نطوي مع الايام

[اللحالي]

قيل انّها للشاعر :- مطلق الثبيتي
الله يرحمه واموات المسلمين

نطوي مع الأيام عـام ٍ ورا عـام
وتمر ساعات الفـرح فـي دقايـق

أيام راحت بالعمر مثـل الأحـلام
يوم ٍ بهـا زعـلان وأيـام رايـق

درست من دنياي وأتعبت الأقـدام
وبدلت عن بعض الطرايق طرايـق

وكفخت بأفكاري كما الطير لاحام
وماعاقني عن ماكـر العـز عايـق

ياصاحبي خذني معك سيف وحزام
وياك في وقت الرخـا والظوايـق


وترى البشر ياخوك منقسمه أقسام
بين الردى والطيب شفت الحقايـق

لقيت من صلى وزكى ومن صـام
ولقيت منهو لأقرب النـاس بايـق

ولقيت من قلبه حقـود ٍ ونمـام
ولقيت من قلبـه يعـز الرفايـق

ولقيت من يبني الأمل فوق الأوهام
واللي يموت ولايعـرف العوايـق

ولقيت من يملك بساتيـن وأنعـام
واللي من الحاجه ينـام متضايـق
⌣
الله خلق هالخلق سـاده وخـدام
ذي دبـرة الرحمـن رب الخلايـق

وآخرك يابن آدم ترى قطعة الخـام
أمـراً أكيـد ومايبيلـه وثايـق
⌣
يالله عسى مااكون قطاع الأرحـام
وعساي من عقب القبر في حدايـق
⌣
جاك الكلام وخذ معه بصمة إبهـام
إن العمـر كلـه مجـرد دقايق .

[اصايل]

http://uploads.sedty.com/imagehosting/245805_1336006607.gif

[ابو مناحي]

ابيات جزله وجميعها حكمه
صح لسان شاعرها
وسلمت يدين مختارها وناقلها
ولك تحياتي وتقديري

http://haaarb.com/up/uploads/14084030871.jpg

[اللحالي]

جزاك الله خير ابومناحي مشكور يالغالي