ديوان الشاعر مساعد عبيّد الفيداني

[اللحالي]

اعضاء و زوّار المنتدى
السلام عليكم ورحمة الله وبركاته
وبعد
إليكم اوّل القصايد بهذا الديوان
للشاعر مساعد بن عبيّد الغيداني الحربي
وسنجمع القصايد للشاعر بهذا الديوان لاحقاً


يامساعدبن عبيّدبن عصمان للاه العجب
تمرنا.. مقفي و مقبل تقل سايق لومزين

وانا اتحرم جيتك جيتك. تشرا با الذهب
رجّال عرف و طيب و. لك قلبٍ.. فطين

حياك ربي كل مامريت... ياعال.. النسب
الخاطراوسع من فيافي نجدورض الحرمين

سيّر علي العصر تاجدني على جال الحطب
احط لي وقده وولعها بقدوم ... الغانمين

عسى يمينن ما تقهوي.. من يجيها للعطب
ومن بعدهاتكريمةالضّيفان بالكبش السمين

الي مثل شرواك لا جاني و. ماجوبه وجب
ذبحت له حاشي وكرمته كرامة...غانمين

ورّيته السكين تنقط دم ابشر با الشبب
صميدعن شرواك طيّب جامعٍ دنياودين

يا فيصل خذ المكتوب... لاجاك العطب
ارسالتن وجهتها مضمونها...عندي ثمين

نسقتها تنسيق ورد الفل وردن من حلب
قدم مليكن صفقوعنده جميع الحاضرين

ارسلت لك مرسول من هاجوس ماهومن عتب
امداعباتي ماتجي الا.. للرّجال الطيبين

ارسلتها يم الرجال الي لهم شيمة عرب
ربعن تنومسني مواقلهم تسر النّا ظرين

نصّيتها. لمساعد العصمان فكاك النشب
مالي ومال الي يجاهدهاوعيت. لاتزين

الّي يصوغ المعجزات الّي مثل نقدالذهب
الياهاجت افكارالقريحه من يسارومن يمين

ممسى يشا يلها على وجهين لين انه..نشب
و الادمي.. من بيته مخلوق من تربه وطين

يا زين تجديد القر يحه لا نصت شيخ العرب
وإلاّ على بعض.. العلوم.. الثانيه.. ربك يعين

( عوص مضحي الوهبي )

حييت... يارع..القصيد اللي.. كمانقد الذهب
ياشاعراً. مايقطف إلا النرجسي و الياسمين

عز الله اني مستريح... من المنابر و الخطب
وكل... العلوم .. الاوله. راحت مراح الاولين

واليوم جتني من عزيز تحمل مشاريه وعتب
ولله مأعنها... صدود. ولا ينفع العذر السمين

احرص على رد الجميل والمعذرة يابن وهب
الحق. لك مابه كلام وباللي تقوله حاضرين

لاشك... لاتشره.. علي لاقلت عذري والسبب
تكودني بعض الدروب ونا على خبرك.. مهين

بالليل ماشوف الطريق وخاف لاقع في مطب
وأرجع قبل وقت الظلام مع اول اللي هاضلين

اروح... مع خطاً جديد يمر من عند.. الصعب
ثم انحرف عنهم يسارواطلع على خط البطين

و أشوف. . نارك. شاعمه دايم تزايدها حطب
وصينيةً فيها.. الشحم صكوا عليهاالغانمين

ودّي... أسيّّر كل يوم... يم المشبب والشبب
مير الضروف القاسية ياصاحبي عيت تزين

قولو لفيصل هالكلام تراي ابا أقف وانسحب
وانت الوكيل ابماقفي يابن عوض ذرب اليمين

لاياخذونك بالصباح وتحول من دون العرب
مالك ومال أهل الجدال لوطال يالقرم الفطين

عسا السحاب اللي نشاءوهلّت مزونه ونسكب
تقهقره ريح الصباء يسوق هتان و. غشين

يضفي على كل البلاد من الطوال. الى. حلب
ومن بحر جده للخليج.. سيله يسر الناضرين

مرباع وضحاً صدرت ترعا همل وسط الخبب
مارددوها بالشبوك ولا أعلفت تمر. و عجين


( مساعد عبيّد الغيداني )

[اللحالي]

يامشاري. قصيدي . شي ماهوجديد
وان طلع عقب وقته صارماهوبشي

لايسمّى.. قصيد ..ولا ..يسمّى نشيد
خوذوا..اللي تبونه واشعلو فيه ظي

يوم. وقته.. تركته للجفاف الشديد
مهمله له سنين وعاش من دون ري

ان بغيته.. وردني.. مثل ورد المديد
يابساتٍ.. قربهم.. يابسين... الشفي

يوم ضاع.. الدليله و الموارد.. بعيد
حروة.. اربع ليالي ما اورحو ريح مي

استدلوا.. على الماء. بعد جهدٍ جهيد
اخر الليل.. دكوا.. وأصِبحوها ضحي

كل. مأطِلق.. خيالي حرمن دون قيد
جابها.. في رسنها أو بسوط وعصيّ

عند جال الزلال وتحت خضر الجريد
اتنقى.. واقارن بين.. هذي. وذي

ماتخيرت.. منهاغير.. صعبٍ.. عنيد
اتمتع.. بعسفه.. واخر.. الطب.. كي

القريحه .. تسيّد.. والقوافي.. عبيد
والورق في دروجي والقلم في إيدي

ماطلع من محيطي لين طُق الحديد
وراعي الرشد عوّد يسلك ادروب غي

اذكر.. انّي.. كتبته.. في زمانٍ مجيد
وأذكر.. انّي.. دفنته ذيك الايام حي

لاسمعني.. قريب.. والا. سمعني بعيد
بس مدري وش اللي فطّن الناس في

سامح.. الله. صديقٍ مثل ساعِ البريد
ياخذ العلم منك ويطوي الارض طي

قال عطنا السوالف قلت عندي قصيد
قال هات القصيده قلت ماهي إبلي

مابغيت.. اتبيّن.. لين.. ذاب.. الجليد
وزادو الطين بله واصبح الوضع سي

وجاك عبد الرؤوف وجاك عبد الحميد
حرفوبعض... شي.. وزودوها إشوي

وش.. لنا.. بالطويله.. خلنا بالمفيد
لو اعدّل.. و ابدّل.. عادتي هي هي

مانسيت القديم ولاعشقت الجديد
ولاتجاوزت حد. ولا تحاقرت شي

الشاعر مساعد عبيد الغيداني


_oU17gF_mYo

[اللحالي]

حبايبي الجميع مأحلا الكلام في القوافي حين مايكون التعبير من القلب عن ذكريات ماضيه لها اثر عميق في نفس الشاعر ويشهد على ذالك غزارة التعبير ولنكون مع هذا الشاعر في قصيدته ونمتع افكارنا في مابين السطور في محاورته مع الدّار

يادار - حدتني ضروفي - وألاسباب
وانا - خُطا - رجلّي - عندك - ثقيله

يادار لو قدّرت - دمعي على الباب
ناجيتني - نجوى - خليل - إل خليله

يادار - هو صمتك - مشاريه وعتاب
او تشتكي - مثلي من الوقت ميله

يادار انا مابكي على هجر الأحباب
ابكي شموخك - والعصور الجميلة

يادار؟ هل يرجع زمانك وألاصحاب
او رجعت - أهل الدار له مستحيله

لوما.الحمامه عشعشت بين الأخشاب
و استوطنت - بعض الركون الظليله

لاقول كن اللي سكن - فيك ماغاب
او غيبة - أهل الدار ماهي طويله

عشرين عام وخاطري منك ماطاب
اروح - وارجع - لك وروحي عليله

الشاعر مساعد عبيّد الغيداني

[اللحالي]

ياطير.. دام.. الحوم. جائز و مسموح
وتملك.... مجالٍ يقصر الشوف. دونه

افرد.. جناحك بالهواء واطرب الروح
واترك... خشاش... الارض للي يبونه

لاتلقي .. النّظره... لقيعان...و سفوح
الحر.... مايرضى....معيشة... مهونه

ياطير.. انا مثلك.. لي امال و طموح
وكم... واحدٍ.. مثلي..ضروفه تخونه

وإلاّ انت طلق وراهي فجوج وشبوح
أليا.. بغاله......درب........ مايمنعونه

تكفخ.. بجنحانك مع الجوء وتشوح
وتلعب... على حدّ..السماء مع مزونه

وترقب..على وديان وجبال وسطوح
وأطول.... جبل..لك ماكراً في ركونه

وانحدتك شمس القوايل على الدوح
حوّلت... في طلحن... ظليله غصونه

في دوحةٍ...مأ حولها .. نزل وسروح
إلاّ حمام... الورق... يسجع....لحونه

ياطير ، انا مكسور خاطر..و مجروح
مدري....تعب ..وإلاّ فقدت... المرونه

حركت في احزان و اشجان وجروح
زودن.... على جرحاً.. وساعٍ..طعونه

ونقلتني... من حاجز الصمت.. للبوح
و هيّضتني.. والقلب هاضت شجونه

ياطير ...روّح في طريقك و انا اروح
هونت.... عن نظم...القصيد..وفنونه

ماودي.... انه يصبح... السر مفضوح
قلت.. انسحب.. منها..بسترومصونه

جنبت..... عنك و شفت نار لها ضوح
وقادةً.... فيها..... الحطب. يردمونه

قدام ....بيتاً شامخاً في طرف صوح
والنَّاس... من كل.... النواحي يجونه

بناه.... ابو نايف.... و شيّد.له صروح
ما حركت.... شرس العوامل حصونه

و مقطورته... ترسي مثل..ناقلة نوح
محمّله......... و مكمّله....... بالموؤنه

على الطّريق اللي نجي.. معه ونروح
مثل... العلم.... ماظنكم...... تجهلونه

له. مجلسٍ... دايم... مشرّع ومفتوح
مفتوح..... لجواد... العرب...يدهلونه

فيه... الدلال... تصب. وتساق وتفوح
وطلع....النخل... من كل شكلٍ نمونه

و سوالفٍ.....فيها.... تعاليل و امزوح
و اللغو..... و النّمّام....... مايسمعونه

هذاعوض مضحي مع الناس ممدوح
يدحم.. مع اهل ..المرجله في متونه

هو. الحزام.. أليا ارتخى. كل سلتوح
وهو.. فزعة.. اللي غارقٍ..في ديونه

ابن وهب.. والعلم واضح و مشروح
من لاذ.... فيهم... ماتجيه.. المهونه

ربعٍ... تعلّوا... قمة.. المجد بوضوح
و محصلين... المدح.... يستاهلونه

ماقلتها.. من شان..حاجه ومصلوح
ولا. جيت ..أدوّر من. ورآها..معونه

اعجبني.. الطاروق..والنقد مطروح
وعذري... يابو.. نايف... تبا تقبلونه


(( ابورامي ))
- [ مساعد عبيّد الغيداني

[اللحالي]

حبيسة.. الإدراج.. سلمت من الحرق
ونا.. هواياتي..... بحرق.... القوافي

تقول. لي.. جنّب عن الطامنه. وارق
بالعاليات...... النايفات...... النظافي

لاتضمن.. الرجعة... ولاتامن... الغرق
لاهاجت... الأمواج... دون.. المرافي

وردت. علي خبراً طرقها الهواء طرق
في مهمهن... خالي من الورد. صافي

وابعدتها ... عن ناقل... الهرج والقرق
و خليتها... تضرب... وسيع..الفيافي

رغم. التخفي. ماختفت بالحمي درق
و الله.. هو.. اللي.. عالم ٍ كل . خافي

حتى والو تاصل نجوم السماء الزرق
والليل موحش. واغلب الحي. طافي

مردّها بيت(ن).. على. مفرق. الطرق
تذري....عليه... الذاريات... السوافي

بيتن.زمان..الجوع والخوف والسرق
ماصكّ... بابه... بالسنين.... العجافي

واليوم... وين ووين.. يامابعد الفرق
أصبح... حطام... وبأن فيه. الخلافي

خرابة (ن) تنعي.. على سوره.. الورق
و له وحشةٍ.. منه الطراقي... تخافي

عسى السحاب اللي نشأ ونحدر شرق
مزنن.. من الوسمي على نجد ضافي

ماينقطع... حسّ.. الرعد فيه والبرق
يسقي.... تراب. الدار عقب الجفافي
**

[اللحالي]

كريم.... يا نوّاً..... تكاشف.... بروقه
بدد.. سكون.. الليل.. برعود و بروق

الله** على... ذيك... الفيافي يسوقه
ذيك.. الديار.. الشاسعه. مرتع النوق

ماكفته... دخنه.... لوادي.... خنوقه
ويرخي هماليله على نجد ، من فوق

وادي. الرمه. يسقيه. صادق. حقوقه
ويسيل واد الحمض ويسيل ساحوق

و منها... شمالٍ شرق.. لا حد.. لوقه
حيث.. انها. منبت. زبيدي و رقروق

عقب.. ثلاث.. ايام.. تخضر.عروقه
ومابه شعيب إلا من السيل مدفوق

ياما.. حلا.. ريح. النفل في شروقه
متخالط ٍ.. نبته.. نواوير.. و عذوق

قعدت.. اخيله.. و الفؤاد. امحروقه
حرقة.. محاميسٍ. بها البن محروق

مع.. بارقه.. ياخذ.. بي الفكر. توقه
ودّي.. اغنيبه.. على.. كل.. طاروق

واسري مع البرّاق و انوي. لحوقحه
وانا ادري اني ياهل العرف مسبوق

انا.. بشر... و ادناة... شي.ٍ يعوقه
حتى ولو يشره على المزن بلحوق

والشعر غيري دوجوا وسط سوقه
وكلٍ. تميز. في مقامات. و طروق

والشعر بحراً. ترسي. السفن فوقه
و مراكبن. فيها.. مقدم. و مفهوق

و قصيدتي ماكل شخص. تشوقه
و لاهزت.. إلا واحدن هزه الشوق

ماهمني... من لا. تناسب.. لذوقه
لآبدعت فيها واعجبت عالي الذوق

القصد. واضح. و النوايا.. صدوقه
تبي. تسد .حلوق. وتفتح.. احلوق

عسا السحاب اللي تكاشف. بروقه
يرخي هماليله. على نجد من فوق


مساعد عبيّد الغيداني

[معيض الضعيني]

صح السانك يا ابو سلطان وإعتلا شانك والله يرزق البلاد والعباد

[اللحالي]

يابو فهد من عام تسعه و تسـعـيـن
بـيـنـي و بـيـن الشعر حد وحرايب

و تـقـول سـمعني من الشعر بيتين؟
تحكي عن الماضي وبعض الغرايب

ماهي غريبه لو كـتـبـت الـدواويـن
و بـعـثـرتـهـا مـع عـاتيات الهـبايب

مـيـر* الـعـوايـد و آحترام القوانين
تمنعني ارجع له عقب صرت شايب

وارجـع لوقتٍ حال مندونه إسنيـن
و أيـام راحـت بـالـفرح والمصايب

بـكـيـت فـيـهـا فقد ناسٍ عـزيزيـن
وضحكت فيها في اجتماع الحبايب**

وعانيت فيها هجر وافراق غالـيـن
و جرحاً مع الايام مـاهـوبـطـايـب

راحت سنين العمر بألزين وألشـين
اقـفـت و حـنـا مـنكفين الركـايـب

هاذي هي الدنـيا مـتاعٍ الى حـيـن
و ارواحـنـا يـم الـمـنـايـا جـلايـب

يـالله يـاقـابـل صـلاة الـمـصـلـيـن
يالواحد المعبود منشِ السحـايـب

ياغافر الـزلات يـاقـاضـي* الـديـن
تغفر ذنوب اللي لجأ فـيـك تـايـب


ابو رامي

[اللحالي]

يامساعد بن حمود راع المـغـاتـيـر
الـلـي تـمـكـن فـي فـؤادك. غـلاهـا

لاعاد تـقـعد يـازبـون الـمـخـاسـيـر
شـد الـرحـال و خلـهـا في نـحـاهـا

لقـيت لـك عـشـب غـدالـه نـواويـر
برض ٍ خلا راع الـغـنـم مـاوطـاهـا

ماطبها غـيـر الـفـراشـات و الطـيـر
وبعض الفياض ألخضر مانش ماها

بكّر عليها الوسم واستبشرت خيـر
وغطّا شجرها العشب ماحدٍ رعاهـا

من شد من ضيده وساق المظاهير
الفجر قبل الشمس يبـدي سـنـاهـا

والجو والفرصه تساعد على السير
وزانت خواطرها ومست خـطـاهـا

تبي تطب أطرافهـا تـالـي عـصـيـر
ان ماحصل بالدرب شي إيحداهـا

خلك من الحدقان لم العـصـافـيـر
منها شمالْ و شرق واتبـع هـواهـا

يازين بالريضان شوف المـغـاتـيـر
وضِحٍ تزين ماوطـت مـن حـلاهـا

ابو رامي

[اللحالي]

البارحه ياجود ليل السهـر طـال
وازريت اعبر بالحروف الكـتـابـه

أمسيت اسامر صالي الجمر ودِلال
وأعـد. نجـم. الليل واللي سـرابـه

واصبحت انا في حال والناس في حال
ودموع عيني مثل وبل الـسـحـابه

اسـبـاب نـص رسـالةٍ عـبـر جـوال
يالـيـتـهـم. مـاصـوروا. لي سـنـابـه

عز الله انـه ضـاق صـدري و لازال
يضغط على جـرحٍ تجـدد صـوابه

تشكي وانا اشكي بالخفاء ضيقة البال
واصبر واخفـي و الـمـواجـع تـشـابـه

البعد ماهـو بـالـمـسـافـه والامـيـال
البعد بـعـد قـلـوب بـعـض الـقـرابـه

ياغاليه مادمت لك حـصـن و اظـلال
والصدر لك مـفـتـوح مـاصـك بـابـه

ابـيـوتـنـا واصـدورنا مـالـهـا اقـفـال
إلا عـلـى. الأسـرار. فـيـهـا صـلابـه

بيتاً لـكـم يـاقـرة الـعـيـن مـدهـال
امـشـي مساحـاتـه بـعـز و مـهـابـه

لا تشتكين الضيم لـو الـدهـر مـال
مـادام. مـاقـرب. لـقـبـري. نـصـابـه

ابو رامي

[اللحالي]

ياطول مسرا البارحـه يابو مـنـصـور
في لليلـة ٍ مـدري وش الـلـي طـرالي

الهاجس اللي كان غايب ومـحـضـور
ليألتـف فـيـني و اتـجـه بـي شـمـالـي

يسري ويقطعبي محيطات و ابـحـور
و حـلـوم لـلـيـل ٍ مـالـهـا. اوّل. وتالي

مريـت مـربـاع و مـداهـيـل و اقـبـور
وأرض ٍ وطى فـيـهـا عـزيـزاً وغـالـي

ومريت في صحرىٍ غدت كلـهـا بـور
ولازلـت سـاري سـابـحـاً في مـجـالي

الليـل و الـغـربـه و الأجـواء لـهـا دور
والـخـوف يـرفـع طـاقـتي واحتمالي

ومريت بيتٍ بـآخـر الـحـي مـهـجـور
امـطـرّفـاً تـسـفـي عـلـيـه. الـرمـالـي

وقـفـت اطـق الـبـاب واجـرب الـنور
واسمع صداصوتي ترالـبـيـت خـالـي

ولقيت يسكن به حمامه و عـصـفـور
مـن عـقـب مـاهـو مـدهـلـن للرجـالـي

اللي مـضـا بـالـعـز والـمـجـد مـعـمـور
و كل يـعـرفـه مـثـل قـصـر الـمـعـالـي

واليوم طاح السقف واتصـدّع الـسـور
وشـلـون ابـا. الـقـى فـيـه شـيـاً غدالي

دوجت فـيـه وكـنـت مـانـي بـمـسـرور
مـن. ضـيـقـةً.. بـالـصـدر.. واعـزتـالـي

احيان احس اني على البـوح مجـبـور
و اكـلـم الـجـدران.. و اجـلـس. لحالي

واحيان احس اني متيّـم و مـسـحـور
وإلا إن تـفـكـيـري طـلـع عـن خـيـالـي

أقـفـيـت عـنـه وخـاطري منه مكسور
ابـكـي َمـنـه و ابـكي على مـا مـضـالي

وابكي عـلـى حـلـمٍ بـهـالـدار مـطـمـور
مـامـات غـيـر الـحـلـم ؟! يـاهـمـالالـي

نـبـنـي بـهـالـدنـيـا عـمـارات و قـصـور
ونـركـض وراهـا و اخـرتـهـا.. الـزوالـي

ياطـول فـيـهـا أمـالـنـا يـابـو مـنـصـور
ويـا قـصـر. فـيـهـا أيـامـنـا و الـلـيـالـي

ابو رامي

[اللحالي]

‏هيضتني حمامه بين الأغصان نـاحـت
حـسـبـي الله علـيـهـا كل ماجاء مجال

تلّت القلب مني يوم فـاقـت وصاحـت
مـثل تـل الـسـوانـي لـلـرشـا و المحال

هيضتني وهاضت هاجسي ثم ماحت
في جـنـاح ٍ نفـلـهـا فوق روس الطوال

بعد ماطّيرتني بالهواء و أسـتـبـاحـت
سبر، جرد الصحاري والسهل والجبال

اتعبتني وعادت من تعب واستراحت
حوّمت بالـهـجير وعـودّت بـالـظـلال

ونثرتني مشاعرفوق الأطلال طاحت
مثل نثر السحابه فـوق ذيـك الرمـال

ياحمامه بقـيتي وأكثر الناس راحـت
عـقـب جمـع وتـقـارب فرقتنا. الليال

وينهم وين فيهم غبر الايام شـاحـت
جاوبيني تـراني جـيـت كـلـي سـوال

علـمـيني عن اللي من مرابيك زاحت
مـثـل غيمـا تمزّع من هـبـوب الشمال

كل ما أذكرسلفهم دمعة العين ساحت
عـزتـي لـلـمـدامـع كان ترجي وصـال

من فراقٍ طويل وعلةٍ ماستـضـاحـت
لين غابت مغيب الشمس عنها الامال

كان وقتي ظلام وضيحة البرق لاحت
وهـب لافـح بـراد و قام ينشي خيال

ذاك. عـهـدي. يـوم الأمـطـار طـاحـت
ذا يسوق الضعين وذا. يشـد الـرحـال

يتبعون الربيع وريحـتـه يـوم فـاحـت
في ديار ٍ خـلـيـه. مـاوطـاهـا الـحـلال

أرحلوا.وتركوني وآسط جرداً مساحة
كـل شـبـراٍ عـلـيـهـا. لـلفـنـا. و الـزوال

مابقى مانخفـي كـل الأسـرار بـاحـت
خـبري من يـهـمـه. وانـشـري مـايـقـال

علميهم بضيعة فـرصـتي يـوم تـاحـت
وعلميهم بوضعي قـولي الـحـض مـال

وعلميهم تراني قاطـعـتني،، ونـاحـت
حسبي الله علـيـهـا. ماعطتني. مـجال

كماقال مجهول؟

[اللحالي]

اخواننا مرتادي ديوان اخونا الشاعر مساعد عبيّد الغيداني وصلتني منه هذه القصيده ع الوتس حيث يوجد هو في بلد وانا في بلد من منطقة القصيم أحببت ااضعها بديوانه بالمنتدى والقصيده تحكي عن شاعرنا وطفلته ريم حيث تكثر اسألتها كل ماتسمع لبوها من قصيد.. وانا اتوقع هذه الطفله ستكون شاعره حين ماتكبر ولا غرابه حيث ابوها شاعر وقصائده تشهد على جزالة ابداعه وإلى الاتي ياحبايبنا

ياريـم شعري كان ما تـفـهـمـينـه
ارمـيـه في طيات وقـتٍ رمـاني

لاعـاد تـقـريـنـه و لا تـكـتـبـيـنـه
خليه يسرى و ارقـدي يا حناني

يا ريم شعري حافظه في خزينه
مفتاحه ابعد من سـهـيل اليماني

ويوم الهوى عكس أتجاه السفينة
ماداج في ضجـة رصيف ومواني

واناتـركت الشـعـر زينـه وشـينـه
مـاعاد يـعـنـيني بـكل الـمـعـاني

والبارحه عقب ارتياح و سكينه
طقيت بابـه وانـفـتح باب ثاني

وسريت والاوضاع ماهي بزينـه
في ليلـةٍ فيهـا تـشـيـب الامـاني

يا ريـم سـرّاني هـواي و قرينـه
يسوقني يا ريم سوق الـسـواني

احاول امشي فالدروب الأمـينـه
وقامت ظروفي بالطريق تحداني

والحسره إللي بالضمائر سجينـه
تكسرت في وسـط.عوج المحاني

ياريم انا قلبي تزايد حـنـينـه
يبكي على ما فاتني من زماني

لـو مـابـه إلاذكـريـاتٍ حـزيـنـه
وجرح.ٍ بقى ماطاب والعمرفاني

والعمر ياعمري تقافت سـنـيـنـه
تركض به الايام ركض الثوانـي

والصدر من مافـيـه بيّح كنينـه
من ضـيـقـةً ياريـم هزت كياني

في مامضى كانت عزومي متينه
واليوم طحت وعالمي مأاحتواني

طيحة غريبٍ وسط زحمة مدينه
ينـكر وجيـه أصحابـها و الـمبـاني

مـتـغـربٍ والـناس مسـتغـربـيـنـه
غـربـة زمـانـي غـيـر غربة مكاني

مساعد عبيّد الغيداني