اللحالي
05-08-2018, 03:21 PM
السلام عليكم ورحمة الله وبركاته
حبايبي الجميع
حبّيت اقدّم لكم قصّه قديمه لرجلين من حرب الله يرحمهم واخوانهم المسلمين
احدهم وهو اللي صارت عليه القصّه وهو المتسبب من ولد سليم وخواله الغيادين وانا ياكاتب القصّه نسيبه فأنا خاله واختي زوجته
هو؟
نايف بن غاطي الحربي
جلست ذات يوم ويّاه في منزله بالرس وحكالي القصّه اللي حصلت له في صغره
قال
مررت بشدايد حيث كنت بأشد الحاجات الحياتيّه بالرس. قال واخوي بالكويت وعزمت على المسير للكويت وجمّعت حالي بمايسمّاء بالكروه اناذاك؟؟؟ الاجره للإركاب قال منها سيكل بعته مع ماحصل من الاستلاف يقول ومع اوّل حدره ركبت مع ركاب على سياره تسمّا حمّاليه قال المهم وصلنا الكويت وهناك نشدت عن اخي حتّى وصلت له قال ضيفوالي اخوي ومعه واحد ماعرفه : قال من بكره جالسين الثلاثه انا واخوي وهالرجال معه و اخر نهار و شفتهم بنعم وانا جاي من جوع وشقاء وطرت علي ابيات وقلت؟
يقول نايف من جميلات...الالحان
امهيضه.. مزنٍ.. على نجد.. ناشي
واقنب كمايقنب مع الدّوّ سرحان
لياطالع البدوان بأرضٍ... دشاشي
والله.. يلولا نجد لي فيه.. شيبان
ماروح لو الرّزق... يمّه.... إحاشي
حداني الدّيّان عن سكن الاوطان
اثر الضّعيف ذليل...ماله...مهاشي
ياناشدن... عنّي.. تراني. بخيطان
عند الصباح... مزودين.. المعاشي
امحررين اكويتهم طقوا... اعلان
ياويلكم.. يامن... ينوشه...نواشي
وامكرمين الشعب شيبٍ و شبّان
وقلوبهم.. للشّعب..لين.. بهشاشي
؟ يقول انا ماعرف الرّجال اللي مع اخوي توني جايهم ولانشدت اخوي عن خويّه يقول انا قلت الابيات وهو يحمس قهوه وموشكه على الخلاص يوم خلصت حمسته قال وهو يلتفت علي
قال؟
كان انت يانايف على نجد زعلان
خلّك بسيفك.. وانثبر بالعشاشي
نجد العذيّه مابها... شرب....دخان
وماها.. بليّا بيع... حلون.. نشاشي
يقول وانا انطق من بينهم قال و أهرب مدري وشتالي قصيده قال و يلحقني اخوي يبي يردني ونشدته عن خويه قال هذا بدر الحويفي يقول قلت والله مأرجع معك لين يحطني بوجهه وانا التوبه ماعاد اقول شي يقول اثره بالقرب مننا ويسمع كلامنا قال و يدخل علينا قال ابشر بماطلبت بس امش قال وأخطف راسه واحبه ونستاذن الربع اللي ان دخلت بمحلهم ونرجع قال ومن يومها ماقصدت ......................
حبايبي الجميع المعذره عن القصور والنقصان حيث ان القصّه قديمه واختصرت مأحفظ منها
الله يرحمهم جميعهم واموات المسلمين
حبايبي الجميع
حبّيت اقدّم لكم قصّه قديمه لرجلين من حرب الله يرحمهم واخوانهم المسلمين
احدهم وهو اللي صارت عليه القصّه وهو المتسبب من ولد سليم وخواله الغيادين وانا ياكاتب القصّه نسيبه فأنا خاله واختي زوجته
هو؟
نايف بن غاطي الحربي
جلست ذات يوم ويّاه في منزله بالرس وحكالي القصّه اللي حصلت له في صغره
قال
مررت بشدايد حيث كنت بأشد الحاجات الحياتيّه بالرس. قال واخوي بالكويت وعزمت على المسير للكويت وجمّعت حالي بمايسمّاء بالكروه اناذاك؟؟؟ الاجره للإركاب قال منها سيكل بعته مع ماحصل من الاستلاف يقول ومع اوّل حدره ركبت مع ركاب على سياره تسمّا حمّاليه قال المهم وصلنا الكويت وهناك نشدت عن اخي حتّى وصلت له قال ضيفوالي اخوي ومعه واحد ماعرفه : قال من بكره جالسين الثلاثه انا واخوي وهالرجال معه و اخر نهار و شفتهم بنعم وانا جاي من جوع وشقاء وطرت علي ابيات وقلت؟
يقول نايف من جميلات...الالحان
امهيضه.. مزنٍ.. على نجد.. ناشي
واقنب كمايقنب مع الدّوّ سرحان
لياطالع البدوان بأرضٍ... دشاشي
والله.. يلولا نجد لي فيه.. شيبان
ماروح لو الرّزق... يمّه.... إحاشي
حداني الدّيّان عن سكن الاوطان
اثر الضّعيف ذليل...ماله...مهاشي
ياناشدن... عنّي.. تراني. بخيطان
عند الصباح... مزودين.. المعاشي
امحررين اكويتهم طقوا... اعلان
ياويلكم.. يامن... ينوشه...نواشي
وامكرمين الشعب شيبٍ و شبّان
وقلوبهم.. للشّعب..لين.. بهشاشي
؟ يقول انا ماعرف الرّجال اللي مع اخوي توني جايهم ولانشدت اخوي عن خويّه يقول انا قلت الابيات وهو يحمس قهوه وموشكه على الخلاص يوم خلصت حمسته قال وهو يلتفت علي
قال؟
كان انت يانايف على نجد زعلان
خلّك بسيفك.. وانثبر بالعشاشي
نجد العذيّه مابها... شرب....دخان
وماها.. بليّا بيع... حلون.. نشاشي
يقول وانا انطق من بينهم قال و أهرب مدري وشتالي قصيده قال و يلحقني اخوي يبي يردني ونشدته عن خويه قال هذا بدر الحويفي يقول قلت والله مأرجع معك لين يحطني بوجهه وانا التوبه ماعاد اقول شي يقول اثره بالقرب مننا ويسمع كلامنا قال و يدخل علينا قال ابشر بماطلبت بس امش قال وأخطف راسه واحبه ونستاذن الربع اللي ان دخلت بمحلهم ونرجع قال ومن يومها ماقصدت ......................
حبايبي الجميع المعذره عن القصور والنقصان حيث ان القصّه قديمه واختصرت مأحفظ منها
الله يرحمهم جميعهم واموات المسلمين