هذا الكلام وللفهايم نقوله

[اصايل]

من جزانا بالوصل والغلا ندبل جزاهـ
خــوه الـــطيب تنومس وتــرفع للعـلا

افتخر في خــوه اللي يشرفني نباهـ
جعلني من رفقة اهل المعزﻫ ماخـلا ^^

[ترانيم حربيه]

أهــديت له بالركن هذا .ثمانين بيت

مغيـر أكـّتب هنيـّا كل مـ أشتقت له

من كثر مـاضقت بغيابه ومـت وحييت

أول ما قال أنت وشلونك بغيت أقتله

[اللحالي]

اخوي ليامنّه قطع بي بلا اسباب
ماهو باخوي ويقطع الله تخوّ يه

لياصرفي دنياي مابه لي اثواب
بآلأخره - ماني بحاجة -حسانيه

[ترانيم حربيه]

خـذ الغـلا عهـد ومواثيـق بكتـاب

وخذ الضمان اللي حوتـه الكتابـه

احدن تضايق من غيابه ليا غـاب

وحـدن يـغيـب ولا يـهمـك غيابـه

[اللحالي]

الفزعه اللي ماتكامل ثمرها
إلاّ من الطبيب و امعاونينه

هذي هي الفزعه وهذا قدرها
ومازاد مايغبط به مدورينه

[اصايل]

على رفقه الطيّب يسير الزمن قدام ،،
اماري ب طيبه وارفع الراس واردد ،،
__
سلامي على اللي ما تنكر مع الأيام ،،
غلاه ونباه وموقف الطيب متجدد ،،

[ترانيم حربيه]

ليـه أسوق الك الجـروح ونـزفها جـاهيـه

تدري أنك في حياتي . زادي ومشروبي

سج رجلك والحـق أحلامـك مع الطرقيه

سمـح الله دربك اللـي مـايـمــر دروبـي

صعـب تــعطيني مفـاتيـح الغـلا جبريـه

مثل مـاغيرك صعيب أنـه يجي مطلوبـي

[اصايل]

الغلا بسُتـان ووصالك .. غدير
شوف خفاقيّ من مواصلك حــيّ ،،

عن غلاك .. يوُضح الشِطر الاخير
اشهد .. إنـك فِ عيوني كل شي ،،

[ترانيم حربيه]

ويــن أنت ضـيــّعت درب الحبّ واهــاتــه

ما عـدت حـــتى على الهفوات تـعـذرني

واجـــد عليّ وقــــــتي القاسي ولوعاتـه

وشـلــون لا صــــار لك نــيــــّـه تدمــّرني

يــاصاحبي لا تــحـفـظ الشـعـر وابـيـاته

إنــسى الشعــر بس لا تنسى تـذكـّرني

[اللحالي]

انا ابي اتفلسف مير شيروا عليّ براي
وش اللي يخليني - فريد - التفلسافي

على مستوى قعر البحر ناصبن مركاي
و فوق النّجوم الرّاس حذر التمشوافي

[ترانيم حربيه]

ان ضـويت الله يـحييك يابرقن ضويت

ون سريت فـعـز واليك يـابـرقـن سرا

حي من شوفة محياه تفرح كل بيت

وحي من قلبه مسره وقـربه يـنشرا

[اصايل]

مآهو خطآ حبہ و لآهو بـَ منقود
آلليء ملآ قلبيء غلآه و حنانہ
آغليہ و آحسآسي بليآه مفقود
وآن غآب عنيء ﻣﺂ تغيرمگانہ

[ترانيم حربيه]

عنـدي عتاب ودمعتين وملامـه

وعندي أمل انـه اذا غاب بيعود

مابغى اشوفـه بس ابقـرأ كلامه

لاصـارطيب راحتـي مالـها حدود

[اصايل]

ﺷﺎﻋﺮﻙ ﻵ‌ ﺃﺷﺘﺎﻕ ﻟﻚ ﺿﻢ ﺍﻟﺴﻄﻮﺭ
ﻭﺍﻟﻐﺮﻕ …ﻋﻢّ ﺍﻟﺴﻄﻮﺭ ﻓـِ ﻣﺪﻣﻌﻪ

ﻛﻨّﻬﻢ ﻃﻔﻠﻴﻦ .ﻣﺎ ﻓﻴﻬﻢ ..ﺻﺒﻮﺭ
ﻻ‌ ﺑﻜﻰ ﺍﻷ‌ﻭﻝ ﺑﻜﻰ ﺍﻟﺜﺎﻧﻲ ( ﻣﻌﻪ )

[اللحالي]

انت ياذاليتيم اللي حدتك الضروف
مالك إلاّ تصبّر في وجوع - صوبك

كل مادق خشمك وإيتصبب رعوف
و اليتامه - معدّمتك - فزوع عربك

اللحالي

[اصايل]

‏الشــوقُ حرَّكـني بغـيـرِ تردد
‏والشعر أبحرَ في غـرامِ محمد
‏ِ
‏وحبـيـبنا أوصى فـ هيا رددوا
‏يارب صلِّ على الحبيب محمد
‏

[اللحالي]

يامشتكي من عشوقك لأمهات الزمام
ترى - المنايا -تداعب روحك اسهومها

مير ألزم الصبر لوبالجسم زاد السّقام
وانت تعرف سيرة العشّاق وأسقومها

وقل - للحمامه - ليا طبّت مربّ النّعام
لا تنخدع - بالنّعام - و يرتفع - زومها

اللحالي

[ترانيم حربيه]

لي صاحب ٍفي غيابه كم تباطيته
هذاك هو سبة جروحي مع احزاني

يا كم سهرت الليـال وكـم تحريتـه
مدري علامه إلى ذاليوم مـا جانـي

ياليت يدري عـن احوالـي وياليتـه
يذكر وش الي بذاك اليوم وصانـي

ان ابــتــعـدنـا وخـلانـي وخـليـتـه
منساه لو نفترق وهـو مـا ينسانـي

[اصايل]

مريت صفحات البشر صمت وسكات
تقرأ عيوني حرف الاشعار.......وتعيد
ودي انادي بالمدى كل .........مافات
وافك خطوات الوجع وابعد.......القيد...!

[اللحالي]

خمسين عام احاول أدوّر لي صديق
أشدّ به - عضدي ليا -واجهت قشرى

لكن تعذّر زماني - والنّصيب العويق
واليوم ماباقي إلاّ النّوم تحت -الثّرى

اللحالي

[ترانيم حربيه]

يا ليل فــارقــك الأمل والصمت عيـــا لا يبـوح

والحــزن يــنثرني هنا وهناك في كل الطـرق

أدميت رجلي في دروبك يوم تبني لي صروح

مــافيه بـابٍ لأجــل عينك ياظنيني مـا نطـرق

أسكنتك بــقلبي ونــيرانه من اشواقـه تفـوح

مــاكنت أدري بــالنهــايه كـل حــلـم بيحتـرق

[اصايل]

تدري من اللي يستحق المحبه ؟
اللي يداري خاطرك لاتضايقت

لو من كلامك.... بالكتابه تنبه
يفهمك متضايق ويفهمك لارقت !��

[اللحالي]

اللي - يداري - خطري لاتضايقت
يستاهل بمالي وفي روحي افديه

لادامني - في صدق - ودّه تحققت
بس إيتدلل في شروطه و نعطيه

[ترانيم حربيه]

سآمـح الله جـرح الآحبـاب يــوم وكــل يــوم
جـــرح تـبـريـه الـلـيـآلـي وجــــرح يـعـتـلـي

وانـت ياللـي كـل مآامسيـت جآبتـك الحلـوم
مـرنـي طيـفكـ وفـزيـت يــوم اقـبـل عـلـي

مـآغـدت عـنكـ المـسـآري ولآ بالـنـوم نــوم
الـسـهـر عـيــت دروبــــه وعــيّــآ يـنـجـلـي

اســألـكـ بالله وامــآنــه وغــيــره مــآيــدوم
وش علآمكـ يومكـ ارخصتنـى مآقلـت لـي !

[اصايل]

الله عطاني من غلاه .. وعطيتة
وغيره .. بغى مني ولاني بمعطية

قالو : هويتة قلت : والله هويتة
قالو : تحبة ؟ قلت : بالحيل اغلية^^

[اللحالي]

يامن - على الكيبرد تكتب نياشين
احذر من الفيروس صلف العنادي

بالأجهزه يركض من إيسار ليمين
و من عدوته - كلّن -يصيح وينادي

[اصايل]

عمر الأصابع .. في يــدك ما تشابــه
حتى الحضور بـ عيني أنواع وأشكال
أحدن حضــوره .. خافقي ما درى به
وأحدن حضوره .. يطرب القلب والبال

[ترانيم حربيه]

مشــتاقلك فـاقـدك واحشــني شــوي

اصــلا أنــا مـــيـــت بــدونــك وغـــادي

ولـوصـرت أنــا ويـاك مـاهــمنـي شي

أنــت الــمهـم وبــاقـي النــاس عادي

[ابو مناحي]

‏
ان سرى فكري وناداني تبعته=مع طريق الفكر لاكن باختياري
والطريق اللي يناسب لي زرعته=بالورود اللي لها شكلٍ حضاري
وان ضربت حساب وقتي وان جمعته=نوب ميلاته تحولني اجباري
ولو يضيع اللي من ايامي جمعته=اعرف ابواب الدخول من الطواري
=.
=ناصر الشميلاني
‏


‏ http://haaarb.com/up/uploads/14084030871.jpg

[اصايل]

الله عطا بعض العرب ذوق واسلوب
رزين عقل ويـجذبك في .. كلامه

مملـوح بـالـفطره وللناس محبوب
لبى خـفوقه لا ضحك ببتسامه��

[ترانيم حربيه]

أرجــوك لاعـاد تزعجني على الفاضـي

جــرحــتنـي وإتــصـالـك مــايداويـنـــي

كم لي وانا اصد عن هجرك ومتغاضي

واضحك لو ان الشقا والحزن في عيني

اصبحت في نضرتي ذكرى من الماضي

وقــطعت حبـل العــلاقـه بـينـك وبـينـي

[ابو مناحي]

يالله تستر على الاجواد من داني=وكلٍ له التوفيق في حله وترحاله
قولٍ من القلب قبل يقوله لساني=والله يعز الوطن والدين ورجاله
=.
=ابو مناحي

[ترانيم حربيه]

على الهون ياجرح المفارق وضيق البال

على الـهـون يــاهــم سطــابي وقـدرته

تـكـاثـر عـلي الله يـجـازيـه كــيف الحــال

وانــا يــوم اسوق العمــر لـه مـا تـكاثرته

[ابو مناحي]

‏
الخطه اللي على التخمين ماتكمل=والحجه اللي بلا برهان مفلوجه
والوقت في سير الاحداث لو يعمل=لابد عدل الطريق يحط له عوجه
وفلمٍ مدبلج بدون اقول وش يحمل=من دبلج الفلم يعرف عيب منتوجه
=.
=ابو مناحي
‏

[ترانيم حربيه]

البــارحــه شــرّعـت للــذاكـره بـاب

وهبــت علـيّ الــذكريـات القديمـه

خليتني في معترك حرب الأعصاب

و الفقــد ثــاقب والعـواقـب وخيمـه

تبغــا تبــرّا وانت مجـرم والأسبـاب

أنــك سنــه غايب وهــاذي جريمه

[اصايل]

خذني غلا روحك وقلبي أسيرك
وعطيني حنآنك والوفآ دآمني حي
وشلون أبدل حب قلبي بـ غيرك
عقبك ترى هـ الكون كله ولا شي^^

[ابو مناحي]

‏
ياهبايب ذعذعي من كل صوب=وزيدي العزّه وزيدي بالثبات
يعلم النيات علام الغيوب=قاسم الارزاق بين الكاينات
كل ماننطق مسجل ومحسوب=والعفو والصفح من خير الصفات
=.
=ناصر الحربي
‏

[ترانيم حربيه]

ماني على خير قلبك خل عنك الكلام

احس باني على درب الفراق اهتديت

لــو يــزعــل الحب وتبين دمــوع الغرام

ياليل الاحباب في دروبك رحلت وسريت

مـا عـاد بـاقي وفـا مـاعـاد فيه اهتمـام

ولا يــزعلك مــااكــتب وانـتبــه لا قـريت

[اصايل]

غـلاة الأنسآن من مكنون ﺂطبآعہ
مآهي من ﺂلقرب ولاهي من ﺂلمنظر
.
كم مبعــدن صورتہ بآلعين لمآعہ
وكم من قريبن كأنھہ شيء لا يذكر

[اصايل]

تعال ضم الشوق في قلب ناداك
صبح على قلبٍ تحرّى حضورك
َ
قل له صباح الخير والخير لقياك
الصبح ما يشرق اذا غاب نورك

[ترانيم حربيه]

تــذّكــر بـآنـك جــارح الــقـلـب مـاداويــت
خفـوقٍ عـلـى شــان الـغـلا زاد بخـلاجـه

وتــذّكــر بآن الصــد لا طــال بـك وابـطيـت
تــرا الـنـار مــابـيـن المــحـاديـب وهـاجــه

وتــذّكر كــلامـي يا هـوى البال لا حسيت
بــآن القــلـوب لــصـادق الحـب محتــاجـه

أنـــا بــتـحـلـى بالـصـبـر وأنـــت لاقـفـيـت
عسى الله يـقرب لي معك ساعة مـواجـه

[اللحالي]

ياكثر - مانسمع - كثار - الأحاديث
لكن -بلا - تطبيق - زيف - و آثاما

كلام بين النّاس في شكل ترفيث
يلهج - بترديده - لسون -السّقاما

هذا زمان - محشرطات البراغيث
اللي بعكر الماء - عواص الزّحاما

يالله عجّل في صعاب - الكواريث
بالمستحقّ - الله - يعجل ان تقاما

[ترانيم حربيه]

غـــاب الوصل من ورى غيم الجفا و أتقــى

ويلي على أدري من اللي للجفا خـــولــهٌ

لا تــحسبني بــسامــح غيبتك مــا هقـــى

بـينـــي وبـينـــك كــلام وجــلســه مطولـهٌ

حسبي عليك وحسـايف فيك حب النقـــى

تعبــت وآنــا آتصـــل وأرقـــامــك محـــولـــه

خطاك ضيـــع غـلاك إلحق على اللي بقــى

قـــدام تــــالي غـــلاك يضـيــع مثل أولــــــه

[ترانيم حربيه]

ابي استريــــــــح من التعب واتـمـدد

علــى النفود اللي على رملــهاهمت

يمكن طموحــــــي بـالحيــــاة يتجدد

أو اني انسى وش طموحي اذا قمت

[اصايل]

وجهـك صباح النور والورد والخـير
و بسمتك ضحكات الصباح و نداها ​

[ابو مناحي]

‏
المزاج اللي على هام السحب وغيومه=مع نسيم الصبح واشواق الغلا تبراله
مع خيالٍ صدّق الواقع سماء بحلومه=وارتفع بين الغيـوم وعالــيٍ منزاله
ولا تغير بصمته وافكاره المرسومه=حرٍ اشقر بالمواقف جمّل الله حاله
‏

http://haaarb.com/up/uploads/14084030871.jpg

[ترانيم حربيه]

صبيت لك من بهـارالطيب فنجان روح

و نثرت صـبت يـميني يــوم مـديـتهــا

اوجعتني و انت ماتـدري لو انها مزوح

فهمت وش مقصدك منهـا وقـاسيتـها

خلاص باح العـزا لوكان قلبي سموح

يـأول و آخـــر امــانـي قـد تـمنيتـهــا

الحب ماهو بـ غصب كان تبغي تروح

ذبلت ورود المشاعروانت مااسقيتها

[ابو مناحي]

http://www.m5zn.com/newuploads/2017/10/03/png//m5zn_ba8b3e2cbfe106c.png

[ترانيم حربيه]

وش كانت الذكريات وكانت ذنوبي

ثنتين والعذر كان اكبر من أحزانـي

أحس دار الزمــان وغير اسلوبـي

حتى اقرب الناس خليتـه وخلاني

أن جيت برضاي والارحت مغصوبي

الحين مــا كل شـي يهـز وجدانـي

يمكن كبرت أونسيت العام مطلوبي

ويمكن تــغافلنـي الحلـم وتعدانـي

[اصايل]

أهلا" أهلا"
بالغايبييين ابومناحي:m (5):
وترانيم :m (5):
زمااااان عن المشاركات :m (4):حياكم الله
وهاااذي مشاركة أصايل حرب


من مدلي من طارف الورد ورده
اهديت له من غالي الورد بستان

ومن صب لي فنجال طيبه ومده
صبيت له دله .... بدل كل فنجال

[ترانيم حربيه]

هلا وغلا اصايل انا دايم موجودة بس بعض الناس كابرة روسهم

هههههههههههههههههههه

احـتـجت لك كثر احتيـاجي للانـفـاس

وخـايلت لك بين السحـايـب ولالـحت

كنت أحسب إنك غيرعن باقي الناس

واثـرك مع من طـاح منهم بعـد طحت

[ابو مناحي]

اللي يدورني تحت مالقاني=يلقاني اللي نظرته للسماء فوق
فوق الثريا والكواكب مكاني=وانا بشر مثل المخاليق مخلوق
=.
=ابو مناحي
‏

[ترانيم حربيه]

ان وردت القلب واسقيت الضمــايآ

تلتك لآقـصى المـعـآليق مـخلوفـه

و ان بـغيت اصدق مـوآثيق الخفايا

مآعلى الدنيآعقب شوفك حسوفه

[ابو مناحي]

http://www.m5zn.com/newuploads/2017/11/08/png//m5zn_7bcfda43d251c57.png

[ترانيم حربيه]

صاحب الليل شـوف الليـل لمّـا سريـت
مرني بس مـن دونـك عجـزت اسهـره

لاتلوم الدمـوع ان ضـاع حلـم وبكيـت
جـرّب تحـب واحـد ,, عقبهـا تخـسـره

من كثر منـت غالـي بالطـواري لفيـت
يـا أول انسـان ينسانـي وانـا اذكــره

[ابو مناحي]

http://www.m5zn.com/newuploads/2017/11/08/png//m5zn_c2cfc23431d3e9d.png

[ترانيم حربيه]

شفتك وأنـا من لذّة الـحـب محـروم

وطـرقت بـاب الـوصل من غيـر رادع

عرفتني في يوم , وانكرت في يوم

أسرع علاقة حب وأسخف مـوادع

[اصايل]

بالعين تعلى صورتك وسط الاعماق
و بالقلب تبقى دون هالناس غالي

وبالذاكرة▪▪ تاخذ تفاكير الآفاق
وبالكون تسوى ماأملكه من حلالي

[ترانيم حربيه]

ماأقسى من غيابك إلاشوفتك صدفه

وبـعيوني أحلامـك وبـعيونـك أحلامـي

شعـوري اللي جبرني فيك مـاأعرفـه

لـو كنت أعـرفه عـرفت أواجـه أيامي

[ابو مناحي]

‏
الوقت يمضي وفيه الناس مفتونه=الناس في وقتنا تشعب ركايبها
ما كل حيٍ يشوف الدرب بعيونه=وايامنا غيبها يخفي مصايبها
=.
=الشميلاني
‏

[ترانيم حربيه]

ياوجـودي مرتين وبـري حـالي مـره

لا ابتدى ليلٍ سهرته بالجفاوحداني

الـوصـال يـفـر قـلبي والغـياب يفــره

وابتلش قلبي مابين الاولي والثاني

[اصايل]

هذا صباح الشوق لـ عيونك السود

وهذا صباح الذوق .. والنور نورك

يا اللي حلاك بزود و أشواقي بزود

أبي أعرف بـ غيبتي وش شعورك ؟

[ترانيم حربيه]

قال اللقاء قـلت كـذبـه لاتـصـدقـهـا

لاوالله الا الـفـراق الـي عـزف فـنـه

ثـلاثـة احـلام لايـمـكـن تـحـقـقـهـا

حلمي وحلمك وحلم ابليس بالجنه

[ابو مناحي]

http://www.m5zn.com/newuploads/2017/12/02/png//m5zn_a7c924d07cbbeb3.png

[ترانيم حربيه]

يـحتـاج حـلـمـي صبـروأحتـاج لأنـصـافـي

وأحــلامـي إن روحـت مــاروحــت ديـــره

أدري عــن الظــاهـرومـدري عـن الخـافي

واعرف وش الخيربس ماعرف وش الخيره

[اصايل]

"جربت نسيانك وجربت ذكراك"
واحترت مابين الوهم واشتياقي"
أحيان أسولف بك وأنا قصدي أنساك"
"وأحيان أحس إنك معي في فراقي"
"وإن جيت أببعد يابعد عيني ألقاك"
"إنت الوحيد اللي بها القلب باقي"

[ترانيم حربيه]

انـا مـزاجـي غيـر عـن بـاقـي الـناس

وحتى قـصيدي بـحـد ذاتـه مــزاجـي

أكتب شعرمن قلب صادق وحساس

واليا أنـجـرحت يكون شعري علاجي

[اصايل]

فيني ترف مـــاهو غرور و تعالي
مدللـه . و الحُب عندي تملكـ

طـفله دلع و اغلى' على كل غالي
يشهد لي اللـي قال؛ هذا مــحــلــكـ :f (25)::f (25):

^^

[ابو مناحي]

http://www.m5zn.com/newuploads/2018/01/05/png//m5zn_0c15d4de24fe8a9.png

[ترانيم حربيه]

ياخذني الشوق لعيونك واجي كلي

يدفعني الحب جعل الناس يفدونـك

لـو كان طيفك مـخاويني مثل ضلي

اشتاق لمصـافحـك وشتاق لـعيونك

[اصايل]

لبا حنانك والسـوالف ولبـاگ
أشرّب غلاك بلهفتي مارويتگ
....
غنيت لك من قلبي المغـرم اهواگ
ولقيت روحي بعد ماانا لقيتگ

[ابو مناحي]

http://www.m5zn.com/newuploads/2018/01/10/png//m5zn_7dfb0179a6e17ae.png

[ترانيم حربيه]

غبت وخذيت بــغيبتك طعم الايام

يــاطــول فـرقـانـا وحجـم اتـساعـه

ساعـه بدونك تنحسب أربـع اعوام

يـرضيك عـام يـروح في ربع ساعـه

[اصايل]

منــي مسآء الخير والفل والورد
والحب والبسمه ونبض التفـاؤل

أدري بأن الجو مايل إلى الـبرد
بــس المشاعر دافيه بالتواصـل

[اصايل]

غلاك عندي بالسماء مرتفع فوق
دايم مكانه ثابتٍ عند حدّه
ماهوب سهمٍ تحكمه حالة السوق
ولاهوب سلعة تنتهي عقب مدّة
قلبي يضخّه في شرايين وعروق
غلاك عندي ماخلق من يردّه

[الهاشمي]

هذا الكلام ومنطقي فيه مشحوط
ماهو - بلاعالي و لاهو بواطي

اكتب حروفه مير بأطرفها نقوط
مير القلم في كتبت الحرف ساطي

و الحبر في لونين يالحرف مخلوط
وردي ؟و كحلي جيد الا نخلاطي

[اصايل]

أرسل تحيـــه على قــدر الغــلاء الصافي
لأحبــاب قلبــي علـى نغـم الوتر والدان

بحساس شعـري ونظـم الحرف والقافي
ممـزوج بشـواق فيها صافي الألحان

سلامي منـي سـلام الصاحي الغافي
سلام رايـق معطـر بالعطـور اللوان

فيها من العود وانسـام الهواء الدافي
والزهـر والـورد مقطوفه من البستان

[اللحالي]

ياشين.. انفجار الصّابر اللي نفدصبره
ولا فيه أمل... يقدر..على شدّة البلوى

وحيد و غريب و تنزف عيونه. العبره
و الأسباب...فالغربه يسمونها... جلوى

ولاله وريث.. إليا نفد... يودعه...قبره
كود. الطّفله اللي ماحذت منه لوحلوى

[اصايل]

يامساء الخير من بعد السلامْ
ويامساء الذوق ياأهلاً هلاّ
..
يامساء الورد....للنَّاس الكرامْ
يامساء الشوق.. وحروف الغلاّ

[اصايل]

للصبح طاري في عيونك و أنا أغليك
مع ريحة الأشواق يسعد صباحك

[اصايل]

الصباح رآيق وجـوي حيل رآيق
جيت اصبحكم بـ كل آللي تبونہ
يآ صباح آلـورد يـآ كل آلخـلآيق
يآ صباح آلـحب وآللـي تعشقونہ

[ترانيم حربيه]

خـذ مـا تــبي من كـذبـة الطيش والغـي

واتــرك عـميـق السـالفـة داخـل الــروح

وإن بحت لك مع نبض الأقلام عن شيء

بـعض الشعــور يمــوت مــا مــره البـوح

[اصايل]

يااكثر ماله في فؤادي من الود
وياكبر ماله وسط صدري مكانه

بالقلب له عده بنايات و اوتدّ
وعن مايثير الشك عنده حصانه

[ترانيم حربيه]

الحب ماهـو كلام الحب لمسة كفـوف

فيه اشعـراني مقصرفـاصدقاي و هلي

لا تزعـل من الغياب ولا تسب الظـروف

جيتك والاشواق من علوّي اليااسفلي

ولا تسأل اللي يحبك لو يطول الوقوف

انت ابتسم لي وانا بسوي اللي علي

[ترانيم حربيه]

يـا هيــه والليل نفس الليل لولا الوجيــه

فجأھ تواجه بشر تقلب مسـاك اجـــودي

الليـــل مــع لمــة الاحبــاب ودك تـــجيه

لــو كان ليلك مھــوب للي ويــومـك ردي

[اصايل]

تقول مليتني وأقول ما ملّك
وشلون أمّل الغلا ياثالث أعيادي

أدلّك أضيّعك وأضيع وأدلّك
مكانك العين وإلا داخل فؤادي

[اصايل]

فيك الثقه بالذات ياملهم الذات
طابت وطاب اللي بذاتك وجدها

بيني وبينك ماتعوق المسافات
خذها رساله واضحه واعتمدها

انت العطا لاشح كف العلاقات
وانت الهنا ضد الليال ونكدها

وانت العوض نسيتني فايتٍ فات
واهل العوض والله مانسى عهدها

[اصايل]

رحـتي ولكن لذتك في خفوقـي
باقي طعمها ماتغير مع الوقت

وشلون ابخفي لهفتي لك وشوقي
ونكهة غرامك مثلها مابعد ذقت

#الشاعر_سعود_الطويلعي