المساعد الشخصي الرقمي

مشاهدة النسخة كاملة : الاسم الجديد

اللحالي
07-30-2018, 10:35 AM
هيييييه عند اللحالي

يابو ورنس الهاشمي حيّاك بالاسم الجديد
نبي لنا منهاج في قصّه سمك معجاجها

صارت شهاده ثابته واشهود بالعلم الوكيد
بين الاوادم من مشيّدها خذت.. مرواجها
الهاشمي
07-30-2018, 12:08 PM
عوذه عوذه ياللحالي ههههههههه
الليله يالغالي وابي انشدك اي الثنتين
وخذني ع قد حالي
الهاشمي
07-30-2018, 06:54 PM
حياك ياللي بالقصايد والمقاصد مستحيد
والعفو باللي ماعرفنا عن سنع منهاجها

ثنتين جن للي عرفهن ياسنادي من بعيد
والكل منهن في ظلام الليل ولع اسراجها
اللحالي
07-30-2018, 07:48 PM
خلّك من اللي جت بقيدوسرّحت من غيرقيد
يهرج. بها اللي.عارفن مدخالها ومخراجها

وخلّك من اللي يالشقردي يحتفي فيهاالفسيد
في وقت.خبلان البشر ياصاحبي تحتا جها
اصايل
07-30-2018, 07:52 PM
:m (4)::m (4)::m (4)::m (4):
:m (4)::m (4)::m (4):
:m (4)::m (4):
:m (4):

صح الله ألسنتكم متابعه :m (5):
ومبروك ورنس على مافهمت مولود جديد
جعله الله من مواليد السعادة
الهاشمي
07-30-2018, 08:02 PM
صح بدنك المديره
الهاشمي
07-30-2018, 08:08 PM
اناقريبن في مساريحي ومسراحك بعيد
والارض طول ابعادها يشدا بوسع افجاجها

والقصه اللي جت بها الافكار ماجت في بريد
نبي الاشاعه تكشف العله ونعرف اعلاجها
اللحالي
07-30-2018, 08:26 PM
المقصدالمطلوب في فرق اليتيم من الشهيد
وعن البحور ومن تسبب في هيوج امواجها

وانا أنتشدت وقلت وش داخلك ياحبل الوريد
في وقت ماشوف الصّدور مثمّنه. لأوهاجها
اللحالي
07-30-2018, 08:52 PM
:m (4)::m (4)::m (4)::m (4):
:m (4)::m (4)::m (4):
:m (4)::m (4):
:m (4):

صح الله ألسنتكم متابعه :m (5):
ومبروك ورنس على مافهمت مولود جديد
جعله الله من مواليد السعادة


صح الله بدنك اصايل

نعم مولود جديد الله يصلح ماعطاء
الهاشمي
07-30-2018, 09:46 PM
ماهي من اللي جن على بالي وانا طراد صيد
انا احسب انك بالسياسه تومي ابكرباجها

وانا ماني قاضي يضيّف له مع الشهد العصيد
يالشايب اللي تعرف اعلومي وانا هراجها
اللحالي
07-30-2018, 10:42 PM
عطني مواجز هرجتك يالشيخ بالرّاي السّديد
ترى الهروج اتروج و الغبطات.في مفلاجها

الصّمت.. مهنة حضرة المقدام و الثاني قعيد
بالليله اللي توجل الهجعات خوف.. اخلاجها
الهاشمي
07-31-2018, 07:57 AM
عزي لحالي ياللحالي توي اوحيت الرعيد
واقول توي شفت زول اللي تحوش نعاجها

لكن تصرف واترك اللي له مع البيدا هبيد
ترا الحواجز في طريقه تعترض بسياجها
اللحالي
07-31-2018, 08:05 AM
صحيح لكن مايطيب الكيف لي في يوم عيد
واشوف حالي في مهبّ الرّيح قيدإحراجها

والنّيّه اللي شافت العيطاء..تزلّج... بالجليد
يوم...الجبال النّايفه خافت من استدراجها
الهاشمي
07-31-2018, 09:06 AM
نقص الموارد يودع بنادم يهبهب بالفديد
ماهو بحال اللي بملواها ضحوك حجاجها

واللي قنص للصيد لكن مابهن ظبين فريد
ياكثر معزءالصيد لكن يدوش اتعمهاجها
اللحالي
07-31-2018, 10:06 AM
كيف اقنع النّفس العنيد وفكري الخبل البليد
والناس.. ترقص..بالسّيوف المبرقه بألعاجها

وانا أتخيّل ساعةٍ في يوم... يسموه الوعيد
فيه اعتراك ارواح خلق الله لنشوّ. امشاجها
الهاشمي
07-31-2018, 11:23 AM
اليوم لاتستغرب اللي صار يدمي بالكبيد
والمجتمع في ماتشوف اعرابها واخواجها

شف وش حصل بالهندمن تجديدلإشعال الوقيد
تسعابه الهندوس والعالم يضج ارهاجها
اللحالي
07-31-2018, 12:21 PM
المشكله.. باللي قريب. ويغدر و قلبه حقيد
و البير وحده.. و المجمّ..ألعذبها و أهماجها

الواقع الحاضريخربش فيه مفراص الحديد
خلّ الهنود و سيرة.. الهندوس.. و تبهراجها
اللحالي
08-01-2018, 07:58 AM
ويييييينك يابو ورنس. الله يستر