من سنَّ سٌنَّة

[اللحالي]

الله يرحم نايف ابن المؤسس


https://f.top4top.net/p_635sek6i1.jpeg


ياسامعينن - كلمتي - -يارياجيل
كلمه من الهوجاس مابي جزاها

اوجزتها - برموز - ماهي تفاصيل
للي - لياجت - له فهم -محتواها


سمعت يهل العرف مايوهن الحيل
و اقول - كلمه - ماتحدد - مداها

من سنّ - سنّه بالبشر مثل قابيل
يلقاء - بميزان - الحسايب جزاها

في - ساعةٍ - ماينفعن - الاقاويل
الله - يكافينا - -الذّنوب - و غثاها

انا أدري انّه بالوطن طافح - الكيل
وان الرجال استادبت - من أنساها

وان - النّذول - يكثّرون - النّعاويل
وان - العدا - بالكون - زايد طغاها

وان العرب ويّا - العجم في قلاقيل
ومن ماحصل بالارض يغضب سماها

لكن - عساها - - للحوايج - - بتكبيل
عبر القيود - لضبطها - عن - خطاها

حريمنا ركبن على - الهجن - و الخيل
لكن - -لحاجتها - من - اللي - حداها

حتّى على وقت الرّسول وهاك الجيل
ولاجاء - من الرّسول - ينكر - عطاها

قامن - مع - اللي - بالجهاد - بآفاعيل
و تضميدة -الجرحى - و تحفظ - حياها

لكن - بوقت - اليوم - وقت - الآخاميل
يغدربها - اللي - طمعته - في - رداها
z6fL6IWtmUE


.

[abd1357]

اجدت وافدت يابو سلطان وصح لسانك

[سعد السمين]

اللهم آمين
وصح لسانك يابو سلطان قلت وأجزلت
تحياتي وتقديري لك

[اللحالي]

اجدت وافدت يابو سلطان وصح لسانك



الله يجزاك خير ي بو محمد صح الله بدنك ي الامير

[اللحالي]

اللهم آمين
وصح لسانك يابو سلطان قلت وأجزلت
تحياتي وتقديري لك

شرّفت شاعرنا الله يجزاك خير صح بدنك ابو تركي

[فارس الامواج]

صح لسانك يابو سلطان
كلمات من ذهب

[اللحالي]

صح الله بدنك ابوخالد الله يجزاك خير واخوانك المسلمين

[اصايل]

صح لساااانك وبيض الله وجهك
والله يستر علينا

احترامي وتقديري

[اللحالي]

آمين الله يستركم واخوانكم المسلمين
صح الله بدنك اصايل حرب

الله يجزاك خير يالاميره

[دحمان-الحاج]

مبدع دائماً يا أبا سلطان
صح لسانك

[اللحالي]

الإبداع مرورك العطر يالامير
صح الله بدنك ابو براهيم الله يجزاك الخير واخوانك المسلمين

ياخوي الغالي
تحياتي وتقديري لك وللجميع

[معيض الضعيني]

الله الله ياسلام إبداع وجزاله لايستغرب من اهلها وانت منهم يا ابو سلطان وصح السانك واعتلا شانك

[اللحالي]

الجزاله اشادتك يالجزل
صح الله بدنك يابو وليد جزاك الله خير يالغالي

[الهاشمي]

ولله وصح لسانك ياللحالي ومشكور ي شاعرنه
وماتنساء تمر ع المحاوره