ديوان الشاعر سعد ناعم السهلي الحربي

[اللحالي]

الشاعر سعد ناعم السهلي الحربي
ابو ماجد يمتاز بمفردات جزله بمعنا الكلمه وتميزه بإسلوب فريد يميزه عن غيره من الشعراء ومن مميزات مفرداته غزارة المعنا ولجزالته و جزالة قصائده وضعنا له هذا الديوان هنا لنجمع بقدر الامكان من اشعاره لثقتنا بالإستفاده من جزالة قوافيه لمتذوّقي اجزل الاشعار فهو كفو لذالك وليس هو بحاجه لشادةٍ من احد بل قصائده تشهد و كل من يقرء ها؟

[اللحالي]

في رحلـة العمـر لاتنسـى الـوعـد للأيـاب
ترا السفينـه تخـوض الـمـوج باصحابـها

خلك مع الدرب لاتخطي طريق الصواب
قـــدام الايـــام تـلـبـس بـاهــت ثيـابـهـا

ان كان حاسبت روحك قبل يوم الحساب
لاتـشـتـقـي بـالـلـيـال و دورة حـسابـهـا

الله يجازي على الحسنى عظيم الثواب
اولابـهـا مومـنـيـن الـخـلـق واحـرابـهــا

المعصيـه ماتجـيـب الا النكـد والـعـذاب
والجاهل اللـي غفـل عـن ساعـة عقابهـا

اليوم حاضر وباكر فـي كشـوف الغياب
ماعـاد يحـصـل لعينـك شـوفـة احبابـهـا

من عقب لبس المشالح والعقل والثياب
تصبـح بحـضـن اللـحـود وغيهـب ترابـها

لاجيت مـن مرقـد النايـم تشيـل الكتـاب
و اعـمـالـك مـدونـه فــي داخــل كتـابـها

في يوم صم الجبـال تصيرمثـل السـراب
والنـار تحـت الصـراط تـفـوح مـن مابـهـا

ان جبتهـا مظـلـمـه تشـبـه سـواد الـغـراب
عنـك السـلامـه تـغـيـب وتبـعـد اسبابـهـا

وان جبتها بيض ترجح فـوق حد النصـاب
يفـتـح لــك الله بفـضـلـه واســع ابـوابـهـا

ياخالـق البيـت يامنـشـي ثقـال السحـاب
تـفـرج عـن امـة محمـد نــازف مـصابـهـا

سعد ناعم السهلي الحربي

[اللحالي]

عـبـر الزمان اللي تـسـابـق ليالـيـه
ياعيد سـلم لي عـلى روح غـايـب

سلام من هاجس محبه ومـغـلـيـه
وقل له تراني من غثا الوقت شايب

سلام تعزف نبرة الـحـزن مـافـيـه
عليه من نبض المـشـاعـر نـدايـب

اجمـل تحيـه زفّـهـا بـيـن ايـاديـه
فيها الغلا مع جارح الـدمـع ذايـب

ذكرتني يالـعـيد وقـتـه ومـاضـيـه
ذكـرتـنـي.سـاعـة نـزول اللـوايـب

يالعيد قلبي حارق الوجد يـكـويـه
من يوم مارزو عـلـيـه الـنـصـايـب

حاولت نسـيـانـه ولانـي بـنـاسـيـه
ذكراه بارق و الخـواطر سـحـايـب

بعطيك من وصفه مواري واحـليـه
مثل العقاب اللي عطيب الضرايـب

حـلو الـمـحـيا مـايـمـلـه مـخـاويـه
دايـم يـذكـرنـي بـوصـل الـقـرايـب

تبـعـد بـه الايـام عـنّـي وانـا اتـلـيـه
رحال فـوق ظـهـور سـود الركـايـب

تسريبي الـذكرى عـلى درب مـابـيـه
واسري وانامن موحش الدرب هايب

كنّي على مركب بـعـيـده شـواطـيـه
تلعب بـه امواج الـبـحـر والـهـبـايـب

كم لي وانا اخفي مابقلـبـي واداريـه
واشيل في صدري لـهـود وصـوايـب

واعـيني اللي هـلـت الـدمـع تـبـكـيـه
وانا ادري ان الـدمـع مـاهـو بـثـايـب

مشتاقله شـوق الـمـسـافـر لاهـالـيـه
مشتاقـلـه شـوق الـلـقـا لـلـحـبـايـب

اودعته اللي يعـلـم الـحـال وارجـيـه
يـغـفـر لـنـا الـزلات جـزل الـوهـايـب

سعد ناعم السهلي الحربي

[اللحالي]

اضربي بسيوف جورك واطعني برماحك
الله الـلـي قـدّر احـوال الـمـلا. سـبـحـانـه

غرّدي حول الحما لاترفـعـيـن صـيـاحـك
واتركيني في دجا ليلي وصـمت احـزانـه

ماتساوت دمعة الباكي ودمـع الـضـاحـك
قالها اللي هـلـت دمـوعـه على صـدقـانـه

ماعشقتك وانتي اجمل ماعليك وشاحك
ياضميرالخوف واحساسه وصوت الحانه

ادري ان الويل والنكبات عـقـب مـزاحـك
وادري ان الموت مسرج مهرته واحـصانه

دامت اسهام الـمـنـايا في بـلاد افـراحـك
اغـربي مـالي هـوا في عـشـرة الـفـتـانـه

ان ضويتي بالسعاده شالـهـا مـسـراحـك
ياوصيفة مثل قـارون الشـقي و اقـرانـه

الامل مصباح دربي لاانطفـا مـصـبـاحـك
استنير بحكمة الباري و فـيض احـسـانـه

عندي السبع المـثاني فـوق حـدّ سـلاحـك
حرز من وحي الكتاب اللي صدق برهانـه

والسباع اللي تعـاوت لي و انـا بـمـراحـك
استعـين الله عـلـيـهـا لـو بـقـت سـهـرانـه

من هـو اللي ماتلـوّع في مـهـب اريـاحـك
من هو اللي ماطرقـتي بالـشـقـا بـيـبـانـه

مقصدي منك السلامه قبل احوز ارباحـك
والطمع في طـاعـة اللي نـسـألـه غـفـرانـه

سعد ناعم السهلي الحربي

[اللحالي]

تـمـنيتك وطـن لي شـرقـه وغـربـه
سواة البلسـم اللي يـبـري اوجـاعـي

شغف قـلـبـي هـواك وزاد بـه كـربـه
بعد شفت الزمان الشين مـاطـاعـي

رحل طيفـك وفـكري تـاه مـع دربـه
دعـيـتـه. لـلـرجـوع و قـال لاداعـي

يداعـبنـي غـرامـك وافـرح بـقـربـه
وقلبي يرتجف مـابـيـن الاضـلاعـي

تمالكني وله مـااقـوى عـلـى حـربـه
تـغـنّا بـالـضـمـيـر وغـيّـر اطـبـاعـي

احس اهات في صدري تحـاشـربـه
واقود حروف شعري وارفع شراعي

يهيم الليل مـن حـولي واسـافـربـه
واعزف اوتار حلم بصوت ملتـاعـي

بدا منك الجفـا في رحـلـة الـغـربـه
حسافـه وانت غالي تـلـوي ذراعـي

احـد. لـه بـالـوفـا عـذر ايـتـعـذربـه
واحد له في عذاب الروح مربـاعـي

تـمـنيتك خـوي بـالـدرب افـاخـربـه
قبل وقت الرحيل ودمعـة الـنـاعـي

متى اللاهي عن المشتاق يشعـربـه
مـتى الايام تلبس زيـن الاوضـاعـي

سعد ناعم السهلي

[اللحالي]

https://pbs.twimg.com/media/D_gdodhX4AAoAwU.jpg:large

[اللحالي]

https://pbs.twimg.com/media/D6M2dhXWwAcdMlD.jpg:large

[اللحالي]

https://1.top4top.net/p_1291v3frt1.jpg

[اللحالي]

https://pbs.twimg.com/media/D-nG_x9WkAAFSy3.jpg:large

[اللحالي]

https://pbs.twimg.com/media/ECPYsvQXkAAhj0-?format=jpg

[اللحالي]

https://pbs.twimg.com/media/EKnPnRjXkAUlC-w.jpg

[اللحالي]

https://pbs.twimg.com/media/ELLdGetX0AEmFWR.jpg

[اللحالي]

https://pbs.twimg.com/media/EIW-nbwXkAAkwwB.jpg

[اللحالي]

https://pbs.twimg.com/media/ESUqbL3WsAA1dqu?format=jpg

[معيض الضعيني]

صح السان ابوماجد الشاعر سعد ناعم
وديوان مشرف وجزل لشاعر جزل
وبيض الله وجهك ياابو سلطان على جهودك ووضع ديوان شاعرنا ونشره وكفو بالجميع

[اللحالي]

https://pbs.twimg.com/media/Eed7g0bX0AAZFJU?format=jpg

[اللحالي]

https://pbs.twimg.com/media/EgKnY8kXYAAWAmM?format=jpg

[اللحالي]

https://pbs.twimg.com/media/Eh3aT51XYAAFTIg?format=jpg

[اللحالي]

https://pbs.twimg.com/media/EjhYE8UWoAc4YR3?format=jpg

[اللحالي]

https://pbs.twimg.com/media/FQnyrGuXIAE4Ucy?format=jpg