ترى بعض العرب

[اللحالي]

الايامل قلـب كـل ماجـا الليـل جـاه خـلاج
يلوج ويجتلـد بالصـدر والعربـان ممسينـي

أنا متحير مـدري عـن المدخـال والمخـراج
إلا واعمـس رايـي مالقيـت اللـي يقدينـي

الا يامجيب دعوة من تصافق فوقـه الامـواج
أنـا بحمـاك ياوالـي الخـلايـق لاتخليـنـي

الا ياوجد روحي وجد مـن خلـوه بالمسهـاج
كسيـر السـاق بنحـور المعاديـن المغلينـي

الا من دك هوجاسي ولو انـي علـى ديبـاج
ولو جالي جميـع البيـض غيـره ماتسلينـي

الا واهنـي مخلـوق يفـرج ضيقـتـه لاداج
الا منـه دخـل بالسـوق غـاد لـه ميادينـي

ترى بعض العرب عمله بروحه مثل عمل سراج
يضوي للعرب والنار فـي جـوف المسكينـي

...

شعر : الملك / فيصل بن عبدالعزيز آل سعـود

[سعد السمين]

الله يرحمه ويسكنه الجنه ملك بكل ماتعنيه الكلمه
وشاعر ومفكر وصاحب دين ومتواضع وحمل هم الأمة الإسلاميه
شكرا على النقل يابو سلطان