الناس صارت تحسب

[اللحالي]

الناس صارت تحسب المدح تجريح
شــانـوا لـــو ان الـعـولمه.. طـورتـهم
والآخـره تـشكو مـن الـناس وتصيح
لـيـت الـبـشر تـدرك حـصاد ألـسنتهم
والـلـي عـلـى هـفـواتي تـكـن وتـبيح
عــشـان مـانـي مـتـجه مــع جـهـتهم
أقــولـهـا وأصـــرح الأمـــر تـصـريـح
عـنـدي ثـقـة مـاهـي بـتـشبه ثـقـتهم
أنــا لـيـا وقـفـت صـعب انـي أطـيح
وان طحت هديت الجبل من تحتهم
وأهـل المصالح قد نصوني مشافيح
ومـا شـفتهم مـن خلصت مصلحتهم
ربــع الـسـعه وعـيال عـم الـمفاطيح
الله لا يــســقــي ثـــــرا مـعـرفـتـهـم
يـابعد فـرق العود الأزرق عن الشيح
جــهـال.. بـقـعـا مـــا بـعـد درسـتـهم
شـفي الـرجال الـطيبين الـطحاطيح
الـلـي الـعـلوم الـغـانمه مــن صـفتهم
ان سـولـوفوا عـن الـرجال الـمفاليح
مــــا ودك انــهــا تـنـتـهي سـالـفـتهم
راحــوا بـسـرعة كـنـها سـرعة الـريح
بـس الـعرب مـن طـيبهم مـا نـستهم
الأرض أزرت لا تــشـيـل الـزحـازيـح
تـضـايـقت مـــن ثـقـلـهم وادفـنـتـهم

الشاعر عبدالله دليهي هاجري