـي كل حاله
لايــامــن اخصامه وكثـرة احيلهـا

ومـن يتبــع المقفـين زايـد اهبـاله
ديــره بــدل ديــره ودارٍ بـــدلـهــا

ومن لا ذكر في خير لا جـا مجــاله
اكيــد.. مـاخـلف حسانـي عملهـــا

ومـن لاستشـارك صِـد مالك وماله
لوهي مشت بـه كوس والا عـدلها

ومن يستمـع فـي قـول نمـام قاله
انغـث بــالـه والاشــاعــه نــقلهــا

ومــن لايـهـذب بــالمـروّه عـيــاله
ما فـاد فعل اجدادهـم و مخولهــا

ومـن بــر فـي والديه يـا حي فاله
وصل الرحم. ماجور منهو وصلهـا

ومــن لاجتـهـد بـالديـن واعـزتـاله
دارٍ رحــل منــهـــا ودارٍ نـــزلـهــــا

حسين عبيدالله بن هندي

[اللحالي]

يا ما حلا مــع فجَّــة الصبح. دلَّه
والنار يسبق ضوهـا شعّــة النور

في مجلسٍ. مـن يدهـله. مـا يملّه
وسوالفٍ بين الرجـاجيل بـالدور

ان جاب. واحد. علم ذا منصتٍ لّه
مافيهم. اللي يقطع القيل ويثــور

صبح المطرباقي على الارض طلّه
ارض خباريهــا تقل صيفـة ابحور

وسحبٍ. على شبه. الجزيره. تعلّه
وكلٍ يقول القاع مِخْضِر وممطور

وادي الرمه يمشي و مثــله بَرَن لّه
وديـان يـرقى سيلهن. كـل عثـمور

والارض. خضــرا و النفــل فايحٍ لّه
ريحٍ غلب ريحه على جملة اعطور

فيــه ام سـالم تـرفـع. الصـوت. كلّه
قامت تهجرس صوتها فوق واحدور

وفيـهــا الزبيـدي يـا حلو فقعــةٍ لّه
زودٍ على طلع السهل شيف بالقور

ارضٍ بــراحٍ.. خــدهـا.. مسـمهــلّـه
تشوف مد الشوف من دون ناظور

ترعا. بهــا. حرش. العــراقيب. فَلّه
ماعندها. شبكٍ. ولاصوت. ماطور

مــافيــه. شبـكٍ بالمسا. يرجعن لّه
يرعن هَيَت حتى الصبي نَزَّل الكور

اليارْزِمَــن. اصغـارهـن. ارْزِمَـن لّه
حيرانِهن. معهــن. ولا فيه. مَقْهور

و معهن فحلهن لاخذن. ينظرن لّه
يتلي. عشايرهن سنامه تقل طور

شمّخ اذراهن. و الوبر جاء. محلّه
و بــر جـديـد و صارنـورٍ على نور

وضحٍ. كما. لون. البرد.. يشبهن لّه
يزهن. دباديبٍ. على الحلق مديور

الياشرقت شمس الضحى ناطحن لّه
وحـده.. تطـــق. بخفهـا. لبَّــة الزور

ثــم. وقفـن. لعيـالهـن. وعطـفـن لّه
وقـادن. على مشهاتهن. تقل طابور

وتسمّـعن. صـوت. المدوه. وجن لّه
لا شاف مرح اصغارهن صار مسرور

و صلوا على الهادي. على خير. ملّه
محمـــد. اللي. سنتـه خيـر دستــور

حسين عبيد الله بن هندي

[اللحالي]

راح. الشباب بعنفوانه وجـا الشيب‎
و حنا بسبـات احــلامنا مـا صحينا

ضاعت جميع اوقـاتنـا دون تر تيب ‎
كــن الحيــاه ومـوتهــا فـي يـدينــا

زماننا مـا يـدوم صـافـي مشاريـب ‎
يــامـا نـغصنـا بــه ويـامـا اهتـنينـا

دنيـا. انـكـابـدها كمـا عيشة الذيب ‎
يـــومٍ لنــا و ايــام تـبـقــى عليـنـــا

يـوم ضيـوف ويـوم فيهــا معازيب ‎
و عـن المقــدر.. بالقــلم مـا دريـنـا

نـطـرد. وراهـا والمقـدر مــواهيـب ‎
لو الطـمـع.. لحـطـامـهـــا مبتـليـنـا

ولا حاصل الا ماكتب عالم الغيب ‎
سبحــانه اللي عـادل الحكم فيـنـا

متكفــلٍ بـالرزق يــاتـي مكـاتيــب ‎
واليا حصــل كنـز القناعـه رضينــا

وحنا بـهـالدنيــا نحـث المنـاجيب ‎
يــومٍ ولـيــلٍ والـفـنـا مـقـتــفـينــا

والعبد مهما صار ماينطح مصيب ‎
واللي كتـب بـاللوح يـاتي يـقـينــا

وياطالب. العليا عن النقد والعيب ‎
شمر لطــاعــة خــالقـك واستعينـا

طيعه. ولح الخـالقـك بـالمطـاليـب ‎
يــغــفــر. ذنــوبٍ للبنـادم رهـيــنــا

ربٍ سميـع إلداعي العبـد ومجيب ‎
رب رؤوف بــرحـمتـه يــحـتـويـنــا

يجـازي الحسنات باحسان ويثيـب
‏ ‎وخيـر الجـزا لعبـاده الصــالحـينـا

ذا قول من شاف الحقيقه بلا ريب
‏‎والعِــرف ما يعرض على العــارفينا

حسين عبيدالله بن هندي

[اللحالي]

مشي القدم. متعه على جرة السيل
‎وسوق. النظر بربوع نجـد. العذيــه

اليا كسا. النبت. الوطا والغراميــل
‎وصاح النبات. بكل فيضـــه مريــه

مـا فيـه. لا جـره ولا صـوت تمبيـل
‎مــا فيـه غيــر الصيــد ديره خليـه

قفريــةٍ. للصيــد. فيهـــا مداهيـــل
‎مــا ذيــــروه محـوشيــن الرعيـــه

و تشوف بـالمنشـى مـزونٍ مقابيل
‎تسمــع. رعــد وبـروقـهـا عقــربيـه

وتطلقن. مــن غـر مزنه همــــاليـل
‎تمطـــر مقـاديمـه و بالخـلف زيــه

يسوقـــه البـاري بحكـمـه وتمهيـل
‎ وســـال الشعيب ودق يمـه شغيه

ثـم اتبعه. ديــمٍ. مواصل هاك الليل
‎حتى ارتفاع الشمس وقت اضحويه

وراجت. به الخلفات عند المخاليل
‎وارتع طيـاح الذود بــــارضٍ عذيـه

وزان الحليب. من البكـــار المباهيل
‎اللـي رعـــن. ربــله وصمعـا طريــه

من بعد ذا طـاب. السمَر والتـعـاليل
‎مــع مــن يـحفظ سلومنــا الاوليــه

مــع دلةٍ يسوق. فيـهـا شذى الهيــل
‎فــاحت وتـفهق عنـد جـال اللضيـه

يــاحـلو صبــة بـنــها بــالفنــاجيــل
‎ اشقــر وزايــد زعفــرانــه شـويـــه

كيــفٍ يـقــدم للرجــال المشـاكيــل
‎شــرواكم كفـو العـــود والشــاذليــه

حسين عبيد الله بن هندي

[اللحالي]

يـازيـن سج القــدم بــارضٍ خـلاويّـــه
صبح المطر شارقه شمس الضحى فيها

قفرٍ سـقــا عشبهــا ودَّان وسميّــه
شعبــانـهــا سايله مليـا خباريهـــا

تشابك أزهــارهــا بالوان زهريّـــه
و ازهــار متفتّحه صعبٍ تـحلّيهــا

بـالوانـهــا الزاهيـه الارض مكسيّه
واحات خضراء سهَلها مع روابيهـا

متخــالطٍ نبتهـا واعبـاق عطـريّـه
ريح النفل والخزامى في محانيها

الصيد. يلقى بـهــا ماهي بمحميّه
غزلانهـــا والأرانب مــع حباريهــا

و الطيـر فـي هدتـه متعه الراعيّه
اليـا نثـر ريشهـا وادمى ثناديـهــا

تـجــولي بـالطبيـعه راحـــةٍ. ليّــه
و النفس. شيٍ تريــده ما يعنيـهــا

رحله في البر لي غايــه ضروريّــه
وروحي .ترى البر غايتها وامانيهـا

أنا حسب .رغبتي سيّرْت رجليّــه
وكلٍ...على رغبتـه رجله يمشّيهــا

وسج القدم بالوسيعه روحه وجيّه
عــــلاج. روحٍ أدلّههَّـــا واسليــهــا

لصار معيه شــغاميــمٍ سنـافيّـــه
دايم على الطايله تسموا هقاويها

يـازيــن مجـلاسنا بـالديره الحيّـه
مـع شبـة النــار قهوتنـا نسويـهــا

العمر.. لذة طراتــه فـي مشـاهيّه
و النفس تواقـةٍ تتبع مشــاهيهــا

والرجم لامن رقيت وجيت عاليّه
يرجّع الذاكره وتجيب مــا ضيهـا

عمــار لايامنـا الحلوه وطــاريّـــه
أيامنا. الماضيـه مانــي بناسيهــا

تـرى الفتى لا تـذكَّر دور مـاضيّـه
يفح فحـات ما يقـــدر يخفِّيهـــا

واليا ذكر موقفـه صبحٍـ وعصريّـه
يعيش جوٍ مـع الذكرى وطاريهـا

واليا ذكر مــاضيٍ لّه عض لشفيّـه
و العين. قامت تعبّر فــي عباريهـا

وصــلاة ربـي ختـامـة كل قافيّــه
على نبي البشـر للخيــر داعيــهـــا

حسين عبيد الله بن هندي

[اللحالي]

من مفـردات. القيــل. نكتب مباحه
و عساه. من معناه ما يصير عاري

يصيـر له بــالقيل قــدر و رجاحـه
وعــلاج. للي جــاريٍ. له. جـــواري

التجربــه. بـرهــان. ثابت. نجاحــه
و الخافي. الغامض يجيله. مواري

نومك على كوعك بـلا هــم راحــه
ويــعيّــفَـك لين المـخــده طـواري

و بعــدك عن اللي مــا توده. رباحه
و المكسب الطــيب خــويٍ مبــاري

اختـار. منهو. مخلصٍ فـي نصاحـه
تنصــاه.. بالشــده لحـل. العســاري

والا الردي لو يعجبـك بــاقتـراحـه
مـا له على جــزل المـواقف محاري

مثل سراب الصيف يجذب ضحاحه
واليـــا وصلتـه مــا لقيـته خبــاري

كم قانص بالطير يطلق ســراحــه
لا صار ما ينفع. بصيد. الحبـــاري

و الســر لافشيته ترى ذاك باحـــه
مــــروج. النمــه. كثيـــر الهــذاري

ببضاعة.. النمام كم شخص لاحـه
بــدل مشــارب صافيه بالعكــاري

و بعض الخطأ مـا ينتعالج جراحه
كلمة ردا من صـاحبٍ مـا يــداري

واسعى لرزقك في وسيع المساحه
ترى... التعب. عقبـاه جني الثمـاري

ترى. ركــود المــاء يذهب صلاحـه
الله فرق مــا بــين آســـن وجــاري

والطيــــر له راحــه برفة جناحـــه
ومضمون. رزق الكل من عند باري

والحظ. له قومات وإله انسداحـه
ومـــا قدره باريــه جــاله اجــباري

عطشـان لو يسقيك غيرك قراحــه
مــن كـف غيرك بـه مـلاح ومـراري

وفي ماتحوزه لايجي بك شفـاحـه
أشعب. لبس. ثوب المـذله حسـاري

حسين بن عبيد الله بن هندي

[اللحالي]

عــزَّاه.. يـا شـكَّاي.. فـقــد البــداوه
ومخومس الوسَّط كسوره كرايب

لا شيّـدت. مبنـاه. خطـو. البنــاوه
تـقــول حيـدٍ زم فـوق.. القطايب

في رفّتـه.. للضيف ظـل و حفـاوه
يُِكْرَم. بـها الرجـلي وراع الركايـب

والبن.. بالمحمـاس و النجر. مـاوه
و ادلال. مَجْذِيَّـــات. صفـرٍ. ربايب

ونـارٍ سنـاهـا. مـا فتِحْ. له. سمـاوه
وقودهـا.. عجــرم. وسمرٍ صـلايب

ذكّرتـني يـالقـرم.. وقــت. الطراوه
اليا زهـر.. الحـوذان. بين العشايب

وفاحت خزامى البر من عقب ناوه
كن بشذاهـا.. مـن عبقهـا. مطــايب

روضٍ. نفلهــا جـاء لريحــه نقــاوه
وعشبٍ تشابك بالفياض الخصايب

وخبـاريٍ. غيـر الثـغب والحســاوه
و العشب غاطي للسَّهل والجذايب

وفقــع. الزبيـدي تاجــده. بالنبـاوه
قفــرٍ سقى عشبه مــن الطل ذايب

وقــاد الحلال وراعي الذود خــاوه
وخذ بندقَك للصيد والكيف طايب

ورَكِّب هوائي فوق جيبـك وساوه
حتى تنــادي. للرجــال. الحبـــايب

وجنّب طمان الارض وارقا النزاوه
حتى النـداء يجيب. غيـر القـرايب

أغْدي. جروحك من شقـاها تشاوه
وشوف الطبيعه خيرطب وطبايب

لو إن بظــروف البـداوه. شـقــاوه
النفــس راحتهـــا تزيــل. التعايب

جـو البـداوه زين لو بـــه. قسـاوه
جــوّه.. مناسب لي لو بـه لهــايب

أحبهــا.. لـو كــان فيـهــا. عنــاوه
و كلٍ على مــاضيه شبٍ و شـايب

و البَــر. زين وفيه ونْس وهــداوه
وعن ضجَّة التكييف نسمة هبايب

و القلب. يا مشكاي. بالصبر. داوه
و مدبّــر. الإنسان. منش السحايب

و مما حصل.لَّك. حاصلِ لِّي عـلاوه
روابــــعٍ.. شـنَّت.. عــليَّــه حـرايـب

و كــلٍ بــذاكــرتــه.. ليـــالٍ حــلاوه
في وقت.. يذكر بـه حوالٍ عجـايب

زمان. شـح. العيـش و اللبس جـاوه
و مواصلات. الناس عوص النجايب

ما صَخّنن.. بالقيض.. لو هو حمـاوه
حيـــلٍ... اسمــانٍ. يلفخن الجنـايـب

وكلٍ بــدلوه... يــوم صـفــق الدلاوه
يسقي عرابى القود وخضر العسايب

و اليــوم. نشكـر منزل أحسن تـلاوه
اللي بســط. رزقـــه علينــا وهــايب

الواحـد.. اللـي مدتـه. فـي سـخـاوه
مـدَّات. جـوده. فـي كـرمهـا سكايب

حسين عبيدالله بن هندي

[اللحالي]

ﺷﺑﺎﺏ... ياللي. مـن. معـادن. ثميـنـه
أبنا.. الرجال.. أهل. التقى والشهامه

فيـكم... شبـابٍ.. تـفتــخـر. والدينـه
في سيرتـه. و ابوه.. مرفوع هـامـه

فيه... الحيا.. بحدود يعجبك دينــه
وعند المعلم... و العرب... له مقامه

يجلس.. بآداب ومشيته في سكينه
و اذا. تكلم.. مـاهـذر.. فـي كـلامـه

يسمع... كلام.. وينتقي. من سمينه
فطنٍ... مهذّب. و الشكاله.. إلجامـه

وحَّد واطاع. الرّب. مِجْر.. السفينه
و حريص بطاعة. والده و احترامه

و تثمر.. جهود.. ابــوه وتـقـر عينـه
باولاده... اللي طيبهم... هو مرامه

ﻭﺑﻌﺾ الشباب اليوم بنفوس شينه
لادين... ولا دنيا و فيــهــم رخامه

يـقـول.. فاهـم.. مـا يبا..نـاصحينه
ﻭ بـدّل.. نهـاره.. ليل واليوم نـامـه

و له. شــلةٍ... مـا ينفعـونـه. تهينـه
مريـض.. و الشلات.. زادوا هيامـه

تـلقـاه.. بــالحــاره.. يــدوّر. قـرينـه
اختار.. له قبُّـوع. و. خـلى. العمامه

وبـخـاخ.. بويــه. حامله. في يمينه
و يكتب على الجدران ذكرى غرامه

وعلى الرصيف إيقيف مواعدخدينه
بكره.. لبوه. يجيب. جوز الحمـامه

الباب.. له مفتـوح.. في مصرعينه
فلوسٍ. و سيــاره. و مـع السلامـه

وتسمع في الشارع فحيط المكينه
مع. داخن. التفحيــط. ثوّر عسامه

و الأجنبي تلقــاه. يعــرف رطينــه
وبالدين مايعْرف حلال و حـرامـه

و خطــرٍ للإدمـــان يبــقى رهيـنه
و ابوه. مــا تجــديه عضَّة ابهامـه

أهمل بعدل العُود في وقت. لينه
فــات الأوان ولايــفيــه قَـوامـه

وكلٍ يلاحظ ويـن موقـــف بنينه
وهو الحكم ويحط عنده علامـه

وصلوا على اللي هجرته للمدينه
موضّح الدين الحنيف ونـظــامه

حسين عبيدالله بن هندي

[اللحالي]

أنـا اتشرف في زيــارة. بعـض. نـاس
إن زارنـــا و إلا.نـــزوره..على طــول

و بعض العرب لوغيرهم مابه أوناس
لو. لزَّموا. يـدعــونني. قلت مشغـول

بعض التـودد. غير مبني. على ساس
ومن لايفرِّق. بالعرب. شخص معلول

و الرجل يعرف له مع الناس مجلاس
وتجـاربــه. تنبـيه. مــا كان مجهــول

والمــاكر العالي يجي فيــه. قـرنـاس
ويبــيّن. الرجــال وقفــات وافعــول

بـالعقـل يـفرق. للجواهـر. و الالماس
ويميــز القصديـر... من لمعــة اللول

لاصـار مـا بالراس تمييـز و احساس
الجسم. ما ينفع به العرض و الطول

بعد التـروّي. تفهـم .الناس. بقيـاس
و عرفك.لهم ريَّحك مع ذولك وذول

إختـر. رفيــقٍ طـيبٍ. يــرفــع الراس
طيبـه. طبيعـه. يشهد. الفعل. للقول

بعيد. شوحــه. كان للحبـل مسـاس
مفراص. ماص وكنه السيف مسلول

و معالي الأخــلاق. للرجــل نبــراس
واللي.. يروم. العـز ما الباب مقفول

والطيب وهبه واهبه مجر الانفاس
ولا شفت. له بالسوق. بايع ولا زول

والمال. عــونٍٍ. لك. على قوة الباس
إيـــاك. و التبذيــر. و الكف. مغلول

والرزق. من عند الولي ربح وافلاس
ما جيب. بـالقوه. ولا حيـلة..ازحول

ولا ظن بالهيِّن كسب شخص نوماس
درب.. العلا صعــود. ما ينـزل انزول

قمٌـه. مــراقيــهــا..تـملَّس..تـمــلاس
والحــر. جنـحانــه. تــرقِّيــه لتــلول

وكلٍ بعقله. لابس. الدرع و الطـاس
لو ما.رضا بالمـال. و الرزق. مكفول

و بعض العرب. ما همه. إلا التبلاس
دايم. على غرات. الاجواد. مجبــول

ما شاف إعيوبٍ فيه ويطب ماقاس
و يشوف عيب الناس بعيونه الحُول

شمعـــة. نهـار. مــا تنـور.. بـالادماس
سراب. صيف. ما لقي فيه. محصول

تراه. مـا ينفعك . منه اقطــع اليــاس
كفه .مع .أهل المجد قاصر ومشلول

ومن قال أنا الكامل به الفكر منحاس
لو كان..قـوله صدق فـالقـول مملول

تــم ..الكـلام اللي كتبــته بقـرطــاس
و عســاه. للقـــارئ.مفيــدٍ ومقبــول

و صـلاة. ربـي. عـد ذرات الاطعـاس
علـى. نـبـي. ســنـتـه.خـــيـر دالـول

حسين عبيدالله بن هندي

[اللحالي]

بـديت.. بســــم الله و الحمــد لله
الواحـد. اللي معتلي.. بالصفـاتي

مكــرِّم. الإنسان بـالعقـل. يقــداه
يــفـرق. خبائثـهــا. مـن الطيباتي

أستغفر. الله لا شــماتـه..لمن تـاه
رهينــة.. الادمــان.. لمخــدراتــي

استعمل. كبتاجون. لين. انه انهاه
حتى حنوكه. هـرقلن. مرجفـاتـي

وبدا. ضمور. المخ. من سمٍ اسقاه
وسوس وهلوس والعضا ناحلاتي

سهروصداع أوّسْعَت أحداق عيناه
و تحسسن. بالضـوء و محمـراتـي

سِبة. سمــومٍ. من هل الشر مهداه
اســلاح. فتــاكٍ لهــدم. الحيـاتــي

ما اسكر كثيــره بالأدله. عــرفنـاه
حــرم قليله في صحيــح الرواتي

أم الخبـائـث. شـر لو غِيّـر اسمـاه
لو قــيل باور قلت مامـن حـلاتي

بلاك. مع شيـفاز مـا قيــل. قــلناه
وسكي وجنويكر مـن المسكراتي

وشمه. من الهروين. تتلف خلاياه
اليا فقــدها. صـار. خبــلٍ يــهـاتي

مفتاحه التدخين هو ساس مبداه
أبكات. و الا جــراك و مــعســلاتي

ولو أبهج الحشيش يثّر على اقواه
ويبــدد. الاحســاس. فقــدان ذاتي

وجاه. المروج. قال الأفيون جبناه
خــوذه. هديــه. مـا نبــيله جـزاتي

وادمن. عليه. ولا يبدي على اشراه
والعيلته. ما جاب. مصـرف. بتاتـي

وباع القرمبع صاريمشي على حذاه
والبيت بــالأجــار والقســط فــاتي

خسران حال ومال والدين ماشقاه
سـايـع وضايع عـن طريـق النجاتي

لازود فــي دنيـاه ولا اجـرٍ تـرجـاه
خسران فـي دنيـاه و بعد الممـاتي

واليا حضر سبب مشاكل مع ابناه
وقــام يتهــدد زوجتــه والبنـاتـي

وآخر مصيره عمبرالسجن مـأواه
مـا يطــلع. إلا للمصحــه ويــاتـي

يــالله لا تبــلى صــديــقٍ إبـّـلواه
آمين يـالمعبــود. تقــبـل دعــاتي

أوصيك يا سامـع كلامي وتقـراه
أقـلع و بـادر لا يفوت. الفــواتــي

ثـم. اتعظ في ما حصل لا تناساه
سيرة هل الإدمـان فيـها. عضاتي

ارفع مقامك عن هل الشر وانحاه
جنب. دعـاة السوء بكل الجهاتـي

حسين عبيدالله بن هندي

[اللحالي]

رقـي..الطويـل أُووقفـةٍ فوق. راسه
لو هــو. وعــر مـرقــاه. ليّه.يسـلي

كني خفيــر. امـلازمـه. بــالحراسـه
ورجمه كنب. عندي و مفروش زلي

وسوق النظر من فوق راسه وناسه
حيثه. يــذكـــرني ليـالٍ. مضــن لّي

فــي قمته.. يزيـــد راسي احساسه
وانــا بـخيــر. وراقْيَــه. رغبــةٍ لــّي

وفي مرقبـه جـن البيوت. بسلاسـه
وسجلتهن. بالبوك. يوم اعرضن لّي

وسقت النظربأطلال ماشوف ناسه
مــاكنهــم. داجــوا وعــدَّوا محـلي

ياقلب. هــوّد لايجي بــك شراســه
أشوف و اغضي والمسايــف يزلي

واخذت من ماضي حياتي ادراسـه
ومــن التجــارب كل شي امتجـلي

أرفــع. مقــام النفس عــن الدناسه
واشوم عن بعض المجالس واخلي

مــا ينبني بيتٍ على جــرف ساسه
وساسٍ. على درب المسايــل يهِلي

عِشرة زمــان اليـوم فيهـا إنتكاسه
إنكار. الجميل اليــوم بالبعض حلي

وقت. الرخا الخلان فيهم حمـاسه
والأغـلبـيـه.. بــاللـوازم إيـــــولــي

والجوهـره ماهيب صاج النحاسه
كــل على شـكلـه. مــواري. تــدلي

مــا كل. ما يلمع. بعينيك مــاســه
سمّـي. على الرمــان. رمــان بـلي

وقربـك. من الأنـذال فيه التعاسه
لو هــو. ربــع سـاعـه لزومٍ تـملي

حسود.. حقـود وتـقـرع اضراســه
مدحي يغيضه لين يرجع.. إبـذلي

لا ضاع.. لي إذهوب عند الهداسه
و لا اريــد. من حقــه ولا ربع ملي

حل الجشع. محل. ميــزه وبــاسه
وعن واجبـه بـين الرجال إمتخلي

كبده على اهل الطيب فيها يباسه
يحْسِد.. على النعمه وقلبـه امغلي

لو أطـلق.. اللحيــه وقصَّـــر لباسـه
يبــوق. جــــاره لو رأيـتــه يـصـلي

وانا الخطأ مارضى منه وزن حاسه
و أيضا.. المقفِّـي. ماتبـعه عـادتلي

وصلوا.. على اللي ما بدينه هساسه
محمــد... اللي. سنتــه منهــــجٍ لـّي

حسين عبيدالله بن هندي

[اللحالي]

في بلد ساق؟
قصيدة في مناسبة حفل اقامه الشيخ سعود بن عبدالله ابن ناقي في مركز ساق
على شرف سمو الامير فيصل بن مشعل بن عبدالعزيز آل سعود

يـا مرحبــا.. عداد.. وبــل الغمـــامـه
يـا مرحبـا .مـع. ازرق العـود. تنسـاق

بـالفيصـلي راع...الوفـاء و الكـرامـه
باسم. بن ناقي. مرحبا في بلد. سـاق

ابـــو. فهـــد. يكــرره..بـــاحتــرامـه
بفيصل و باصحابه.. لهم جد مشتاق

سمو فيصــل.. يا هــلا فـي.. مقـامه
نايب.. سميــه. بالوفـاء جـل عمـلاق

نايب... قيـــادي..للقصيـــم و نظامه
عنده... طموح... المنتدى العز عشاق

سمو... فيصــل. مـن رجال الشهـامـه
نبع. الوفا عرب النسب عذب الاخلاق

دكتـــور. عــلم. بهمتــه. و.اهتــمـامه
يسمو. رفيـع. الذوق. فـي كل الاذواق

ابــوه واجــداده. رجــال. الزعــامـــه
اللي مكارمهــم. جـديــدات و اعتــاق

سعود. له. بــالمجـــد. رمز و عــلامـه
صقــر. الجــزيـٌره. سلمه. كل ميثــاق

و عبد العزيز. المجــد راقي.. سنـامه
الليث. أخو. نـوره. صعـد كل الآفــاق

بــدرٍ سـطـع. نــوره و جلّى. ظــلامـه
بـالحق. هو و السيـف. بتــار.الاعنـاق

أخــذ ثــلاث. عقــود. عـجلٍ. همـامـه
حتى. خضعت. له والعلم. فوق خفاق

وســادت. أو وطّـدْهـا وحقق. مـرامـه
والشعب أطاع وصاروا أحباب وارفاق

و بـعـده انـجــاله طـوعـوا كل. هـامـه
هــم حـرزهـا هـم درعـهـا سور ورواق

و ابـو متعب و الشـعب زاد. ألتحــامه
ملك. قلوب. الشعب. تـوفيـق ووفــاق

ملك.. حكيــم.. الرأي صــايب كـلامـه
للخيـــر.. مـفتـــاحٍ و للشــر مـغـــلاق

ابــو. اليتــامى. دمعتـه و ابـتســامــه
بــدّل.. لعتــمـة. جـوهــم نور واشراق

عز. الضعيف. اللي طنا. الوقت ضـامه
عجــل . الاغــاثه و قتهـا جزل الانفاق

وسلطان.. سلطان .الخير علق وسـامه
الله أعطاه.. الطيب من طيب الاعماق

الكل. عليــــاء دوم. يـكـرب احــزامــه
وتــكـرم ..يدينـه لجـدبت جـل الارزاق

حكامنــا.. غيث الوطــن والجـهــامــه
درع.. وطنـــا..فـي عنــاهـا والارهــاق

آل. سـعــود. مشيـــديـن. اليــمـــامــه
اللي حمـــوهــا يـوم.. نشفات الاريـاق

لهم الولاء من حـرب اليــوم القيــامـه
نجـــدد. البيـعـه ومخــذول مــن بــاق

ضــد الإرهــاب. بكل حــزم وصـرامــه
ضـد. الذي وسوس له ابليـس وانعــاق

و تبت يــد الإرهــاب وأوشك عـدامــه
والأمــن ســاد ولاش به حرب وشقـاق

وتـــحيــــة مني بـشـعـــري ختــامـــه
وارج السمــوحه كان بــه قـول مـالاق

وصـــلاة ربـي. واجبـــه مـع سـلامـــه
عـلى. مـحمـــد. عـــد مـــا لاح بــــراق

حسين عبيدالله بن هندي

[اللحالي]

ياعيال أبهديكم. نصيحة وترشيد
عسى بها . تلقون. بعض الافـــاده

مما طرالي. يـوم جني..مــواريــد
نقيت. من ما جــاز لي من اجداده

العلم. نور ويـرفـــع العبــد و يفيد
وجَهْلَك. ظلام . ونزَّل الجهْل ساده

العلم. نـور وفيـــه للفكــر..تــزويد
كلٍ تـمنى .. له حصيـــله. ابمـــاده

ومن قـام. بالتعليم مشكور..وازيد
للّي. بذل.. للعـــلم. كل. اجتهـــاده

ومن جد. من مبداه ينجح. بتأكيد
ومن لا يبالي.. راح بليا استفـــاده

ومن لاجتهدخسران والعامه إيعيد
وغيـره.. مجـد ونسبته بالزيـــاده

واوصي شباب اليوم عبر الأناشيد
في طاعـة.. الله والتقى خير زاده

نربأ بكم. تحذيـر بعض.. التقـاليد
عن ما يعيب النفس خوذوا حياده

حذرا رفيـق. يلحَقَك منه.. تسويد
اللى دروبــه. عــوج ماهن قصاده

ترى جليس السوء ساس المناقيد
ومن صاحب. الأنذال. تايه رشاده

عـن المخـــدر. نبتـــعد. يالأواليـد
اللي يعــرّض. صـاحبـــه للإبــاده

ذعف. السموم يدمِّر الجسم ويبيد
و تجرّعَك. للســـم. مـــا به سعاده

السم. الأبيض من هَل الشر توريد
و اللي يذوق. السم فالسم جــاده

مفتاحه التدخين تدريـــج. برويد
واليا وصل للـــزيـت ولَّع. إزنــاده

و من صار للإدمان ملكٍ و تهـديـد
ما تنـفعه. جرعات طــب العياده

والوالدين اعطف عليهم...ابتوديد
بـرك . لهـم ساعـة كبرهــم اعبـاده

إفرش لهم.ردنك وقايه عن الحيد
رد ..الجميل.. إبما حصل. بـالمهاده

تكسب رضا اللي يفني الخلق ويعيد
ويبر.. فيك..أبْنَـاكْ وتجني حصـاده

وحذرا. عن اللي بالقفا. له.. ملا كيد
تقول... صدق إن جابـهـا. في ركاده

بين. الأحبـــه. شبّـــها. دون.. تقيـيد
بَدّل. صفـــا. ولف. الأحبـــه. نـكاده

حب النمايم مهنته.. قاطِــع.. السيد
مـــروج... النمـــه. ضعيـــف الاراده

وحب الوطن واجب ودحر. النماريد
شنـــوا. عليهم. حرب. مـابـه. هواده

في ظـل. منهو. وسَّع. البيت. تشْييد
فهـــد. نهض. للمــجد. رفعة. ابـلاده

وولي عهـــده نـال.. بــالرأي.. تأيـيد
أجمــع. على رأيـــه.. جماهيـر قـاده

و النايب الثاني عن الصعب ما يحيد
في حال.. غيث وحال يخشى عناده

و صلوا. على اللي بدل الشرك توحيد
اعــداد.. مـا خط. القــلم مـن مـداده

حسين عبيدالله بن هندي

[اللحالي]

قــالوا. تجــمل قلت ماهن قلايـــل
والوقــت. هــذا. فيــه لمعنت تلهـا

بعد. الجمايـل. ناس تجزي بـدايـل
تقطع . رحم ومواصلة من وصلهـا

لوكنت..صافي له بشتى الوسايـل
وتسقيه. شهـدٍ. مـن خلايـا نحلهــا

ولاينفـع. المعــروف. ناسٍ. هبايــل
سبخـا. بهـا. طــرفـا و مـلحٍ يثـلهــا

هوبـج. مقره. بــالثغــب و الثيايــل
ورجــال. بـالتلقيـح. لوهـو. عفلهــا

وشـوك. القلوب. يحركه قـول قايل
ويجزى على جنس العمل من عملها

وجسر. الصداقـه كان ساسه تهايـل
مثــل. الزجــاجـه. ما يلحّـم خللهـا

حب. المصـالح عند الاوباش هايل
تنسى. خجلهـا يوم تنصب إحيلهـا

ونواجــذٍ. تضحك بهـا السم كايــل
طبـع. الثعــل له روغـةٍ في دغلهــا

استثني. اللي بـه حميـد الخصايـل
كل. الصفات. الفاضــلات. إنتحلهـا

و الأصمعي مــا ينشبك. بالحبايــل
يعــرف. مسيـره سكته مـا جهـلهــا

الناس. مثــل. الناس لولا الفعــايــل
الدوم. يثمــر و الرطــب في نخلهــا

الدم واحــد. ميـر شتى الفصــايــل
وصاف الذهب ما ينصرف في هللها

تبقـى. الثقـه. بـالنفس والشك زايـل
وزود. الوســاقــه. يحتمـلهـا جملهــا

حسين عبيدالله بن هندي

[اللحالي]

‏ياحسين هات الامر اصدر قراره
‏وبشر بـ عزك لو لنا مقدريه

‏الشاعر اللي يمتعك في حواره
‏نشان قافه طلقة البندقيه

‏الشعر مخذناه سلف و ستعاره
‏فـ القايله يغدي لنا مثل فيّه

‏نركبه من مفردات العباره
‏نصف قافه مثل صف السريه

‏الشعر عندي فلسفه مع اثاره
‏والورّد باقه ،، لفها من يديه
محمد الجبيري

حي الحروف.. وحي راع العبـاره
اللي.. زهمنـي.. بـالبيــوت العذيه

اشــاد. بـي و حطني. بـالصــداره
و هــذي طبيعه بالرجــال الوفيه

الشـاعر محمــد.. يعسف امهــاره
سـاس. الكحيـله و اعتلى بالعبيه

وبنات فكـره صـاغهـن بـاختيـاره
يلعب على المسحوب والسامريه

متفلسفٍ بــالقــاف تـاره وتـــاره
يفتل... و ينقض...فيه ميه ابميه

كفـو الجبيرى للوفـاء شب نــاره
مجهـــز الفـنـجــال والشـاذليـــه

#حسين_بن_هندي

[اللحالي]

قصيدة من الشاعر حنس بن سلمان الطويلعي العنزي

البارحه ياحسين مـاجاني النـوم
والقلب كنــه ينشوي وسـط مله

صبري نفذ ماعاد باقي ولا يــوم
وياحسين يمكن ينفذ الصبر كله

مادام عبدالله في الظلم محكوم
يــاصبر عبـدالله. على مـاحصـله

ماله خصم ياحسين بين ومعلوم
خصمه خفي ياحسين وشلون ادله

بالظلم سوو له سواليــف وعـلوم
ومجنـبيـن الحـق يـاحسـيـن كـله

لادانتــه وضعـه مرتب ومرســوم
واللي تديـر الوضع يـاحسين شله

يابوعبـــدالله يــازبن كل مضيـوم
يــاحسين .عيــوا يــقبــلون الادله

يبون راس الذيب والوضع مفهوم
والذيب..مـاتـرضى عليـه المـــذله

ذيب عنزه عن الرديات محشــوم
وفعـــله يبين ماكتب في سجـــله

والطير لو هو بالسما يدرج الحوم
ينــزل على اللي ربــنــا كاتــب له

ياحسين عطنا الراي ياخيرة القوم
رايك يـابن هنـدي وانـا مصغي له

حنس سلمان العنزي


عزاه يـا طـرفٍ مـن النـوم محروم
والموق واطرف الجفون اشبهن له

ولايلام منهو يشكي السهـر مكلوم
معذور .لوصــار .السهــر عــادةٍ لـه

جالك يابـو نادر هواجيس وهمـوم
والجمـر يحـرق فـي قدم واطيٍ له

ولاهوب ضعفٍ فيك للمجد زيـزوم
لكن نـظــام اقيادتـــك.خـاضــعٍ لـه

حنس بـن سلمـان. قــرمٍ و شغمـوم
مـن روس السعيدان نجــومٍ. مطـله

اجهدت. في مسعاك ما يلحقك لوم
ومثلك كفـو في ما قفـك محتـمٍ لـه

و عبدالله اللي صـار له شي مقسوم
مــن الله المـعبــود و مـســجـلٍ. لـه

بــالظـلم. حطـوا له ادانـات وعلـوم
حرّف. بهـا اللي مـا يـهـــاب المظله

هذا القدر يمشي على العبد محتوم
المـؤمــن يــؤمــن فيــه ومســلمٍ له

والسجن كم واحد دخل فيه مظلوم
يـوسـف ولد. يعقـوب قبله دخـل له

وراع الصبـر مـاجـور ويـزيـد بعـزوم
الله امــــر راعـيــــه ومــبــشـــرٍ لــه

وحقك عليـه يـابيض الوجـه ملزوم
آمـر وانــا اللي تــامــره طــايــعٍ لـه

حسين عبيدالله بن هندي

[اللحالي]

VZzGwefxbS0

[اللحالي]

قصيدة لوالدي الشاعر
عبيدالله بن محمد ابن هندي رحمه الله
ويليها الرد من حسين بن عبيدالله

يــا راكب.. اللي طـالعٍ عقب تـمريــن
أشهب.. مـن لون الأرض هـذاك لونـه

يــعـلم. على الميـه فـوق الثمـانــين
يبي يـطيــر وبــالقــدم يــمنــعونـــه

يمشي على القاسي ويمشي على اللين
همــلول. صيـــفٍ والبــرد بـه نمونــه

منــوة سـجـينٍ غــايـبٍ لّه زمــانــين
فيــه الحديــد وصكوا البــاب دونــه

نبي لنــا تــفـريـجـــةٍ بــالحــرميــــن
وسبعــة أشــواط نـعدهـن في ركونـه

ركابـتـــه خمسـه وسـواقــــه حسـين
والروض اخضــر والكمــا يجمعونـــه

واحــد جلس قـاضي والخصم لثنـين
واللي فصــل بــالحق مــاله مهــونــه

عيني. شكت قـلبي وقلبي شكا العــين
و العيـــن عيــا يمسك الدمــع نــونــه

دنـــا الرحيــل و عـدّة العمــر سبــعين
حــت. الورق والعــود يبسـت غصونـه

لابــد له مــن يــومٍ يقضى بــه الديــن
ويــعــلّق الميــزان تحســب اديــونــه

وخشمه على الجال وظهره على الطين
لو هــو وزيــن الروح مـا يــرحـمـونــه

هـلوا.. عليــه.. التـرْب شـمـال ويـميـن
لا يجيبهـم.. بــالصوت و لا يـكالمـونـه!

عبيدالله بن محمد بن هندي

رد الشاعر / حسين بن عبيدالله
على والده بهذه القصيدة

ياراكب اللي جـاهـز وفـــل بنــزيـــن
جمسٍــ. جديــد ومصنـعـه يضمنونـه

آخـر مـديــل السوبر الزيــن لونــين
مثــله لحــزات السـفــر يـشـتـرونــه

دليلتــه يركب عــن السايـــق ايمين
أبــو حســين بــدربـهــــم يسألونــه

فـي وقتـه المـاضي خبيـرٍ وذالحيـن
تجاربـه تضـفي على الصعب هونــه

توجهوا من ركبوا الجمــس مــاشين
يـــم الذي بـقلوبــهـــــم يـرغبـونــه

بـعــد..المديــنه يــم مكــه ملبيــن
طــافـوا وآخـر نسكهـــم يَـحْلقونـه

ومشواإلى الطائف ولاهم بعجلين
مــع الهـدا طــريقهــم. يَعْرِفــونــه

حيث الشفا ممطور والجو بــه زين
واللي تبي انـفوسـهـــم يطلبــونــه

اسبــوع و قــالوا للسّفر مستعدين
نجــدٍ بــهـا ذكر المطر يسمعونــه

ومشوا على الصمان ماهم سريعين
حيث الزبيدي عنــدهــم يلقطونـه

و شبـه الجزيره ربعت كالبسـاتـين
نــاقــع مطرهــا ويـتـراكـم مزونــه

و ساعة فرح عندي تساوي ملايين
ورزقي على اللي معْتلي فـوق كَونه

و الآدمي.. منشاه مـن لازب الطين
و آخر مصِيــره بـالثـرى يـدفنـونـه

يــا منــزلٍ طـــه وعـــم ويــاسـين
يــاللي عبــاده كلـهـــم يـرتجـونــه

تـجعــل لنــا منــزال عنــد النبيّين
فــي جنــةٍ وعـدتـهــم يــدخلونــه

وصلوا على اللي بلَّغ الناس بالدين
محمـــد اللي بــالنــداء يــرفعونــه

حسين عبيدالله بن هندي

[اللحالي]

مرّت.. بي .الصدفه على الجـابـريّـه
وليّه.. بـهـا. تـذكار مـاضي ومـزمـن

اسنين.. راحت.ظرف صبح وعشيّه
مـايـنلحـق.. مــافـات. بيّــام راحـن

دنـيــاً..تقلّب.. بيــن شمسٍ وفـيّـــه
هذاك.. تضحك. له. و ألذاك. تطْحـن

والنـاس. كلٍ. ضــاربٍ صـوب نـيّــه
وللي.. كتــب. مــولاه رجليـه يمشن

و أخـذبـي. الهــاجوس نوبـه قويّــه
وخـلاني. انظم. من قصيـدي ودوّن

و اكتب. مـن الأشعـار مـاطـاب ليّــه
ومتـذوِّق.. الأشعــار يحـكم.عليهــن

إرشيــف.. ذاكرتـي يـنـكِّـــد علـيّـــه
أيّـــام كـالأَحـــلام يــــوم. اتـفطـــن

و فـي مـوقفـي ذكـرت.. هـذا وذيّــه
واشــوف رســم اطـلال سامد وباين

ويـن البيــار؟ اللي بـقـا بـعض طيّــه
أُوو ين الذي شيَّد مـن الطين مَسْكن

سامد جبــاهـا مـاتجيـــهــا الضميَّـه
ولا يــمهــا حِـــم الذرا قـيـــل ورْدَن

مــا كنّــهــا وردَتْ عليــهـــا الرعيّـــه
ولاحَــزْوَرْ الْجَـهَــام فَــوقَــه وعطّــن

ولا شــرَّعَـن بَـالحَـوض عنـد الركيّـه
ولانـفّضَــن لِلْحِيّــهِـن يَـــوم رويـــن

ومـقــامهــا مـرْكـوز تزْعَــب ادليّـــه
يَسْنــا جمَلْهــن ليـن رويــن وقــادن

هـي مدهـل البـدوان ديــره. مريّــه
وان حـان وقت القيض تِنْزَلْ وتقْطَن

وهـي صنـدل. المعروف. بالجاهليّه
اللي بـهــا جَسَّـاس. لكليــب يطعـن

وعـلى حَجَـــرْهــا كاتبٍ لّه وصـيّــه
بــدمه ثـلاث اسطور ماعـاد يمحـن

وشــامت لابن حمـاد ساعة مجــيّه
نعمَــين ابـو سـاجـر ولا فيـه يـكفن

راعـي. هـــلا هي عادتـه بالتحــيّـه
في مجلسٍ. تلقـا بـه الطيب والبـن

مبـرّك المفــرود. وســط. الصـنـيَّـه
صيَــانْيه. لولا الحــلق مــا يشــالن

غــزاي. سـاس الطيب ميّـه بـميّــه
اجنيه ابو سيفين مَا يقــاس بَـالْيَنْ

اطلب له التوفيـق مـن صـدْق نـيّه
واقــول لَلأمَـــام مــن زَيْــنْ بَـازْيَنْ

هـذا جـوابي و اسمحـوا بالخطـيّه
الكامل. اللي خـالق الإنـس والجن

و صــلاة ربـي عـد. ما نفس حـيّـه
عــلى نـبيٍ ســر بــالديــن واعــلن

حسين عبيدالله بن هندي

[اللحالي]

قصيدة موجهه للشاعر لافي جراد الشراري

ياصرت في ضيقه وعندك ظروفي ‎
ودّك. خويك. طيّـــبٍ مثل لافـــي

هداج تيمـاء مـن زمـان امعروفي
‏ ‎لوكثرت. ادليّـــه. ترا ماه صافــي

اليا طلبت. الحق.للحــق. يوفـــي ‎
يرجح لك الميزان يعطــيك وافي

مـع الخوي له دور بارز. عطـوفـي ‎
وعجزت أعبر عن جميلــه بقـافي

شبل من الأشبـال رجلٍ. عـروفـي ‎
من خيرة الاجواد شــهـمٍ سنـافي

الحر. الاشقـر والمخـالب اعكوفي ‎
اليا نهّض. الجنحان صاد المقافي

انااشهد. انــك. يالشـــراري رؤفي ‎
و اللي نصا شرواك ما به اخلافي

لافـي جراد القرم شوق الهنـوفي ‎
بنت الرجــال اللي تشيد الرفافي

اليا جيت. بيته مدهلٍ للضيوفـي ‎
ذولا. مقــابــيــلٍ و ذولا مقــافـي

يامـا ذبـح من حايلٍ مع خـروفي
‏‎غني عن التعريف وفعله إيشافي

من لابة. تروي احـداد السيـوفـي ‎
من فوق طوعات اسباق اخفافي

حمــايــةٍ للذود لو كان خـــوفــي
‏ ‎وحـلابــةٍ لادرار حــم الشعافـــي

‏‎حسين عبيد الله بن هندي السليمي


رد : لافي جراد الشراري

غــرّ المزون.. المرزمات. القنوفـي ‎
غـــرّاً بعارضهــن. رفيفه. كشافـي

فيهـن. على كل. المراديم. نوفــي ‎
جنوب. ينحـاهن. رعدهن مقـافي

يسوقهـن. رب. العبــاد. العطـوفي ‎
عزيـــز. أمـره. بين نــون وكافــي

ضحضاحهن يبهج نظرمن يشوفي ‎
بــالخير. كله. مثقـــلات خفــافـي

تــروي. ثمـر دار ثمرهــا معروفـي ‎
طيب الرجال اللي بالامجاد وافي

دار على أهلها.. ضميري. شغوفـي ‎
شفق.. لها مير الخفــايا عجــافـي

اقولهــا و كل. الخـلايـــق وقوفـي ‎
هــم. حلفنـا. بالمثـقله والعــوافي

بني. سليـم. معدلين..الصفوفــي ‎
لاصـار فـي سبر الزمان انـحرافي

واخص. ابن هندي. ندي الكفوفي
‏‎ عوق الخصيم وبالمواجيب نافي

من حرب ستر منقضات الغدوفي ‎
لابان بالموقف. نشب واختــلافي

رفيـق. ليّه بـالزمـان الشفــوفــي ‎
يفعـل لياقصر عن الجود هــافي

حسين عبيدالله جميل الحروفي ‎
جاني منه. من نقوة القيل قـافي

مثايل منهـــا الهـــزيل محذوفي ‎
على النقا. ترق مــن النوم غافي

حياك. ربي يالفطين. العـــروفي ‎
أقول. لو القول. ماهــو بكافــي

لبيــه. لادنق كثيـــر الحســوفي ‎
هيس الرجال اللي من الجودهافي

أنا معك. في مــاتــراه وتشوفي ‎
طول الزمـن والحر لاقال يــافي

وصلاة ربي. ماختلفن الوصوفي ‎
عد. العبـاد و عـد رمـل السوافي

على رسول الله رحيــم. رؤوفي ‎
المصطفى في طاعـة. الله. نافي ‎

لافي جراد الحروب الشراري

[اللحالي]

(( ابيات ومناسبتها ))
سكنت في محافظة طبرجل سنه برفقة ابنتي المعلمه وبعد رحيلنا ونقلنا من طبرجل إلى القصيم كتبت هذه الابيات تعبيراً عن مشاعري تجاه (( قبيلة الشرارات شرارات الكرم شررارات الوفا ))اللي لقيت منهم كل تقدير . واقول :
~•~•~•~•~•~•~•~••~•~•

مــع السـلامـه يــاطبـرجـل واهـلـهــا
وفيـاضهــا واللي سكن بـالقــريـــات

وابـو عجــرم و النبـك واللي دهـلهـــا
أهل الوفاء والطـيب رجال الشرارات

ودومـه على ميــقـوع واللي نــزلهـــا
واهْـل النبـاج اللي عـدوده قـديـمـات

والعـيـسـاويـــه يـــم غطـي عــدلهــا
واللي سـكن بـيـت الشعـر والبنـايـات

واللي فـي بـسيـطـا وضـافـي سهلهــا
والجـوف كلـه لـه ســلام وتـحيــــات

عـسى النصـوب المـرزمـه مـع هـللهــا
تـمـطـر عليـهم خيـر فـي كل الاوقـات

ويـفـوح بــالريـضـان عـابـق نــفـلهــا
والـعـشب يـشبـك بـالفيـاض المريـات

دار الرجــال اللي عـلى الطيـب ولـهــا
أهـل الوفـاء و المجـد و اهـل المروات

اولاد مـكلـب بــالكــرم مـن جـهـلهــا ؟
أمـجـادهــم مـا تنحصـي بـالسجـلات

كفـوٍ بـني مـكلـب ونــعــمٍ شـمـلـهـــا
رجـال الـشـجاعه و الكرم و الشكالات

بــديــارهـــم الـجــار يـــدلـه ويـلهـــا
يــدلهــونـــه عـن اخــوان وقـــرابــات

و الـطـيـبــه عـنـــوان لـلـي عـمــلـهـــا
نـيـشـانــهــا مـتـعـلّيٍ بــالـمـنـيـفـــات

حسين عبيدالله بن هندي الحربي

~•~•~••~•~•~•~•~••~
الرد : ....

تـسـلـم و يسـلم راس مـنهو نقلها
ياحـسـين ياراع العـلوم الثمينات

مـشـاعرك وصـلت وحطت رحلها
وشرفتنا يالقرم في جزل الابيات

هـذي ربـوعـي ربـي اللي شـمـلهـا
بـالـعـز و الرفـعـه بـكل المـجـالات

رفـيـقـهـم مـايشتكي من اعـلـلـها
وعدوهم يشكي حسافه وحسرات

و الـجـار حـقـه واجـباً ماجـهـلـهـا
وصى به المرسول ضمن الرسالات

ويوم انها بالرمح ماحداً وصـلـهـا
ديارهـم حـامـيـنـهـا جـهد بإثبات

يـنـعـم بـهـا الطرقي سلام بمـهلها
لاصـار مـالـه من قـسا الشر نيات

و الـيـوم بسلوم الشريـعـه عـملها
تـنـعـم ورايات الولاء مـستـمـرات

في ضـل حـكام الجـزيره هـم إلها
ماغيرهم يقوى على المستحيلات

كـبـوا عـلـى أهـل الـظـلاله ظـللـها
لـمـا تـعـتَّـم نـورهـم بــ الـظـلالات

وانتم من اسم الحرب نلتواخصلها
مـاتـنـثـنـون بـكـل هـيّـه و غـارات

أثـقـالكم ماكل شـخـصـاً حـمـلـهـا
نـدّر و كـفـواً لـ الحمـول الثقـيلات

و صـلاة ربـي خـيـر خـتم لكمـلها
عـلـى الـنـبـي اللي عـليه الصلوات

~•~•~•~~••~•
نايل الميس الشراري

[اللحالي]

الشاعر مصلح رجاء السليمي وجه لي
هذه القصيدة

ياحسين ابرسل لك مع الليل مرسول
مرسول مني فيه مــن كل الاصنــاف

حيثك درست الوقت بالعرض والطول
رجـال عـرف ومــن رياجيـل عراف

صيتك طلع في نجد حولا بعد حول
شاعر قديـم ولك مـع الشعر ميقاف

ابستشيــرك قبـل مــاقـول واقــول
قول يحير منهجـه قــدم واخــلاف

قولٍ اليـا قلته عــلى حــق واصول
مــاهي سواليـــف تزيــف تزيــــاف

ماهي سوالف كل غاوي وطهبــول
دباك نـمـــاك و بالـهـرج مـــزهـــاف

اللي يقول القول مــن غير معقول
يالله دخيلك متلف حــاله اتـــلاف

يبغى يقلد دور عـنتــر وبـــهــلـول
ناسٍ تـهين نفوسـهـا لاجل تنشـاف

ناسٍ تهـزى في رياجـيل وزحـــول
اللي مـواقفهم على حـق و انصاف

وحنا عرب لنـا تـــواريخ وافـعـول
يوم القـبايل بين مـغـزى ومنــكاف

يومـنهــا بالسيف قــاتل ومـقـتول
ما نـاخذ الا من رياجـيل الاشـراف

واليوم امان وكايد الحمل مشيول
فـي ظـل حـكام لنا ستـر والحــاف

هذا وانا محتار في حال محـمـول
هـو حـل والا صـد وانوا بالانــكاف

ان صـد عنــا مع متاييه واسـهـول
ماهـمـني لوهو على وسق الارداف

وان لد يمي قدمه الدرب مـحبـول
ماني بحاله معـتلي راس مـشـراف

امشي بعـز النفس مـاني بـمـذلـول
في حـال والا حال بالوقت خـواف

ايــام بالدنيا مـعـي حــل و حـلـول
وايام عن بعض المواقيف مـعـياف

لاشك أنا حصلت لي سر مـجـهـول
سـر جـديـد وله محاريف واهـداف

عـلـى ثـمـان ابنود مبني ومـفـتـول
بان وتبـين لي عـلـى سـلك شـفـاف

شفـته بعيني من ورا شـط زهـلـول
وش بينـه بالدرب يوم الزمن طـاف

مايدري ان الـحـي بـالـحـال منـزول
وامسى وطن مملوك من كل الاطراف

تسعين زول اللي تحت ظل مخيول
مـنزالهم مــابين سينــا و الاريـــاف

كبيرهم ياحسين ضـايع ومـعـلـول
وصغـارهم مابين حـاذف وحـذاف

سل سال سلم واستلم دور ماسول
واصبح سلف مابين سلفـا وسـلاف

شايف وخايف في زمانه ومشغول
من جور وقت فيه الاريـاق نشـاف

هــذا هـدف قلته محكم ومقـفـول
بيني و بـينك ســر والسـر بغـــلاف

مصلح رجاء السليمي


رد الشاعر / حسين بن عبيد الله على الشاعر / مصلح بن رجاء بهذه القصيدة


البارحــة جانـي مـع الليل مـزجـول
متفـقّـده راعيــه قبــل التــظـــراف

ابيات مصلح صاغهـا طيّب الـقـول
مثل الذهب مَسْبُوك في بنك صراف

ابيات كن اسيـاقـهــا ضرب شهلول
راع الشوارد جابها بـعـد الاســلاف

يامر حبــا به عــد ما هـل هـمـلـول
واعدادما سيّل وطا الأرض وشعاف

وعداد ما واد الرمـه صـار مسـيـول
وعـداد مـن كبّر في البيت واطّــاف

بابيات من صفى كلامه عن الـتـول
جــم القـوافـي مـنْـهَلَـه دون غـراف

شاعـر قديــم لقارض الشعـر دالـول
اديـب. راوي حــاويٍ كـل الاطــراف

شِعْره مــع الرواه سـجّـل ومـنـقـول
نـظــمٍ و بــالقـلطـه زمـيلٍ لصيـــاف

يبني من الأشـعـار في فن ووصـول
اديـب أبـو طـارق و للقـاف عـسـاف

رمز الشجاعة فيك بالعرض والطول
لا شـفـت ميـل ومنطقٍ ناشفٍ حاف

ان كان عندك قـول قـوله ولا تـفـول
و العزم فـيك وباللقا توقف اوقــاف

واليا زهمت حسين حاضر على طول
احـط فـي كبد المـعـادين مـرضــاف

أنــا عضـيدك كان بتـقـول و تــقـول
فـي مـــاقــفٍ مـا ياقـفـه كل بــلاف

حنــا حـرار نـكيــل بـالصاع مدبـول
ولا نقـبل العـوجا قوانــين واعــراف

لنا في التاريــــخ وقفــات وافـعـول
سـعـد الصـديق وللعدوا سمٍ ازعـاف

يوم انها بسيـوف ورمـاح واخيـول
عـود القنا نـرويـه مـن دم الاهـداف

واللي غـزانا قـدمـه الـدرب مـقـفـول
ولا له مـفـر ايمـين ويـسـار وخــلاف

واليا بغـينــا درب مـافـيـه عـرقـــول
تلقى لنا في مـدهـل. الصـيـد. سـلاف

قطعاننا ترعى الخضر وعـر وسـهـول
وحـم الذرا من دونها حدب الاسـياف

سـوّاقـــة العـطفـه وحـمّايـــة الشـول
لا زغـردن البيض مع سَـوق الاعـطاف

لنا جـمـوعٍ تجـعــل الضـدّ. مشــلـول
أيــام.. وقـتٍ بـــه حــززات وأخــلاف

و اليوم امـان و سِلم مـع ذولك وذول
في ظل أبو فيصل على حق وانصاف

دستـوره القـــرآن و السيــف مـسلول
خلى الطلي يمشي مع الذيب ماخاف

و المجتمع به ناس صــاحي ومَهْبول
وسود القلوب ثيابهم بيض ونظــاف

والسر يـــا مصـلح تبين ومـجــهــول
فــي مـنطقــة بلبيس مادونه اغلاف

ستـــين زول اصغــار والبـاقي كهول
كبيرهــم بــاليابـسـه حــط مجــداف

تـمـت حـسب عرفي بما قلت مدلول
وعساي نلت ارضاك يا نسل الاشراف

حسين عبيدالله بن هندي

[اللحالي]

قصيدة من الشاعر خالد الحميدي البهيمه الحصني والرد عليها

يقولون شاورمن هل العرف ياحسين
وشرواك فـي وقـت المشـوره دليـله

شاعر ولك بالشعر قبـلي مــن سنين
يعني على مــاقيــل شــاعـر قبــيله

ســــلام ســالم يــازبــون المخــلين
ريــف الجمـــاعــه يــامجمل عميله

الشـاعـر ابيــوتــه تســاوي ملايـين
عنــده وكلن مـــايــقول يــعنــيـــله

اللي بليـــل السبت غــــرد ابيـــتين
فيــهـــا النصيــحـه للمقابل حصيله

يســلابــه الجمعه مع الناس شاكين
فـالجـــادل اللـي قبـل كانت جزيله

واليــوم تـيـدفـن لهـا اسنين ودنين
لكــن عـلى كلمـــه تـقـض الجـديـله

تلعب طـرب وتماشي اهـل القوانين
لوقـيـل تـال السبت تبـقـى جميـــله

الضيقــه اللي تــالي السـبت تـعنين
افقد بــهــا يــاحسين نــص القبيـله

وقت السمر ماهــم معي مستـهلين
كلٍ ورى اشغــاله نهـض عـن شليـله

دنيـاً لك الله مــاعليــهــا مريحــين
مــاحــد يبــا يجـلس ورزقـه يجيله

انا اعـدل الكلمه وتبقى مدى الحين
او اهمــل الجــادل وتبــقى قتـــيله

وحنى برايك يافتى الجـود ماشين
والرد منــكم يـابن هنـــدي نخيـــله

وعلى الذي صلى بمسـجد فلسطين
فـــي ليــلةٍ ظلمــاء وعــود بـليـــله

صلوا على اللي حثنا نقضـب الديـن
لامنـهـــا صــارت عليــنا سـحيــــله

خالد الحميدي الحصني


الردمن: حسين عبيدالله بن هندي

يـامرحبــاً اعــداد مـا ترمش العـين
ترحيبٍ احلى مــن قـراح الثـميــله

ترحيبة الصــادق اليـا شاف غـالين
اعداد ودان المـطــر مــن مـخيـــله

بـاللي زهمني باستشاره على الزين
الله يـــروف بـصيــغتي بتــحليــله

خــالد مـن اللي بالمـواجيب وافين
اللي رقـوا للمـجــد راس الطويــله

شاعـر وحنا في قصيـده فخـورين
يعجبـك بالاشـعـار منـهــج سبيــله

اللي بليــل السـبت بيــن نيــاشين
فــي وصــفـةٍ يَـهـديبـهــا للنفـيــله

وبـان وتبين في هكالليل صنفيــن
والكل مـنهـــم مــارضى بـالهـزيـله

اللي يبي ينٌـادم ربــوعٍ شريـفــين
يسلى بـجَمْـعــة طيبــين الفعــيله

وده عليـهـم مــن عيونـه قــريبين
لكِن عـقــب الامــر مــافيـه حيـله

واللي ورى اشغاله بشتى الميادين
يمـشي على مشهاه بأسرع وسيله

هــذا زمــان العـولمـه والله يعـين
وتبقــى مكارم محتـمين الدبــيله

والجادل اللي قبل بانت وهالحين
عربٍ نسبــها كــالجـواد الاصــيله

تثبت على نهـج القـرارات وتـبين
جـلــي صـداهــا مــاتبي لتعَديـله

وعـساك تسلم ياحفيـد الميامـين
يـابـن البهيــمه يــامكـــرّم نـزيـله

وصـلاة ربـي عــد وبـل الـودادين
على نــبيٍ مـنـهجــــــه ننتـميـــله

حسين عبيدالله بن هندي

[اللحالي]

ياحسين طالت غيبتك وانت محسوب
مـحـسـوب عـندي من خيار الاسامي

كـريـم وافي مـنهـجك عقل واسلوب
تـستــاهــل الـتـقـديــر والاحتــرامي

شـاعـر و شـعـرك بالدواوين مكتوب
مـن غـيـر قـول النـاس هـذا كـلامي

الشـعـر بعيون الجـمـاهيــر مـطلوب
و انـتـه كـفو يـا حسين قـد المقامي

ما يوصل المطلوب صوره وحاسوب
و الفـرق فـي بيت الشـعر والخيـامي

ما كل من ياقـف يبي يقـضي النوب
ولا كل مـن يـخـطي يسـمى حرامي

واجد من اللي يلبس البشت مقلوب
أواجد من اللي مات جـيعان ضـامي

اليـا بـلاك الله بـمـحبــوب مـسبــوب
تـجــلـس مـعــه والا تــروح وتنــامي

اللي يسـمي وجبـة العـصــر ماجوب
يلعـب عـلى مــوال غـربي وشــامي

من خلقتي مالعب على طرق ملعوب
لو يسـتــوي راس الجـمـل والسنامي

هـب الـهـبــوب اللي تـقـفـاه لاهــوب
مـا تقـطع الفرجــه فـروخ الحمــامي

ثـورة غضب ثـورة بـراكين وشعوب
طـشـت علم واهـتـز منـهـا النظــامي

صـارت طـوايف بين غالب ومـغلوب
وصـار الـقـضـا تـمـويــه للإنتقــــامي

مصلح رجاء السليمي

يا مرحـبـا ترحيب يوسـف بيعقوب
يوم رفـعه بــالعرش فــوق الانـامي

ترحيبة الصادق اليا شاف محبوب
نـغـمـة خفوق بشوف ربعٍ حشـامي

أحـلى من ادرار المصاغير بالكوب
لاصــار دافي مــن ردوم السـنامي

يا شـاعــرٍ للطيب مـبـدأ ومنسـوب
مـحيــط له غبــه بــها الموج زامي

الشـاعر اللي لاجـزل الشـعر لاعوب
الـمـفـردات يقـودهــن بالخطــامي

مـصلح أبو طارق قداهن لنا صوب
فيـهـن ثـنـا وعتـاب ودِّي وســامي

وحـنـا بـهـالدنيا متـاهات وانصوب
يــومٍ بــاثـر يــومٍ وشـهــرٍ وعــامي

ولا يحَمَّضَك بالعلم قوقل ولا بتوب
ولو كان بتــويتـر تـحصّــل عـلامي

والشعر مـا يشـرى وراعيه موهوب
شـعــور شــاعر ترجـمـه بـالتـمـامي

أمـا ذهـب واحد وعشرين مصبوب
والا نـحــاسٍ مــا وزن بــالـجـرامي

واجد على ما قلت من يقلب الثوب
أُواجــد تِـيـدّم فـي مـكان الـيدامي

هـذا زمـان الـعـولـمـه مـوج سالوب
ومـن اسـلمه سالوب شاله سونامي

وفي كل يمه مدفع الحرب مشبوب
مـسـلم على المسلم يشـد الحزامي

ولا تامن المسبوب يعطيك عرقوب
والنــوم مـا يـاتـي شـديـد السقامي

والله هــو الفــراج عـن كل مكروب
يـحـمى وينجـي لو رمى كل رامـي

وصـلـوا عـدد مـا لف سيـرٍ ودالوب
عـلى النـبي أزكى صـلاه وســلامي

حسين عبيدالله بن هندي

[اللحالي]

قصيدة للشاعر: مقحم محمد الديري
ويليها مجاراة من الشاعر: حسين عبيدالله بن هندي السليمي

انا لي خمـس سـنين تعـبان ياسلمان
ماعرف اهرج لكن عسى الله يشفيني

عـلى مـامضى لي يابعيد النظر ولهان
ايام الصـبا يـــوم الهــواء له مياديني

يازين السنين الأوله ولا انا غـلـطـــان
يوم إن النشـامــا للوفــاء مـستعديني

والأصحاب واجـد مير تجاهـلو ماكان
نسـو رفقتي مافيهـم اللي يحـــاكيني

بعدماتعبت وصرت ماني فصيح لسان
اشـوف الجـفـا بعيون بعض المواليني

ولاني على ماصـار لي وحـصل ندمان
عـرفـت الرفيق الوافي اللي مصافيني

طـويل الذراع مـعرب الأصل والجدان
ولد فـيه خير وبالقسـاء مــايـخــليني

حـسـين عبيدالله رفقته للوفاء عنوان
من أهـل المليحـاء ملحقين المخليني

ليا زدت زاد وشـرع البـاب والـديـوان
هـذي سـيرته دايم على العسر والليني

خلان السعه عند اللوازم ماهم صدقان
من ابعـد جميع الناس ولا من الادنيني

يقـولون رح سير على فـلان والا فـلان
وانا عـــارف إن فـلان وفــلان مقفيني

ترى الصـدق نور وفـيه للمجتمع برهان
مـا قـلنا خـطـأ يالـصــايمين المصليني

ترى الشـعر فن وذوق والموهبه ميزان
اسـأل الله الوهـاب وارفـــع له يدينـي

اسـأل الله المتعـال ربي عظيـم الشان
اسـأله بكل اسـمـاه من قلب يشفيـــني

وجيت الطبيب وقلت انا من سنه وجعان
وفكر وشخص حالتي وابتــلش فيــني

وصرف لي حبوب مصنعه مير انا مرضان
عـليـــل اتــردد بــيـن كل الـمــداويـــنـي

وجـسـمـي نحل وانحل حالي وانا تعبان
ولابـــاقــي إلا الـدم داخـــل شـراييـــني

وجـيـت الحـكيم الراقي العالم الفـهـمـان
لـكـن جـنن الصـاحـين قبل المجـــانيني

أسـال الله التوفيق والخـيــر والرضــوان
عـسى الله يغـفـر لي ذنـــوبي وينجيــني

لـقـيـت العـلاج الشـافي الكافي القــــرآن
كـلام الله الـرحمــــان وحــده يكـفـيـــني

الشاعر / مقحم محمد الديري


الرد من حسين عبيد الله السليمي

بســـم الاله اللي فـرض خـمـسة الاركان
إلـهٍ سـجـدنا لـه ولامـره مـطـيــعيـــني

وعلى هدي مبعوث الولي خاتم الاديان
نـبـيٍ نـصــوحٍ بـيـَّن الحــق..تـبـيـيـنـي

ومن بعد ذكر الله نقيت اطيب القـيفـان
وانا كيف ما انقى القاف والرب معطيني

وترى الشـعـر في معناه بالقاف والاوزان
شـعـور شــاعـر تـرجـمــه لـلـفـهـيـمـيـني

وبالـشـعـر يامقحم لي الدور بعدك حـان
بـرد الـثنـاء جـيتـك مـن العـيــن للعيـني

على قاف يحـمل لك شكر مني وعرفان
على مدحـك اللي بواجبي يــوم يمـليني

ولاهـنت ياراع الوفاء مقحــم كحيـــلان
شـهـم وكريــم ومــن رجـالٍ كـريمـيــني

ولك عـزوةٍ تـقــدر الـضـيــف والجيــران
سـيوف صـقـيله فـي وجيه المعــاديـني

انا يالـوفي قـدرك على خاطـري مـاهـان
عـليـك المـرض لوزاد مــاهـو مـنسّيــني

ولك بالوفاء والطيب شـانٍ بلا نـقـصـان
ولافـيه شي يحـول مــن بينــك وبيــني

وانا عارف انك مانت بالله ضعيف ايمان
صـابـر و مـتـوكـل وفـاهـم فـي الدينـي

و الـوقـت يـعـطـينـا عـن المـجتمع تبيان
بـعـد الـتـفـكـر تـعـرف الناس مـن ويــني

وقـتٍ مـضـى وهـالحين من بينهن شتان
وكـلٍ رثـا مـاضـيــه مـع. نـاس وافـيـنـي

ولا تـصـفـي الدنيا سليمـه بـدون احـزان
عـلـيـنــا تـشـيـن ايــام و ايـامن اتـزينـي

بوقت السـعـه تشـوف واجـد من الخلان
ومـن يـصـفـي بوقـت الشـدايـد قليليني

و انـتـه حـكيـم وتـحـتـمـل كنك ابليهـان
وبـالـقـدر عـالي مـانت ناقـص مـوازينـي

مـاتـبـدي الـشـرهـه عـلى صـدة الـرديـان
مـشـاريــه مـثلك للـرجـال الـمـيـامـيـني

عـسـى مـاحـصل طهور واجرٍمن الرحمن
هـو الشـافي اللي كون الناس من طـيني

نبي نطلب الله يشفي الصاحب السقمان
مـقـحـم عـسى المعبـود يشفيه ويعينـي

إلـهٍ لـه. الـتـدبــيــر و مـســيـّر. الانـسـان
جـــلا جــلالـه كـوّن... الكـون. تـكـويـنـي

و صـلاة... ربـّي..عــدّ مـا هــل مـن ودان
عـلـى نـبـي مـنــهــجـه.. فـيـه راضـيـنـي

حسين عبيدالله بن هندي السليمي

[اللحالي]

قصيدة من الشاعر / غزاي بن محمد السليمي موجهـه للشــاعــر/
حسين بن عبيدالله بن هندي

يا حسين يا مشكاي تـاه الفكر تاه
ووجست من شكواي مر القطيعه

حاولت اصبر واتـــركـــه واتلاشاه
صبــر على ما قيل ســد الذريعــه

والصبر مر اليا وصــل حـد منهــاه
واليــا تعٌـدى الحد الصبـر ضيــعـه

واخـطأ عليه ووصل العلم منــهـاه
ولاارضى الخطأولاتمشي علي الهزيعه

من عنجهين ماحسب غيب عوجاه
حـــاقد عليه وانكشف لي ضريـعه

مغرور بنفسه ونعمى والله اعـمـاه
لينه وقع وسط الحصون المنيـعـه

هو مادرى اني عارف ادناه واقصاه
واعرف عقــايد نــاس سنه وشيعه

وان كان صمـم واستمر بخطايــاه
قلنا على راس المقوقي صنيـــعه

ننشر افعــوله ليــن نبــين خفاياه
وتبــين لكل الناس عـــلى الطبيعه

واعــد مـــا واجهت واللي سمعناه
وعندي على ماقول شهود الشريعه

علم صحيـــح ثابت مــاختـرعنـــاه
ماهي علوم أهــل القلوب الوجيعه

والله لحـــده لين نكشف مغـطــــاه
واخــلي كــل الناس فعله تذيـــعــه

والكبـــر غـــره وابـــعـده عن دناياه
والله رما به مـــا حسـب بالوقيـــعه

يبـا يتلاشى غلطتــه ميــر ممــداه
ضاقت عليه إفجوج نجد الوسيعه

هاذي وصوف النذل وهاذي مزاياه
مني يجيــــه اردود فعـله سريـعــه

ياحسين جار الوقت وازريت لقواه
وصبر المهونه عيب ما نستطـيعـه

عطني رايك يا ابيض الوجه عطناه
أنــا اردعــه ولا اتــشيــم وابيـــعه

يا حسين لمثله مــا تفـيد المـداراه
خايف يتمادى في خطـاه ويشيعه

واليا اعتـرض متيــــح لي اتحــداه
ونفتل قيود أهل القلوب اللكيــعه

ما حسب حسابه كان لي زان مرماه
ولا اخـلي المــذكـور يــذب ريعــه

والكبــر غــره ونٌـكسه ليــن خــلاه
اصغر مــن الذره بـجـذع النـقيعه

ومـن قرد حظـه يــوم بنحورنا تاه
ورمى بنـــفسه للسبــاع المجـيـعه

اشعب لبس ثوب الطمع لين عداه
فيه الحسد والبخل ماهي بديعـه

واسئل ضيفه يوم ضافه وعشـــاه
حكموا عليه أهل النفوس الدنيعـه

لولا الكفيل اللي فـزع له ونجـــاه
كان احجــزه بالبيت مــاله شفيعه

جيـــر عليـــه وحيـره ليــن وفـــاه
وفعــــل الردا عنــد الملكع ربيــعه

وعلى مسار الذل تمشي مطايــاه
ونثبت فعل أهل الفعول الشنيعه

ويا بن هندي حكمك اليوم نرضاه
وبــاللي علي تشيــر والله لطيــعه

أنا انطح اللي بالردى حد شـلفــاه
والا اسفهـه واعــاتبــه بــالقطيعه

وتـــم الكـلام وجوهـر العلم نبغاه
وننشر لك البيضاء براس الرفيعه

وصــلاة ربــي عـد وبلٍــ نثر مـــاه
عـلى نـبي للخــلايــق شـفيـــعـه


رد الشاعر/ حسين بن عبيد الله بن هندي على الشاعر / غزاي بن محمد بهذه القصيدة

بسم الذي يدعـونه الخلـق باسـمـاه
المعتلي مــن فـوق خلقه جمـيعـه

اللي لـه اعـبــاده يـخــرون لرضــاه
الروس والأذقــان خـرت خـشيـعـه

الواحــد اللي كل مسـلـم بـرجــواه
علام مـا تـخف الصدور وسمـيــعـه

عـنّـي عــلى قــاف تأمـلـت فـحـواه
جــذاب لشجـون القريـحه لـمـيعـه

غــزاي بـــه.. نــادا و فــزيـت لنْـداه
قلت الخبر ويقول شكوى فضـيـعـه

عــانــا وعـنّـالي مـعــانـات شـكــواه
وعــانيت مــا عانــا ربيب الطـليـعـه

يشوف ما يكره ويـجزع من ارضـاه
والمشـكلـه غـــوال سـبهي شـفـيـعـه

لخْطا القداجاهل راع العرف مخطاه
يحسب حساب اليوم واللي تـبـيـعـه

ومن لاحسب احساب غـيره وراعـاه
زل القــدم بــه ونحرف عن سنيـعـه

ثـــلاث سِلم سـنّـة السَّـلـم وحـمـــاه
قــدام بت القول وفصـل الـنـخيـعـه

يســلم بــهــا الرجــال لا مـد يـمـنـاه
من شرهت الشرهان وسو الفـديـعـه

وحسوفــة الطيب على زلة أخـطـاه
و زلت لـســانـــه بــالإذاعـه تـذيـعـه

للـذبـذبــه تـأثـيـر و الإذن مصــغـــاه
لـذاعــة الـمــذيــاع والـمـسـتــذيـعـه

وانته بخيــص بمـبتدأ القـيل واتلاه
أسـويت واستفتـيت بـراع الوديـعـه

ويكفيك ما سويت وانساق مـعـنــاه
فـيــه الإجــابه والـعــلـوم البـريـعــه

واللي يــابـو سعــود رجيت فـتــواه
امنـــين مـــاوجــه لقـــاهــا مـنيـعـه

السيــل جـارح ونــحدر يم مشـحاه
وتـدلجـت شـعبــانهــا مــع تــليــعـه

خـلى الشجر وقّيــف والعـود بلحـاه
وإلا زهــوره بعــد سيــلـه صــريـعـه

ساق الحقاق وضاق بالسيل مـجـراه
حــت الـورق وبله وخـلى جــذيـعــه

الغيب خــافي والخفى ما عـلـمـنــاه
والوقت يـمـضي والليـالي امـريـعــه

هــرج السعه لانوخ الضـيـق يـجـلاه
والحق لا حصـحص تـلألأ نـصيـعـــه

الحق ما يبغى مـحـاكـم ولا اقـضــاه
مـعـروف مــا هـو دبك خيل بقـيـعـه

وقول الحقيقه حق والحق مـخـفـاه
غـيـر الـقـلـوب المـوجـلة والصديعـه

وان شـفـت مبــلـي نـاقـل داه بـرداه
خــلـه والـلـي نــم لـك لاتــطـيــــعـه

ومــن طـــاوع النمــام غـثّـه وعـنـاه
وشــــرارة الـفـتــنـه تـشب الوليـعــه

بعض السوالف يابيض الوجه مـاذاه
لهــا عــن الـطــولات بـــاع جـبـيـعـه

وكـف اللغــاوي بــالمــلامــه محـنـاه
لـغــاوي الـمـسـمـت اعلومــه خليـعه

مـذمــوم ذِمّـه والـمـخاليــق تشـنــاه
عـن الرفـيـعه مـلـتـجي بــالوضيــعه

والصـبــر يــا غــزاي بــه خـيـرتلقــاه
خـصـله حميــده للرجال الشـجـيــعه

شـاورت بن هندي وهـاذي وصـايــاه
إصبــر وصـبــرك ربـنــا مـا يضـيــعـه

خذها على مثل ابيض الشاش مهداه
نصايــح مــن قلب مــا هـي خديـعـه

وصـــلاة ربي عـــد حــرف قــرينــاه
عـلـى نـبــي مــن صـفــاتـه ضـلِيــعـه

حسين عبيدالله بن هندي

[اللحالي]

‏‎قصيدة من الشاعر عقيل غزاي ابن نافل السليمي رحمه الله والرد عليها

يازين جـو اليـــوم يا حسين زيناه
‏‎مد النظر يا حسين والجـو صـافي

شفت السما ترسل على القاع حسناه
والقاع تجحد ما بـهــا من جـفـافي

مد النظر من راس عيطاً مـسـمـاه
يطفي لهيبٍ ما تجـيـه الـمـطــافي

بالهضبـه اللي بالـحـلايـا مـحـــلّاه
وبالاسم سـمـيـة جـواد الـسنــافي

اللي ابن ضبيان من راس شـلـفـاه
عاف الحياه وحِب حـم الـشـعـافي

يا زين راس الرجم يومـني ارقـاه
لو عـاد لـي ذكـر اللـيال الـمـقـــافي

قفن بـحـيٍ كـل مـا حــل طـريـــاه
يصيبني عـن هـالـزمـان انـحــرافي

أعـيــف لـذاتــه تحـسـب الـبــلـواه
الخـيـر مـامن خـير والشر ضــافـي

ياحسين كلٍ لـه مـع الوقـت ذكـراه
كلن بكى مـا ضـيــه بـيـن وخـافـي

ما فــات مـن دورٍ عـلينــا بكـيـنــاه
حيث ان وقت اليوم فـيه اختلافي

أول قصير البيت ليا حـل طـريـاه
النعم ما بـيـن الـقـصـيـريــن وافـي

واليوم قصير البيت بس انتـلافـاه
الخـير ما من خـير لـيت الكـفـافـي

هــذا زمـــانٍ نـــاقـلٍ داه.. بـــرداه
اسمع واشوف ولا على الله خـافي

الحكم حكّم والقـضـايا مـقـاضــاه
دام القضـاه يشـاورون الـضـعـافي

الذيب يسعى ما حصـله مـسـاواه
يركض وريـقـه ما تـبـل الاشـافـي

اشـوف حـيٍ ما تدرهـم مـطـايــاه
وركب الركاب اللي على الرجل حافي

وهداج أشوف الورد قامت تـعـداه
من زود جور المعضلات العجـافي

المستحي قامت تحده على اقصاه
وتضحك لجمهورٍ يـدف الـدفـافـي

العفو ما كل الخــلايــق مـعــافــاه
واقــول مــا كل اللـيــالي عـوافـي

لانـي موضحـهـا ولاهـي مـناجــاه
ولاني بحال أهل الحمول الخفافي

الحمل وين اللي من الناس يلقاه
عن الضعوف مجـودين الكتـافـي

عقب اللئيم اللي بلاهـــم ابــلـواه
العلم وضحته وانا شاب قــافــي

تــم الكــلام اللي كتبــته بمعنــاه
وانــا موقــع غلطتـي بعتــرافــي

وصــلاة ربـي عـد مزنٍ نثـر مــاه
على النبي الهـاشـمي بــالطـوافـي

‏‎عقيل بن غزاي بن حجر السليمي

‏‎الرد على قصيدة الشاعر: عقيل بن غزاي

‏‎بديت باللي تسجـد الناس لـرضـاه
عــلام مــا كنه ضميــر الخــوافـي

رب الملأ اللي تدعي الخلق باسماه
خوف ورجا تدعيه ويـمــد وافــي

مــن بـعـد ذكر الله البـوك جـبـنــاه
فوقــه مداد ايـراع يرعف رعــافي

وفريت دولاب الضماير من ارجـاه
ودعا الهجوس وحضّرن له مـلافي

هيضٍ مــن اجزال القوافي منـقـاه
نقوة عقيدٍ حــازهـــن بالـمـحـافي

عفرٍ مع المصلاح في راس مفـلاه
واقـفـا بهـن وهـو فـي النوم غـافي

لعقــيــل الـغــــزاي ردٍ كـتـبـنـــــاه
زجل القوافي والبيوت الـنـظـافي

عقيـــل زهمـني والــمـرد يتـحـراه
يالله عسى المردود كافي وشـافي

جاء بوتدات وعـالي الـرجـم عـداه
وغنى وهيجن فيه قـبــل النكافي

واعْجب بجوّن فيه ويهيجن غـنـاه
وغنى القوافي مثل صقر النصافي

وقطف من الازهار من كل مـرعــاه
وشـيب في الطاروق كل القـوافــي

وقـالوا وقلـنـا راقـي الرجــم عـنـاه
ويحس له باقصى الظماير شغافي

يا بو فهـد الـرجــم هــذي سـوايـاه
ينبيك باطلال عـليـهـا الـســوافــي

وحي سكن حوله ومـفـلى رعايــاه
واثـار نـاس سـامـده مــا تـشـافــي

باجداثهـــم ما يسمـعـون الـمـنـاداه
رهـن العمـل في ريبة وارتـجـافــي

وكـل يـبـي زمــانـــه أول ويـرثــاه
ويبكي على دور مـضـالـه وطــافي

وتشكي زمـانٍ خـالـطٍ داه بــددواه
وتقول يا وقـت الشـقـاء بـس كافي

هـذا زمــان الـعـولـمــه والـمـعـانـاه
لصالح ناس وناس مجحف اجحافي

ونبـينا بالـجــار جـبــريـــل وصـــاه
ما يصيــر حـقـه بين الاجواد هافي

واجــد رجــالٍ واجبـه مـا تـنـاسـاه
شيمـة عرب في واجب الجار تافي

وتـغيّـر الايــام والـوقـت شــفـنــاه
نوبٍ عدال ونوب فيه إنـعـطـافــي

مــن كثر مـاله قـالوا الناس حـيــاه
مـن شان دنيا لـلـفـنــا والـتــلافــي

ويقـام له تقديـر ويـحـــط مـركــاه
كنه من اللي يحتمـون الـعـطـافــي

ومــن قـل مــاله يتركونـه دنـايــاه
باروا بــه الخلان يعـطـــون قـافي

وأبـو حـقب في ماكر الحر تـلـقــاه
وأبو زئير من المـقـوقي يخـافــي

والرجل يبلش في قـريبه وعوجاه
والنصح والإرشاد يـبـغى مـلافــي

واللي يسب فـلان وفلان يـشـنــاه
فمه عن الـنـمـات مـاهــوب دافــي

كم واحدٍ يبغى السـلامـه ويـبـــلاه
تـاجـر غـثيث الهرج خطو الهـلافي

طاوع قرينه بالخطأ والله أعـمــاه
وحصل جزاه وجاه فوقه أضـافـي

ومن تابـع الغلطـات يزهـد بدنـيـاه
ومن لا صبر يجيه بعض الحسافي

وكل بعرفـه في مسيره وممـشــاه
الله يجـنبنــا طــريــق الـمـهــافــي

هـذا الذي كـتـبت واشـــوف واراه
ولا كــل رمَّــايٍ يصـيـب الهــدافي

وصلوا على اللي بلغ الدين وارساه
نبـيـنــا اللـي مــا لـديـنــه مـنـافــي

‏‎ حسين عبيدالله بن هندي السليمي

[اللحالي]

البــوك جـبتـه والقـلم بــه مـداده
وسجّلت من شعري بيوتٍ جدادي

مـن هاجـسي سبَكْتهن فـي ركاده
ذهب خليـطه ريـــح عـنبـر وكادي

واخترت من نظم القوافي اجداده
بـهـن ســلام اعداد نشـر الـجـرادي

لابــو جمــال ويستــحـق الاشـاده
حسن مـن الأعــلام ما هـو بـعـادي

من الكرم والجود يحمـل شـهــاده
غني عن التعريف بحضـر وبـوادي

له مجــلسٍ مفتــوح سـلمٍ وعـاده
ذا رايـــحٍ. يــمـه و هـــذاك غــادي

مــا غلّقه بقفال عـنــد الـحــداده
مفـتــوح بــابــه للمـسـيّر يـنـــادي

والبن للعمـسـان يـذهـب اغـمــاده
بــدْلال فــايـــح بنّـهـن والـقـنــادي

وقبل تقهوى واجب الضيف قـاده
مـربّــح الـلـي بيَّــعـوا بــالـمـــزادي

شيّــال حمـله واحتـمـل لـلـزيــاده
مثـل البليـهي وآصـفـه بالـمـهــادي

وحــلاّل مايـبـرم بحــال انـعـقـاده
يُكره لقا بن سـميـر لا جـالـعـنــادي

طير السعد لَطـالـع الـخـرب صـاده
بالمـخلب الجارح يـقـض الـثـنـادي

صَيْروم يعجب صاحبه في هـداده
الجــول لا فــرَّع يـعـوقــه وكــادي

الشـاعـــر الـلـي مـركــزه بالـريــاده
شِـعْــرِه ثمينٍ ســجّــلـه كـل نــادي

اعــــز ابـو جـمــال و اعــلـن وداده
وقـرب السـنافي من ليـالي عَـيَادي

اصـــاحـب الطـيِّب وفـاهـم مـراده
وعن صِحبـة الرديان آقـف حـيادي

واسـمح عن الهفوات نقص وزياده
الكامــل الله والبشــر فـيــه غــادي

وان شفت هزل القاف خله تـفـاده
ماني بشاعــر بـس عـنـدي مـبـادي

ومـن السليـمي لك تحـيـه مـعـاده
ما سيّلت سـحـب المـطر كل وادي

وصـلوا على خير البشر من عباده
شفيــع الأمــه فـي نهــار الـتـنـادي

حسين عبيدالله بن هندي

رد الشاعر / حسن سمير المخلفي
على الشاعر/ حسين عبيدالله السليمي
بهذه القصيدة .

البوك جـبته وازرق الـحـبـر زاده
زجلٍ على غـايـة هـواي ومـرادي

و فـريـت.دولابٍ تـقـادح زنـــاده
ونار القـوافي مـا تـعـقـب رمـادي

من شاعر حرّك ضـميري إسـنـاده
مبادي فيـهـن صـيـاغــة اسـتـادي

أحاول اسرج لـلـمـعـانـي اشـداده
والله يروف بصيغتي واجـتـهـادي

والعمر واجب قبل يأتي حـصـاده
بالطيب يترك له حصيلة حصـادي

وحسين مـثـل اللي لياقـيـل نـاده
من طيب ذاته جاب صوت المنادي

يـبــي إيّــدّم زاد غـيــره. بــــزاده
واهل المليحا ما عليـهـا ازديــادي

والطيب صعبٍ يالسليمـي قـيـاده
وحنا بهـالدنيا نـجـاهـد اجـهـــادي

مابين عسر ويسر والـوقـت مـاده
سباق خـيل تـطـرد وسـط مـــادي

نسـرج وماجـاده لـنـا الـرب جـاده
والـعـيب شح اللي تـضـم الأيـادي

والا الردى نفـرد عن أهـلـه افـراده
والله ماخاشرهـم عـلى ايات زادي

وان كــان خـيـــر لي وإلا قــــراده
دربي عن ادريب البخيل امتحادي

ولواني ارقد فوق جـذع الـكـداده
ماعشق مع الانذال حـلـوالـرقـادي

مـبــــادي كــد عـقـبــوهـا الـعـواده
وأنا عليهـا يابيض الـوجـه ســـادي

لوان بـــه لـعـــلـوم الاجـواد ابـاده
وقت يخلط البيض هي والسـوادي

نصبر على حــامـي لـهـيـب وبـراده
والصبـــر سلعة مـكرمـيـن الأيــادي

هذي محـــاولتي وبــعــض الافـاده
يالشاعراللي بي على الطرس شادي

يالسيد اللي جاء من أحفاد ساده
من روس حرب اللي تضدالعدادي

واسلم وجعل ايام عمرك سـعـاده
والله يسعــد كل وقتك اسعـــادي

حسن سمير المخلفي

[اللحالي]

جيب القلم واكتب على سطور قرطاس
مـثايـــل زينـــات لوهـــي قـلـيــله

يلقى بها اللي ينشد الطيب نوماس
واللي كواه الوقـت يبــــري غليلـه

ياحيـــف يا وقتٍ به الحر ينداس
واللاّش يصبح شيخ وسط القبيله

اللاش يحجز له مع الناس مجلاس
مـــن بعـد ماهو جــالسٍ بالنثيـلـه

حـطوا على راسه دنانيــر والمـاس
واليا تكلم قـــام ........ ايعويــلـه

من أول مـعـروف خـايب وبـــلاس
يجلس على الديران محـدٍ يشـيلـه

واليوم صار اتقول عنتر وجـسـاس
يمـشي بوسط الناس ولحدٍ مـثيلـه

يقولها اللي حاسه الوقت وانحـاس
واصـبح ابـها الدنيــا امـضيع دليلـه

اللي كـواه الوقٌـت بالـهــم والـياس
واللي يـشـوفٌـه قـــال واعــزّتيـــله

لاباس ياقـلـبي مــن الوقـت لاباس
لاباس وابشكي على مــن شـكيـلـه

اشكي على اللي خوته ترفع الـراس
حسين ابن هـنـدي برز بين جـيــله

على عليهم وارتفع طـيب الـسـاس
للطـيب والنــومـاس كلن يجـيـــله

معروف بالحكمه وتشـهدلي الناس
قــوله حكيــم ولايجيب الهــزيـلـه

ياحسين انا محتار والفكر محتاس
واصبحت كني فــوق نـار ومـلـيـله

من سبّة الدنيا وناسٍ بهـا انـجـاس
فيهم خسيس ولايجي دون حـيله

ازريت اميز صابني منهـم اعـمـاس
ناسٍ خـسيسه بالثياب الجـمـيــله

لاشفت واحدهم تـقـول إنه ادباس
اللي يصــــوم وقايــمٍ طـول ليـله

له مـلةٍ تــجـهــل نبي الله الـيــاس
يقولـهــا نــاصر وانا اقـول قيـــلـه

استثني اللّي دينهم دون وسـواس
اهل التقى واهل الخصال الفضيله

اللّي لهــم في كل قومه ومجلاس
اصلاح بين البين وطرد الـرذيـــله

ماذمّهم تزرى على قـولـي النــاس
من ذمهم يلقى الخزي والفـشـيلـه

وصـلاة ربي عـد ما نـس نسـنــاس
علـى رسـولٍ خـص بـأفضل وسيله

عبدالله معيبد السليمي

رد الشاعر / حسين عبيدالله بن هندي
على الشاعر/ عبدالله بن معيبد السليمي
بهذه القصيدة .

هات القلم واكتب على الطرس بقياس
زجـــل القوافــي مـــن زميل الزميلـه

فـريــت دولاب الضمايـر والاحساس
ونقيت صــاف القيــل واترك حثيلـه

يا مرحبــا باللي شـكا لي هـوجــاس
وعزاه يا مــن حس بــالوقت ميــلـه

يا بـو يزيــد الله يجيرك مــن الباس
والهـــم والهـوجــاس ربـي يـزيــلـه

يا القـرم يـاللي سيرتك خير نبراس
يــالنــادر اللي مــاكـره بــالطويــلـه

يا بــن مـعيبد يـوم دقيت الاجراس
النـــار عنــدي ولعــت بــالفتـــيـلـه

الوقـت هــذا فـيــه صـادق وهـلاس
سكر نبـــات وخــالطه حـنـظـليــلـه

أشوف ناس اهدوس بالعيب غطاس
مــن خلقتــه مــاحاش علم النفيلـه

ابـو حـقـــب يــاكر مواكير قرنــاس
والليـــث تلقى فـي عـرينـه بـديـلـه

جندٍ على الأجواد يكضع بالاضـراس
وعلى الرجــال الطيبــه شـن خيــله

وقت السعه خيال من فوق الافراس
وان صمَّـلت يهــاب سـرج الكحـيلـه

وعـند الربايع لابس الدرع والـطـاس
ويصــد جيـش الروم عنــد الحليلـه

وبـــاللازمـــه تلقى علومــه تـمـلاس
مــع الخريــش إيــفر يجفـل جفيله

هوبج ثغب بالوصـف مـثله وينقـاس
لو كان جنسه يختــلف بــالفـصيـلـه

مـثــله فـي الـثيَّل له ارباط واركاس
يربــط على كداد وســط الخـميــله

راع النـــقيــلي بــالقفـا سـم نـداس
اللّي مـــاهو فـي سكّتــه يلتـويــلـه

هــذاك منبـــوذٍ وللـشــر مـقـبـــاس
واليــا نـخــاه ابــليـس يرفـع شليله

والعاقل اللي مـايجـي درب لـولاس
واللي قـطــع للسيـد مــا يرتخـيــله

حِـد الردي لصــار للحـبــل مـسـاس
خله عن الاجـــواد يـــعلن رحـيــلـه

والدين يمـنع صاحـبه درب الادناس
والنـــاس بيِّــن سَـجْعَـهــا واتْهَـليلـه

والعُوج لوهي واضحه مثل الاقواس
لصــار مــا تـعنيــك خٌـل إتْـعَـديــله

لا صار ما تنصــاك فـي كل مـقـياس
عن سيـل واد اخليص جنّب مسـيله

وصـلاة ربـي عـد زفـرات الانـفــاس
عـلى نبـيٍ مـنـهـــجـــه نـنـتـمـيــلـه

حسين عبيدالله بن هندي

[اللحالي]

قصيدة من الشاعر حنس سلمان الطويلعي

ســلام يـا شـيـخ بـه الـطـيـب كـلـه
كامـل مكـمـل وافـي بـالـمـواجـيـب

حسين بن هـنـدي نـعـم في محـلـه
ابـو عـبـد الله مـابـه شـك ولا ريـب

حب الكــرم والمــرجلـه بــه جـبـلـه
ولاهو غريب الطيب عنداهل الطيب

اللـي يـفـوت بـمـجـلـسـه مـا يـمـلـه
ابن الشيـوخ مكـثـرين الـتـراحـيـب

واليـا ارتكى لـلـحـمـل يـبـي يشـلـه
مايهاب لو كثرت عليه الـمـطـالـيـب

مـن ساس قوم مـا تـعـرف الـمـذلـه
اليااعتزوا من دون حرش العراقيب

حريبهــم عـــذّر عــن الكسـب كـلـه
يبي النجـاه ويعتبـرهـا مـكـاسـيـب

عجز لسانـه لا يحـكـي مـا حـصـلّـه
سنه صغير وفر في راسه الـشـيـب

هذا الصحـيـح وزبـدة الـهـرج كـلـه
سلايمه وقت اللقـا فـعـلـهـا مـريـب

مــن الـسـطــر عـدوهــا تـسـتـحـلـه
ويـبـشـر بـعـز لا ولـوه الـمـعــازيـب

وقصيرهم من بينهم من يـصـل لـه
عاش بذراههم عن سموم اللواهيب

الـلـي خـذوا الـطـيـب دقـه و جـلـه
عـيوا عليه مـعـكـفـيـن الاشــانـيـب

حنس سلمان الطويلعي


يـا مـرحـبــا باللي يـشـرف سـجـلـه
الشيخ ابو نـادر عزيـز المـجـاذيـب

حـيـه و حـي ابيـات مـن دافــعٍ لـه
دافـع وفـا الوافـي قوافي مناديب

اشــاد بـي والمـفـردات اسـتون لّـه
غيـر الوفاء ماله وراهـن مطالـيـب

حنـس رقـا للطيب فـي مـنـهـجٍ لّـه
شيخ المراجل هذب النفس تهذيب

قطب الشمال مـن النجـوم المطـلـه
بـيِّـن مـداره طــول الايام ما يغيب

صـاحـب قـبــالٍ للـنـشــامـا إيــدَلّـه
وراعي هلا ترحيب عذب الاساليب

فــي مـجـلـسٍ عــامـر وكـلٍ يــدلـه
مـدهـال للاصحاب هـم والاجانيب

والعـود الازرق فـايحـه ريـحـةٍ لـه
ومطايبٍ جاها من الجمر تعذيـب

والعـود يبـرالـه مــن الـكيــف دلـه
كيـفٍ إلتقـديمـه أصــولٍ وتـرتيب

وقــولـت هــلا عمــال بـمـقـلطٍ لّـه
مــربــح اللـي ولّفـوا والـجـلالـيـب

كـم كبـش مصـلاح شـراه ويـتــله
وعـــداه للـي عـلـقـه بـالـكـلالـيـب

ولاهــو غـريب إن الكـرم عـادةٍ لّـه
سلم وطبيعه في حصان الاطاليب

مسـتـوطنن الجــود فــي دكــةٍ لـه
يقـول مـا اغــادر ولا فيـه تجنـيب

في بيت ابن سعيدان أسست فلـه
عند الذي ما حسب المال تحسيب

حنـس بـن سـلـمــان مـع لابـــةٍ لـه
طـوالعــه مطــوعـين الاصـاعيــب

أهــل الملحـا متعبــين الـسـجـــلـه
ومعطرين الشلف هن والمحـاديب

ونفـوسهــم لضيوفـهــم مسفـهــله
حـلابــة الدايــر وتـمـلا محـاليــب

شـالوا مطيـة ضيفهـم حشـمـةٍ لّـه
وهـو راكـب ومتجـودٍ بالمقـاضيب

واختــامهــا بــاقــات ورده وفــلـه
وتحيــةٍ تهـدالكـم يــالاصــاحيــب

حسين بن عبيدالله بن هندي

[اللحالي]

الله يحـفـظ فــي الإسـلام دولـتـنـا
الـدوله اللي عـلى الإســلام مـبـنـيـه

دارٍ بهـــا مـهبــط القـرآن قـبلـتـنــا
دار الشيم والقيم أرض السـعـوديـه

معزي أرسى وطدها لأجل رفعـتـنـا
بـقـلوبنــا حـبهـــا فـطـــره إلَـهِـيّــه

مــا تنـكس أعلامنـا نــرفـع لرايتـنـا
الرايــه اللي بــهــا التـوحيـد ماريـه

نمشي تحت ظلهـا بسـعـود قـادتـنـا
بـربـوع غـالي وطنـا روحــه وجيـه

شعبٍ سعودي وأهل نخوه مزيـتـنـا
فينا الولاء للقيــاده قول مــع نـيـه

شعبٍ سعودي في الأعناق بيعـتـنـا
لملوكنا معلنه مـا هــي بـمـخـفـيــه

حنا يـداً واحـده شعب وحكومـتنـا
جنـود دون الوطـن تمشي فـدائيـه

إذا دعــانــا المـلك لبّــيـه كلـمـتـنــا
رهن الإشاره لأبـو فهـد عـلى الْهَـيّـه

ومحمـد بـرؤيـتـه تطويـر نهضـتـنـا
رؤيــة حكيــمٍ ونـهضتـهــا شمـوليـه

طاعة ولاة الأمر هي ساس نصـرتنا
والنصــرة الديـن و قفتنـا بطــولـيـه

حسين بن هندي

[اللحالي]

حنــا علمنا فـيــه لـفــظ الجــلاله
مع كلمة التوحيد يعجبني السيف

الرايــه الخـضــراء عـلينا اظــلاله
رِفْعَت على العالي وجاله رفاريف

انااطـلب الـمـعـبــود ربٌـي أســالـه
يحما وطنا من جميع الصواديف

الموقـع اللي فـيــه نبــع الـرسـالـه
ونزّل به القرآن بشرى وتـخـويـف

والبيت فيه وكل مـسلـم سـعـالـه
يحــج يمه لاستطاع الـتـكـالـيـف

وطيبه حرمها يشد يـمـه ارحـالـه
مـسـجـد نبيٍ خصه الله بتشـريـف

وحنا وطنا يفـتخــر فـي ارجــالـه
لطــامــة العايـل بحــد المراهـيًـف

صـقـر الجزيــره وحّــده وارتكـالـه
حتى اخضعت له كل مدنه مع الريف

وساد البحور وساد عـالـي اجـبـالـه
وخلى جنود اعداه ترجع مـناكـيـف

وقــاد المسيـره بــالعـداله اعيــالـه
مشوا على نهجه وزانت على الكيف

اليـا غــاب نجــمٍٍ بـان نجـمٍ بـدالـه
ويحكّمون الشرع مـافيـه تحريــف

اللي لهــم فـي كـل عـلـيـا مـقــالـه
وبين الدول لهم مسـاعي وتأ لـيـف

مـليكـنا سلمــان حــــزم وعــــدالـه
في ساحة الأ حداث جاله مواقيـف

سلمان سلم وحــرب لاجـا مجــالـه
يشهد له التـاريــخ مـاهي سوالـيف

سيفٍ اليـا وطّي على الراس شـالـه
قص العـظام ومالمس من غضاريف

ليث على الارهــاب يعجب نضالـه
فعله جلي واضــحٍ دون تعــريــف

ومحمد السلمـان يـــا حي فـــالـه
درع متين وموقف الخصم توقيف

حزمه وعزمه جاء بعنــف وبسـالـه
من سطوته خلى العدويرجع امعيف

لهــــم الولا منــا عـلى كل حــالـه
نجـــدد البيعه ونــزداد تـشـريـف

وخـير الكـلام اللي يجي له دلالـه
جنودنا بالمعركه فـعـلهــم شـيـف

جـنودٍ بــواسل كاسـبه كل طــالـه
لبت ندا الواجب ولا فيه تسـويـف

من جــاء حدود بـلادنا هم نـكالـه
مايهزهم صوت الزوابع ولا يخيف

وصلاة ربي عـد ما امـطـر اخـيالـه
على نبي حارب الـشــرق والـزيـف

حسين بن عبيدالله بن هندي

[اللحالي]

RiMvbZdQJdQ

[اللحالي]

يالله يـالـتــواب طــالبك تـوبـــه
يافــــارحٍ في توبة العـبد لاتـاب

حافظ ولد يعقـوب يوم إغدروبه
إخـوانه اللي شكّلوا ضده أحزاب

بــالكذب دم مـلطّخينـه بثــوبــه
وقالوااكله الذيب بالضرس والناب

والبيـر ابـو حيّــات فيـهـا رمـوبه
رقيق بَـشَّر بـه هل الركْب جـذاب

أنـت الإِلَه نــوحّــدك بــالـربـوبــه
والأسماء والصفـات تنزيل بكتاب

تـجيـرنـا مـن نــار زايــد لـهـوبــه
وعفـوك لنامن دونها ستروحجاب

والـمـوت كلٍ شـاربٍ مـلـي كـوبــه
أوّل نذير الموت لون الشـعر شاب

بقول( البراء )كلٍ قرا واسمَـعَوابه
فـي مـسكنٍ مـاله نـوافـذ ولابـاب

مــا فـيــه نــور ولا تـهـفّـه هَبـوبـه
يخيـف ضيِّـق فـوقـه اللبن وتراب

ما بـه فراش ومسند الراس طوبـه
غير الكفن ملفوف به بعد الأسلاب

ثـبتـنـا بـالسـؤال وقـت النـشـوبـه
في موقعٍ ما ينفع المال واصحاب

خايف من اللي جاه ما ذا يصوبـه
وسمع السؤال وفهّمه ربـه وجاب

عبدك ضعيف ومعترف في عيوبه
يبـوء بـذنـوبٍ بــلا عـد واحسـاب

يـا مــن بـعفوك ملتجـأ بـالكروبـه
ولا غير عفوك يالولي رب الأرباب

ومن ابتهـل يدعوك يرج الـمثـوبـه
ما ترجّعـه صفر الأيـادي ولاخـاب

يميــن للفــردوس سهِّــل ادروبــه
سـلّم مع الصراط من خدش كَلاب

والصحف باليمنى ولا بـه صعوبـه
يوم التطاير واقف العبد منصاب

ويطلب من الرحمن يغفر اذنـوبـه
ربٍ يلبّي داعـي العبـد بيــجــاب

وصلوا على خيرالبشر واهتدوا به
محمد الهـادي على خير هـنـداب

حسين عبيدالله بن هندي

[اللحالي]

بـسـم الإله اللي فـي الحـق مـعـبـود
و لا تــأخـذه نـوبـات سِنَـه ولا رقـاد

محيي عظامٍ وسط الأجداث بِلْحُود
من بعد ما ينفخ في الصـور تِـنْـعـاد

نـاصــر نبـيـه مـحبـطٍ كيــد نـمـرود
خلاه مَبْهُوتٍ على عـيـون الاشـهـاد

أطلبك يارب السـماء مرسي الطـود
مجـري سـفيـنـة نـوح بَـازْوَاج رُوَّاد

اغفر ذنوب اللي به العيب مـوجـود
يـاعظـمـهـا يـاكثـرهـا مـالـهـا إعـداد

من غـير عفوك دونه الباب مَأْصُـود
مــاتـنـفـعــه دنـيـــاه و ابـــاه وولاد

عَـلَيـْـه هـوّن سَكْرة الموت لا تكـود
أُوسّع بقـبـره يـوم ضـمَّــات الألْحَـاد

واجعـل من الجنّات فرشٍ ومَمْـهُـود
أُوّنّس به الوحْشَه ترى الخوف يزداد

تـرى القبر يانـاس هـو مـرْتـع الدود
لَخْـلَفْ مـنـاظر هَيْـكله والكـفـن بـاد

بـرزخ له الأحـيـــا مقــابـيـل وورود
يــالله حســن الخاتــمه خيـر مـيراد

أحدٍ من الحسنات له خيـر مَرْصـود
وأحـدٍ خـسـر بــالآخــره مـالقى زاد

اسبوع يسأل عنك ويـقـال مفقـود
وبعد شـهر يـا صـاح ما عنـك نشـاد

ترى القدر لا جـاك ماهـوب مـردود
لو القـــدر يِـنــرد لـقــيت الاجـــداد

والعـمــر فـي دنياك يالعبد مـحدود
ما تـنَّـقـص مــدّة حيــاتـك ولاتــزاد

ترى العمل بخـلاص عـقـباه محمـود
والنفس والشيطان في حاجة اجهاد

وترى الصلاة إمع الجماعه بـهـا زود
ما فيــه رخصـه للعـمـى يـمهـا يـقـاد

وزكـاة مــالك أدهــا وانت مـنـشــود
وش أنفقته فيه؟ والأصـل من غـاد؟

فرصة عمل ياناس والحبـل مـمـدود
دام القـلـم مـوجـود مـاجـف الامـداد

وصلوا على المعصوم من كل منقـود
أزكـى الـصـلاه. اعـداد. مـاهـل. رعـاد

حسين عبيدالله بن هندي

[اللحالي]

قصيدة بمناسبة حفل أحد المدارس


أهـلاً هـلا في جمعكم مرحـبـا.الفـيـن
تـرحـيـب وافـي نـرفـعــه بـالـقـوافـي

أزكـى مــن العنـبـرأُو ورد البسـاتـيـن
وحـلى مــن ادرار.البـكـار الشـعــافـي

اعــداد مـن ســاروا. لـبـيـتـه مـلـبـيـن
ومــا كــبـروا.رب الـمـلأ بـالــطـوافـي

في جمعكم ياللي حضرتوا على الزين
فـي صـرح عـلـمٍ يـمـنح العـلـم وافي

نعم*الرجال*اللـي*على*الدين*ماشـين
يشـهد*لـهـم*في*خـيـر*بـيـن*وخـافـي

اللي*قــديــمٍ*عـنـدنــا*والـجـديـديــن
بـجـهـودهـم*نبـوغ*جـيــلٍ*إيـشــافـي

يامـا*ابذلوا*مـن*جهـد*جـالـه*براهـيـن
صحـيـح*مـا*قلـتـه*دعـايـة*صـحافـي

والعلم*يرشـد*مـن*عن*الدرب*غاويـن
يــهـدي*ولا*هــــو*للـشـريـعـه*يـنــافي

ومن*يكسب*الدنيـا*بـها*يكسب*الدين
ولا*يـمـنـح*امـتـيـاز*غـيـر*الـسـنـافـي

وتكسب*رضا*غيرك*في*الرفق*والليـن
وتـرقى*لصـرحٍ*والــردى*عـنـك*غـافي

هــاذي*مــزايـــا*لـلــرجــال*الـوفـيـين
المـدركـيـن*أهـل*الـقـلـوب*الـنـظـافي

وانـتم*ثـقـة*من*ودَّعـوكم*صغـيـريـن
أجـيـال*للـعـليـا*بـحـاجــة*إعـسـافـي

تعليـمـهـم*سـلم*العــرب*والـقـوانـيـن
وديـن*الوسط*مابـه*شـوايب*وصافي

وعن*الـغلو*تحذيرهـم*يالحكـيـمـيـن
والـلـي*غلا*بالـديـن*جـــاه*انـحـرافي

أعطوا*شباب*اليوم*جرعه*وتحصيـن
عـن*الذي*بـاوصـاف*عــض*الهـرافـي

حب*الـوطـن*به*يـرجحن*الـمـوازيـن
أحسـن*وطـن*بالكون*هـذا*اعتـرافـي

دار*آل*سعود*اللي*على*الضد*قاسين
حكـامـنـا*الـلــي*ظـلـهـم*دوم*ضـافي

حلويـن*في*حـاله*وفـي*حـال*مـريـن
فـي*حال*شهـد*وحـال*سـمٍ*إزعـافـي

ومـا*قـل*دل*و نـكـتـفـي*بالـعـنـاويـن
وعلى*النـبي*صليـت*بـاخـر*مطـافـي

عليـه*صـلوا*عـد*مـا*تـرمــش*الـعـيـن
نبـيـنـا*الـمــعـصـوم*عــن*كـل*هــافـي

حسين عبيدالله بن هندي

[اللحالي]

قصيدة من الشاعر/ فهد بن عيسى المحمدي رحمه الله

البارحـه كني عـلـى واهــج الـظـي
تـعـاقـب الافـكـار سـارح وظــاوي

مـالذ جفـني بـالكـرا لـوهـو اشـوي
شبن علي الهجس جمـر اللـظـاوي

ياليت لو نجفا الهواجيس تـسـري
المشكله هوجاس الاحـباب غـاوي

بـكـره ربت بديار حـاتـم ولـد طي
من دونها ياحسين صـلف العـزاوي

صدفه بلا ميعاد يـوم عـرضـت لي
سبـحـان من صورْه قـادر وقـاوي

ما عـاد بي حـيلٍ وصبرٍ على الكي
وانا بـوسـط الناس كـني خـلاوي

ماهي جميله يا عـرب شـيخـة بني
و ابا اسـنـد الـقــالـه لـحـرٍ رهـاوي

على النقا والطيب ماهو على الغي
تكفا يابن هندي ترى الشوق طاوي

ساسك سـنــاد ولـلـمـنــادي تـلـبـي
كسـابـة النـومـاس يـوم الـنـخـاوي

الـحـي. لابّـده مـفـارق هـل الـحـي
الـعـمـر. رايـح يا حيـاة الـشـقــاوي

وجـاهـتك يــالقـرم بالعـلـم تـكـفـي
وان ماحصل تبقا الخـوي الـنـقـاوي

لو حبها يطـوي اضـلوع الـغـلا طـي
يـعـيـش مـا بـيـن الألـم والـرجـاوي

فهد بن عيسى المحمدي


يامـرحـبـا ترحـيـب وافـي ومـثـني
ترحيبـة الـلـي بـالـوفـاء لـه مــراوي

باللي قصيده باجمل القـاف مـبـنـي
وعـلـي عـنــز مـطـلـبـه مـا يــراوي

يشكي هوا من قـادة الـريـم وادمي
عمهـو جــةٍ فيــهـا مـتـيـّـم هــواوي

يا فهد قـبـلك حـبـهـن سـاطـيٍ فـي
ماصاب قيس اصـابني بـالـتـسـاوي

امشي وفكري فاقـده ما هـو امـعي
ولايـلام طـراد الهـواء بـه سـهـاوي

الحب بلـوى واكـثـر الـنـاس مـبـلي
اليا حصل من يجـرحـه مـا يـداوي

ولعيون ابو عزوز يوم اعـتزى بـي
ابــا اتــوجّــه. يـمـهــم بـالـحــراوي

وابا اجـتهـد له دام انــا فيـه معني
واحوم لاجل ارضاه حوم النـداوي

على جهـة ذكره بديــرة بـعـد حـي
بنـت الرجـال مـزبنيــن الجــلاوي

وابحث عن اللي عودها مرتوي ري
اللـي تـفـوق بلابسـات الـغـطــاوي

خصـرٍ وعنـق وخـد بـراق وفْمـي
بيــن الشـفـايـف لا تبسـم حــلاوي

جفـول بخفــة دمـهــا فــزة اظـبي
ومشية حمامه ما تشـد الخـطـاوي

ادفع بها جاهـي ومـا تمـلـك ايـدي
وبشـايــة الله مـا تخيب الهقــاوي

حتى اليـزيــدي يستريـح امتـهني
بـعد السهـر يـرتـاح بــاله هنــاوي


حسين بن عبيدالله بن هندي

[اللحالي]

قالوا تحورف قلت يالربع مشّـاي
مـا باقيٍ لّي غير تشغيل جـيبـي

فاكس آرلاندكروزهوغاية امـناي
آخر مديــل الزيــن لون الحليـبي

إليا انزعج مثل التفق عـند رمّـاي
إليا ارسله يم الهـدف له يصـيـبي

عليه نبغـا نتّجــه يــم مـنـصــاي
جنوب شرقٍ صوب يم الخـشيبي

ساعه زمــان إوَّاصـلٍ لابـو غــزّاي
ضيف الله اللي نزهمه بالزغـيـبـي

يباشرك بالترحيب والبن و الشاي
ويكــرر الترحيب ويجيب طيبــي

وعليه بالأفعــال من حاتم الطّاي
ولا هــو عليكم يالزغيبي غريبــي

قصدي سلام وصحته غاية ارضاي
وعسى من اللي صاب رجله يطيبي

وليَّه طلب تشريفكم باكر الـجــاي
أبـــي لكــم مسيـار يمـي قـريـبـي

وساعة فرح عندي تساوي لدنـياي
مــن الشباب لدور وقــت المشيبي

لصار عندي من هَل العرف والرّاي
زحول الرجال ولا مداهم حضيبي

حسين عبيد الله بن هندي

[اللحالي]

a28h9rOQFQY

[اللحالي]

ياحسين نـبـعد عن بعضنا وغالين
انـتـه من اقصى الناس ونا كذالك

غـالي ولك عـنـدي مـعـزه لذلحين
وافي وطيب المعرفه من خصالك

ايـوالله اني صـادقن ياحمر العين
مـعـزة الاصـحـاب مـثلـك و فـالك

شـهـرين كني عارفك مدة السنين
من طـيب سيسانك وعـنّزك خالك

و نـا مـن الـلـي بالمواجه سلاطين
عزاز النفوس اللي بهاالطيب مالك

ياحسين لاعدى بك الفال ياحسين
ارحـب تـراحـيـب الحيا في قبالك

حـنـا السـهـول مرجحين الموازين
نـفـرح بـمـثـلـك و عـتـبـرنا عيالك

اخـوان بـالـدنـيـا شيوخن عزيزين
ولا فـيـه فـرقـن بـيـن مالي ومالك
،
راشد بن لويحق السهلي

حي الحروف وحي راع النبا الزين
يابـن لويحـق يـوم جـالي مجـالك

يــامـرحبــا اعـداد رش الوداديــن
من النصوب اللي كمـا الليل حـالِك

راشد عزيــز ومـن رجـالٍ مسمين
اللي اليــا مشـيت طـيـبٍ مـشـالك

من روس قومٍ مطوعة كل عاصين
كـم راس عـاصي وردوه التـهــالك

مدحـتني والمدح من طبع وافيـن
و اقـول شكــراً جـمَّــل الله حــالك

ولي الـشـرف بـزيــارةٍ للميــاميــن
فـنـجـال عـنـدك كافـيٍ مـن دلالك

حنا الحروب نزيد بالصاع صاعين
عسل صديـق و للـعـدو سـم هـالك

اخـوان بـالاسـلام والعرق والديـن
والسلم واحد في جميـع المسالك

حسين بن هندي السليمي

[اللحالي]

https://pbs.twimg.com/media/EfVNteWWAAEzfPI?format=jpg

[اللحالي]

‏من القصائد القديمة

‏ارسل الشاعر نايف بن سعود السليمي
‏هذه القصيدة للشاعر
‏حسين عبيدالله بن هندي السليمي

‏ياهل الركاب اللي ركبتوهن إعصير
‏ أوموا عـلـيـهــن واسروا الليل كله

‏ سروا اخطاهن مع إسهال وعثامير
‏ و الذيب دربه لاسرا مـا يـضـلـه

‏حثو همايم مبعدات الـمـشـاوير
‏مهاوزات البعد و أيـضـاً الأظـلـه
‏
‏قطم الفخوذ امنجبات المناعـير
‏شيب الغوارب مشبهـات الاهـلـه
‏
‏وساع الفجوج وحوش برص المواخير
‏سمحات الأيدي مـدركات الأدلـه
‏
‏عربن نسبهن ما نسبهن مثـيـبـير
‏ما نس منسبهن نـسـب كل خـلـه
‏
‏ما حافهن بالسوق عبد الـدنـانـير
‏اللي يبـيـع أبـوه لـو هـو حـصـلـه

‏حامي جنبهن محتميهن عن الغير
‏مـا حـد لـد الـسـوم دقــه و جـلـه

‏مرباعهن قفر الحيا والمـخـاضـير
‏في خايعن راع الغنـم مـا وصـلـه
‏
‏يتلن طياح وسوم وبل الشخاتير
‏على هواهن لهـتـون قـوطـرن لـه
‏
‏واليا وصلتم للمحلاني على خـير
‏وافلح نـهـار اللي لـزومـه وصـلـه

‏بلغوا سلامي للرجال الـمـشـاهـير
‏نطاحة الواجب لاوجب مـا تـزلـه
‏
‏عزاز النفوس مدلهـين الـمـسـايـير
‏ربـع عـلى الـطـولـه نـمـور مـطـلـه
‏
‏عمواوخصواحسين ريف المسافير
‏شبلٍ همـام و مـجـلـسـه مـا تـمـلـه

‏ما غال للنخوه كما صـنـوا خـنـزير
‏ما هان في عـينـه ضـهـيد ٍ زبـنـلـه

‏راعي هلا مـا هي تتطـبـع و تـزوير
‏مالاذ وقال للبيض روحـن قولن له

‏خـوذوا علومـه ثـم هـاتـوا تـقـارير
‏قول الحقيقـه حـق مـا هـي مـذلـه

‏وقولوا صحيبك يا وفي المشـابـير
‏اصبح عليل الحال ماحدٍ فـطـن له

‏من غي فر وطاح بأقصى زمـهـرير
‏قــامت لـواهـيـب الـلـظـيــه تـمـلـه

‏عقب عقب حد الوطا لـلـشـنـاظـير
‏عدّا لهديـب الـشـام وشـد الـرحـلـه

‏هبت في الخافق هبوب ومعاصـير
‏وذيب السعه ضيق السعه ماحتمله

‏بالضيق ما يسوى عشا العنز شعـير
‏راع المثــايـل و الـمـثــل نـمـتـثـلّـه

‏دون الوقــار مـبـلـمـات الـمـعـاذيـر
‏خلـقـت على مـلـه و مـاتـت بـمـلـه

‏حنت على جسـر الهلاك الـبـوابـيـر
‏مـا بـازرق. الـمـيت حـيـاه و تـدلـه

‏وسبع العجاف بكف غل التياسـيـر
‏محروم معطى و عـلـة الـغـل عـلـه

‏وكليب مات وثـار في ثـاره الـزيـر
‏لـو انـهـزم جـسـاس سـالـم وصـلـه

‏وريحانة الوجدان نفح الـمـعـابـيـر
‏ذعذع بها الهاجـس بـعـد ذعـذعـلـه
‏نايف سعود السليمي

‏ورد الشاعر / حسين عبيدالله بن هندي
‏على الشاعر/ نايف بن سعود بهذه القصيدة

‏حـي.. الـرّكـاب..الـلـي لـفـنـا مـعــايـيـر
‏تـرحـيـبـة.. الـلـي. شـايــف ٍ غــالـي لّـه

‏بـالـركب واللي فـوقـهـن مـن مـنـاعـيـر
‏ اعـداد.سـحـب ٍ بـالـسـمـاء مـسـتـهـلّـه

‏يا مرحبا أحلى من حليب الـمـصـاغـيـر
‏ الـلـي. رعــن.. حــوذانـة ٍ مـسـتـطــلّـه

‏يـاراكـب. الـلـي لا مـشـا. كـنّـه ايـطـيـر
‏يـطـوي. سـهـال ٍ واسـعـه.. مـسـمـهـلّـه

‏حـر ٍ سـبـوق. يـفـوق وقـت الـمـغـاويـر
‏ يـاصـل و يـوصـل. بـالـرهـا. راكـب لّـه

‏جـروان.. جـده. مـن حـرار. مـشـاهـيـر
‏و خـضـرا. الـذلـول الـسـابـقـه جـدتـلّـه

‏وعـلـيـه من بـلـهـان حـلـيـا و تـصـويـر
‏و أيـضـا مـثـل سـمـحـان فـي فـزّ تـلّـه

‏ذكّـرنـي اعـريـجـان و بـه مـيـزة غـيـر
‏و مـطـيـع.. لـلـي. راكـبـه.. خـاضـع لّـه

‏علـيـان ابـوه و مـنـحـنـي كـالـسـنـانـير
‏ تـقـول. قـوس.. و راكـبـه.. مـسـتـولّـه

‏عامين غـير امـه رضـاعـه عـلـى ضـيـر
‏ ثنتين يرضـعـهـن و هـن يـعـطـفـن لّـه

‏ويرعى طيابة عـشـب قـفـر و نـواويـر
‏مـعـشّـب.. حـتـى. ان عـمــره.. كـمـلّـه

‏بالجلس الاول عاسـفـيـنـه بـتـسْـخـيـر
‏حـتـى. تـهـنـدب. و الـرســن. مـايـتـلّـه

‏و الـكـور مـضـبـوطٍ بـقـد و مـسـامـيـر
‏وبـدود. طـرف. و كـنـهـن. فـرش. زلّـه

‏والخرج فوقه والـسـفـا يـف مـحـاديـر
‏ عـنـد اربـعـه. مــع فـزّتـه. يـلـعـبـن لّـه

‏وعلى الغزال المـيـركـه مـبـرم الـسـيـر
‏و مـبـطـنـن و اخـصـار. مـن شـان دلّـه

‏ذا مـركـب. الـجـدان مـاهـو حـنـاتـيـر
‏سـفـن الـصـحـاري و الـدروب الـمـزلّـه

‏من عـنـدنـا مـمـشـاه مـع وزة الـطـيـر
‏و ضـحـي. يـاصـل لـلـقـريـن و هـلـلّـه

‏عـليـه مـنـدوبـي و قـافـي و تـقـديــر
‏ لـبـو. مـشـاري. يـاصـلـه فـي مـحـلّـه

‏مرحـب بـالـضـيـف مـن دون تـأخـيـر
‏طـيـبـه. طـبـيـعـه و الـوفـاء عـادتـلّـه

‏لاديـر. فـنـجـال. الـدلال الـمـبـاهـيــر
‏عط نايف بن سعود ظرف الـسـجـلّـه

‏وتبا الحقيقـه و الـعـلـوم الـمـصـاديـر
‏للِّـي نـصــانـي مــا مـلـكـتـه فــداً لّـه

‏لو كان يلحقني بـفـعـلـي مـخـاسـيـر
‏ أمشي معـه و اسـيـر طـوع ارضـلّـه

‏وصبر وقناعه بالفـتى بـعـد تـفـكـيـر
‏ ولو الجبـل يـنـزال تـبـقـى الـجـبـلّـه

‏ومسّاحة الاسفنج تمحى الطباشـير
‏ و الـنـقـش بـالا حـجــار مـا زال لِلّـه

‏ولو أزرق الميت وصـلّـك صـنـافـيـر
‏مده و جـزره يــا فـتـى راجـعـن لّـه

‏وبالبحر الأحمر للجـواهـر مـدا ويـر
‏ومن غاص جاب الدر في موسم لّه

‏ودرب بــه العاثور غيـره مـعـابـيــر
‏تلقى طريــق مـا يـجي بـه إشـكـلّـه

‏واللي جنى بكليب قص الحناجـيـر
‏وكثر حِيَل جساس ما يشـفـعـن لّـه

‏ولا ظن بالدنيا ولا شيء ما يصيـر
‏وكلـش بـتــدبـيـــر الـولـي رادة ٍ لّه

‏وعساي نلت ارضاك في كل تعبيـر
‏و العبد يخطي و الولي عاصــم ٍٍ له

‏حسين عبيد الله بن هندي

[اللحالي]

https://pbs.twimg.com/media/EyQxruhXMAYZ8pu?format=jpg

[اللحالي]

https://pbs.twimg.com/media/E_Pjoc3XoAMhd-Y?format=jpg