ديوان الشاعر نداء الغيداني

[اللحالي]

حبايبي مرتادي منتدى اللحالي الجنيع

السلام عليكم ورحمة الله وبركاته وبعد

لجمهور الشاعر نداء الغيداني

قمنا بأنشا ديوان للشاعر وسوف تجمع من القصايد مأمكن جمعه لراغبي ذالك من العموم وايليكم الاتي




تعال واجلس معي واشرب من الدّلّه
الـدّلـه الـلـي علـشـانـك مسـويـهـا

ماهـي علـى نـار قـز ولاعلـى ملّـه
عـلـى صـلـو جـمـر نــار ٍمانطفيـهـا

فـي روضـةٍ عشبـهـا متخـالـط ٍكـلّـه
الفرشـه اللـي معـك لــو ماتوطيـهـا

وريح النّفل والخزامـى يبـري العلّـه
وزهـور متشابكـه مـن كثـر مافيـهـا

يامرحـبـابـك وهـــذي والله الـفـلـّه
والجلسـه الطيبـه مـن طيـب راعيهـا

مهما يطـوّل جلوسـك معـي مااملّـه
سوالـفـك تـشــرح الخاطرمعانـيـهـا

تبعـد همـومٍ بقلـب الشـوق محتـلّـه
وهواجس الفكر في حضرتك ناسيهـا

[اللحالي]

الصاحب - اللي - كل ماقلت ابى انسـاه
ماطاعـنـي قـلـبٍ عــن الـحـب مـاتـاب

يصـعـب عـلـي انـسـاه والا اتـنـاسـاه
لو غاب عن - عينـي عـن القلـب ماغـاب

الصاحـب - اللـي ولـع القـلب واشـقـاه
واقـفـا وخـلانـي بــلا ذنــب واسـبـاب

مـافـيــه يـــوم يـمـر - مـاتـمـر ذكراه
واشغلت - فكري - فيه واتعبت -الاعصاب

يبدي - لي - اعجابه - ويبـدي لـي ارضـاه
وانــا - بـعـد ابديت لــه كــل الاعـجــاب

لامـبـعــدٍ عــنــي لاجــل مـااتــرجـاه
ولافـــاتـــحٍ بــــابٍ ولاقــافــلٍ بــاب

قلـبـي تـولـع فـيـه وازريــت لاانـهـاه
ضـحــاّ علـشـانـه بـغـالـيـن واحــبـاب

هــذا الحبـيـب الـلـي مـعـه داه ودواه
وقسى عليه ولاحسب للهوى - حسـاب

استيسره - و اصبح من اكبـر - ضحايـاه
يالله - تـفـك - الاســر يــارب الاربــاب

[اللحالي]

ياراكـب الـلـي لـيـا جـالـه تـونـداقـي
يقلـع مـدى ضيـقـة الخـاطـر تونـداقـه

مـواصـفـاتـه تـهـيــض كـل ذواقـــي
وصوت - اشتغاله يوسـع صـدر سواقـه

لونه تحت - ضو قرص الشمـس لهاقـي
فـي طوكيـو مصنعـه وبنـجـد عشـاقـه

هـو منـوة اللـي عنـه تعميـم الحـاقـي
وهـم اهـل الـثـار يـقـتـاده ويسـتـاقـه

زاده ذواقـه وشـربـه فـوق مايـطـاقـي
يشـرب مــن الـمـاء ويطبـخ دم معلاقـه

نـار القـهـر والغـبن محرقـتـه احراقـي
يقفـي ويقـبـل وصـلـو الـنـار باعماقـه

تصـلـفـقـه قـلة الـحـيـلـه تصـلـفـاقـي
يقـضـي نـهـاره وليـلـه ماثـنى سـاقـه

نـصـه رفـيـق الرفـيـق المولع الشـاقي
بالطيب - من يوم رف الشـوف باحداقـه

مـحـمـل فـي تـحـيـاتـي وبـاشـواقـي
وقل - لابوسامي تركت العشق واسواقه

بشـر حسيـن النبـا والشـكـل بافـراقـي
واخذ - يانـداء منـي بشـاره علـى فراقـه

وش عـاد لـو هـز زيـنـه كــل خـفـاقـي
ولا عـاد لـلـي يشـوفـه بالصـبـر طـاقـه

عزلـت عـشـق ام عين رمشـهـا دقـاقـي
وبدلته - بعشق - وضحـاً -شوفهـا شفاقـه

انـا بـدوي - ونويـت اشـري لـي نيـاقـي
عقـب - ابـن بتـلاء -ذعـار اهدالـي الناقـه

كـم لـي وانـا للنيـاق الـوضـح - تـواقـي
وشجعنـي - اللـي عساهـا -تكثـر ارزاقـه

ابــــى لاحــنــت رعـــود ولاح بــراقـي
نــو هـمـالـيـل وبــلــه مـاهـي دقـاقـه

امشي - باثرها - ووجه - الشمس ماواقـي
مـع ضـف -ربـع مافيهـم - قاطـع السـاقـه

اتبـع هواهـا - واجـر - الصـوت - مشتاقـي
فـي مرتـع - قبلهـا عشـبـه مـااحـد ذاقــه

روض نوامـي - حيـاه - اشكـال -وارنـاقـي
طياحـهـا مـثـل حــذف الـمـرو - باشنـاقـه

جـــو نـبـاتـه زمالـيـقـه لــهــا اعـنـاقـي
وزهـوره - اجمـل شذاهـا مـن شـذا باقـه

من شم - ريحة - هواه مـن العمـس فاقـي
نسى التعـب و الهمـوم - وزانـت اخلاقـه

دنـيـا تقـلـب وتخـلـف هـقـوة الـهـاقـي
والعـمـر لابــد مايـنـصـاب فــي عـاقــه

الـعـمـر والـمـال يـفـنـى والله الـبـاقـي
سـج القـدم وانبـسـط مــادام لــك فـاقـه

الشاعر لافي الغيداني


ياسايق - الجيب - جعلـك ماانـت سواقـي
ابطيـت تمشـي - وهـاذي ماهـي سواقـه

طال انتظاري - وانـا واقـف علـى ساقـي
اتعبـت رجـلـي مابـيـن الـبـاب و الطـاقـه

النـاس - نامـوا وانـا فـي حـروتـك بـاقـي
يامرحبـا اقـلـط ولافــي عطـنـي اوراقــه

تقـهـو لـيـن انـــي اقـرأ كـل الاوراقـــي
واعطـيـك رد الرسـالـه كــان لــي طـاقــه

يامرحبـا - فــي قصـيـد الشـاعـر الـراقـي
الـلـي لـــه الـنــاس ولـهـانـه ومشـتـاقـه

شعرمـثـل شـعـر لافـــي مـالــه امـلاقــي
انـــا عـلــى كـتـابـتـه مـاعـنــدي لـيـاقــه

لـكـن ابــى اكـتـب مـــردي والله الـواقــي
مــن نـقـد - نــاس تـجـي للنـقـد منسـاقـه

الـجـو تــوه صـفـا والـفـكـر تـــو راقـــي
وكـتـبـت مـاجـادبـه فـكــري مـــن افـاقــه

يالافـي - حمـود - شـعـرك يـغـدق اغـداقـي
عــلـــى مـســامــع مـحـبـيـنـه وذواقـــه

انتـه - جبـل مـن جبـال - الشـعـر عمـلاقـي
وقصـايـدك - يـاوسـيـع الـعــرف عـمـلاقـه

علـمـك فــي سـاحــة الامـجــاد خـفـاقـي
ورايـة - قصـيـدك بـجـزل الشـعـر خفـاقـه

و يمـنـاك لـلـي - تجيـبـه تـنـفـق انـفـاقـي
تصرف - معاشك - على - الضيفان - والحاقه

دايـــم لـمـبـدا رجــال الـطـيـب سـبـاقــي
يانـسـل ربـــع عـلــى الـطــالات سـبـاقـه

دامـك - لشـوف - النيـاق - الوضـح عشاقـي
تسـتـاهـل - الـلــي عـطــاك ذعار(لـهـاقـه)

ابــن - الحمـيـدي - لــه الاشـعـار تنسـاقـي
نفـسـه - لـحـب - العـطـاء والطـيـب تـواقـه

يامـغـرم - بـحـب - وضــح تبـحـل الـنـاقـي
لوشافـهـا - هـيـف - يحسبـهـا مــن نيـاقـه

لاشـــك يـســرق غـلاهــا مـنـك سـراقــي
لاشـفــت مـــن زيـنـهـا يـجـذبــك بـراقــه

لاتـامـن الـقـلـب نـــوب الـقـلـب بـواقــي
لاتـلــه الـشــوق تــل الـصـقـر مسـبـاقـه

ويازيـن - ياللـي - جمالك - بعـضـه عـراقـي
احرص - ترى - عيون - بعض - الناس -سراقه

حسـن - اختـيـارك دلـيـل لـذوقـك الـراقـي
يـازيــن يـالـلـي عـطــاه الـزيــن خـلاقــه

عقـل وجـمـال وكـمـال - وديــن واخـلاقـي
وبيـنـك وبـيـن القـمـر فــي ليـلـه عـلاقـه

لــو ان لافــي يشـوفـك صـابـه ارهـاقـي
يكتـب - بـك الشعـر ليـن يخـلـص اوراقــه

انــا اشـهـد انــك عــذاب لـكـل عـشـاقـي
قلـتـه شـهـاده لزيـنـك مـاهــي عـشـاقـه

قلتـه - وصـدري - مـن الاشـواق ماضـاقـي
مـرتـــاح مــااحـــب لابـنـت(ن)ولانــاقــه

الشاعر نداء الغيداني

[اللحالي]

البارحه حضر على الفكـر طـاروق
وجبت القلم بالحال ثم جبت الاوراق

وبديت باسم اللي خلق كل مخلـوق
اللي فرق بين البشر خلق واخـلاق

اللي جعل بالناس محـرم ومـرزوق
سبحان من بيديـه تقسيـم الارزاق

وسجلت مايطري على البال برفـوق
من شان ما ادون سوى كل مـا لاق

ماني بشاعر بس يجذبني الشـوق
لحل طـاروقٍ لـه القلـب يشتـاق

بالذات لاصار الهدف عالـيٍ فـوق
يبعد عن اهدافٍ تجي بيـن عشـاق

انا هـدف معنـاي للـي لهـم ذوق
ناسٍ لهم مع سامي الشعـر ميثاق

يابو بدر مثلـك مجـرب وماثـوق
بالطيب والمعروف والعرف عملاق

ولك مركزٍ في ساحة الشعر مرموق
شعرك جزيل ومعجـب كـل الاذواق

ماقلتها عاشـق ولانـي بمعشـوق
ولا شاقني مزيونـةٍ زينهـا دقـاق

ولا ناقصٍ حاجه ولاضاعت حقـوق
والصدر لو كثرت طواريه ماضـاق

قلبي من اسباب الهواجيس محروق
أخفيتهن لين احرقن قلبـي احـراق

يجي لهن في صدري رعود وبـروق
وليا استهلن اغرقن فكـري اغـراق

اسباب وضعٍ صار في وقتنا عـوق
من سبته درب السعه عقبها ضـاق

شي حدث في وقتنا ماهو مسبـوق
ضيق على بعض المشاكيل بخنـاق

باب السنع من معظم الناس مطروق
لا شـك مقفـولٍ بضبـه ومغـلاق

كم واحد جاله يسوق القـدم سـوق
وعنده وقف لين اتعب العين والساق

وعود تقول انه على الوجه مصفوق
لا وخسارة جيتـه قبـل الاشـراق

والا لراع الواسطه ماهـو مغلـوق
تفتح له ابوابه على كـل الاشنـاق

حيث ان له ناسٍ لها يدين وحلـوق
متوظفٍ كبتن وهـو قبـل سـواق

للواسطه دورٍ علـى غيـره يفـوق
يرفع مثابيـر الوطـا يـم الافـاق

دنيا تكيف قاصـر الشبـر ويـروق
بالحر له ضـلٍ و بالبـرد مشـراق

لاثمارها يقطف بـلا جهـد ويـذوق
طراوة الدنيا لهـا اشكـال وارنـاق

مايطرقه من قاسي الوقـت طاروق
من العنـا وايامـه القشـر مـاذاق

ناس تحوق المـال بيدينهـا حـوق
متيسرٍ ما حـال مـن دونـه رواق

وناسٍ يسجل دينها الطاق مطبـوق
الله يكون بعون من وضعهـم شـاق

والشجره اللي بارضها ما لها عروق
كيف الغصون تعيش وتعيش الاوراق

والنخله اللي مالهـا ظـل وعـذوق
نجثهـا ونطشهـا بالـف طـقـاق

والسلعه اللي ما لها بالبلـد سـوق
تبور لـو طافوبهـا كـل الاسـواق

ولا هو صحيح ان كل مطرود ملحوق
كم راح مطرودٍ نجا عقب الارهـاق


صح الله لسانك ي ابوسامي والله شاعر مافيك حيله ي ابن العم

[اللحالي]

كل ماغبت غابت معك بعض الوناسه
ياجميلٍ - عن الانظار شهرين - غايب

ياحبيبٍ - بعد ماغبت - شفنا التعاسه
ياطبيب - القلوب - وياحبيب الحبايب

كل ماسج فكري جاه ذكرك وحاسه
واشغل القلب في ذكراك والقلب تايب

صاحبك في غيابك قل عزمه وباسه
صار عنده غيابك من كبار المصايب

قل عزمه - وباسه ثم تردا حماسه
لويحاول يطيب الحال ماهو بطايب

ماتفيد - العلوم - ولاتفيد السياسه
معك ياللي وهبك الله جزيل الوهايب

انت قلبك حديد وباقي الجسم ماسه
كم تمنى يشوفك من شبابٍ وشايب

بس مافيك امل والحب ماذقت كاسه
ولاشواك الهوى مثلي وشفت النشايب

ماتعرف الهوى وتعرف جوه وناسِه
ولااصبح القلب من لوعات الاحباب ذايب

ولاشكيت الظروف ولاشكيت التعاسه
ولا بدا الراس من دورات الايام شايب

ياهلا - ياحبيبٍ - دارسينه - ادراسه
بس قلي بعد ماجيت ويش انت جايب

[اللحالي]

جوني و قالوا - ودنا - انا نتخاوى
نبى - نسافر يم - لندن - و مدريد

قلت - اسمحولي يا وجيه النداوى
عسى سفرنا لديره الغرب مايعيد

الغرب - غرب - ولا لنا فيه ماوى
ولا - عندنا - للي - يبا يروح تاييد

مانروح - لديار - الكفر والمهاوى
حنّا نخاف - الله ونخشى المناقيد

اناخوي - اللي - يحب - المخاوى
فوق - الجيوب اللي عليها صناديد

الى عقدنا - الراي - مابه مراوى
نقطع - طواريق الخلا لوهي بعيد

ننام - في - جوٍ - ذيابه - - تعاوى
اخير - من نومٍ - على دافي البيد

بارض - خلا - منها العليل يتداوى
لسار - في - وادٍ - سيوله تراديد

جوّه - وجوّ (ام الضباب)يتساوى
ومن اين ما وجهت تلقا به الصيد

يا زينها - هدت - صقورٍ - تهاوى
على الارانب - والحباري ملا بيد

بفياض - لا فيها بدو - لا قراوى
غير الظباء ووعول كبر المفاريد

ليال - نقْضيها - و كنا - جلا وى
عندي - تصير - ايامها - كنهاعيد

وكل الهموم اللي بقلبي تشاوى
لاصار معي سعودوسعود ورشيد

[اللحالي]

احد(ن)يغيب ولا حسبناله حساب
واحد(ن)نحسّب بالدقيقه غيابـه

بعض الاوادم حاسبينه ولو غاب
وبعض الاوادم ماحسبناحسابـه

الله يبارك - بالليالي والاسباب
اللي قلعته من ورى جبال-لابه

ماله مكانه عند ربعه والاقراب
وبينه وبين اهل الشكاله حرابه

وجهه مثل قلبه تقل ريشة غراب
من الحسد والحقد يشعب ركابه

اليا سكت نصاب وان قال كذاب
ماينعرف وش مخطيه من صوابه

وانا مااحب اللي منافق ونصاب
حيث - اننا - باخلاقنا - ماانتشابه

وارجع واقول اللي كسب حب الاصحاب
الصاحب - اللي - عز حضرة جنابه

ان غاب - له تاثير - مابين الاحباب
وان - عاد كل(ن) قال - يامرحابه

هذا - الكلام - ولالنا - عنه مجناب
مادار - في فكري - كتبته - كتابه

[اللحالي]

رمزنا - لك - رموز الموده على قرطاس
عسى - لارمزنا - لك - رموزٍ - تترجمها

كتبنا حروف اسمك بحبرالذهب والماس
رسمنا علامات الغلا - وانت - تفهمها

الا - ياحبيب - القلب من بدّ كل الناس
الاياحبيب - الروح - لو كنت - ظالمها

تغيبت - عنا شهور قلنا عسى ماباس
ترى - غيبتك - تثّر- بحالي - وتولمها

انا نوب اقول انك بليدٍ بدون احساس
علشان - ماتاوي - لنفسي - وترحمها

وانا من عقب فرقاك يلعبي الهوجاس
تطاول - على روحي وحالي و حطمها

بعد غيبتك ياصاحبي صابني وسواس
ماغير اتخيّل صورةٍ لك - ثم - ارسمها

بصدك - تعذبني - وانا شاعرٍ حساس
مشاعر - غلاك بخافقي مااقدر اكتمها

لو احد نشدني عنك ابى اعلمه وانحاس
وكل - الاوادم - يمكن - اني - اعلمها

وهاذي سبايبها انت (ياراعي الاقواس)
جميع - المشاكل - منك - لازم - تقيمها

علشان - تعرف - للجفا والقسا مقياس
وعلشان - نعرف وش جهود(ن) تقدمها

[اللحالي]

صديقي اللـي مـن اول مايفارقنـي
دايم معي في براد الوقـت وبحـره

خمسه وعشرين عام وهو مصادقنـي
وان غاب عني يضيق الصدر و يضره

مااروح لي في مكـان الا يرافقنـي
النفس لمرافقـة؟ شـرواه مضطـره

و اليـوم طالـت -صداقتنـا وزهقنـي
و اعلنت - هجره وتركة خوتـه مـره

هذا - خوي(ن)بنار الحب محرقنـي
ياما و يامـا خوي(ن)ضـرّ - ماسـره

واللي ماهو في كلامي ذا مصدقني
ينشد عن اضراره الدكتـور و يمـره

يالله - مـن رفقتـه يـارب تعتقنـي
وتغفر ذنوبي وتكفيني عنـى -شـره

[اللحالي]

غلطه بسيطه فرّقت بين الاصحاب
يالله - دخيلك من صدوف -الخطايا

اللي زعل بذلت له كل - الاسباب
ووضحت - له مفهوم حسن النوايا

امس اطلبه واليوم لي صار طلاب
واقول - يستاهل - فريد -المزايا

وان كان له حق ومطاليب و اعتاب
يبشر - بمطلوبه - حميد - السجايا

هذا الذي مادونه اصحاب واحباب
متخيّره - من بين - كل - البرايا

وصد وتركني في متاهات الانشاب
وقطع - مواصيله - ونسي الوصايا

هو اجنبي - ويعيش بديار الاجناب
ولااعرف - ابوه وديرته - و الدنايا

ولاحط - عندي غير كلمات بكتاب
وانا - اعتبرها - من ثمين - الهدايا

لو اعرف - دياره - تعونت الاقراب
واتعبت - من شانه - رجال ومطايا

ياما نصحت القلب - لاشك - ماتاب
عن حب - من سوا - بحالي - سوايا

ملوك الجمال اهل الوصايف والانساب
ماعوّضنّي - عنه - يااهل - الحكايا

من دونهم - قفلت - باب ورى باب
يعوضني - ربّي - جزيل - العطايا

عقبه -ولو خيرت في كل - ماطاب
ماشوّقنّي - - نادرات - - الحلايا

المسأله ماهي هوايات واعجاب
عشقٍ - يهددني - بسهم - المنايا

من طاح به شباب اوطاح - شياب
يشب - نار - الود بين - - الحنايا

قفلت باب الود من عقب - ماغاب
وتركت - شعرٍ -يستبيح - الخطايا

[اللحالي]

انـا ليـا غنيـت متعـت الاسمـاع
وخليت راع الصنف يشعاه شاعي

بيـتٍ لعبـد الله زويبـن لـلأبـداع
اللي على ملك السموع استطاعي

وانا ليـا غنيـت لجـن الاضـلاع
وخليت جاري يصبح الصبح واعـي

صوتٍ صداه يجاوبـه كـل ملتـاع
الى دعاه مـن الصواديـف داعـي

يحـن لاجاتـه هواجيسـه اتـبـاع
حنين مـورٍ مـع طمـان ورفاعـي

هواجسه تأتي لـه جمـوع و اوزاع
تضوي على فكره لا غاب الشعاعي

من شانها كل ما اقبل الليـل يرتـاع
وتضيق في عينـه دروبٍ وساعـي

مثلـي هجوسـي لوعنـي تلـواع
علـي تـارد مظميـاتٍ جيـاعـي

ولقن لهن في داخل الصدر مرباع
باطراف قلبـي حصلـن المراعـي

ماعندهـن طـاري شديـدٍ ومنـزاع
مـادام فيـه همـوم مافيـه داعـي

قلبي تجيه همومه اشكال وانواع
تسري على قلبـي سـواة السباعي

واصبح فريسه للهواجس والاوجـاع
تناهشنـه مثـل نهـش الافـاعـي

همومٍ تخلي قاسي الـراس ينصـاع
هجومهـا مافـاد فيـه الدفـاعـي

هذا اللذي خلانـي اصيـر مطـواع
وامشي على كيف الهجوس السواعي

مشيت معها دروبٍ طوال ووسـاع
لين اطمعت بعض الهجوس بضياعي

وش عاد لونـي خبيـرٍ ولـي بـاع
مافادنـي عرفـي وكثـر اطلاعـي

لذا 0نويت اذيع لـي شـي مايـذاع
من بعد مافشلـت جميـع المساعـي

واقول للي قـال غيـرت الاطبـاع
ومن قال لي ما عاد انـا باجتماعـي

قررت اوضح له عناوين الاوضـاع
واشرح له الموضوع عقب اقتناعـي

واقول لـه تـراي شـاري وبيـاع
بنيت في سـوق الجمايـل شراعـي

واللي عطانا مـد نعطيـه بالصـاع
وين انت ياللي للمعاريـف راعـي

ياللي تـدور للمكاسـب والاطمـاع
اليا عطيت المـد نعطيـك صاعـي

يا صانع المعرو ف والطيب ماضاع
دينٍ - يجـي مابـه جـدال ونزاعـي

لكـن خلـك - بالمهـمـات - فــزاع
مير ان بغوك بمـال والا الذراعي

وخل الصداقه صح ماهـي تصنـاع
نعم الصداقـه تنشـرى مـا تباعـي

لا يخدعك في رفقتـه كـل خـداع
اعرف صديق الجـد والاصطناعـي

ترى الرجال بطيبهم مثل الاصبـاع
ماهم سوى فيهم جبـان وشجاعـي

الوقت طال وكل مجهودنـا ضـاع
والصبـر بـاح وجهدنـا مايذاعـي

من شان هذا جبت لي بوك وايـراع
وعبرت عن ماصار حسب انطباعي

وارجو لعـل الله يعجـل بالاسنـاع
وارتاح من همٍ على القلـب ساعـي

[اللحالي]

اه واجرح قلبي من سهوم الغرام
عقبت - به جروحٍ مستحيله تطيب

ياحبيبي - ترى فعلك بخلك حرام
والخطا - مانقره من بعيد وقريب

ليه تزعل وانا ماجيت درب الملام
مايجوز الزعل - يااعز واغلا حبيب

ياحبيبي - بعد مارحت جاني هيام
مااقدر اصبر على فرقاك ياذالعجيب

استمع استمع لي لين اقول الكلام
واخبرك مثل مااخبر بالالام الطبيب

واعناها - عيوني كل ماجاء الظلام
من حزونٍ تجيها مع حلول المغيب

ياحبيبي - ترى ماني على مايرام
عقب ماغبت عني ياعيون القظيب

[اللحالي]

قصيده من الشاعر عيسى العوفي والرّد عليه

لـيـه التـجـاهـل يـابـعـد كـــل غـالــي
وانا - اللذي عـن جملـة - النـاس مغليـك

مـالـي - عـلـى -درب الخيـانـه مجـالـي
على الوفـا و العـزّ - عيسـى - مصافيـك

اغلـيـك انــا والا انــت - فــي ماتبـالـي
تزعل - وانا - اللي كل - ماضقت -آراضيك

يـاويـل حـالـي - مـنـك - يـاويـل حـالـي
قتلـتـنـي - بـالـهـجـر ربــــي يـخـلـيـك

مــدري - عـلامـك لـيــه تـــال اللـيـالـي
يمّـي - قسـى قلبـك و انــا و الله اغلـيـك

و خـلاص - مـن يمّـك - تـوقـف ارسـالـي
ملـّيـت - والله يالغـضـي - مــن تـرجـيـك

الـيــوم عـــن دارك بــشــدّ الـرحـالــي
بـاروح و انـت - ان جيتـنـي - ياهلافـيـك

و اسكّـنـك فــي - مـنـزلٍ فــوق عـااالـي
مهمـا - يجـي - منـك - الجفـا - مانجـازيـك

عــيــســـى الـــعـــوفــــي

ردي على الشاعر عيسى العوفي

اســمـع كــلامـي يـالـرفـيـق الـمـوالـي
ما أقول - انا اعرف منك بس ودي - اهديك

اقــول لـك رايــي حــســب مـابـدا لـي
اخـذ مـعـك بـالـراي يـالـقـرم واعـطـيـك

اعـرف حـوالـك و انــت تـعـرف حـوالـي
و طـيـب المعرفـه والـوفـا مـن مـواريـك

ابــى اختـصـر لــك لا يـطـول المجـالـي
و اقـول زبـدة هرجتـي لـك وانــا اخـيـك

مـن صـد واقفـى عنـك لــو كـان غـالـي
مهمـا يكـون - انسـه مثـل مـهـو ناسـيـك

اصـبـر عـلـى فـرقـاه صـبـر الجـمـالـي
ولـيـا رجـع لـك قــول مـاعــاد نبـغـيـك

تجـاهـلـه واقـطــع حـبــال الـوصـالــي
وتـلـقـا بـدالـه واحــدن يعـتـنـي فـيــك

مـر الـفـراق يـصـيـر بـعـديـن حــالــي
ليا أرتحت - مـن محبوبـك - اللـي معنيـك

نــــداء الـغـــيــدانــــي

[اللحالي]

مره من المرات رحت اشتـري عـود
وقهوه وهيل وكيس سكر وشاهـي

الحاصل اني كنت في السوق موجود
مع صاحـب الدكـان ساهـي ولاهـي

وسمعت صـوتٍ قـال بالخيـر ياعـود
خافـت ولكـن شــد كــل انتبـاهـي

يـوم التفـت وشفـت ريـانـة الـعـود
بـغـيـت ادوخ بمـاقـفـي يـاالاهــي

عملاقـة عفـراء لهـا عـنـق ونـهـود
عريضـة المتنـيـن والـطـول نـاهـي

وصـوت يهـز القلـب وعيونهـا سـود
تسحر عقول اهل العقول الدواهـي

ظامـر بطـن جمالـهـا مـالـه حــدود
جميلـة الاوصـاف واللـبـس راهــي

قـالـت انا؟؟؟بـنـت ابــو مـحـمـود
لـه سمعـةٍ يـجـوز فيـهـا التبـاهـي

ذكرتـهـا مــن قـبـل ثـلاثـة عـقـود
طفلـه مـع اطفالـي تحـب الملاهـي

[اللحالي]

يامرحـبـا بالـلـي لـفـت تـالـي الـلـيـل
وانـــا لـحـالـي نـايــمٍ وســـط خـيـمـه

بــارضٍ - خــلا مـاعـنـدي الا المعـامـيـل
عــلــى طــرف وادٍ كــبـارٍ هـشـيـمــه

رحبت - فيهـا - وارفـع - الصـوت بالحيـل
ومـن - الفـرح قلـبـي نـسـى مايظيـمـه

صارت - تصـب - الخيـر - فوقـي هماليـل
وانــا احـمـدالله واطـلـب انــه يـديـمـه

قضيـت - ليلـي - حـمـد تسبـيـح تهلـيـل
اشـكـر كـريـمٍ جــاب لـــي هالكـريـمـه

راحـت - وانـا - لبروقهـا اشـوف واخـيـل
لـيـن الـرّعـد مـاعــاد يـسـمـع رزيـمــه

من بعد - ساعـه - جـرّح - الـوادي السيـل
وتتابـعـت - ديـمـه تـجـي بـعــد ديـمــه

ومــن الغـديـر الـلـي يـــداو المعـالـيـل
يشفـي - كـبـودٍ - مــن ضمـاهـا محيـمـه

غسلـت كـبـدي - مـنـه بـأربـع فناجـيـل
وراحـت همـومٍ - وســط قلـبـي مقيـمـه

داويــت - قلـبـي عـنـك يانـافـل الجـيـل
وصــار الـغـلا مـاعــاد لـــه اي قـيـمـه

خلاص - انا ابى - انساك - رغم - البهاذيل
ورغم - ان لك - في القلـب قيمـه وشيمـه

ابــى اعـلــن فـراقــك ولافـيــه تـأجـيـل
ولااظــــن فـيـهـالـك ولا لــي ظـلـيـمـه

ولاعــاد فــي الـقــرار تـبـديـل تـعـديـل
لــو كـان فــي - حــق المحـبـه جـريـمـه

عن الهوى - داويـت - قلبـي - مـن السيـل
ولـيـا - بـغـى يـرجـع - اقـــول الحـريـمـه

[اللحالي]

الغشـيـم العـمـاوي مايـعـرْف الـعـسـل
العسـل مايَعَـرْفـه غـيـر شـخـصٍ خبـيـر

ولايجيب العسل من دون لسـع النحـل
والنحـل مثـل مـاتـدرون لسـعـه خطـيـر

في طريق المناحل كم حصل كم حصل
مير يصبر علـى اللسعـات واللـي يصيـر

والرطب دونـه المسمـوم شـوك النخـل
ماسلـم منـه مهمـا كـان رجـلٍ شطـيـر

وكـل حـالـي وقبـلـه مــر مـاهـو سـهـل
وكـل شـئٍ يجـي ببـلاش مافـيـه خـيـر

هل يطيب العسل من دون لسعة نحل
وهل يطيب العمل من دون بـرد وهجيـر

وهل يصير العمل من دون جهـد وعمـل
وهل يجوز الأجـر مـن دون جهـد الاجيـر

وهل يدوم الوصل من دون همـزة وصـل
وهل تطول العلاقـه دون وصـل العشيـر

وهــل تـــدوم المـحـبـه دون ود وزعـــل
وهـل تزيـن الــورود بــدون لــون وعبـيـر

وهل يجوز الشعر من دون شعـر الغـزل
وهـل تزيـن القصـايـد دون ذكــر الاخـيـر

المـهـم ان بـعـض الـنـاس مـثـل الهـبـل
يشرب من العسل بأكواب مثـل العصيـر

والأهــم ان مـابـه فــي حبـيـبـي امـــل
لـو نقشـت القصايـد فيـه نقـش الحريـر

[اللحالي]

قـولـي لابــوك انـــا تضـحـيـت رجـــال
وانـتــم تضحـيـتـوا بـخـرفـان وتـيــوس

ضحـيـتـي رجـــال وقــفــات وافــعــال
ماهوبـخـبـلٍ هـمــه يـجـمّـع فــلــوس

قـضـى علـيـه الـحـب والـحـب قـتــال
عند الهوى كم راحت نفـوس ونفـوس

لكـن انـا ابـى اصـوم شهريـن بالحـال
وابــرّي الـذمـه لــو الـحــظ مـنـحـوس

لــو ان حـظـي زيــن زيـنـت الاحـــوال
وكسبـت بالحربـي جمـالـه ونـامـوس

طـيّـب ولــه قيـمـه وشيـمـه ومـنـزال
وشاعـر قديـر وعرفـتـه تـرفـع الــروس

قصـايـده عـنـدي لـهـا قـــدر واجـــلال
لـو انهـا بغيـري علـى راســه اتـبـوس

الله يـاهـو قــال ثــم قـــال ثـــم قـــال
لو هي على صم الحجر داسته دوس

لــكــن مـاخـلـيـت لــــه اي مــدخــال
واقفـى وانـا قفيـت والسـر مدسـوس

وقـفـلـت بيـبـانـي وقـطّـعـت الامــــال
ليـن انبـرى حالـه مثـل بريـة الـقـوس

وجانـي خبـر ماصارلـه عـبـر الارســال
وحاست حزون الواقعه حالتي حـوس

والموقع اللـي كـان لـي معـه مدهـال
من بعد هاك الشخـص ماهوب مانـوس

الله يــابــوي انــــا تـضـحـيـت رجـــــال
رجـال عـرف وطـيـب مـاهـو بدنـفـوس

[اللحالي]

سلمي لي على قلبك كثير السلام
ثم قولي ترى قلبي يسلم عليه

وإدري اني عقب فرقاك ماصرت انام
لين ادور علاج النوم ثم اشتريه

واعناها عيوني كل ماجاء الظلام
لاقبل الليل هلت دمعها ماتبيه

تسهر الليل كله والاوادم نيام
والسبايب قسا قلبك عليك اشتكيه

كيف يقسا بعد مالان هذا حرام
ليه يقسا على قلبي وهو مهتويه

قلبي اللي تولع فيك صابه هيام
كم حاولت انصحه وانهاه وازريت فيه

ياحبيبه ترى ماني على مايرام
حاولي في علاج الحال لاتتركيه

مايفيد القصيد ولايفيد الكلام
مير شوفي لنا حلٍ سريع ووجيه

وعذاب المولع من سهوم الغرام
لو تصدا لها لابد تقضي عليه

ماتطيب الجروح ولاتروح الالام
لين خله يداويها بلمسة يديه

مير خلي قسا وانا علي الحرام
ان قلبي عليه اشفق من امه وابيه

لي ثلاث اسنوات احس ماني تمام
والسبب من حبيبي حسبي الله عليه

ليه يقطع حبال الوصل دون اهتمام
في هوانا وانا قصدي وشعري نزيه

قفّل ابواب حبه ليه بأية نظام
يقطع الوصل مع محبوبه اللي يبيه

والله انه له بقلبي مكان ومقام
فاتحٍ باب قلبي له على مصرعيه

اقري اقري بيوت الشعر قبل الختام
واعرفي وش هو المطلوب ثم احفظيه


الرد المتوقع على القصيدة اعلاه


مرحـبـا بالمسـلـم عـدوبـل الـغـمـام
ياهلا به وانا والقلب رحبـت فيـه

ياهـلا بالقصيـده ياجماعـه مـادام
انـهـا مــن رفيـق(ن)ودنـا مانـسـيـه

له بقلبي مكـان ولـه غـلا واحتـرام
وكـل مالـه بقلبـي هوفرضـهـا علـيـه

اشهد انه حشيم ومن رجـال حشـام
وشاعر(ن)منتهى الاخـلاق واللـي يليـه

من رجال لهم بالطيب والشعر زام
من نوادر بني غيدان بيض الوجيـه

والمعـانـي جميـلـه والقصـايـد تـمــام
لاكتبـهـاابـوسـامـي كـل(ن)اثنى عليه

لوقصد بي مـن الاشعـار ماهوحـرام
يكتب الشعر في وأقـراه واشيـد فيـه

ادري انه تولـع بـي عزيـز المقـام
ليتـنـي يــوم ولعـتـه تولـعـت فـيـه

وادري انه على هالحال له كم عام
الله انــــه يـعـافـيـنـا ولايـبـتـلـيـه

اه واتـل قلبـي تـل دلــو المـقـام
كـل مااقـرا بيوت(ن)سطرتهـا يـديـه

سـلمولي عـلى الشاعر جزيـل الـسـلام
هـيـه يالـلـي تجـونـه سلمـولـي علـيـه

ثـم قولـوا تـرى مالـه بقلبـي مـرام
حتى لـو كـان يبغانـي ترانـي ماابيـه

شايب(ن)صار عمره حول خمسين عام
وانا تـوي صغيـره والجمـال احتويـه

والله اني فلاارضى ياوجيـه الكـرام
لــو يحججـنـي لمـكـه عـلــى منكـبـيـه

بلـغـوه الـسلام وسلـمـوه الـوســام
فوق صفحة قصيـده رمـز منـي اليـه

ماعلـيـه الـمــلام ولاعـلــي الـمــلام
كلـهـا رسالـة(ن)مـنّـه وردي عـلـيـه



القصيدتان اعلاه من نسج الخيال

للتسليه والمشاركه

[اللحالي]

وداعا وداعا ياقصيدي


وداعــــاً وداعــــاً يـاقـصـيـدي فــمـــان الله
ماقـصـرت يـاشـعـري ولا مـنــك نقـصـانـي

ولـكـن علـشـان الحـبـيـب الـــذي نـهــواه
جفانـا : نـبـى نجـفـاك يـاعـذب الالحـانـي

اودّعــك مـثـل الـلـي تـوادعـت انـــا ويـــاه
تركـتـك مـثــل مـاهــو تـركـنـي وخـلانــي

حبيبٍ كتبـت الشعـر لاجلـه عسـاه افـداه
ملـيـك القصـيـد الـلــي عـزفـتـه وغـنـانـي

ألا واحسـايـف ياقـصـيـدي عـقــب فـرقــاه
انـا كيـف ابـى اصبـر كـان طـوّل بهجـرانـي

وألا واسـفـابـك ياقصيـد(ن)مـاعـاد ابــغــاه
مــادام الحبـيـب الـلـي نحـبـه تنـاسـانـي

انا عفـت كـل الشعـر عقبـه مابـى طريـاه
وعفت الهوى اللي يُودع الشعر باشجاني

وداعــاً وداعـــاً ياحـبـيـبٍ عـجــزت اجـفــاه
حـرامٍ عـلـي مـااحـب غـيـره بـشـر ثـانـي

ولو غاب عن عيني تـرى القلـب ماينسـاه
مسجـل خيالـه وسـط قلـبـي والاعيـانـي

ملكني غـلاه وصـرت عايـش علـى ذكـراه
وتبـى تخلـد الذكـرى علـى مـر الازمـانـي



وهذه المعارضه للقصيده اعلاه


هـلا بالقصيـد اللـي نويـت اتركـه وانسـاه
مـالـي حـاجـةٍ بــه دام خـلـي تناسـانـي

ولـكــن حبـيـبـي غـيّــر مـعـانـده واريــــاه
بعـد شافنـي فـي بـحـر فـرقـاه غرقـانـي

او انــه تـذكـر يــوم كـنـت اطلـبـه وانـخـاه
يـروف بخفـوقٍ فـي هـوى حبـه اشقانـي

او انـه رحـم حالـي بعـد ماسمـع شكـواه
والانـسـان مايـرضـا بتعـذيـب الانـسـانـي

او انه درى عن حال من يعشقه وش جاه
وتالـم ضميـره وانتـوى فـعـل الاحسـانـي

او انـه يبـى يـحـد مــن يعشـقـه لاقـصـاه
واخـتـار الجـفـا للـحـب والـصـبـر مـيـزانـي

او انـه سمـع صــوت الــذي لاغـفـا نــاداه
بـصـوتٍ يصـحّـي نايـمـاً كـــان سـهـرانـي

او انه يحسـب انـي ليـا غـاب عنـا اشنـاه
ويـعـرف ردود الـفـعـل لاصـــرت زعـلانــي

او انـه يبـى خلـه يصـوغ الشـعـر لارضــاه
ويكـتـب بــه بـيـوتٍ تسـجـل بـالاذهـانـي

وكتبـنـا بـيـوت الشـعـر لاجـلــه وغنـيـنـاه
ولافـيــه غـيــره غـالــيٍ هــــز وجــدانــي

خـلاصـة كـلامــي يـاهــلا مـرحـبـا حـيــاه
حبيبٍ رجع لي بعـد شـاف العنـى جانـي

بعد مااعتزلت الشعر لاجل الغضـي قلنـاه
ولاجلـه كتبـت الشعـر باشكـال والـوانـي

هـلا فـيـك ياشـعـرٍ حسـيـن النـبـا يـقـراه
ولـو اعتـرض للنـقـد مــن قـاصـي ودانــي

[اللحالي]

لاعــاد تسألـنـي ولانـــي بسـائـلـك
خـــلاص مابـيـنـي وبـيـنـك عــلاقــه

مضـت ثـلاث سنـيـن وانــا اتحمـلـك
وفتحت لك في الصدر عشرين طاقه

فيمـا مضـى ملكتنـي بالهـوى ملـك
عنـدك علـى مدخـال قلبـي بطـاقـه

والــيــوم لاوالله مــانــي مـجـامـلــك
ولاعـادبــه بـيـنـي وبـيـنـك صـداقــه

لالاتـراسـلـنـي ولانــــي مـراسـلــك
ولوتعتـبـرهـا ســـو فـهــم وحـمـاقـه

اســف وســوري عنـدنـا ماتجـمـلـك
مـاكــل مـحـروق(ن)تـداوي حــراقــه

مـاكـل جــرح دواه اااســف و ماتـلـك
وش عـاد لـو معهـا مـن الــورد بـاقـه

بلسم جروح القلـب ساعـة مقابلـك
لـيـا عطيـتـه مــن عـلاجــك ذواقـــه




بعد ماكتب الابيات اعلاه عارضوه زملاء له
من باب المزح واتهموه بالقساوه فرد بهذه الابيات



لـجــاك يـتـاسـف حبيـب(ن)مـزعـلـك
اقـبـل مـنـه عـــذره وحـــر اشتـيـاقـه

انس الخطا وانس الزعل حين ياصلك
وضـيــق نـطـاقـه لاتــوســع نـطـاقــه

عامـل حبيـبـك مـثـل مـاهـو يعامـلـك
وزودعـلـى صـاعـه بصـاعـك الـحـاقـه

اقبـل منـه عـذره عسـى الله يقبـلـك
مـع السامحيـن المصلحـيـن الرفـاقـه

وخلـه يـداوي جـرح هـجـره ويجعـلـك
بمـواصـلـه تـنـسـى مـــرارة فــراقــه

محبـوب قلبـك مستحـيـل يتجاهـلـك
مهما حصل له في الزمـان اصطفاقـه

اتـرك كـلام الـنـاس والـهـرج والكـلـك
وعامـل حبيـبـك فــي حـنـان ولبـاقـه

تـرى الزعـل مابينكـم يقطـع السلـك
ويبقى الرضا عقب الزعل لك شفاقه

[اللحالي]

لاوالله الا بـــدت سـاعــة زمـــان الــــوداع
بـدت وحـان الفـراق وحـان وقـت الرحـيـل

دام الامل في حبيب الـروح والجهـد ضـاع
مالي ومال الرجاء اللي يشبه المستحيل

الغالـي اللـي رفــع لــي لـوحـة الامتـنـاع
مابـاقـيـن لـــي مـعــه كثـيـيـر والا قـلـيـل

خـلاص ابـى اعلـن فـراقٍ مـاوراه اجتمـاع
ضاعت جهودي مع اللي في وصاله بخيل

لاشك ابى اصبر لـو ان الصبـر مايستطـاع
وهاذي سـواة الخليـل اليـا جفـاه الخليـل

الا ان خلـي رجـع وانـهـى جمـيـع الـنـزاع
والله مـانــي مـــدوّر غـيــر خـلــي بـديــل

لــو ذاق نـــار الـفــراق وحـرقــة الالـتـيـاع
والله لـيـاوي لقـلـبٍ مـــن فـراقــه عـلـيـل

ماتـو حــان الـفـراق وحــان وقــت الــوداع
لاوالله الا بـــدت سـاعــة زمـــان الـرحـيـل

[اللحالي]

شفت العنى من صدك اشكال وانواع
من نار هجرك قاسـي القلـب ماعـي

عنـدك علـى تعذيبـي انــواع الابــداع
تضغـط علـى قلـبـي وتـلـوي ذراعــي

تليـت قلبـي تـل مــن بـيـن الاضــلاع
واقفيـت بـه يـابـو العـيـون الوسـاعـي

خــلاص انــا قــررت يـازيــن الاطـبــاع
اعلـن وداعــك وانــت تعـلـن وداعــي

عـذب علـى كيفـك تـرى مابـه اوجـاع
خــلاص انــا ركـبـت قـلــبٍ صـنـاعـي

ابلاستـيـك القـلـب قـاسـي ولامـــاع
اكــــوه بـهـجـرانـك لــنـــا لاتــراعـــي

واهديـت لـك قلـبٍ نصحتـه ولاانـصـاع
علـى فراقـك يالغضـي مااستطـاعـي

يـامـا نهيـتـه عـنــك لاشـــك مـاطــاع
ماطـاع يـدلـه رغــم كــل المسـاعـي

ماابيـه قلـبٍ مـن هـوى حـبـك الـتـاع
في بحـر حبـك ياهـوى البـال ضاعـي

اهـديـت لــك قلـبـي ولافـيـه مـرجـاع
تستاهـلـه وانـــا كـريــم وشـجـاعـي

عـذب علـى كيفـك تـرى مابـه اوجـاع
خــلاص انــا ركـبـت قـلــبٍ صـنـاعـي

[اللحالي]

ياحبيبـي عسـى عمـر المحبـه يـطـول
نهتنـي فـي حيـاة العمـر قـبـل الــزوال

حبـك اللـي ملكنـي ياحسيـن الـدلـول
ياحسيـن الـدلـول وياحسـيـن الجـمـال

والله انـي عقـب فـرقـاك تـقـل مهـبـول
نـوب اوجـه جنـوب ونـوب اوجـه شمـال

الهواجيـس فـي صـدري تصـول وتجـول
ضاق صدري من هجوسي ولابه مجال

اشهـد انـي مـن الفرقـاء عليـل وملـول
كل ماغبـت عنـي صـاب عقلـي هبـال

صورتـك فـي خيالـي مستحيلـه تــزول
ماتـفـارق خيـالـي لــو تـطــول الـلـيـال

وقلبي اللي على لاماك شفق وميـول
كل ماجيت ابى انهى القلب عيا ومـال

لـومـا بـيـنـي وبـيـنـك ظـــروفٍ تـحــول
صرت لـك ياحبيـب الـروح مثـل الظـلال

يـاوجـودي وجــودي وجــد راع الـذلــول
يـــوم حـــول وخــلاهــا بـلـيــا عــقــال

فوقـهـا شـربــه وزاده وقـشــراً جـفــول
كــل ماشافـتـه يـركـض يجيـهـا جـفـال

المحـبـه لـهــا قـــدر ومـقــام ووصـــول
مايحـافـظ عليـهـا غـيـر بـعـض الـرجـال

[اللحالي]

هل تعلم انك ملكت القلب في طيبك
وباخلاقـك الساميـه وبـذوقـك العـالـي

وامجامـلـك لــي وافـكـارك واساليـبـك
وزاد الغلا يـوم تنشدنـي عـن احوالـي

كـثـر اهتمـامـك وترهـيـبـك وترغـيـبـك
زودت فــي خافـقـي غــلاك يالـغـالـي

مـن حسـن ذاتـك ومجهـودك وتأديبـك
بنيـت لـك فـي ضميـري منـزلٍ عالـي

وهل تعلم اني اغنـي بـك و اهذريبـك
وان غبـت عنـي تزيـد القلـب غربالـي

وهل تعلم الناس ويش اكبـر عذاريبـك
تـذبــح مـحـبـك بهـجـرانـك ولاتـبـالــي

ايـضــا وتطنيـشـتـك لــلــي يهـلـيـبـك
هـي كبريـاء منـك والا خـوفـة الـوالـي

بس ودي ادري ياروحي وش مطاليبك
والبي اللـي تبـي مـن حالـي ومالـي

[اللحالي]

هنيـت نـاس تـنـام اللـيـل مــا تسـهـر
مابيـنـهـم والـمـنــام الا شـراشـفـهـم

وانا انظر الشمس حتـى نورهـا يظهـر
كـنــي خـفـيـرن ارقـدهــم والحـفـهـم

مـن سبتـك ياحبيب(ن)عرْفـتـك تقـهـر
والناس تحـرص علـى عرفـة معارفهـم

ماتدري اني على هالحال لـي اشهـر
وابـيـن الـوضـع لجـلـك مـيــر ماتـفـهـم

لـذا شكيتـك علـى راع الوفـاء سمهـر
اعـرف رجـال الوفـاء والـنـاس تعرفـهـم

في مدح سمهر نبى نكثر نبـى نجهـر
حيـثـه مــن الـلـي كثـيـرات مواقفـهـم

يبحث عن الطيب مايبحث عن المظهر
قبيـلـتـه فـــي مواقـيـفـه مـشـرفـهـم

[اللحالي]

الصاحب اللي كل ماقلـت ابـى انسـاه
ماطاعـنـي قـلـبٍ عــن الـحـب مـاتـاب

يصـعـب عـلــي انـســاه والا اتـنـاسـاه
لو غاب عن عيني عـن القلـب ماغـاب

الصاحـب الـلـي ولــع القـلـب واشـقـاه
واقـفـا وخـلانـي بــلا ذنـــب واسـبــاب

مـافـيـه يــــوم يــمــر مـاتـمــر ذكــــراه
واشغلت فكري فيـه واتعبـت الاعصـاب

يبـدي لـي اعجابـه ويبـدي لـي ارضـاه
وانــا بـعـد ابتـيـت لــه كـــل الاعـجــاب

لامـبـعــدٍ عــنــي لاجـــــل مـااتــرجــاه
ولافــاتـــحٍ بــــــابٍ ولاقـــافـــلٍ بــــــاب

قلـبـي تـولــع فـيــه وازريـــت لاانـهــاه
ضــحــاّ عـلـشـانـه بـغـالـيـن واحــبــاب

هــذا الحبـيـب الـلــي مـعــه داه ودواه
وقسى عليه ولاحسب للهوى حساب

استيسـره واصبـح مـن اكـبـر ضحـايـاه
يالله تــفــك الاســــر يــــارب الاربــــاب

[اللحالي]

ياصـاحـبٍ صـــدك لـــه بلهـفـتـي دور
مسمـوح كــان الـوقـت هــذا مـزاجـه

اهــم شــي انـــك مـريّــح ومـســرور
ولانــاقــصٍ عـلـيــك يــازيــن حــاجــه

دامـك علـى صدتـك محـدي ومجـبـور
إن طـالــت الـدنـيــا لابــــد إنـتـواجــه

وإن كانهـا فـي رغبتـك ماأنـت معـذور
حيـث إن قلبـي فـي وجـودك علاجـه

وجــودك الـبـاهـي لـنــا كـنــه الـنــور
بـيــت المـحـبـه لاتـطـفـي ســراجــه

وارفق على حالي ترى الحال مستور
صديـقـك المخـلـص تجـنـب احـراجــه

أنــا عـلــى صـــدك وفـرقــاك مـأجــور
بأسـبـاب صـبــرٍ ماأتـحـمـل ازعـاجــه

وكـــلٍ بـحـكـم الله مـنـهـي ومــأمــور
وعـنــد الـولــي للصـابـريـن إنـفـراجـه

[اللحالي]

اعذريني على الصـده وطـول الغيـاب
اعذرينـي تـرى صبـري تعـدا الـحـدود

اعذرينـي علـى الغيبـه وكثـر العتـاب
واعذريني على هجرك وكثـر الصـدود

الزعـل والمعـاتـب مــن فـنـون الاداب
بـيـن كــل الاحـبـه مايبـيـح الـسـدود

والله انـي علـى شـرواك ليّـن جـنـاب
لو حصل ما حصل ماني لمثلك جحود

الغلا يفـرض احكامـه علـى كـل بـاب
مــاتــرده ســلــوم ولاتــــرده قــيـــود

كل ماقلت قلبي عن هوى الزين تاب
صــار حـبـه بقلـبـي كــل ليـلـه يــزود

من مجـرد سـؤال ومـن مجـرد جـواب
انتهـى مابصـدري بـعـد تـلـك الــردود

[اللحالي]

اقول للي علـى بالـي علـى بالـي
والله مانـسـاه لــو انــي تناسـيـتـه

غالـي علينـا ويبقـى دايمـاً غـالـي
حيثه هوى بالي اللي جـد هاويتـه

حاولت ابى انساه لكن زاد غربالي
مـافـيــه لـيـلــه تــمــر ولاتمـنـيـتـه

انــا جبـرنـي هــواه اجـــر مـوالــي
ورفعت لـه صوتـي العالـي وناديتـه

يالـيـت يـالـيـت عـرفــه ماتهـيـالـي
مــاكــان دورت عـنـوانــه ولابـيــتــه

ياعيد ناظـر بحالـي وارفـق بحالـي
ترى دواء قلبـي المشغـول لاجيتـه

ودي بشوفـه قبـل لاازود باهبـالـي
ولاعاد ينفع لـو اشوفـه لـو اوحيتـه

من عقب ماراح عني كني لحالـي
بس اكتبه في قصيـدي ثـم غنيتـه

الله واكـبـر كـأنـي بالـخـلا الخـالـي
ماكن في الكون غيـره يـوم حبيتـه

يـاعـيـد قـلــه وراه يـقـطّـع امـالــي
ياعيد وش ذنبي اللي معه سويته

[اللحالي]

يـاغـالـيـه لاتـجـرحـيـن الــجـــوارح
قلوبـنـا مــن كــل حـاجـه مجـاريـح

ترى الكلام احيان كالسيـف جـارح
وكسر الخواطرمثل كسر المصابيح

الفكر في ساحات الاوهـام سـارح
يسرح ويضـوي كـل ماهبـت الريـح

لايابعد من لولشت فـي المسـارح
اللي لها راع الهـوى يقـوم ويطيـح

ماعاد انا لـك ياهـوى البـال شـارح
ما اقدراوضح لك عن الوضع توضيح

والظـاهـر انــه لازم انـــي اصـــارح
تعبت المح لـك عـن الحـب تلميـح

وش رايــك ابــا اقولـهـا وانـتـصـارح
ما دام مـا انـت بفاهـم الا بتصريـح

[اللحالي]

الصمت في حضرة جمالك جميـل
مـااقـدر اعـبـر عــن كـهـذا جـمـال

لو جيت اعبر عنـك شئ(ن)قليـل
مايوفـي اوصافـك علـى كـل حـال

والشعر مهمـا كـان عـذب وجزيـل
يعجـز يعبـر عــن ،جـمـال وكـمـال

جمالـك الطاغـي هـذا مستحـيـل
مااحـدٍ يعبـر عـنـه يـاابـن الـحـلال

الوقـت فـي حضرتـك مالـه مثـيـل
والصمت في حضرة جمالك جمال

[اللحالي]

الوقت طال وطوّل الصبـر والصمـت
وانـــا اتـحــرا مـنــك رد العـلـومـي

هـاذي ثـلاث ايـام ياعيـد مانـمـت
لاجيت ابى ارقد يزعجني حلومي

واجـــر ونــــات الالــــم لاتـألـمــت
لاضاق صدري من تراكم همومـي

لكـن لـو طـال الـزمـن ماتحطـمـت
ولو طـال صبـري ماتـردت عزومـي

حتـى ولـو انــي كتـبـت وتكلـمـت
مـا ابيـح سـد ولا اتعـدا سلـومـي

انـا مـن همـوم العنـى ماتظلـمـت
والمشتـكـى لله كـريـم ورحـومـي

ايضا من سنيـن التجـارب تعلمـت
انـي مااكـون بكـل حاجـه كتومـي

[اللحالي]

ملوك العشق مـاادري وش بلاهـم
بسهـم العـشـق يـرمـون اقتـلاهـم

ويـمـضــون الـطـريــق ولا عـلـيـهـم
وينـسـون الضحـايـا مــن قسـاهـم

ضحايا العشـق مايحصـى عددهـم
سقاهم سم ماادري وش سقاهم

بسهـم الحـب كـم راحــت ضحـيـه
فهـل نحـتـاج مــن عبره،سـواهـم؟

سهـام العـشـق واسـبـاب المنـايـا
مــع الـلـي بالجـمـال الله عطـاهـم

عـيـون الـلـي تمـتـع بــه سحـرهـا
وقلـبـه راح ضـمـن الـلــي بـلاهــم

يـقـولـه واحـــدٍ شــاهــد عـلـيـهـم
بـأن العـشـق هــو سـبـة عمـاهـم

[اللحالي]

تعال واجلس معي واشرب من الدله
الـدلــه الـلــي علـشـانـك مسـويـهـا

ماهـي علـى نـار قـز ولاعـلـى مـلـه
عـلـى صـلـو جـمــر نـــار ٍمانطفـيـهـا

فـي روضــةٍ عشبـهـا متخـالـط ٍكـلـه
الفـرشـه الــي مـعـك لــو ماتوطيـهـا

وريـح النفـل والخزامـى يبـري العـلـه
وزهـور متشابـكـه مــن كـثـر مافيـهـا

يامـرحـبـابـك وهــــذي والله الـفــلــه
والجلسـه الطيبـه مـن طيـب راعيهـا

مهمـا يطـوّل جلوسـك معـي مااملـه
سـوالـفـك تـشــرح الخاطرمعـانـيـهـا

تبعـد همـومٍ بقلـب الشـوق محتـلـه
وهواجس الفكر في حضرتك ناسيهـا

[اللحالي]

يانجـمـة فــي سمـاهـا ضـوهـا بـاهـر
يالله عسى ماتغيب وتشعل اشعالي

يـامـا ويـامـا وكــم مــن ليـلـةٍ سـاهـر
ارقـبـك يانجـمـةٍ دايــم عـلـى بـالــي

متعليه فـي السمـاء وبجوهـا الطاهـر
لهـا مـكـانٍ عـلـى مـتـن القمرعـالـي

ميـزاتـهـا وافــيــه يـالـيــت يـاشـاهــر
امثالـهـا عنـدنـا هــاذي مــن آمـالــي

اشفق على شوفها يانـاس والظاهـر
انـي ضحيـه هـواهـا ولانــي إلحـالـي

والله لـو إنـا بحـب اللـي نبـى نجـاهـر
ليصـيـر شــئٍ يغـيـر كــل الاحـوالــي

[اللحالي]

ياقصيـدة شـاعـره فــي منـتـدى
حركت بعض المشاعر والشجون

صار لاصداها على قلبـي صـدى
واشغلت قلبي وانا قلبي حنـون

هيضـتـنـي بالـمـعـانـي والــنــدا
والطـواريـق الجمـيـلـه والـلـحـون

وابـهـرتـنـي بـالـخـبـر والـمـبـتـدا
مايـجـيـده غـيـرنـاس يـفـهـمـون

شعـرهـا وابـداعـهـا مـالــه مـــدا
جعل شعـرن مثـل هـذا مايهـون

وعذاب اللي ذهـب جهـده سـدا
اجـهـد القـلـب المـولـع والعـيـون

مثل حالـة شاعـرن واسمـه000
عذبت بـه قاسيـة قلب(ن)فتـون

[اللحالي]

لــمــاذا لاتـواصـلـنـي لــمــاذا
تقاطعـنـي وتتعـبـنـي لـمــاذا

تعذبـنـي بــلا ذنــب وخـطـيـه
تبى تقضي على قلبي ياهذا

وانـت قـد كسـبـت ود قلـبـي
فــلا يـاجـب تعاملـنـي كـهـذا

تولـع فـيـك قلـبـي وانجبـربـك
ولم ياجد سوى شعري ملاذا

مـن عنـادك تقـرب لـي وتبعـد
يـــاروح الــــروح لاهــــذا ولاذا

حاولت انساك ياغالـي ولكـن
غلاك امطر علـى قلبـي رذاذا

[اللحالي]

لا تحـاول تهـز القلـب ماانـتـه بـقـادر
لــو جمـالـك يـهــز قـلــوب ذولا وذولا

اعترفلك جمال(ن)فيك من جـد نـادر
كامل(ن) بالوصايف صح مافيـك لـولا

في مدايحك هرج الناس وارد وصادر
منك قلب الهواوي دق والعيـن حـولا

بس انا ماعليـه وانـت عنـدك مصـادر
تـعـرف انــي بلـيـا قـلـب ياهالعـلـولا

كان عندي واخذته من بنات الحجادر
ما عطتني بداله غيـر كاسـة كاكـولا

[اللحالي]

ياعيـد طـال الطريـق وطالـت الطـرقـه
عـلـى طـريـق يـهـد الحـيـل منهـاجـه

تبـعـت بــرقٍ يـلـوح وهاضـنـي بـرقــه
اللي له ارقـاب بعـض النـاس منعاجـه

مشيت من غرب تلـك الـدرب لشرقـه
وعـودت تعبـان ماحصـلـت لــو حـاجـه

وربطت ياعيد جرح القلـب فـي عرقـه
وجيـتـك احــث الـقـدم وادور عـلاجــه

القلـب مجـروح وايضـا الكبـد محتـرقـه
ياعيـد مــا صــار لاهـرجـه ولا مـواجـه

ياعيـد ياعيـد شـوف الـحـال منطـرقـه
ونـار الهـوى فـي فـواد اخـوك وهاجـه

القلب ياهون عند اهل الهـوى سرقـه
لصـار ماحصنـه عـن الـهـوى سيـاجـه

ياعـيـد حــال المعـافـى بيـنـن فـرقــه
عن حال منهو يعيش الحـب وازعاجـه

يقـولـه الـلـي قصـيـده واضــحٍ طـرقـه
بيت الهوى في ضميره ماطفا سراجه

[اللحالي]

فـرصــه ثمـيـنـه يالـغـضـي نلـتـقـي فـيــك
مــن عـقـب مــا صـعـب الـزمـان انتـحـابـك

صـدفـه بــلا مـيـعـاد مـــا قـصــدي اجـيــك
جـابـتـنـي الـصـدفــه لــيــا عــنـــد بــابـــك

والله مـانــي يـــا هـــوى الــبــال نـاسـيــك
ويـــش عـــاد لـــو طـــول علـيـنـا غـيـابــك

انــا اشـهــد ان الـقـلـب بالـحـيـل مغـلـيـك
ليـت الغـرام الـلـي لـجـى بــه لـجـى بــك

حـتــى تـعــرف الـحــب وشـلــون يـطـويـك
وتــشــوف بـالـفـرقــاء عــنـــاك وعــذابـــك

وحتـى تـحـس الـلـي جــرا لــي ويعطـيـك
عـن بعـض لـوعـات الـهـوى لا سـعـى بــك

وتـعـرف مــدى حـبــي وتـنـسـى تـحـديـك
وتحسب حسابي مثل ما احسب حسابك

وتـعـرف مـــدى صـبــري وتـتــرك تـمـاديـك
وتـقــدر تـعــدل غـلـطـتـك فــــي صــوابــك

فـرصـة سعـيـدة يامـنـى الـقـلـب يـدعـيـك
منـهـو بـعـد طــول المـغـيـب الـتـقـى بـــك

فــي عـودتـك نـفـرح عـسـى الله يحـيـيـك
يـامـرحــبــا يـامـســهــلا يـــاهـــلا بـــــــك

[اللحالي]

قريت لك في صفحة الشعر يا عيد
كلام(ن) احلى من كـلام العمانـي

كـل مـا قريـت اعيـد واعيـد واعـيـد
ليـن انطبـع بيـن الضلـوع المحانـي

عـلــى كـلامــك مالقـيـنـا منـاقـيـد
اكتـب وانـا اقـرأ يـا جزيـل المعانـي

الشـعـر لــه شـعـار وايـضـا نواقـيـد
وانتـه تجيـد الشـعـر بــاول وثـانـي

ايضـا ولـك قيمـه وشيمـه وتمجيـد
يا طيـب السمعـة كثيـر الحسانـي

ياسامـي الأخـلاق لـك كــل تأيـيـد
ولك في قلوب اهل المكانه مكاني

ياعيد يو رايت وت آي ونـت تـو ريـد
آي ثانـك يـو تـو ماتـش آز العمانـي

[اللحالي]

غــاب القـمـر واظـلـم عليـنـا سمـانـا
وصارت نجومـه خافتـه عقـب ماغـاب

نـقـصـد ويـقــرون الـقـصـيـد ازمــلانــا
اهل القصيد اصحـاب والا مـن اجنـاب

لكـن مااحـد(ن)عـارف(ن)وش حـدانـا
علـى القصيـد اللـي ملينابـه اكـتـاب

بس واحـد اللـي عـارف(ن)وش بلانـا
الصاحب اللي عارف(ن) كل الاسباب

الـلـي كشفـنـا وســط قلـبـه غـلانــا
نفرح ونقصـد فيـه مـن بـاب الاعجـاب

نـرســل مشـاعـرنـا تـتـرجـم هــوانــا
دامـه هـو الوحيـد مــن بــد الاحـبـاب

ابـيـه لاجــل انـــه عـلــى مسـتـوانـا
امــا يـجـي او دونــه نـسـكـر الـبــاب