ياسرع الليالي

[اللحالي]

الله ياســـرع اللـيـــالي والايــام
راحــت سنه من عمــرنا مادرينا

قبل امس اذكر توّنـا بأول العــام
واليوم بالعــــام الجديد ابتــديـنـا

لاهــيــن بالدنيا على حمر الانعام
نضحك على الدنيا وتضحك علينا

ناسين ان الخـاتمه في متر خـــام
تـبـت يـديـنا صـدق تبت يـديــنـــا

ياويـلنا من يــوم تحـيا بــه عـظام
يـــوم الولـــد يـسـتـنكـر الوالـدينا

مافيه لا فـزعه ولا عـرفة ارحـام
من هول ذاك اليــوم نجحد ذويـنا

ياليت كــلن يحـسب حساب قــدام
ونـحـاسب انفسـنـا على ماجـنـينا

خلونا نعمل ماتبقى من اعــوام
نرضي به ربنا لين يرضى علينا
لعله يقصد
نرضي به الله لين يرضى علينا

كما وصلتني بالوتس
لم اعرف شاعرها صح لسانه

[دحمان-الحاج]

يبدو والله أعلم إنها للشاعر/ ماجد الشمري
عموماً صح نقلك يا أبا سلطان
وصح لسان شاعرها أياً كان

[اللحالي]

جزاك الله خير ابو براهيم
واعدك وامثالك لاتأكدنا من شاعرها نضيف اسمه
قصيدته ذا فايده

[اللحالي]

نعم يابو ابراهيم وجدتها بعدة مصادر
بقلم ماجد الشمري
جزاك الله خير ابو ابراهيم واخوانك المسلمين