ديوان الشاعر شريف بن راكب الحربي

[اللحالي]

السلام عليكم ورحمة الله وبركاته
حبايبي اعضاء وروّاد هذا المنتدى

نتشرّف بتقديم ديوان للشاعر؟ شريف محمد بن راكب الفريدي الحربي
شاعر الدرر الشعريّه وستعرفون من قصائده صحّة كلامي
وإلى الجميع مأستطعنا جمعه بمساعدة من اقاربه


ًيقول - من صاغ - المثل -عن قناعه
يارب - تجعلني - عن الحق - -ماتيه

ابي - اجتهد - وابشترك - بالطماعه
من شان صرحٍ كل الاشراف - تبنيه

اطماعتي - توحيد - راي - الجماعه
لو كان - لكن فاهمن - دون -توجيه

مفروض مع غزو الفضاء والصناعه
ناضع - لنا - مركز - تضامن وترفيه

ونخلّي - التحليل - هو - و الاشاعه
ونبعد عن الصورة مجال اي تشويه

مطلوبنا - بالسوق - غالي البضاعه
قدم - يجي - لكنوزنا - يوم -تمويه

نبي - من الشاعر - طرايف ابداعه
ونبي - من الرّاوي خبر صح يرويه

ونشره - على يمنناً - تجيد الطباعه
لا صار - ماتاخذ -من العذب صافيه

وترى - اهمال - المال سبة ضياعه
يطمع - به السارق - الياغاب راعيه

و يقال عن من لا شرب في ذراعه
يدين - غيره - - مايعوضن - - بيديه

ما كل - من حصّل خبر علم - اذاعه
من لا يركّز - للهدف - نوب يخطيه

و لا كل - رجّالن - يجي - باندفاعه
من دون عرف مكحل الطرف يعميه

الفاهم - العقال - علينا - استماعه
و الجاهل - النّاشي - علينا - نقديه

و نعلمه - بالحرّ - - كيف - ارتفاعه
ند الجهود- و نطلب - الرّب يهديه

ومن كان - ماله -بالمجال استطاعه
محدن - يقول - لفاقد الشي يعطيه

ويعيش - من ذي - فكرته واختراعه
برضاه - خللاق - -البرايا - - يجازيه

ويشكر - بعد من طال بالمجد باعه
و عليّ للطّيّب - حقوق - و مشاريه

وصلوا على المبعوث راع الشفاعه
وشكرا - لكم بأوّل كلامي - وتاليه

الشاعر : شريف بن راكب الفريدي

[اللحالي]

ياحمود - بالله - كان عندك زياره
يمّ - الديار اللي جنوبٍ عن الحيد

لاصحابك - اللي معرفتهم -تجاره
معهم - قضينا - ليلةٍ - كنها العيد

خذلك - عليهم - جولةٍ - وافتراره
وسلم على الوافين جمله وتفريد

عمّ - الجميع - وخص - كلٍ بداره
وصّل لهم علم الوفاء مثل مأريد

حاول - على - موعد -يتم اختياره
وترى البطى يحبط بعيد المواعيد

وأن - تمّ - بشرني وخذلك بشاره
من شان - يبقى -للعلاقات تجديد

الطّيب بأهل الطّيب ماهو خساره
دينٍ - يجي - له عبر الأيام تسديد

ياللي - منازلكم - بعالي الصداره
حاضر وماضيكم عن الواقع يشيد

العز - يا الهيلا - رفعتم - شعاره
و عندي على قولي دلايل وتأكيد

أنتم - مثل - سورٍ صعيب انهياره
بالصين - صاغوه الطغاه الصناديد

وأنتم - مثل -مبنى قديم الحضاره
با أرض - الكنانة غيره البني تقليد

وأنتم - مثل - سيفٍ ليا جاء نهاره
مال الجروح اللي تحطون تضميد

وانتم - مثل - موجٍ -يزته اعصاره
ليا هاج - صار المدّ - للجزر تهديد

وانتم هل - الفزعات رمز الإشاره
تردون - يالهيلا - صعيب المواريد

وانتم - لكم - رمزٍ - فريد -العباره
ذباحة - الحايل -ومن خالف السيد

رجّالكم - - وحده - - يمثّل - وزاره
يحط - له فوق - الصّعيبات - تمهيد

ويسمح من اسمه غاب عني احضاره
الشّك - زايل و الثّقه - دون تحديد

ولو يخطي الشاعر يصيب اعتذاره
وعسى الدفاع يصير فزعة جلاعيد

ماكل - من هدّف - يحقق - عياره
أحدٍ يعود -من الجوازي - بلا صيد

واخير - من كثر - الكلام اختصاره
ماينفع - الزايد - ليا صار - مايفيد

وصلوا على اللي فوق قبره مناره
مع سيرته - حكمه ورحمه وتوحيد

ابو هايف

[اللحالي]

سمعت لي موجز خبر قلت مبروك
قالوا - لي انه يعطي البنك دينه

ومريت من بدري على عدة بنوك
ونهايه - المشوار - سبقة -دخينه

قالوا موظف قلت يالربع صعلوك
ماوالله - آجد كود - الاخلاق زينه

قالوا هدفنا انك مع البنك مشروك
ماتهمنا - الاخلاق - لو بك قرينة

لكن - مادام ان المعازيب نسيوك
مافيه - مايوجب - نحطك - رهينه

ومشيت منهم ضايق الصدر مضنوك
متوجهن- - للبر - برّا - - المدينة

وازريت لا اطلع من دراكيل وشبوك
تسعين - كيلو - ماللاطلال عينه

اللي عليه صكوك واللي بلا صكوك
ينظر - له المحروم نظرة غبينة

ياللي تصوت بالخلا الناس ما اوحوك
تدف - لك - موتر - بليا - مكينة

حقك علي لا اوصل العلم لأبوك
إذا - تهيّا - لي - مصافح - يمينه

واقول - ياحكامنا ازيلوا الشوك
اللي يبون - اغراق طقم السفينه

لعبوا بنا اللي دونكم لعبة الدوك
وتوزعوا - كل الجزور - السمينه

يعطونكم - عنا صور مابها شكوك
واللي ماهو في ساحة العرض وينه

ماودنا - تغضون والحبل متروك
شوفوا - لنا بيض اليدين الأمينه

لعل - تاصل خالي البيت و البوك
وتعرف مصادير الخبر من جهينه

ماحلمنا - رحلة على متن مكوك
نبي المعيشه والسكن والسكينه

وانتم هل العوجا سلاطين وملوك
ترمون راس المنحرف عن وتينه

وانتم لنا بيت على العز مسموك
والشك - زايل - والعلاقه - متينه

وحنا - ابطال - القادسيه ويرموك
لله - مانسجد - على - حرف طينه

مادام معنا حبل الاسلام ممسوك
المنتهى - عند - الكنوز - - الثمينه

وابليس خشمه تحت الاقدام مفروك
إليا - - تصافينا - - النوايا - - نهينه

ابو هايف

[اللحالي]

قال الّذي - يختار من غال - الأثمان
يترجم - اللي في ضميره - اليا حاك

والله لا اقول الحق ماهو على شان
لا قايلٍ - عطني - ولا - قايلٍ - هاك

لولا الردى يبقى راع الطّيب مابان
لقيت - كل - الناس - هذا مثل ذاك

سمعت - لي قصة وفاء - للجويعان
واخاف - لا يطعن - بها واحدٍ شاك

فعل الفريدي معجزة فكرة انسان
مايستهين - بطمسها - كود - نمّاك

ماوالله - اتركها سدى دون - عنوان
لا؟ ابلّغ - اللي بابهم - دونها -صاك

اخاف - تمحاها - الليالي - والازمان
وتموت - مع درب أختها يوم الأتراك

راح - العفين - وموقفه - تقل ماكان
واخاف - مثله - يالجويعان - -ننساك

السالفة - درة - لها - بوسط - بركان
ماهي على شاطيء مصيدة الاسماك

حاول - على - تخليصها - طير حوران
داس الخطر واشرف على حوض الادراك

في ديرةٍ - يوجد - بها - عدّة - اديان
ومن دونها - خط -الخطر والتشرباك

ضحك على اللي بالدهاء يوهم الجان
مابين مدّ و شدّ - و اطماع - وارباك

غطى صحاري المملكة بأجمل الوان
وحط الورود الناعمة - دون الأشواك

عند الحرم - صوّر لهم برج الإسكان
ومطار - من طيبه -اليا طلعة الماك

سحرٍ قلب شره على رأس من خان
والبادي - اظلم - عند تعقيد الأسلاك

كما - تدين - بسنّة - الكون - تندان
وأن شفت شي من الخطا فعل يمناك

عساك - يادارٍ - بها -ضعف - الايمان
يدكها - من - وابل - الملح - - دكّاك

ياعلها - تبقى - -مسارح - - وميدان
وتسفك بها ادماء كل من كان سفاك

اخذت - رؤس - اقلام من موجزٍ حان
و محاور - القصة - لها - ناس - مٌلاك

ابو هايف

[اللحالي]

عسى الله يجنّبنا الخطأ و الكلام الهاس
وعسى الله يعزالشعب بالدين والدولة

ترا الدين ساس و كل بنين بليا ساس
تـمـوج الـريـاح الـهـوج بالبني وتزولة

دعوني معازيب الكرم والوفاء الهباس
وأنا آجيب الداعي على ضوء مرسولة

هل العرفه اللي معرفتهـم تعـز الـرأس
وهل السيرة اللي بأجمل العزمجـبـولة

هلا مرحبا ترحيب وافي بدون قياس
عددمن وطئ بالكون مع عرضه وطوله

هلا بالجميع و مطلب الرايد العسـاس
أجيب الدليل لمن طلب صح لـفـعـولة

لنا كنز تـاريـخٍ عـلـى بـابـه الـحـراس
ولنا عادةٍ نسعى وراء الـفـوز ونّـولـه

ولنا بنك عزٍ -بالوفاء مايعرف أفلاس
جميع الـودايع عند حـراس مـسـؤلـه

هلا مرحبا باللي لهم سيرةٍ مـاتـداس
مواقف شرف بصدورالأبطال مشيولة

ولنا بالقدايم مـعـجزاتٍ عـلـم للناس
وأنـا كـل مـاقـد قـيـل مـاودي أقـولـه

ولنابالجديد جدادبيضٍ كماالقرطاس
ثـلاث الجوايز كلهن فـوز بـبـطـولـة

دخلنا المزاين بالمغاتير لأجل الكاس
وأخذناه بعد جهود مع ثالث الجولة

وعلم شاعرالمليون جابه قوي الباس
أخذه الطويل اللي رفع رؤسنا طوله

وسلامة ولي العهد دقولـهـا الأجراس
على شاشة المرقاب للكل مـنـقـولـه

وأخذنا بها الأول وصك المجال دباس
مواقف على وضح النقاء مابها سيولة

وترا الشاعر اللي مايحط النقط هلاس
تضيع الذلول أن كان ماصار معـقـوله

أنا ما أبتدع قصّه عليها الغـبـار ألباس
وأسوّي على نفسي عناوين مجهولة

هذاموجزالنشرة عناوين صدق أحساس
و كلامٍ بلا بـرهـان بـالـصـدق وشـو لـه

ابو هايف

[اللحالي]

اشهد ان اللي نـهـار الـعـيد فـايز
مـن يـعـوّد. غـافـرٍ. ربّـه. ذنـوبـه

و اهـنيه يـوم تـقـديـم الـجـوايـز
يوم ياقف مامـعـه لـو كان ثـوبـه

والحضيض اللي لعطف الرّب حايز
من لطف به خالقه يسترعـيـوبـه

الـخـطـأ و الصح بالعـالـم غـرايز
لكـن الله جـاعـلٍ لـلـذّنـب تـوبـه

ومن سعى للدين يلقى لـه ركايز
ومن تمادى بالخطأ يلقى العقوبه

واعرف انك لورجعت من الجنايز
تيـتـعـود و كـلـهـا أيام محسوبه

الشاعر: شريف ابن راكب الفريدي

[اللحالي]

حبايبي الجميع يعلم الله ان الوتس آب يحضن الكثير من قصائد الشاعر شريف بن راكب الفريدي الحربي
واللذي نحن مستمرين بتدوينها في ديوانه هنا في منتدى اللحالي؟
ولكن استوقفتني الابيات؟
اللي منها
اشهدان اللي نهار العيد فايز؟؟؟
وحبّيت اقدّمها وماقبلها لحبايبي الجميع ونواصل رصد ماهو آت ابقوا معنا لنهديكم مانستطيع من قصائد الشاعر شريف؟ ان شاءالله اسم على مسمّا
وإلى الاتي قريب

[اللحالي]

نستهل - بداية - الحفلة - بشيلة
والحبال - يحلها من هو - عقدها

مرحبا - عداد - همّال - -المخيلة
مزنةٍ - تبرق - ولا يفصل رعدها

الليال - افراح - و الدنيا - جميلة
ليلةٍ طول - الشهر نرقب وعدها

ليلةٍ - - قدامها - - ليلة - و ليلة
من ليال - العيد - دايم نعتمدها

عادة - الراكب - مواقفهم جليلة
من سأل - الطيبة -معهم وجدها

الوفاء - له سيرةٍ - معنا - طويلة
من سنين طوال مانحصي عددها

عندنا - ماردت - البل - مستحيلة
ليا تراجع - غيرنا - حنا - سندها

واعترافٍ - بالصحيح أكبر فضيلة
والحقيقة نور تكشف من جحدها

الوفاء -من راشد اللي ننتمي له
ونتفاخر - بالفعول اللي رصدها

يوم كلٍ - قاضبٍ - حبل - الأصيلة
والقبيلة روح - والجمعة جسدها

يعتدل - قدامنا - من فيه - ميله
لين - يعذر بالنوايا اللي قصدها

نردعه - وليا - طلع - مافيه حيله
له علينا - القاضية با أمٓر وادهى

عكس - وقت اليوم كلن له كحيلة
من نوى له ديرةٍ - ركب و لكدها

كم نعد من النفوس - اللي عليله
من تراكم - غيضها يطلع حسدها

ومن رغب - عنا يدوّر له - قبيلة
لو تكرم - خيمته يقصب عمدها

لا يعود - ليا غدى -هو والدليله
يبتعد - عن عملةٍ - يكره - بلدها

و من يخلا الفرض ويصلي نفيله
يعرف - انه رايحٍ - من عند يدها

غير ربّي - ماهنا اللي ننحني له
مانسيّد - للعباد - ولا - -نعبدها

و ياكريم المد - نسألك الوسيلة
يوم تذهل كل مرضع عن ولدها

ابوهايف

[اللحالي]

غـيـر. سـاهـر. بـلـشـنـا بـحـزام الامـان
ثـم عَـرفـنا نـجـوم الـلـيـل. بـالـقـايـلـه

أنصح اللي يـسـافـر من مكان لـمـكـان
يـربـط. أمـه و أبـوه و بـاقي الـعـائـلـه

كيف اسدد.واجدد من معاش الضمان
الـمـوارد ضـعـيـفـه و الـفـرج. هـايـلـه

مالنا كود قـولـك يـالـلـه الـمـسـتـعـان
كـل. مـاجـت. تـعـدّل عـودت مـايـلـه

ياملكنا الـمـفـدى جـار فـيـنـا الـزمـان
و أنت راعي يمـيـنٍ بـالـكـرم طـايـلـه

أنته بن الزعيم وشعبك أبناءالأخوان
و من قديم الحـواجـز بـيـنـنـا زايـلـه

المواطن هدفكم والـوطـن مـايـهـان
مير يوجد وحـوشٍ دونـكـم حـايـلـه

كم قلوبٍ عـلـيـهـا ضـد الإسـلام ران
تدّعـي بالكمـال و لـلـحـسـد شـايـلـه

و دحدروابالضعيف لين عشره ثمان
و صّلوه الـتـيـمـم و أرضـنـا سـايـلـه

وكل شيءٍ مقدر للـولـي فـيـه شـان
ولا تخيب اي نفسٍ لـلـولـي سـائـلـه

الشاعر : شريف ابن راكب الفريدي

[اللحالي]

كل - رجّالٍ يعد - الطّيب - طيّب
والرّدي له عن هل المعروف صده

بيض الله وجه يا حرب الشويب
عَد - ماضينا - وحاضرنا - نعده

بالوفاء - تاريخنا - ماهو قريب
مرقبٍ - يحرم - علينا مانهده

من طلب منا الفزع له مانخيب
و من يحاول - ظدنا حنا نضده

مانجيب - لحرب سالفةٍ تعيب
كل شيءٍ - واضعينه عند حده

عن مواقف حرب مافينا تغيب
نقبل المعروف ونجازي برده

اسمنا وقت اللقاء سيفٍ يهيب
الفريدي ينفرد با اسمه وجده

ابو هايف

[اللحالي]

ترى - الغلط - مثل الحوادث يقرر
إلاّ - غلط - من - ردّ - كفّه - لخدّه

ياطول - تأثير - الخطأ - لو - يبرر
حتى - ولو - قالوا لك الناس عدّه

عندي - خبر حيل - السوالف ادرر
ليا سلّمت - لموسرين - - الأشدّه

يا أصحابنا - دام إن - ثوبي مزرر
ولا أقف بصف اللي نواياي ضدّه

ما أنوي - نوايا - اللي خويه تجرر
وشاور - ضميره قال سم وتغدّه

اسامح - الجاهل - على انه مغرر
واعاتب - العاقل - بلطف ومودّه

عن كلمةٍ فيها السقطري - مذرر
تلوج - في صدر الفهيم - وتقدّه

عسى الخطأ من صاحبي مايتكرر
ينسى الكلام اللي مضى مايردّه

للهرج - حدّ - و ماتعدّاه - - مٓرر
و مازاد - عن حده - تحوّل لضدّه

راع - الزّناد - اللي قدح به وشرر
طش - القناع - وباح للناس سدّه

اللي - مدى -عقله - جهازٍ - يفرر
حدر الطلب - مابين - هاته -وودّه

تراه - من -عندي - عتيقٍ - محرر
جزاه - مع قطع - العلاقات صدّه

وبيتٍ على اساس الحجر مايتضرر
وبيتٍ - بليا - ساس - ياهون هدّه

ابو هايف

[اللحالي]

ياعبيد - خذ منّي - هديه - و تشجيع
نصيحةٍ - عندي - لها ما أنت شاري

وأن كان -ماهرجي على حق لاتطيع
مالي - عليك و لاعلى أحدٍ - أجباري

فك - القناع ووادّع - الطّير - توديع
ولومك علي أن شفت جول الحباري

خله يذوق - من الهواء له - قراطيع
عن موتته - عندك -سجين أنتحاري

ماظن - عقب - مطرّدين - الجرابيع
أنّه - يعود - بنجد - للصّيد -طاري

ستين - عام - يلوّع - الصّيد - تلويع
لين - انتهى - شوفه وقص الأثاري

و راحت -مداهيل الجوازي مشاريع
وتغيّرت في نجد - جرد - الصحاري

و تبدلت - بالكون - عدّة - -مواضيع
و من عاصر الجيلين شاف المواري

ياعبيد - فات - ومات وقت المطاليع
ولافيه - داعي - للتعب و المساري

سووا - لجثمانه - مراسم و تشييع
ولوحات - مكتوبٍ - عليها الحذاري

متى تبي - شوف الزبيدي مصاليع
والبحث - عنه من أول الوسم جاري

وأسمع نبأ شكوى الشجرمن هل البيع
بحبال - فكسار - الدلع - والسفاري

ليت الحمايه - تنقذه قبل - لايضيع
يرجع - له الله - في قراراٍ وزاري

ذكرىٍ - تجمع - غايب الهم تجميع
ماغير - ديراناَ - عليها - الذواري

رسم البيوت اللي على مدلج الريع
اللي - تقول - معلقات - الكباري

مدهال - بدوٍ - يبعدون المراميع
ليا بيّن المغرب - ظهور المباري

وشافوا - على نية هواهم لواميع
يم الدكاك - اللي بحد - الخباري

ماهمهم - نشر الصحافه -وماذيع
وش قيمة الأصلي وسعرالتجاري

تم الكلام - وزبدة الهرج - ماتميع
يبقى صداها مثل - قاف الحداري

وعساك تعطيني على الرأي توقيع
توقيع - شيخ - بصك - ملكٍ عقاري

وأحذر - تولع - بيننا - النار -توليع
تراي - كد - حصّلتها و أنت - داري

تسمع - كلام - مجوّدين - المراقيع
أسلاحهم - سلكٍ - من اللف عاري

وأقبل - مثل ريح النفل مع ذعاذيع
اعداد - ماخط - القلم - كل - قاري

الشاعر شريف بن محمد بن راكب

شريف - صاغ - وبدّع القاف تبديع
قافٍ - من الهسه نضيفٍ - وعاري

وهذا الطبع يغلب على كل تطبيع
ماقال - له بيتٍ وله - قيل ساري

على كلامه - قمت - بين المهاجيع
يجذبني - الهاجس على كل طاري

وفكيت سبق مقطع الخرب تقطيع
حرٍ - بريشه - مثل - دق الخزاري

ورفّ - الجناح بفرحةٍ عقب تفريع
كنه - سجينٍ - جاه - رد -أعتباري

عينه - تودعني - ابفرقاه - توديع
و إلاّ - تحداني - بنقضة - قراري

والله مادوج به ضحى مع هل البيع
لو سيق فيه أعلى سعر بالمصاري

أبا - اتحمل - لوم - بعض الطماميع
ولا - لوم - و عتاب الرفيق المباري

يا بو محمد - - يازعيم - - البواتيع
شورك - بطيري - قابله با اختياري

حيثه جرالك من قسى الوقت تلكيع
مثلك - مجرب - قد - جرتله جواري

أبا اتصبّر - مثل - صبرك - ولاضيع
بفراق - حلوات - اللبن - بالصفاري

يوم أنت - معهن - بالفياض المرابيع
من دونهن - في كل شيء - انتحاري

أعراض الدفوف اللي تقافن مع الريع
عزيت - عنهن - ياشريف - - أجتباري

لادق - - سبابك - - أبهام - - الاصابيع
وقنب - لك - الهاجس قنيب الضواري

وفتشت - باطن - بيض صحفه نواصيع
و تاقت بك - الذكرى - لذيك المحاري

يومن - مابه - - للصوامع - - زراريع
ولا - شبّكت - صحراء بعيد -البراري

ولا - وزعت - حمر البراخيص -توزيع
ولافيه - أسم - محمية - أم القماري

اللي - منول - - للجوازي - مراتيع
اليوم - صارت - كل أبوها - حواري

فيها ادّهار - وصوت حس المصانيع
وأسواق - واسكانٍ طرازه حضاري

وأبراج - أذاعاتٍ - محطاتها - تذيع
تعطيك - حال الطقس برد وحراري

تخبرك عن مافوق سبع الشواميع
في ظرف ساعه في مجالٍ أخباري

هذي - فلول العلم فكره و تصنيع
يفخر بها - شعبٍ - بفكره - يماري

علمٍ - به عقول أكثر العالم - تضيع
ضياع - منجومٍ - - بليلٍ - - غداري

وتوك - مقابيل - الليالي - مضاريع
يطوّعن - اللي - - براسه - حماري

غيرك - كثير - من الاوادم - مجازيع
عن طوع شرحي خذ قليل أختصاري

ياقاطفن - زهر - البيوت - المهانيع
مافيه - داعي - لي منك - الحذاري

الشّك - بي شلّع - مراسيه تشليع
أثمٍ - ذكر - وزره - صحيح البخاري

ماوالله أسمع - هرج ناسٍ -مواجيع
ناسٍ - بعرض - الناس بايع وشاري

من يستمع في صاحبه هرج ويطيع
جعله طعم - عبرود مشط السواري

يودع - خلايا دماغ - راسه طراشيع
كلن - يسولف - به إلى حل طاري

لاشك - وسّع - ضايق البال توسيع
الوضع - مايلزم - ويوجب أشعاري

خذ من صدا قاف الحداري مقاطيع
خذ من حكم قاف - وكلام الشراري

وجهة - نظر مالي وراها مطاميع
وفيما - توريته - بذلت - - أقتداري

و لك منّي أحلا من قراح - الينابيع
أحمل - تحيات - الوفاء - وأعتذاري


الشاعر/ عبيد ابن نهار الفريدي

[اللحالي]

‏

=قصيدة موجهه من الشاعر/عبيد بن نهار الفريدي
=لشاعر/شريف ابن راكب الفريدي
=.
وش حل حلمي كان ماهو تخاريف=يامفسرة سود الحلام وصدفها
أشوف ميقافي بعال المشاريف=من العصرلين الشمس كفت طرفها
أدرج نضر عينن تهل الذواريف=على بقايا دار مالله خلفها
غيم سماها من كتام العواصيف=وستسرجت نار الدمار بسعفها
قامت تنسفها الصواريخ تنسيف=تنسيف ندافن لفرشٍ ندفها
باسراب ميراجن سوات الخواطيف=ببطونهن الموت المصفى ارففها
شفت العماير يوم راحت تناتيف=من علي أسطحها لسافل غرفها
أكبر عماره بالمدينه هكا الصيف=صباتها كبر الاضافر شقفها
حلم على ود من العام به زيف=يابو محمد شمس عمري خسفها
تبا لاهل دنيا يكيلون تطفيف=وتبا لنفسن عذرها ماعسفها
متقلدن شيطانها صارم السيف=أركى عليها ولعن الله جدفها
واستحكمت فيها الهجوس المزاغيف=واستلطفت طارن يعبث بشرفها
ماهو غرام بحب حشو النفانيف=حقي من الخفرات حظي قطفها
فاتن ثمان سنين جردٍ مراديف=وضحكات صفران الشدوق نعرفها
مازعزعني بايهات السواليف=وحلوف كذابٍ بربي حلفها
يوم النجوم المبرهزه مكاسيف=وكلاب مسعى السوق ينضح قرفها
طارن طرالي راوده طاري السِيف=أما صلاح الحال وإلا تلفها
أما بها المركب تزفه مجاديف=على آخر المينا والمركز هدفها
وإلا تصير حكايةٍ للمزاهيف=يفرح بها نقال هرجٍ حذفها
يجرها بعصير سوق الهفاهيف=ريحة هواء طبخ الحرام وصلفها
طبخ القلوب الحاقده والملاقيف=أدلالهم بالظلم تقطر اليفها
هذا كلامي يابعيد الاطاريف=خذ واردٍ صرف المصارف صرفها
من سلم سوق النقد تبرا المصاريف=صاف الثمين اللي تلاعج صنفها
وعطني من مصيبك ردود المضاريف=دامه ورد جم البحور وغرفها
ماينتعلا سد روس الشفاشيف=لانهل من عالي روابي شرفها
تم الكلام ولابقيلي تحاسيف=والنفس ماتلحق عليه بأسفها
‏


@@@@@@@@@@@@@@@@@
@@@@@@@@@@@@@@@@@


‏
=رد الشاعر/شريف ابن راكب الفريدي
=على الشاعر/عبيد بن نهار
=.
عديت راس اللي بها للوحش قيف=كم عاد غيري واحدٍ مانصفها
وأتعبت رجليه بكثرالتواقيف=وقفت وقفه صاحبي ماوقفها
من هاجسٍ خلاني ارجع وأنا معيف=وأنسا الضعون اللي ترفرف عطفها
وأسباب مابي ياملا دون توصيف=عبرة عزيزٍ من عيونه ذرفها
من قال سم بْْسم حرش الزواحيف=وراح وتناول فروته والتحفها
عبيد كتفني بالامثال تكتيف=صدر بصافيها وخلا عذفها
ياعبيد مانارك حطبها من الليف=وعلي معصير الهبايب نسفها
وعندي خبر بأسباب كل التخاليف=وسير السفينه والهواء اللي جعفها
لكن عسى ماصار رحمه وتخفيف=أصبر على ميلة زمانك وطفها
ليا سلم من حد نجران لطريف=والسيل دارك سالمه ماجرفها
قدام يوم يقال عندك لها ضيف=وغصبٍ على من كان تأخذ ضيفها
ياعبيد لو دنياك تمشي على الكيف=كلٍ تعرض دربها ثم حرفها
هذا وبين الحلم والعلم والطيف=أبعاد لو دكتورهاماوصفها
ياعبيد خذ رايي ورأي المناكيف=كلٍ ذلوله باركه من ضَعفها
خل الفقارا اللي تنشد عن الريف=ترا هل البل منذرين بحوفها
كم واحدٍ ركب المراكب ولا شيف=يخطف بليل وصيدته ماخطفها
واليا انحدر فيه الرشاء للغراريف=حط الملام بلحيته ثم نتفها
اليا شافله يومن كثير التكاليف=يلقاه من شيطان نفسه لقفها
ياعبيد ماودي يقولون ياحيف=دارن بها ماترفع الراس عفها
دامن صفحاتك قمر وسط الارشيف=تكفى عليهن صورة الشمس ضفها
وساير زمانك لو على مد ونصيف=لو تطرد الوجبه ولو تستلفها
وحظك معك لو كنت بالجو لجنيف=حكمه لنا الله في كتابه كشفها
وكم واحد حقه من المال توليف=ركب القطار وخبزته ماشلفها
اللي على بابه عن المد تغليف=وكل على يده البعيد وكتفها
الله ينظف دار الأجواد تنظيف=من عالمن شيطانها في حففها
من طاح حطو فوق راسه غطاريف=ومن شد حاجه تلها ثم لهفها
وتبا لدنيا برقها له رفاريف=من فوق صيرانن تشح بحجفها
وتبا لرجلٍ مايعرف المعاريف=نفسه على درب الوفاء ماكلفها
طال الكلام وبلغت الهرج تقطيف=واسمح بلفات عميلك شطفها
أن كان بالمعنى تناقض وتحريف=وحرفتها قدام تجي محرفها
تم الكلام وحط بين الشراشيف=أدروس عن رؤسٍ تطاير ازلفها
واسلم وسلم واستلم خط برليف=وصلب على باقي الطؤاري ولفها
ولك مني أحلى من حليب المعاطيف=قدام تدرجها الهنود بعلفها

‏

[اللحالي]

مشكور مديرنا الشاعر ابو مناحي على التنسيق الله يجزاك خير واخوانك المسلمين

تحياتي للجميع

[اللحالي]

ياطير - ماوالله - مادام - انت ضيفي
يطيب - لي حلو الكرا وانت مسجون

أنا - المعزب - و أتصرف - - بكيفي
أخذ - قراري - بالتصاريح - - وأمون

والله - لأسوي - ما -أتخيل - بطيفي
لو - الفراق - اللي معه ودّ مايهون

تراك - عقب - اليوم - ما أنته وليفي
أسلم - وسلم لي على طير ابن عون

أخر - دفاعك - مات - بدر - الحويفي
الله - يجيره - صار له وقت - مدفون

حظي - معك - بالصّيد -ماهو حليفي
تبي - الصراحه - كامله - ماهنا؟لون

دونك - ملفك - حاذفه من - ارشيفي
وغسلت - عرفتنا - القديمه - بصابون

ماني - ملك - وأجيب - لك لو بسيفي
أو أني أشري لك حباري - هذا - كون

ياطير - عخاو - مبعّدين - المصيفي
يم - الديار - اللي بها الصيد مضمون

اللي - تذاكرهم - تعسر - الضعيفي
وتسهل على اللي عندهم مال قارون

ما أقدر على ذكر المسمى الوظيفي
بيّنت - نص النص - وانتوا - تعرفون

من يشرب - الجمّه - يعاف الغريفي
الله - يقوم - بعونكم ياهل الشئوون

تركت - للبادي - حبال - - العسيفي
يدور - مثل - اللي فقد نعمه النون

وراع - الشداد - مقدّمه - للرديفي
وتاجر - زمان - لخادمه صار مديون

اليوم - خفت - من الزمان المخيفي
لقيت من يجلب وراء -العصر ليمون

الشاعر/شريف ابن راكب الفريدي

[اللحالي]

والله - يالو - ليّ - طير بوقتنا الحالي
إنّي - لا أغدّيه - - وأقطّع - - مسابيقه

وأقول - روّح - عساك - لقلة - الوالي
اخاف - يرجع - ليا - أطلقته على ريقه

يازين - رفّت - جناحه -بالسماء العالي
أليا - أختفى عن عيوني عقب -تحليقه

اعلّم - الطير - و إلاّ - - اعلّم - عيالي
اعيالي - اولى - عساه يقل - توفيقه

فكرة - هل الصيد ماصارت على بالي
لو كان - مالي - على الصّقار - تعليقه

أنا هواء - خاطري في عثعثن مالي
عقب - الودادين - شابكتن - - زماليقه

و ترفيعت البيت في جون خضر خالي
وذودن - أدرّج - مصاغيره - - ملاحيقه

وجارن - ثقيل الرحل ينزل هو التالي
ضحكت حجاجه - تبعّد هاجس الضيقه

متبادلين - الوفاء - وارخاصت الغالي
عشرة مدى - ماحصل بالرأي تفريقه

ولقط - الزبيدي - ولوم الطير موالي
كن - البحر - ناشرن - قدمي غرانيقه

هذا - هو - العز - والمتعه يورّاء لي
وسجن الرضاء اللي تبيه الناس ماطيقه

والله - يالو - كل - ماقلت - إيتهيّا لي
ماحط - لي - بالبلد - مسكن وعشيقه

أبو هايف

[اللحالي]

ياابن - شعيبان - قمت العام باعساسه
ومريت سوق الغباءاللي قال اخوساير

لقيت - لي - عالمٍ - بالسوق -محتاسه
عادوا - لذكرى - الأعصار و عجه الثاير

القنبله - -طلعت - من - تحت - غواصه
وسط - الجماهير -مايدرى وش الصاير

مصيبةٍ - جابها - الراوي - على -راسه
ومشت - عليهم - من العاير اليا العاير

غابت - جميع - النجوم وضاعت الطاسه
كورة - ندم - زتها - الراعي على الزاير

الفهم - شيءٍ - من الله - ماهو دراسه
لا تبتحل - - بالذّكاء - - يا واحدٍ - -حاير

انا - توقعت - يوجد - ناس - - حساسة
مثلك - و مثلي - فهمناها -على الطاير

يابن - شعيبان - خل - جريس - بلباسه
لاتحرق - - العنصريه - - دمك - الفاير

ما انته - امكلّف ولا -مسوؤل بحراسه
من جاك - وصّف له المخرج على الداير

مالك - بناسٍ - تدوس - وناس منداسه
خل - السفينه - تطوف - بحملها - الجاير

الشاعر:شريف ابن راكب الفريدي

[اللحالي]

نيابتةٍ عنّي - و عن ربعي جميع
حياكم - الله - من قلوبن صافيه

عداد - ماتنبت - زماليق - الربيع
مليون - ترحيبه - و لاهي كافيه

باللي حضرواللي قعد مايستطيع
الناس - تحكمها - ظروفٍ - خافيه

لظيوفنا - بصدورنا - قدراً - رفيع
عبر السنين - الفايته - - و الافيه

يارب تقبل دعوتي وانت السميع
تضفي - علينا من نعمك الضفيه

الله يمد -الجيش -بالنصرالسريع
وجعل - زعيم - الشر ناره طافيه

الدّين - عند الله هو السد المنيع
و الامن في الأوطان تاج العافيه

الشاعر : شريف محمد ابن اركب الفريدي

[اللحالي]

ماني اللي - يسولف - من فراغ - الخيال
كل - شيءٍ - عليّه - -بالكلام - - محسوب

عارفٍ - - للإجابه - قبل - طرح - - لسؤال
مثل مأعرف شروق الشمس قبل الغروب

المجالس - تجيب - لكل - ماضي - - مجال
لكن - الحظ - يخدم - - طيبين - - القلوب

ياسلامي - على - اللي - مابهم - -مايقال
الرّدى - - لو - يبيهم - - مالقاله - -دروب

نزّلوهم - - سلفهم - - في علؤ - - الجبال
و مسّكوهم - - مسارٍ - ماتجيه - -العيوب

واحدٍ - - بالجنوب - - وواحدٍ - - بالشمال
ونعم - باللي - شمال -ونعم باللي جنوب

غازي - اللي - بحايل - يعتبر - رأس مال
هو - دفاع - القبيله - - بالقضايا - - ينوب

وخالد - اللي - جنوب - بوسط اعز الرجال
نعّموا - له - - عتيبه - - مثلنا - -يالحروب

فيه - مدحٍ - - حرام - و فيه - مدحٍ - حلال
الصّراحه - - حلال - و ماسواها - - ذنوب

والله - أنّي - غلطت - ولي - زمانين -ذال
لكن - الله - غفور - وحالفن انّي - لاتوب

مادحٍ - لي - حجاجٍ - مثل - حني - -الهلال
وصار - عكس - الكلام - و طلعوني كذوب

جعل - -مافأل - - غامض - للاجاويد - فأل
الرّجاله - بصوب - ودرب - غامض -بصوب

مطلبي - - ماينقّص - من - رصيده - ريال
كل - ابوها - سهاله - بس - سكرة هبوب

ودّي - استر - عليه - ودّي اضفى -الجلال
لا يشيل - العمامه - ثم - تبين - الضروب

فوق - تسعين - عندي - للنّجاح - احتمال
وكل - عاقل - طبيب - ويتخذ له - اسلوب

قلت - هذا - الكلام - ولا أدّعي - بالكمال
الكمال - - الله - اللي - عالمٍ - - بالغيوب

الشاعر:شريف ابن راكب الفريدي

[اللحالي]

من - العلوم - اللي - تشرّف قطفنا
قطف - الجوازي من ثمر كل زملوق

ومن - صافي - العد المسمى غرفنا
بين الغصون اللي لها بالثرى -عروق

و أليا - وصلنا - لوحة - الحاء - وقفنا
محميةٍ - من - دونها - للخطر - طوق

والله - ما أقول - ولو - يقال -اختلفنا
ماحط - بالحربي - وانا - حربي فلوق

عن - غلطتنً - لو - ضدنا - - يكتشفنا
وإلاّ - المثل -يصغي على كل طاروق

مافيه - مايوجب - سوالف - - سلفنا
ما أنهد -سور -ولا لنا شيء مسروق

و لاباد - رسمٍ - لو - مسويه - - يفنى
يبقى - مثل - يطري على كل مخلوق

ندمح - خطاء - الحربي -ولاتقل شفنا
طير - الشراري - لامواري ولا سبوق

لو - كل - ماجاء - سيل - وادٍ - جرفنا
يمديه - شال - بيوتنا - سيل ساحوق

مادام - لكنوز - - الذهب - - ماصرفنا
لاتزملون - من السّرب - ياهل النوق

ماهمنا - - من - ذمّنا - - لو - وصفنا
بأتفه - خبر - من مصدرٍ -غير موثوق

حنّا - الرجال - اللي - عزيزن -شرفنا
وقفاتنا - عدله - - و نظراتنا - - فوق

يفهم - -مدى - تقديرنا - من - عرفنا
ويجهل - مدى - تاثيرنا ناقص الذوق

عن - غيرنا - يبعد - مركز - - هدفنا
قمّة - جبل - ماياصله - طق - ولحوق

وعوج - السّوالف - ماتلف - -بطرفنا
من - يوم - كنّا - مالها - عندنا سوق

نسكت - حياء - باعذار - ماالله كلفنا
متجاهلينٍ - ردة - - الصّاع - مطبوق

نخشى - متى - ما - للبنايه - نسفنا
نركب خطاء و ندان من حرب بحقوق

ويصيبنا - حتى - العمى - لو حذفنا
و يبقى - ذرانا -قدم الاجناب مفتوق

خطاء - - نولّع - نارنا - في -سعفنا
وش عذرنا لو يصبح - البيت محروق

واليا - حصل - مالا نبي بعد أسفنا
اسرار رحلات الفضاء وسط صندوق

يدري - بنا النّايم - متى - ماانحرفنا
ويطير عن عينه حلا -النوم - ويفوق

واليا - تحدانا - الصّعب - له -عسفنا
يرجع - مطيع - ليا -كحلنا له الموق

ياما - تفرّشنا - الوفاء - - و ألتحفنا
اولاد - راشد - مانساير - هل البوق

ولا اقول حنّا اللي على الناس طفنا
اخاف - ربي - سب الاجواد -مايلوق

ويارب - يوم - العرض -بحماك ضفنا
يا فارج - الكربات - عن كل - مزنوق

وصلوا - عدد - من قال بالبيت طفنا
على الرسوالً صادق الوعد مصدوق


الشاعر: شريف ابن راكب الفريدي

[اللحالي]

دعى الرّفيق - وزلته - خلّها - اطوف
على الخطأ - مالك - حسايف ليا راح

كم - غلطتٍ - مرّت - علياّ وانا اشوف
عوج - العلوم اللي مثل خط الاسياح

شيمة -عرب وادراك مامقصدي خوف
لو كان - ماني - واصل مستوى بداح

ياصاحبي - بالله معي - سوّ معروف
قدم - المرض - لفروع الاجواد يجتاح

ماودّي - اقف - طول - الايام مكتوف
وابلى - بصدمه - عاكسٍ مالها اصلاح

عليّ - ماتمشي - خديعة هل الجوف
وانا - امتلك - قوّة - جماهير -وسلاح

دوّر - على - غيري - تعلّم به كفوف
تراي - عكس - اللي - توقعت ياصاح

وحنا - الجبال -ليا عرض كل صادوف
اثقال - ماحنا - على - خف - -وجناح

دعني ووادعني ترى ما انت مكلوف
يكفي - كذا - و إلاّ - نزيد - التّوضّاح

يوجد - خبر ماهو -مع الناس مالوف
تكثر - سكاكين - الجمل -عند ماطاح

احيان - ينهاني - عن الواقع -ظروف
واسكت - حياء - ما ودي السد ينباح

ياقصر حرف الاء وعن عشرة حروف
تقول - لا - مرّه - - علشان - ترتاح

نبي - نشوف -ليا هدى كل عاصوف
و المستفيد -اللي بناء قصر الافراح

يا صاحبي - ماوّدي - العلم مكشوف
لمّحت - لك - كانه - يفيد - - التّلمّاح

الشاعر:شريف ابن راكب الفريدي

[اللحالي]

والله أنّي - بين رايين - و أراوي
وأسال الله - منهن الخير يختاره

عارفن بالحل و اللي مضى ناوي
مار دونه حال - كبري - و عباره

أحسب ان الوقت ياوي - ولا ياوي
و أتحرّى - قول - الأيام - - دوّاره

أن نظرت ألمابقي - قلت أنا غاوي
وأن رجعت الما مضى درس وعباره

يوم صار البعد و القرب - متساوي
عفت - راع البيت و البيت و الحاره

لي قرينن بعض الأوقات مايخاوي
لياسمع - كلمة -غلط - ولّعت ناره

لين خللاني - تقل نفس - بقعاوي
ألمح - النظره - تقل نوب -معياره

كسرة - القيمه ترى مالها مداوي
وكسرة - الخاطر لها ناس -جبّاره

والله إني كل ماجاء الدجاء ضاوي
أتذكّر - واحدن - رامن - -أجماره

يوم - فاتت - - ياونيان - بالهاوي
تؤخذ - الغاره -وتكسب بعد غاره

وأشكر الله كان - مازيد متشاوي
من يبشرني - وله - عندي ابشاره

شريف ابن راكب الفريدي

[اللحالي]

هذه القصيدة مشاركة من الشاعر : شريف ابن راكب الفريدي بمناسبة احتفال قبيلة الفردة المقام ضمن احتفالات قبيلة حرب الخاصة في مزاين الابل 3/10/1427 هــ

طاب لي - حلو النباء ساعة وصوله
يوم شب - أشعار وافين -الخصايل

يوم نادى الشيخ قام - الجمع حوله
وقفةٍ - مع درب - وقفاتٍ - سمايل

طبعنا - سود - الليالي - - ماتزوله
لو تزول - من الوطن ضلعان حايل

أسمعوا - يا أولاد -راشد ما نقوله
يوم - كلٍ - قال - عن ربعه مثايل

فوزنا - مضمون غصب بكل جوله
واثقين - بفعلنا - - والشّك - زايل

ماتوصلنا - العلا - بأطرف سهوله
لين - قدنا - بالشكيمة - كل عايل

جمعنا - اللي - ضدنا يكره نزوله
من تعرضنا - عرف - نجم القوايل

يمنا - الميزان - ما نقبل - ميوله
ولا نطيع - إليا عرفنا الضد مايل

يوم - كلٍ - بندقه - تسوى ذلوله
ما نجيب -من السلع كود الأصايل

ويوم - صار الدين - حنا من فلوله
خيركم بالدين - هم روس الحمايل

كان - صار الفوز بأمجاد - الرجولة
جامعينٍ - -للوفاء - كل - - الدلايل

وكان - صار الفوز للبل و السيولة
كد - تقدمنا - و سوينا - - الهوايل

عندنا - اللي مالكٍ - درع البطولة
كاس ابو تركي مع الوضح الأوايل

جايزتنا - جت - على تقدير - دولة
بين - سكان - الخليج - من القبايل

وانتهى - في جاه من ثبت رسوله
بالبقاع - اللي - تشدّ - لها الرحايل

[اللحالي]

عذري ترى ياصاحبي يوم - سرّحت
ضربت لي هوجاس مدري - ضربني

ما والله - أدري - عنك لو ما تنحنت
قبلك - بعد - واحد -بمتني سحبني

أنحت - بيوتٍ من صميم الحجر نحت
تجديد - فكرة - و احدٍ - كد -غلبني

عرفت - مقدار - الرياجيل وارتحت
عبر - الزمان - وجور وقتٍ غصبني

لقيت من ياقف معي و الهدف بحت
وعرفت من ينوي على هدم ما أبني

اللي الى - مني - برأيه - تسلّحت
وصف - لي الدرب -المصد وعقبني

حتى - ولو - إني معه دايم أنصحت
إما - أنكر - المعروف - وإلا نكبني

صديقي - الحاضر - عدوي إليا رحت
بالدين - لو له - عروة - - ماشذبني

ياجاهلٍ في وصف الأنذال ما افلحت
إمّا - كويت - إبهام - يدك - -اطِّلبني

احذر - هل - النّمّات وأكّالة السحت
ما اقول - عنهم - خالق الكون زَبْنِي

صادفتهم - - مدّة - قليلة - و شلّحت
من مر لو - يلقى - عباتي - سلبني

ولاازعل على ضحكة عدوي إلياطحت
أزعل على الصاحب الى ما قضبني

لا صار له - قدره - و قدمه تلولحت
خابت - ظنوني - فيه و ازداد - غبني

يشوفني - ويقول لي ليه ما صحت
مثل -الغريق - تقول - له ما ندبني

ما أقول كملّت - المعاني - ووضحت
لو - طَالَب - الطيّب - بحقٍ - ركبني

أخذت روس - أقلام موجز و لمّحت
و أبديت - حجّة - واحدٍ - ما نِصَبني

[اللحالي]

اول كلامي -مرحبا يامساء - الخير
ترحيبةٍ - من جوها - الشك - زايل

باسم المعزّب صاحب الحفل لمطير
أهلا - هلا - عداد - وبل - المخايل

مِنَّا - لكم - كامل - معزه - وتقدير
تشير - عن ما - بالصدور - المثايل

معكم - ترى العمله - لها طابعٍ غير
اكبرشرف - تشريفكم - يا الحمائل

تربط - علاقتنا - - النوايا - المغاتير
باأخذ - و عطا و الرابحات - الاوايل

عند - التجار - تضيع -بعض الفواتير
و عند - الرجال - يخلدن - -الجمايل

نعمٍ - بكم - يامنكسين - - الطوابير
في ساحة - الرطبة - جرن -الهوايل

يوم - ان عج - الخيل مثل المعاصير
وسلاحكم - بيض - الكرد - والاصايل

جيش الدروز اللي -يعزف -المزامير
للحرب - -مدعومٍ - بكل - - الوسايل

راحت - - شرايدهم - تذب - المعابير
وناحٍ - عليهم - - ناقضات - - الجدايل

و بالعاذريه - سطر - المجد - تسطير
مواقفٍ - لمطير - - تشفى - الغلايل

و في نجد لكن منكم أبغى - المعاذير
خطٍ - حمر؟ - تدرون -؟ ماني -بقايل

بقايدة - اللي - صح مع - قول يا أمير
شيخٍ -؟ يهابونه؟ - شيوخ؟ - القبايل

أمارته - - ماهي - - بجمع؟ - الدنانير
من حذف؟ - رؤسٍ حدرها الدم؟سايل

أبن الدويش - و صفقوا - -؟ياجماهير
راسٍ - رفيع - و بأس - وذراع - طايل

قلته - وأنا - من حرب - وأعتز وأشير
منهازنا - شاف - - النجوم - - القوايل

يوم - الجزيره - قطعةٍ - من - زمهرير
ماجاء - - علينا - يومٍ - - الحمل - مايل

للتّرك -؟ - دمرنا - - جميع - -البوابير
بأطراف - طيبه؟ لو يشك - اي؟ سايل

ويعيش - - حكمٍ - - ماحكمنا - - بتزوير
ماينتمي - لا أحزاب - - ولا - - فصايل

على طريق - المصطفى - واصل السير
برسالةٍ - - غطت - - جميع - - الرسايل

الدولة ---اللي - - واكبت - كل - تطوير
خدام - - بيتٍ - - له - تشد؟ - - الرحايل

وانا - - ماحب - - لفايت - القول؟ تكرير
الواصلي -- - يبيّن- - - جميع - - الدلايل

وصلوا - على - اللي - نور الكون تنوير
قدام - - لايأطى - على - الارض - حايل

شريف الحربي

[اللحالي]

قال الذي - يحكم - المعنى - بطاروقه
مشاعره - مع - هل - المعروف مياله

اخترت مثل الذهب والماس من سوقه
وارسلت - من خاطري للطّيّب - رساله

عداد - ماهل - مزنٍ - ناضت - بروقه
ركد - صدوق - الخيال - وهل -هماله

سلام - للي - تولّع - له - بمعشوقه
شفت - اسمها - كاتبه - عنوان جواله

معشوقته - - حاملٍ - تيجانها - فوقه
ترى اسمها النعم هي من غاية اماله

لو غاب - ماهي من الديوان -مبيوقه
موثقٍ - قيدها - - و موصّن - - عياله

وياصعب دربه على اللي وده لحقوه
مثل - السبق - بين رجليه - و خياله

وليا - تتبعت - عن منشأه - وعروقه
واحد علم من حمول الخيل هو خاله

والساس شجرة وفاء بالعز مرموقه
رجالهم - لو - برك - للحمل يشتاله

ياسايق - الكيف - بالله بعد ماتذوقه
لابن - دغيمان - سالم - عد - فنجاله

مهما - نقدّم حشى مانوفي حقوقه
ياكبر - هيبة - مدى - قدره ومنزاله

كنز - الوفاء - مالكٍ مفتاح صندوقه
جميع - علمٍ - يشرف - بالوفاء ناله

حرٍ - تعلا - الجبل - مع فكه سبوقه
نظره قريب المدى ماهي على باله

الطيبه - يعتبرها - كسب - و تشوقه
منين - ماجاء - الوفاء -واصلتٍ حباله

عن المخاليف - والاخبار - - موثوقه
عدُ صويمل - ومعهم - من هم امثاله

غطى عن الضيف والاحوال - مزنوقه
وعالج - بنود - الخطأ -من حاله بحاله

عليه - راحن - كبود - البيض محروقه
وحكم - القضاء - مأيدٍ -مبداه وافعاله

جميع - الامثال - من شعار مطروقه
تعبت - ادوّر - كلامٍ - ما احدٍ - - قاله

امثال - متوارده - و امثال مسروقه
وزود الغباء يرمي الشاعر - بمحباله

بعض - القصايد - تمرّ - ولا لها لوقه
عنها - الحلاء بعد عن ميقوع -لشواله

وصلّوا على من صدق فعله ومنطوقه
شفيعنا - في - نهارٍ - تذهل - أهواله

شريف الحربي

[اللحالي]

https://pbs.twimg.com/media/E3hZ_PYWQAA-S5e?format=jpg

[اللحالي]

https://pbs.twimg.com/media/E08ADJoXMAAbke6?format=jpg