سلام

[اللحالي]

سلام. على الحاضرين ألقيه من صدر(ن). رحيب
متشرّف(ن) في دعوة المرسل.. يلبّي.. من دعاه

واقول جت.. لك... ياللحالي صدفه... بليّا نديب
يفهم بها...ابومزعم... و يفهم بها...مزعم.. معاه

هذا الزواج ..اللي فتح..لي باب..مفتاحه غريب
كم لي وانا أدوّر...على المفتاح.. و اتعبني خفاه

و اليوم.. يابن وهق...الزواج... لأحوالي.. مثيب
عساه... يامحمد... بداية..خير....ماتلحق...مداه

الله.. يهنّّيك... بزواجك... يامحمد .... و النّسيب
اللي تنومس بك ..عسى الله لايخيبه... في رجاه

واللابه... اللي.. كلّ.. منهم... له بتشريفك نصيب
ماني...معدد.... بالأسامي...كلهم... جاه... اوّجاه

من حرب تعرف يوم لقوات..الحريب مع الحريب
كلّن... بمجهوده... وميقافه..... يحدد.....مستواه

من غير. قاصر بالقبايل... يأهل العرف...الصّويب
و اليوم.... يالمواعزه....هذا....كلامي.....لسمعاه

وعلى ماقيل اقول معي الوقت وجهه..وجه ذيب
وانا بهذا الوجه يأهل العرف نجم(ن)... في سماه

يطلع...و يسري... بالغداري...من طلوعه للمغيب
والعالم...الله في...سراير....حاله....وفي منتهاه

والكامل.....الله.. يألدّويله...والرّجاء به مايخيب
انّه.... يهنّيكم....ويفرحكم...... بموفور....الغناه