تحدي في الشعر !! اخر حرف من البيت الشعر

[اصايل]

لله در الصديق / الصآدق الوآفـي
و لله در . . الخوي و مقدر الخـوة

الكفو مبداه زين و منهجہ صآافـي
واللاش في كل لحظة يختلف جوه

[ابو مناحي]

هادي واحب الصراحه وابعد انظاري=والخطه الناجحه من بدري ارسمها
مبدا التسامح تسامح ماهو اجباري=وهذي مقادير والمولى مقسمها
وسموّة الفكره اللي تحوي افكاري=هي فكرتي قبل افكر في مراسمها
=ابو مناحـــــــي

[ترانيم حربيه]

احتاج لك واستحي لا اقول محتاجك

الله من عبـرة الـــمحتاج مــــقربها

اخاف لا اضايقك واسبب احراجــك

والا تـرا عادتــي لا ضقت اخــربها

[ابو مناحي]

احتاج صبحٍ نسيمه جابه الغربي=واحتاج للغيمه اللي مزنها بارق
صحيح مالي هوا بالزاد والشربي=هواي غيثٍ يبرّد جوي الحارق
=ابو مناحي

[ترانيم حربيه]

قـالوو حربيه قلت عز(ن)على عـز

أهل الگرم والجـود وأهل المعــزه

كبـيرنآ با الطيب حـر(ن ) ليا فــز

وصـــغـيرنآ لا فـــز يعجب مــفزه

[ابو مناحي]

هاذي طبايع حرب بالسلم والحرب=من غير قاصر في جميع القبايل
ياسعد منهم عزوته ساعة الكرب=عزوه لهم تاريخ والراس طايل
خويهم شاف الوفا صدق من قرب=وعدوهم شاف النجوم القوايل
=ابو مناحي

[اصايل]

لآ شفتْ حظك مآ وقفْ يوم ويآك
أصبر وربك مآ يخلي [ عبيدهـ ]
وإذآ رفيقك صدّ عنك وخلآك !*
لآبُدْ | يجي يوم ويعضْ إيدهـ

[ابو مناحي]

هقواتنا بين الكواكب والنجوم=دون الخوي والجار مانبدي عذر
يبشربنا من ينتخي عند اللزوم=يبشر بعزّه والمقام المعتبر
هذي مبادينا على حسب السلوم=اهم حاجه مانعامل بالغدر
=ابو مناحي

[ترانيم حربيه]

راضين في حكمـ المقادير راضيـن

مايكتب المولى له النفس تنســاق

والرزق عند اللي خلقنا من الطيـن

والناس ماتملكـ مفاتيــــــح الارزاق

[ابو مناحي]

قلت يابيوت القصيده بيت بيت=كل بيت تجاوبه ورقى تنوح
وكل ماناحت مع ابياتي سريت=من طرب مدري عنا صدرٍ يفوح
واحتمال اني بتعبيري قسيت=والقسا له هم يبطي مايروح
يمكن اني ياحمامه كمبليت=باللحون ازعجتك وقلبك نصوح
قلت ابصبر مير والله ماقويت=وان طلبت العفو ما اظنك شحوح
=ابو مناحي

[ترانيم حربيه]

حاولت انام وماتهيالي النوم.

النوم والهاجوس ماهم ولايف.

ماتستريح العين والبال مهموم.

ولايستقر الحال والقلب خايف.

[ابو مناحي]

فكيت قيد السجين اللي قضى وقته=في ظلمة السجن بين الهم والغربه
لو حاول يعبّر ترا عبراته اخنقته=واذا تذكر غربته زادت به الكربه

[ترانيم حربيه]

هدِّ ياجور الليالي على صدر الكتوم

لاتخلّي ميسم الوقت ياخذ راحته

ندري ان افراح الايام لا يمكن تدوم

والبحٓر مايامنون الخطر سبّاحته

[اصايل]

هل يعيش انسان همه محتويه=وهل يطيب النوم من بعد السهر
ياعسى قلبٍ همومه تشتويه=تكثر افراحه وانا اعلنها جهر
وكان قلبي ضاع حلمٍ منتويه=قلت خيره لاتموت من القهر
=ابو مناحي




:1 (15): صح ما احد يقدر يقول لا الحرف الهاء ((ذكيه)):1 (15):

[ابو مناحي]

هههههههههههههههههههههه

ماشاء الله يا اصايل
بصراحه لعبتيها صح

:1 (15)::1 (15):

[ترانيم حربيه]

ههههههههههههههههههههههه

صح ونص بعد تسلم ايدك مااحد يقدر يقولك شي

خليك كذا دايم ولا يهمك احد هههههههههههههههههه

[ابو مناحي]

رديت ردٍ ثمين وتعجب حروفه=لكنه انسرق من يعرف السارق
مسجل اسمي عليه وكلٍ يشوفه=يمكن نشوف الحرامي لابرق بارق

[اصايل]

ههههههههههه

أخوي ناصر أحمد ربك ان السارق طيب و خلى أسمك اللحين السرقه عيني عينك

ويسجل اسمه يعنني صاحب الابيات^^

مثل كذا يعني







قلت يابيوت القصيده بيت بيت=كل بيت تجاوبه ورقى تنوح
وكل ماناحت مع ابياتي سريت=من طرب مدري عنا صدرٍ يفوح
واحتمال اني بتعبيري قسيت=والقسا له هم يبطي مايروح
يمكن اني ياحمامه كمبليت=باللحون ازعجتك وقلبك نصوح
قلت ابصبر مير والله ماقويت=وان طلبت العفو ما اظنك شحوح
=اصايل

[اصايل]

حاولت أطول صدتي عنك وازريت

طاوعت بك قلبي وعقلي عصيته

عن كل غلطاتك سمحت وتغاضيت

شي(ن) تناسيته وشي(ن) نسيته

وسلمت لك روح(ن)عليها تجنيت

بسياج وهم(ن)دون وصلك بنيته

الحميدي الغيداني

[ابو مناحي]

ههههههههههه

أخوي ناصر أحمد ربك ان السارق طيب و خلى أسمك اللحين السرقه عيني عينك

ويسجل اسمه يعنني صاحب الابيات^^

مثل كذا يعني







قلت يابيوت القصيده بيت بيت=كل بيت تجاوبه ورقى تنوح
وكل ماناحت مع ابياتي سريت=من طرب مدري عنا صدرٍ يفوح
واحتمال اني بتعبيري قسيت=والقسا له هم يبطي مايروح
يمكن اني ياحمامه كمبليت=باللحون ازعجتك وقلبك نصوح
قلت ابصبر مير والله ماقويت=وان طلبت العفو ما اظنك شحوح
=اصايل



:1 (15)::1 (15)::1 (15):

هذي سرقه وفيها محاكمه اداريه
ويمكن تتحول القضيه للشرع
لكن تدرين اخذي من الابيات على كيفك
لكن بعد يومين الاعضاء متفقين يهربون ويتركونك لحالك
حتى البنات قالبات عليك يعني بعد يومين ياواحد نفر
ترجع حقوق الناس ماعندك مفر :2 (11)::2 (11):

[ترانيم حربيه]

:1 (15)::1 (15)::1 (15):

هذي سرقه وفيها محاكمه اداريه
ويمكن تتحول القضيه للشرع
لكن تدرين اخذي من الابيات على كيفك
لكن بعد يومين الاعضاء متفقين يهربون ويتركونك لحالك
حتى البنات قالبات عليك يعني بعد يومين ياواحد نفر
ترجع حقوق الناس ماعندك مفر :2 (11)::2 (11):

ههههههههههههههههههههههه

شفتي يااصايل طلع على حقيقته كان يقول لك سوي وسوي كان يحرضك على الجميع

يبي يفرقنا والحين رجع يهددك يحسب انا بنتركك له معصي يالداعشي مستحيل نتخلى

عن حبيبتنا اصايل كلنا معها هههههههههههههههههههههه

:2 (11)::2 (11)::2 (11):

[ابو مناحي]

هذي وهذي وراهن هيك=كلٍ مع الخيل ياشقرا
انكان في لعبهن تكتيك=ماني بعايف ولا مورا
يابايع الروح كيف اشريك=وجمع العدد ناتجه برا
=ابو مناحي

[ترانيم حربيه]

انا اصغر ذنوبي اكبر من معاذيري

تغويني النفس نوبـــه وانتبه نوبه

مليت من كثر تسويفي وتقصيري

يارب يارب قـــدرني على الــتوبه

[ابو مناحي]

هلت مزونٍ يشوق العين بارقها=براقها ماخبا ورعودها ترعد
من مغرب الارض متوجه لمشرقها=وشوف المخايل والحيا يسعد
الله يجمّع مخايلها ما يفرّقها=ويغيث فيها عباده قبل لاتبعد
=ابو مناحي

[ترانيم حربيه]

دامك نويت البعد يا خل مسموح .

هــذا اختيارك وانت حــر بدنياك

ما ينجـــبر قلب ولا تنـــجبر روح .

حكم القدر مكتوب و الرب يرعاك

[ابو مناحي]

كثرت على قلب المعنّا طواريه=والوقت جاير حيل ماهو بمضبوط
يظهر علي الحزن لاكن اخفيّه=لو قلت انا مبسوط ماني بمبسوط
مير الرفاقه مايجيها مشاريه=كلٍ بمقداره بلا شك وشروط
=ابو مناحي

[ترانيم حربيه]

طلبتك لاتضيق خاطرك وابعد عن الاحزان

تفائل واترك هموم الزمن وضحك على شاني

غلاك بداخل اعروقي ولاياصل غلاك انسان

يمر الوقت واثبت لك غلاك ان الله احياني

[اصايل]

يا صـــباح الورد يا وردٍ تفـتــّق دووبه
....... غسـّله قطـْــر الندى وانسـاب فــــوق اوراقه




قوم خلْ اعذوبتك تعــْطي الصـباح عذوبه
....... وتعــطي الـــورد الرحيـق ورقّـته واشـراقه


قوم خلْ النور يعرف مشـْـرقه وغـروبه
........ ياصـــــباح الــــروض ياغــدرانه الدفـّاقة

[ترانيم حربيه]

هذي .مقآديري .. وهـذي حيآتي

مآ أخترت بعض آلاختيآرآت عن عمد

صحيح مآحـققت .. ربـع أمنيآآتي

لكنني مرتآحه يآللـہ لگگ آلحمد

[اصايل]

دامڳ بقلبي مآعلى قلبـي خلآف
حتئ ۆلۆ مآنتھٓ قريب من ﺂلشۆف
لآن ﺂلغــلآ مآ ھٓۆ بمخلۆق ينشآف
تقدر تقۆل شعۆر نآبع من ﺂلجۆف ♥

[ابو مناحي]

فال الله ولا فال ميلات السنين=اللي تكون لنزعة الواهس سبب
كم واحدٍ من ميلة سنينه حزين=تحده ايامه على همه غصب
=ابو مناحي

[ترانيم حربيه]

برد الشتا اللي يستثير العواطف

ما حرّك إحساسك حنين و لفا بك

لو أستر ضلوع الهوى بـ المعاطف

واضح على رجفة يديني : غيابك

[ابو مناحي]

http://haaarb.com/up/uploads/14251562871.png

[ترانيم حربيه]

دام انت بايعني توكل على الله
مابيني وبينك مشاريه وعتاب

شف دربك اللي جيت منه تدله
ماراح تغلبني لو الحب غلاب

من حضرتك علشان قلبي تذله
في ذمتي لجعلك عبره للاحباب

[ابو مناحي]

http://haaarb.com/up/uploads/14251592101.png

[ترانيم حربيه]

نحلم واﻻحلام لا ودت ولا جابت

وانا اليا ضاع حلمي ماني بنادم

يالله وان كانها في مامضى خابت

انك تحقق رجاي بحلمي القادم

[ابو مناحي]

ماكان احد يقدر يسيطر على اطباعي=كنت اتفنن وفني معلن وظاهر
واليوم مدري وش اللي غير اوضاعي=والفن مني خذاه اللاعب الماهر

[اصايل]

رغم الملام اللي بصدري جمعته
لو ترجع وتسأل من تحب قلت أنت

كل ما أرتفع صوت الأذان وسمعته
دعيت ربي يحفظك وين ما كنت

[ترانيم حربيه]

تعبت من طرد السراب المقفي

طردٍ ورى حلمٍ إليا أقبلت قفــا

والـــوقت عيا لا يوقف بـ صفي

والحــظ مــدري نام ولا توفــا

[اصايل]

الحر حر المفارق /خل حر الهجير
والضبط ضبط المشاعر وانفعالاتها

والفوزوالله نجاتك من عذاب السعير
لاتحسب الفوز في الدنيا ولذاتها

[ابو مناحي]

اللي أسرني بين سودٍ مضاليل=قال الطلب روحك وانا قلت تفداك
بالمختصر عن كثرة القال والقيل=من غير لا ادري لاطلب قلتله هاك
=ابو مناحي

[ترانيم حربيه]

كم شعــور نشعره لكن مانقدر نقـــوله

ينولد ويموت نبضه ماطرق باب الصراحه

اكثر الاحساس يلقى حاجزٍ يمَنع وصوله

لوبغى التعبير تبقى فرصته ماهي متاحه

[ابو مناحي]

هل ياوبلٍ من المنشا مخيّل=هل لايحداك عن دربي هبايب
غير اطالع للمخيله واتخيّل=وانتظر واقول ويش المزن جايب

[ترانيم حربيه]

بحــاول اصارحك واجاوب اسالتك

حاولت بس اختنقت وعيت العبره

مشكلتي اغليك واعزك ومشكلتك

كسرت لك شي ماتقدر على جبره

[ابو مناحي]

هذاك وقتٍ مضى واقفى على حاله=مافيه داعي بماضي وقتك تفكر
خلك بحاظرك واعزف لحن مواله=لاعاد تعزف لحن والجو متعكر

[ترانيم حربيه]

ﺭﺍﺳﻲ ﻋﻨﻴﺪه ﻭﻻ ﻛﻞ ﺷﻲ يـرﺿﻴﻨﻲ

ﻃﺒﻌﻲ ﻣﻜﺎﺑﺮ ﻭﻛﺎﻳﺪ ﻭﺍﻋـﺘﺮﻑ ﻗﺎﺳﻲ

ﻣﻦ ﺻﺪ .. ﻣﺎﺍﻧﻲ ﺑﻘﺎﻳﻞ ﻻ ﺗﺨــﻠﻴﻨﻲ

ﺣﺘﻰ ﻟﻮ ﺍﻧﻪ ﻳﺴﺎﻭﻱ ﻧﺴﻤﺔ ﺍﻧﻔﺎﺳﻲ

[ابو مناحي]

يمكن حقيقه ويمكن غير ماندري=لكن الايام لازم تكشف اطباعك
والا عنادك مأثّر فيك من بدري=وان جابك لموج البحر ياصعب مرجاعك

[ترانيم حربيه]

كنت أعتبرك العمــر لكن تحسّفت

يا مـــعتبر مشاعـــــر الناس لــعبه

سهله عليّ أسامـحك لو تأسفـت

بس إني أرجّعــك لـ القلب صـــعبه

[اصايل]

هذاك وقتٍ مضى واقفى على حاله=مافيه داعي بماضي وقتك تفكر
خلك بحاظرك واعزف لحن مواله=لاعاد تعزف لحن والجو متعكر






لواحد من الناس ^^

[ابو مناحي]

روّحت يابيت القصيده بلاشي=من صاحبٍ غير رسومك وسرّاك
قصدي ميانه ماعليها نقاشي=يالصاحب الماين ترى البيت يفداك


:3 (12)::3 (12)::3 (12):

[اصايل]

ههههههههه

تسلم أخوي ناصر

بس اكتب بكل الحروف عشان افوز بالتحدي لان اختك ماهي شاعره

الله يسعدك يارب امزح معاك وانا اتعمد يكون البيت قريب حتى احفظ الحقوق

للشاعر ناصر الشميلاني

أحترامي

[ترانيم حربيه]

كل مآقآلو تشآليت قلـت الله كريـم

يشفي آلنفس آلحزينة ويعرف طبّهآ

آلجروح تموت وتطيب وآلجرح آلقديم

سـلّ سيفـه فـ آلمحآني وقآم يجبّهـآ

[ابو مناحي]

اكذب عليك ان قلت مالقيك اهتمام=واكذب عليك ان قلت مالك منزله
قلبٍ تحلى بالأدب والاحترام=حقه اليا اقبل كل قلب يفزله

[ترانيم حربيه]

هـــديتي يآ فـــرحة العــمر تآبوت

فيييه الغـــرآم اللي بديته خــتمته

يبقى الغصن لومآبقى فالغصن توت

تــحركّ إنسآم الذعــآذيع "صمـــته "

[ابو مناحي]

هذا كلامك وانا حصلت معلومه=رددتها في ضميري خافظٍ صوتي
تفسيرها بين علم الليل وحلومه=توي دريت انك بدنياك حانوتي

هههههههههههههههههههههه

:1 (16)::1 (16)::1 (16):

[ترانيم حربيه]

يعني اجــل لازم تخــاف وتبتـعد == مـــحد يبي يعـــرف محفــرت القبور

وانا اوعدك خلاص يالغالي وعد == مااحاول افهم وش كتب بين السطور


ههههههههههههههههههههههههه

:2 (1)::2 (1)::2 (1):

[ابو مناحي]

رايع ولكن حقيقه ماتروعني=مهما تحاول ترا ماني بمتروع
كثر وقلل ترا منته بمقنعني=عندي سياسات والاسلوب متنوع



هههههههههههههههه

[ترانيم حربيه]

عادي بحاول ويمكن تسمع لشوري

وانصحك عن قسوتك وعنادي تهون

انا عـــنيده ولاكـــن عـــارفـــه دوري

بس انت وش فـــيك تتغيـــر وتتلـون


ههههههههههههههههههههههههههه

[ابو مناحي]

نويت اجرب واستمع في نصايحك=يمكن تصارحني بنصحك وشورك
بطلت اعاند وامش باللي يريحك=خلك على ماكنت واعلن غرورك



:1 (15)::1 (15)::1 (15):

[اصايل]

كان وقتك بالغرابيل امتعمد
وحملك من همه اللي ما تطيقه

الزم كتاب الله وسنة محمد
وكل شيٍ غيرها جعله حريقه

[ابو مناحي]

همنا المرجله والطيب حظ و نصيب
ماهو بـ واحدٍ تنخاه و يقــــول تم
كم ولد عم عند عيال عمه غـــريب
وكم غـريبٍ تمنووه الرجال أبن عم
^^


ملاحظـــــه
الابيات هذي حلفت اصايل اني غير
اشارك فيها وقلت غاليه والطلب رخيص
ومشكوره على الابيات :2 (13)::2 (13):
======================
ويش رايكم نوقف حرف الهاء :1 (15):
ثلاث ارباع المشاركات كلها حرف الهاء
ولازم نشوف له حل :3 (8):

[اصايل]

هههههههههههه
خطير بس غش هاذي فكرتي بس يالله نسامحك هالمره:2 (1):

بس الابيات ترى منقوله ^^

[ترانيم حربيه]

محشوم يا حبٍ تعانق مع الروح

راعيك غالي وانت بالحيل غالي

حبٍ عفيف وما ابي منه مصلوح

طاهر وقدره داخل القلب عالي

[اصايل]

,
,
http://haaarb.com/up/uploads/14256983891.gif
,
,
http://haaarb.com/up/uploads/14257095871.png
,
,
للشاعر نااااااااااااااصر الشميلاني
,
,

[ترانيم حربيه]

يشتاق لك بالحيل قلبٍ تمناك

قلبٍ تعشّق فيك كامل وصوفك

قلبٍ يشع من الفرح لين لا قاك

وليلٍ تلاقــت مع ظروفه ظروفك

[ابو مناحي]

كل الجوارح فـي قدومـك تهلي
واستقبلتك بطيبها وانت ماجيت
بيـن الحنـايا يالغـلا لك مـحـلـي
وقلبٍ صفالك حطلك داخله بيت

[اصايل]

تــــــــعال وأسمع قصتي للنهــــــاايه
يمكن تروف بحال ضامي اليا أجيــتـ

كـــــــلي جروح وفوق هذا ضمايـــه
لامــــــارحمني الخلق وأنت تخليتـــ

[ابو مناحي]

تبشر وكل اللي تمناه لك تم=عد الروا جمه على الورد راهي
تامر على روحي وانا اقول لك سم=في لازمك مالي وحالي وجاهي

[ترانيم حربيه]

يهب الهوى وعروق قلبي تقول غصون

تمايل على ذاري الهوى كل ما هبّي

يحرّك شجون القلب و النّاس مايدرون

مــزايا الصدور المغلقه ﻣن ﻓﺿل ربي

[ابو مناحي]

يهب الهوى واللي جرالك جرى لغيرك=ولاكل واحد يشتكي لو بصدره شلف
ويمكن تاصل اهدافك حسب عرفك وتفكيرك=لو ان الوقت ماطاعك حذاري لاتناظر خلف

[ترانيم حربيه]

فـي كل يوم نقول الأوضاع بتزين

و اثر الليالي جابت العيد ، ، فينا

ياما نثـرنا الدمـع من شـان غـالين

و ياما علئ بيض الدفاتر .. شكينا

[اصايل]

اصبحت صبحي مصبح ٍفـي غراقـه
غالي غلاه اغلى على الارض مخلوق

فزيـت فـزت فايـز ٍ فـي سباقـه
فرحان فرحة فارح ٍ عجـل مطفـوق

صدقت صدقـه صـادق ٍ بالصداقـه
معاهده عهد ٍ عهد ..فيـه ماابـوق

[ترانيم حربيه]

قوي العزايم مايهمه كـلام الناس

يـسـوق الطموح لغايته لين يدركها

صحيح الهبوب تهب وتطير القرطاس

لاشك الجبال الراسيه ما تحركها

[ابو مناحي]

احب الطموح اللي مكانتها على القمه=طموحٍ يحققها قوي العزم لو يتعب
سهله على ناطح الصعبات ما تهمه=مع الجهد والهمه بحول الله ماتصعب

[اصايل]

برد الشتا عذركـ ، .. والايّام عذري !
______ عذري وعذركـ ، .. غير عن كلـ الاعذار

ماعاد بدري ، .. صدق ، .. ماعاد بدري "
______ بـ آعيدها [ أمرار , و أمرار , و أمرار ] ، !

[ابو مناحي]

ربي كريم ولا خسر من ترجاه=بامره يحل العقد لاصار معقود
والوقت ماباقي معي غير ذكراه=عسى الليال البيض ماتنقلب سود

[ترانيم حربيه]

دندن وغنّ وخلها فلّة حْجاج

وجهة نظر لا تعتبرها نصيحه

مافيه ضيقه مالها طبّ وعلاج

شفني اداوي ضيقتي بالقريحه

[اصايل]

هزي جذور ارواحنا يالاماكن

يمكن يطيح من التعب وجه الاحزان

مو مشكلة لو نزعج الحزن .. لكن

المشكلة لو يزعج الحزن الانسان

[ابو مناحي]

ناخذ ونعطي بين مرٍ وحالي=ونفرح بطيفٍ للحبايب ليا مر
والطيب فينا من قديم الليالي=يالله عسى الافراح دايم تكرر

[اصايل]

رحلت / وإحسـاس التعبْ ماتجرّد
باقي صدى ذكرى / وتلويح راجـع .. !

ماشفت بـ أغصان الغلا صوت غرّد
لو كان / صوت البُعد بالصدر ساجع .. !


ضيعتني اخوي ابومناحي بين الموضوعين كلهم اخذت الحرف الاخير ^^

[ابو مناحي]

عمّرت لك بالقلب ياصاحبي بيت=رغم السنين الجايره مانسيتك
ارحل على كيفك وبكره لياجيت=القلب قلبي لاكن البيت بيتك

[ابو مناحي]

رحلت / وإحسـاس التعبْ ماتجرّد
باقي صدى ذكرى / وتلويح راجـع .. !

ماشفت بـ أغصان الغلا صوت غرّد
لو كان / صوت البُعد بالصدر ساجع .. !


ضيعتني اخوي ابومناحي بين الموضوعين كلهم اخذت الحرف الاخير ^^


هههههههههههههههه
الخطا خطاك وش ذنبي :2 (11):
يعني حتى خطاك اكون شريك فيه
:3 (12)::3 (12):

[ترانيم حربيه]

سلام
ابو مناحي الشطر الاول مكسور المفروض يكون

عمرت لك بالقلب ياصاحبي بيت

[اصايل]

ايه خطاك :2 (2):

ليش تشارك هنا وهنا :3 (12): هههههه الله يسعدك وصح لسانك^^

احترامي

[ابو مناحي]

سلام
ابو مناحي الشطر الاول مكسور المفروض يكون

عمرت لك بالقلب ياصاحبي بيت

ياسلام عليك ياترانيم
والله هو عمرت لك
لكن نسيت من السرعه
ومشكوره على التنبيه

[ترانيم حربيه]

كـــل الجـــروح اللـي تمـرّ الأيـآدي

من فوقهآ ، تبرى مع الوقت وتطيب

لكن جروح النفس .. مثل المبادي

في قلب طيّب ذآت ، لآ يمكن تغيب

[اصايل]

بعض الكلام أحيان خنجر وسكين
ان ما طعن ..شق الصدر حيل وأدماه
واللي سأل عن أبرة البنج مسكين
للبنج وقت.. الى أنتهى صاح ويلااااه...

[ترانيم حربيه]

هالصبح يالغالي مع ضحكتك غير

تنعش صباحي ضحكتك واهتنيها

انت الصباح وضحكتك ي الغلا خير

كلــمة صباح الخير : مقـصود فيها

[ابو مناحي]

الله يديم السعاده والسعد يبقى=في كل ليله سعدها يكون متجدد
ولعل منهو يحب الخير مايشقى=هذا كلامي وانا ماني بمتردد

[ترانيم حربيه]

دامـــك تبيني ليه ساكت تكـــلم

وش فيك ماتفهم سلوب المحبين

لمحت لك واجد ابي كـــود تفهم

شكلك غشيم ومــاتعلمت للحين

[ابو مناحي]

نعطيك صدق المشاعر وانت فسرها=لبى عيونك غلاك بخافقي مبطي
اغلي عيوني واحطك في محاجرها=ولولا محبتك ماناخذ ولا نعطي
=ابو مناحي

[ترانيم حربيه]

يادكتور ماعندك دوا للقلوب البيض

تفانى وتخلص مالقت من يقدرها

توزّع مــحبتها ولا تنتظــر تعـــويض

وطال الزمان ولا لقت من يعبرهــا

[اصايل]

ابتركك وابعد عن عيون مغليك
يمكن الاقي فالفراق السعاده

لو كان قلبي بالغلا مولع ٍ فيك
يمكن دواه يحصله في بعااده

وانت الله انه في حياتك يهنيك
ويعين قلبك في جفاه وعناااده

[ابو مناحي]

هدوء وركاده فديتك عسى ماباس=علامك ضايقٍ بالك وكنه ضايقٍ صدرك
غريبه ليش متوتر وكنك تشكي الهوجاس=مدام انك مع احبابك بخير ومرتفع قدرك

[اصايل]

كان الارواح شاره فالمنايا سهوم
لاتضيق الصدور ولايضيق الفضاء

علم اللي يطيح وعلم اللي يقوم
زود حرص البنادم مايرد القضاء


الحمد لله لقيتها من اليوم ادور^^تعبت

[ابو مناحي]

الصدور الوسيعه طبعها ما تضيق
الله اللي عطاها بالحياه السعه
لو يفيد التمني مايضيق الطريق
ولاشكينا طعون ايامنا الموجعه

[اصايل]

هاء + ^^

اصحى وصح أفراح قلبك من النوم !
نجاح قلبك بالسعاده نجاحك ..

وانسى هموم البارحه وإضحك اليوم !
عسا صباح اليوم يسعد صباحك

[ابو مناحي]

كلن بهالدنيا يكافح ومشغول
لوكان بكفاحه يشوف الهوايل
ياليت من عنده تفاكير وحلول
يبدي حلوله في جميع الوسايل

[اصايل]

لا ضاقت الدنيا عليك وتشاويت
خلق الله اللي فالرخا كان واجد

ومن العرب والصوت والثوب مليت
وقامت عليك هموم بأقعا تراجد

فارفع يديك لخالقك لا توضيت
وادعو تراك أقرب إليا صرت ساجد

ووقت من أوقاتك للأوقات توقيت
وسجل لنفسك في المساجد تواجد

وأبشر بفزعة حامي الدين والبيت
إليا هجدك من الهواجيس هاجد

اللي يميت الحي ثم يحيي الميت
لرضاه شف كثر البشر بالمساجد

[ترانيم حربيه]

دموعي على خدي وقلبي عناه يزيد

معي عبرة في داخل القلب مكتومة

ألا ليتني طير لاضاقت عليه البيد

كفخ بالجناح اوزاعها بالسما حومه”

[اصايل]

هلابك والعلوم الغانمه مادونها معذار=ليا صار الوفى طبعي فخر ماني بمتعذّر
على وضح النقى ماني بثرثارٍ ولا هذّار=ومع ذالك عن اللي يشوّه بمبداي متحذّر
ودنيانا تهدّدنا وفيها كل يوم إنذار=على العالم وانا ماني من التفصيل متمذّر
=ابو مناحي

[اصايل]

شفولكم حل مع حرف الهاء ^^

[ترانيم حربيه]

رمح الغياب اللي رمته الـــمقادير

وقـــع ورى عـــوج الحنايا وتكـــا

تصبح وتمسي ياحبيبي على خير

وانا عيــوني من عناهـــا تشكــا

[اصايل]

الحزن في غيبتك له لون /داكن
مات [ قلبي ] ويحسبونه حي .. }
كنت [ عايش ] إيه فـ غيابك / ولكن ..
فاقد " إحساسي " بحياتي وكل شي

[ترانيم حربيه]

ياناقـــد الحب لاتشـــره على مبلي

خل النفوس الجريحه وش تبي فيها

قال المثل والمثل مقيــول من قبلي

ماتحـــرق الجمـــره غير رجل وأطيها

[اللحالي]

احوج حياة الآدمي للتّبنّاج=في ساعةٍ فيها عديدات الاسقام

والكل منهن فيه ياخذتمزياج=في عكس مابالادمي من تقيوام

مال السّعاده فيه في ساحل العاج=إلاّمثل مابالجزيره لصدّام

[ابو مناحي]

مبداك حاس البرمجه والمفاهيم=كم واحدٍ لخبط مضامين الاشواط
لكن مايصدر لحلمك مراسيم=لو فيه عرافٍ منجم وخطاط
يالادمي لابد تلقي المقاسيم=لو قلتلي فاهم وصاحي ومحتاط

[ترانيم حربيه]

طـــرقني غــرامك يا جميل المزايا طرق

كما يطـــرق الحداد صيخنٍ على جمــره

ترى الحب يسرق حال راع المحبه سرق

خفايف خفايف لين يقضي على عمـــره

[ابو مناحي]

هجوم المشاعر هجومٍ بدون انذار=مسيطر على كل الجوارح ومتمكن
علاجه ماهو بالطب والا مع العطار=وغير العلاج المعتبر ماله مسكن

[ترانيم حربيه]

نحلم واﻻحلام لا ودت ولا جابت

وانا اليا ضاع حلمي ماني بنادم

يالله وان كانها في مامضى خابت

انك تحقق رجاي بحلمي القادم

[ابو مناحي]

مافات يعني فات والمكتوب ما عنّه=مير الحقيقه حقوق الطبع محفوظه
والله كريمٍ ويعطي عطايا بلا منّه=ومن علّق آماله برب الكون بيعوظه

[ترانيم حربيه]

هذاي أنا..أملــڪ مشــاعر عنيده

بس آلصحــيح آلي ذبحــني عنآدي

والــڪـذب صـآر آليوم حآجــہ مفيده

والحب في عيون البشر شي عادي

[ابو مناحي]

ياليت تقدر تفك القلب وتشوفه=حتى تصدق نظر عينك اذا شافت
يمكن تشوف الورود الحمر مصفوفه=ونغمات قلبٍ شفوق بصوته الخافت

[ترانيم حربيه]

تعال اقهويك من دلة غرامك قصيد

مـزعــفره من غلاك وطلتك هيلها

حكاية الغيم والنرجس ونبض الوريد

اجمل من حكاية الدمـتعه ومنديلها

[ابو مناحي]

انا من الكيف ياهل الكيف ما املّي=والدله الكايفه ياروحي تروّق
ناديتني يا غلاي وجيت لك كلّي=ماتدري انّي لكيف الراس متشوّق!

[ترانيم حربيه]

قـلـبـي عـنـيـد ولا يـطـيـع النصـيـحـه

دايـم يخالـف شــور حـضـرة جنـابـي

والعـيـن مـرسـال الـقـلـوب الجـريـحـه

نـظـــرة وفــا تـرفـع عـنـاي وعـذابــي

[اصايل]

ياللي سكنت القلب واضلوعي اسوار
يامن جمالـك .. له وصووفٍ فريده

ليه انتقي كتب الخواطر والاشعار
مداام نظرااتك هي اجمل قصيده

[ابو مناحي]

هنيت قلبك في صدوق المشاعر=قلبٍ يضم افراح في ساعة الضيق
ياغيمةٍ تلعب باحاسيس شاعر=ان قلت تصبر قلت للصبر ما اطيق


انتبهي ( هـ )

[اصايل]

قولوا ( غرور ) اللي تقولون قولوا
مادام انا به فزت / من حقي اغترّ

مروا على قلبي وصولوا / وجولوا
والله / ما مثله .. ولا واحدٍ مرّ !

[ابو مناحي]

ربي عطاك من الحلا لين كملك=ومع الحلا ربي محلي صفاتك
مشيك دلالك بخترتك وتعاملك=الله يكافيك الحسد من عداتك

[اصايل]

http://www.m5zn.com/newuploads/2015/03/16/png//m5zn_724a340f627b07e.png



نااااااااااااااصر الشميلاني


تعبت ادور ابيات ^^ خلاص انت الفايز بالتحدي

[ترانيم حربيه]

تمخطر على حدب المحاني وعد خطاك

وصدري فــدى ماطاك من حده الا حده

مقـــرك، ومرباعك ، ودارك، وحد حماك

ومــع كـل ذا في واجبــك تقصر الـمـده

[اصايل]

"هذا "الزمـن" مايعرف اللي قبـاله..}
و ما فيـه أحـد يـدري وش اللي مخبيه .!!
كل شـخص يحمل في حياتـه " رسـاله "
يا تعتــلي بـه فـــوق.. وإلا توطيــه ..!!

[ابو مناحي]

http://www.m5zn.com/newuploads/2015/03/19/png//m5zn_fae728b621985ac.png

[ترانيم حربيه]

هالجو يشبهّني وانا اشّبه الجو

أثـنيننا روعـــه ... وفـــينا حلاوه

اشجع الكورة واحب اشعل ضو

فيني خــليط من الحضر والبداوه

[ابو مناحي]

http://www.m5zn.com/newuploads/2015/03/19/png//m5zn_1b895ed635216e3.png

[ترانيم حربيه]

ليتْ ( المشآكل ) يُوم جتنيّ تتآبع

جتْ كلهآ مَــنٍّ نُوع مآجتنيّ أنــوآع

ذا ليّ ثــلاث أيآمْ واليُــوم " رآبــع

أحبْ رآس الوقتْ والوقتْ مآ طــآع

[ابو مناحي]

عاد الزمان ان مابــغـــى هبّــة الريـح
مافيـــه طــب وعاجــزه عنـــه الاطباب
عـنــده علـــى تعكيــرة الجــو تصريح
ومـهمــا تقاوم دايــــم الــوقــــت غلاب
وكانه جرحـــك اقـــول غيــرك مجاريح
منت الوحيد اللي شكا شد الاعصاب

[ترانيم حربيه]

بعض الخطــايا مالقينا لها أسباب

والصده اللي من طرفكم غريبه

احباب لكن آه يا سهم الاصحاب

الجرح مـن قوس الحبايب مصيبه

[ابو مناحي]

هبلتبي لو كان ماني بمهبول= لكن عليك ابشتكي ما يجي منك
تراك جاني وقاضي وانا اقول معقول=يالقاضي الجاني نرد الخبر عنك

ههههههههه

[ترانيم حربيه]

كان ان قصدك تجرح الروح و تروح

عندي كفايه ما بقى من جروحي

و أن كان غرك قولت الناس مملوح

هذي عبارة ما تناسب طموحي”

[ابو مناحي]

يسريبي الهوجاس مع هجعة الناس=وانت اقرب من رموش عيني لعيني
ياخي حرام تقول ماعندك احساس=وانا انتظرك بكل لحظه تجيني
عطني مثل ما اعطيك حبٍ بلا قياس=وانا دخيلك ليش ما ترحميني

[ترانيم حربيه]

يارب يسّـــرها على كل ضايـــق

وارفع ستار الهم عن كل محزون

لو كان في درب السعاده عوايق ،،

تهون مع رحمتك يا خالق الكون

[اللحالي]

نويت لي نيّه على غير مقصود=وقصدت لكن ماسلمت النقايص

وعجالة المفهوم بعقال مفرود=وراعيه ينقل فاضيات القلايص

[ابو مناحي]

صحيح جيت السوق والسوق مزحوم=ياللي تجي للسوق شاري وبايع
لاكن خيره وانتهى راعي السوم=ماعاد لي بالسوق والا البضايع
هذا كلامي ياعسى القول مفهوم=ابغى احتفظ بالعلم حفظ الودايع

[ترانيم حربيه]

على سبيل الجرح ما ظن يخفاك

إن المولع فيك .. ما كان جاحد ،

مساي وغيابك وشوقي وذكراك

ما يصير ياخي ، اربعه ضد واحد”

[اللحالي]

دار الكرم وأصوات روس المأذن
ماهي مثل لجّة جروس الكنايس

وتجميعة اللي بالمقاصدتحاذن
حتّى أيش لوبالانقلش قلت آيس

فلوات في صقل الحوافر تواذن
ماحولهن من يندعاء بأسم سايس

ادري كلامي ماينفهم لكن عاد هذا عرفي
؟يوم كبر وشاب ودوه الكتّاب ودّوه الكتّاب
(هه شوفوه يكرر الكلام من كثر الغشام)

[ترانيم حربيه]

سج الركايب في نحا الوقت قدام

والنفس يضمن رزقها اللي خلقها

من ذاق لوعات .. الليالي و الايام

يصبر علي جور السنين و حمقها

ههههههههههههههههههههههه

وهو تو كلامك ماينفهم من عرفتك وانت تتكلم بالالغاز

وقايله لك من زمان ابي مترجم بس انت عاصي على بصيره على قول جدتي

[اصايل]

أقسَىَ حضوُر أسَجِّلَهْ , وَخاطرِيْ شِينْ
لكِن عَزَايْ الشِعِرْ /يَبـرِيْ جروُحِيْ

أن قلتْ له : بروٌح / ردد علىَ ويِن؟!
قَلتْ : أرتمِيْ بَأحضَانْ قَافِيْ / وَبوُحِيْ

[ترانيم حربيه]

يا صباح_الخير من بعد السلام

ويا صباح الذوق ، ي أهــﻵ هلا

يا صباح الورد بالناس الكــــرام

و يا صباح الشوق و حروف الغلا

[اصايل]

آهـوآك ؤآحبـك ؤآدآريـك ؤآفديـك
وآفديك وأداريك واحبك وآهوآك

لخبطت تفكيرئ عسئ الله يخليك
ؤخليتنئ آعيد شطرئ بسؤآيآك

^^

[ترانيم حربيه]

كـم نظــرةً مـني ما تبــغالها شـــرح

تعـكس شـغف قلبٍ مـن الحـب تالف

في خاطري كلمة وفي خافقي جرح

وفي نظرة عـيوني قصيد وســوالف

[ابو مناحي]

فرّيت توقيت الليالي وغيّرته=اتدور الايام والتوقيت توقيتي
وكم واحدٍ فر توقيتي وقدّرته=وبالغلا فاز بغلا دون تصويتي

[ترانيم حربيه]

يمكن يكون الصمت خوف المشاريه

ويمكن يكون الصمت جمله مفيده

لا صرت م تدري وش اللي تسويه

حاول تسوّي من سكوتك ..قصيده

[ابو مناحي]

هديت لعبي خوفي من التسلل=وجاريت وقتي غصب بالحلو والمر
ومعلق الكوره لو انه محلل=اضيعه بسايسة الكر والفر

[ترانيم حربيه]

ريح ﺈلمطر ينعش صدور مغاليق

والغيم يجعل كل مھموم رايق

تباشروا بالخير كل ﺈلمخاليق

من يوم جاله في سمانا حقايق

[ابو مناحي]

قلب اللبيب يشوف لو ماله عيون=من موجز النشره يحرر جرايد
تحرير رسمي له سياسه وقانون=والحق مثل النور والامن سايد
.

[ترانيم حربيه]

دام اظلم الليل يالملتاع سولف لي

حتى انتشارك انا وياك .. بـ اللوعه

الحال واحد وانا اعرف لك وتعرف لي

وإن اصبح الصبح كلن يمسح دموعه

[ابو مناحي]

هي كلها سلسله بالروس معقوده=نحلها والزمان يزيد بعقدها
وان كانت امالنا ماهي بمفقوده=سولف واسولف والقسايم نسددها
.

[ترانيم حربيه]

الغلا و الحب و الصمت الجهور

كلها تكتب على وجه المحبّ

من يقول : الشعر افكار وبحور

كلنا شعّـــار اذا فــعلا نحبّ .

[ابو مناحي]

بيت القصيده وفنه من الفني=اللي مدى عرفه لمايكتبه شامل
هذي حقيقه ورد اخبارها عني=من مطلع البيت تعرف شرحه الكامل
.

[ترانيم حربيه]

ليه ساكت والحنين ،يزيد بردهـ

وأنت صوتك يارهين البال دافي

طاح من غصن الغلاوالحب وردهـ

لا يطيح الغصن طاح الورد كافي !.

[ابو مناحي]

ياعيوني كيف انا ابرخص عيوني=ياعيوني مستحيل بيوم ترخص
ماعلي من العرب لو كذبوني=ولاني بشارح غلاتك وانته ابخص

[ترانيم حربيه]

صحيح ان الغلايجبرحطام الخاطرالمكسور

وانـامهمامنحتك من غلاي اشعربتقصيري

ولوطالت مشاويرالطريق المظلم المهجور

انـالامن ذكــرتك قلت احبك يامشاويــري

[ابو مناحي]

يكفيني من الصادق مشاعر صادقه واحساس=مدام انه يوجهني علا كيفه بلا ريموت
تحكم بي وطاوعته وانا منول عنيد الراس=وعطاني حبه الصادق وجمّع فكري المشتوت

[ترانيم حربيه]

تراي فغنا عن صاحبٍ لي خشيرٍ فيه

إلى عـــآد مَ آنا بـ آلــمبدّآ على غيري

إلى خآبت الهقوات في واحـــدٍ مغليه

رفعت الحجاج من آلهوآن وكفخ طيري

[ابو مناحي]

يجوز الغيره تحدّك لعلمٍ مامعاه اثبات=علامك ترثع بقلبٍ وجودك وسط شريانه
تراني من كتبت اسمك زهمت بعالي الاصوات=وزهمت وقلت يافلانه ومدري وش بلا فلانه

[ترانيم حربيه]

هبوب النودهبت ميروش جابت هبوب النود

يصافــقنا هـــواهـــا بـس لاصدنـاولا فـدنـا

تعبنافـالطــريق اللي يوديناعلى المقصــود

ولاجـــتنا مــقــاصدنـاولاجــيـنا مـــقاصدنـا

[اصايل]

اسكن عيوني يالغلا وجفوني تغمض عليك
خذ ماتشاء من دنيتي بس لاتقلل من غلاك

لويعذلوني كلهم ماسمع كلام الناس فيك
انت الغلا وانت الهوا وانت الجوا وانت الملا

شوفتك في الدنيا معي وابيع غيرك واشتريك
انت الوحيد بناظري ماترقب عيوني سواك

[ابو مناحي]

كلك على بعضك حلا=حالي ولك دمٍ خفيف
الوصف فيك مكملا=وتشابه الجو اللطيف

[اصايل]

فرّيت توقيت الليالي وغيّرته=اتدور الايام والتوقيت توقيتي
وكم واحدٍ فر توقيتي وقدّرته=وبالغلا فاز بغلا دون تصويتي


ابومناحي ^^

[ترانيم حربيه]

فِ ذمّـۃ عروقِي مدﺎيّن منْ ﺎلشُوق

وفِ ذمتِي عـــہَد ﺎلـــوفـا مَا نزعتہَ

ﺎنته مـــدينـۃ حُب يغتالہَا ﺎلـــذُوق

وﺎنا وطــنْ نبضِي بنبضــگ زرعــتہ

[اصايل]

غلط غلط غلط
انتبهي ياترانيم الحرف ي:1 (15):

[ترانيم حربيه]

ههههههههههههههههه

بسم الله متى جاوبتي انتي ههههههههههههه

[اصايل]

ههههههههههه الله يسامحك جنيه يعني :2 (1):


كلها سرقه من ابومناحي ^^ هوسجين عندي وابياته ابياتي :1 (15):

[اصايل]

يا ضي عيني من نظرها وغلاها
يا شوقي الي اسهر عليه كل ليله
يا شمعة الكون تنور في لقاها
يانوري انتي وشفا روحي العليله

[ترانيم حربيه]

ھذي مشاعر وسط قلبي دفينه

حـــاولت أحـــولها فــــرح ما تمكنت

أكتب خواطــر و الخواطـــر حزينه

ماھــو بكيفي للحزن كاني أدمنت

[اصايل]

تسولف لـ شاعرها وتحكي عن الاشعار
تمنا / . القصيده في حلاها وتعشقها
تسولف وتعطي الجو برد وسحب وامطار
وكل / حرف وده من حروفي يعانقها^^

[ترانيم حربيه]

اعفني من شرهة الشوق يامال الغناه

في غرامك مابقا لي طموح ولاثقـــــه

انت حلمً ضاع عمري وانا اطارد وراه

لاقدرت انســــاه ولاقدرت احققــــــه

[ترانيم حربيه]

شكل الجماعه ماعاد هم قد التحدي من كم يوم مااحد رد ههههههههههههههه

هون على قلبك ترى الوضع عادي

أنـا مـن طعون الـحبايب تعلمت

إنـي أكـون بوجه الأيـام هاديه

حتى لـوإني من غـيـابـك تألمت

[اصايل]

تغيب احاتيـك ! واذا غبت انا / تحاتي
تحـن ! أقسـى ! واذا حنيت لك تقسى
في كل حاجه تشابهني ،، عدى الآتي
تكبـر وتنسى ! و انا اكبـر و لا انسى

[ترانيم حربيه]

أوصي الشمس لامرت على ديارك

ما أشوفهـا باكــر الا والخَبر معهـا

ويمـر باكر ولا جابـت لي أخبــارك

ويروح يومـي وأنا ماغير أطالعـها

[اصايل]

اكتب واسلّي خاطري ب( الكتابه ) ,,
......... كود التهي في نظم الابيات و انساه ..
واثر القصايد منه قامت تشابه,,
......... من وين اقلّب دفتر اوجاعي القاه ..!

[ابو مناحي]

http://www.m5zn.com/newuploads/2015/04/03/png//m5zn_ab92d1ee8571ed8.png

[ترانيم حربيه]

كان رحتوا م على الدنيا سلام

لا خلاا من كل - جرح ولا عدم

خلها بيني ... وبينک ب احترام

من بنى سور المواصل م هدم

[ابو مناحي]

http://www.m5zn.com/newuploads/2015/04/03/png//m5zn_eee42a66342fd04.png

[ترانيم حربيه]

تدري وش اللي أوجع القلب وأشقاه

وخلى عيوني يا مُنى النفس تبكيك

وأثَر على حـــالي من أقصاه لأقصاه

أنك ماانت حــقي وأنا خاطــري فيك

[ابو مناحي]

‎‎ ‎ ‎‎ ‎‎ ‎ ‎‎ ‎ ‎‎ ‎ ‎‎ ‎
كانك دريــت ان المواقــف مقاديـــر
اصبر على الاقدار والوضع محلول
كليب اخـــذ في ثاره مهلهل الزيــر
يا احّول يابعض التفاكير يا احّول

[اصايل]

لاَ لفَآگ الهَمْ ثـُم عَيّا يَزُول ؟..
وإرِتَجَفَ » قَلبَگ « وُكِلْ دَمِعِگ نَزل
سَو مِثلِي لَوُ بَغَيِتَه مَايَطُوُل ..!
أخِلَق الفَرحَه, وُفَكّر بـِ/ العَقَل
إبِتَسَـَمْ ..}مِنّ كِلّ أَعَمَاقِگ وُقُوُوٌلْ ..؟
قَدّر الله وُمَاشَآءْ فَعَـَل ..!

^^

[ابو مناحي]

‎‎ ‎ ‎‎ ‎‎ ‎ ‎‎ ‎ ‎‎ ‎ ‎‎ ‎
ليتك دريــت ان المواقــف مقاديـــر
وتصبر على الاقدار والوضع محلول
كليب اخـــذ في ثاره مهلهل الزيــر
يا احّول يابعض التفاكير يا احّول

[اصايل]

لو لمست ]الوجد[ .. غناك ^السحـاب^..!!
وأنتثر غيـم ((المحبـه)) فـي يـدك ..
وامطرت لك {لهفتي }جرح وصواب ..
وارتمى ~شوقي~في 'حضنك' وأسعدك..

[ترانيم حربيه]

كــل الصباحـــات بعيــوني غــدت حلــوة

من اشرق شمس صوتك في سما كوني

صـــوتك مطـــر فالحياة وضحــكتك غنــوه

ماتشــوف كيـف الفــرح مجنون بعيـــوني

[ابو مناحي]

هنيت نفسي بطيبك ثم هنّيتك=ياللي لعلك بخير وعز متهنّي
لو بس غيرت واحد حرف عنيّتك=وتصير بعد الهنا من حرف متعنّي


ههههههههههههه
هذا بيت على الطاير
من يكتشف الحرف اللي يتكلم
عنه البيت يصير عبقري

[ترانيم حربيه]

هههههههههههههههههههههه

تصدق فكرة حلوة لو حطيتها بموضوع مستقل وكل فتره تحط بيت فيه حرف متغير

الحرف ياسيدي هو حرف الها في هنيت وهنيتك ومتهني لو غيرته بحرف العين كان عنيته ههههههههههه

[ابو مناحي]

ههههههههههههههه

ياسلام عليك والله انك عبقريه
ماشاء الله عليك
كلام صحيح

[ترانيم حربيه]

ياليتني قبل أعرف أركض تعلمت أطيح

لجل أتقي شر عثراتي وأعاف الـ وطا

ياليتني قبل أعرف أتعب عرفت أستريح

عشان ماتُــوجــع دروبي ثقيل الـ خُطــا

[ابو مناحي]

الصبح مستقبلٍ يقضي على الماضي=والماضي اللي مضى ماعنه نشادي
افتيت فتوى عليها صدّق القاضي=لو قلت عاد الزمان اقول ماعادي
عطيتك العلم وافي ماهو بفاضي=اسمع كلامي ولك دله وبرادي

[اصايل]

يلقآني آكبر مں توآصيف حرفـه
وألقآهہ آكبر مں شعوري ونبضي
لآ لآمست كفي مں آلشوق كفه
انطق بدون شعور يآكبر حظي

[ترانيم حربيه]

ياليتني قبل أجازف وأعشقك مستخير

ان كان نبقى على طول الزمان أصدقا

وياليت أنا وأنت نتشارك بنفس المصير

لكن هالوقت قاسي والظروف محقى

[اصايل]

اللـي يقـدر قيمتــك يرفعــك فوق
وإذا تـكـدر خاطرك جاك يرضيك
يسقيك من عذب السواليف والشوق
مـهما حـصـل في دنيتك مايخليك

[ترانيم حربيه]

كـــانت بداية فـــراق ودمعـــه ونظــره

هنا نسيت الكـــلام وجـــيت ضــميته

كل خطوه أمشي من أغيابه على جمره

صــــرت أتمنى لـــو أني - مــا تمنيتــه

ياقـــلب لا تزعـــل , وتتضايــق , وتشره

جــــرحه كبـــير , ومــــع ذلك تعـــديته

لـــو أدري انه بـ يرحل عـــقب هالعشره

ما كـــان , عــنيت أحاسيسي وحبيتــه

[ابو مناحي]

هلا باللي لهم عندي مكانه=وغلاهم من غلاهم محتويني
كلام اللي يصح الله لسانه=لبيبٍ بالمواقف مايليني
حفظ عهده مثل حفظ الامانه=ولايحضر بلا علمٍ ثميني

[ترانيم حربيه]

يـ حــضرة الليل مــــوالك . . تأملته

وحنيت لـ اشياء منها خاطري طايب

حتى لو أن السهر بـ الدمع جاملته

وش يقنع المنتظـــر ويرجع الغايب”

[ابو مناحي]

بعض المواقف تغير هقوة الهاقي=وبحال ثاني تحدد عرف صاحبها
يامحلا فنه مع اسلوبه الراقي=من يعرف افنون العرب يعرف يخاطبها

[اصايل]

انا صحيت ولا على البال غيرك
ويوم ارقد انتي وحدك اللي على البال
جيتك افتش عن صباحات خيرك
واهديك شوقٍ لاطغى يبري ..... الحال

[ترانيم حربيه]

لصمت لذة .. لا غـــدا للـــوله بوح

رغم ان صمتي ما يخفف طعوني

بي حزن شاعر وابتسامات مجروح

ولي .. دمعتينٍ لا سهيت ذرفوني

[اصايل]

يا عالم الغيـب والنيـّات سبحانك
هـدايتك أخيّـر من الدنيا ومافيها
أسئلك يـارب توفيقــك وغفــــرانك
وسـعـادةٍ ما تخيّـب قلــب راجيها

[ترانيم حربيه]

أثر الغــلا يثر على حـال راعيه

حاولت اكابر واتناساه واشتقت

الــوقت يكفل كل جـرح ويداويه

الا الغلا جرحه ما يبرا مع الوقت

[ابو مناحي]

تمر الايام وسنين العمر تجري=والامر والتدبير في حكم الله الوالي
والاجل محتوم والانسان مايدري=سبحان من هو عليم بكل الاجالي

[اصايل]

^^
السرقه تطورت من المدونه
الابياااااااااااات للشاعر ناصر الشميلاني صح لسانه

http://www.m5zn.com/newuploads/2015/04/03/png//m5zn_697948975dee86a.png

[ترانيم حربيه]

هههههههههههههههههههههه

صارت السرقه على المكشوف اصايل يعني ساجنته وتسرقين قصيده

احسن يستاهل الشرير المحترم ههههههههههههه


گن الصبر فارس وَ رُوْحِـيّ مدينـه

وحرفي يجسد هيبتي لـو تحطمـت

قَآـبِيّ علـى ماجـاه ربـي يعينـه

مهما حصل في داخلي ماتكلمـت

[اصايل]

ههههههه الله يسعدك ياترانيم
أنا ماني شاعره^^ واسرق من عيال عمي احسن من الغريب

يرفعون قضايا وابتلش بس ولد عمي مطمنه
ولا استني اشوي حتى سعد

وعمي جزاع بسرقهم

التحدي صعب ولازم افوز^^

[ترانيم حربيه]

هههههههههههههههههههههههه

يستاهلون خوذي راحتك اجل عيال عم ببلاش

[اصايل]

تعالي ياهجوس البال حانت ساعة الميعاد=وانا واياك والقيفان تال الليل سهّاري
تعالي هاتي الفكره وانا متربعٍ بالماد=اغني بالحون السامريه واجمع افكاري
لكني ودي اجدد واغنيلي بيوت جداد=اغنيها واصخّرها بكيفي طوع واجباري



أبومنااااااااااحي

[ابو مناحي]

يالله في وقت العسر واللين=طالبك يالواحد المعبود
انك تعز الوطن والدين=وتعز سلمان ال سعود
مليكنا خادم البيتين=سيفه على المعتدي محدود

[ترانيم حربيه]

دورة الايام تمضي و السنين

من يعـــد أيامـــها و حسابها

عـــلمها في يد رب العــالمين

عــالم بحضـــورها و غـــيابــها

[اصايل]

أجمـل حكاوي الشوق تسكن لسانك..
وأغلـى الدقايق كلها يوم أحاكيك..
اللي بقولـه وأنت عـارف مكانك..
لاتبطي بوصلك ترى القلب يدعيك

[ترانيم حربيه]

كنت ادور " مفاتيح الفرح " بالحياة

وكنت احسب انها في مال ولأ غرام

اثر نبض السعادة من عروق الصلاه

واثرها " نوور " مايقدر عليه الظلام

[اصايل]

محتاإاج له في درب مقوى ظلامه
هو شمعتي لا كثرة أيامي السوود
مقدر على بعده ولا أقوى خصامه
لا غاب أحس بدنيتي شي مفقود

[ترانيم حربيه]

داويت جرحه يوم صكته الاقدار

وردﺎلعطا فـي جرح ماله مداوي

واقنعته ان البحر كتام الاسرار

واقنعني ان ﺎلبحر ماله مخاوي

[اللحالي]

يالبحر لو تصافقت فيك الامواج
ماقلت لك يالبحر عن من سكن فيك

انا بعيدن عنك عايش مع اوهاج
لاتحسب انّي بالسواحل حواليك

لوالمهوج تصاب في وعكة ارهاج
واثق من إرادة مدير الافاليك

[ترانيم حربيه]

كنت أموت إن غاب ساعه عن عيوني

لين غاب .. وصرت أمـــوت بكل ساعه

في وداعــــه كانت الساعه طعـــوني

وصدمـــة أحــلام العـــمر كانت وداعـه

[اللحالي]

هديتي بالعيد لهل التّناهيد
ماهي لمن يقول ياليل ادانا

ماترجع الماضي كثارالتّناشيد
ويمكن عن المقبل يخالف هوانا

ولومع بعضنا مكثرين التواديد
العالم الله في نوايا خفانا

[اصايل]

الدمع. ماهو دليل "الحزن واللوعه"
يمكن ..دليل لـ فرح تحتار في شرحه

احيان : والرجل يضحك تنزل دموعه
واحيان يبكي , وهو ميّت من الفرحه

[ترانيم حربيه]

هالحيــن ماتــت قصتـِك بيــن الإوراق

ومات الـــغـلآ مع لهفتـٌي واشتياقي

ومات السهـر والقلب فِ غيبتك راق

يعنـي غرامـــك مات وشعاد باقي.

[اصايل]

ياللي غلاك يفوق بكره وبعدين
على الوفا عطني على العهد يمناك ’’

بمشي معك لو كنت مدري على وين
ماتنفصل عن خطوتي تالي خطاك ’’

حظي يكون القلب منصوف نصفين
نصف يحبك ونصف ملزوم يهواك

[ترانيم حربيه]

كن آلشتآ مَخلوق للآلحبّ بَآلذآت

وَكــن آلفصــوَل آلبآقيهْ للآلمفآرق

طآحتّ مِن عيوَن آلليآليْ طمَوَحآت

وَآشتد بــرد ، وَلآح للآلشوَق بآرق

[ترانيم حربيه]

راح اتحدا نفسي شكل الجماعه استسلموا ومافيهم حيل للتحدي

هههههههههههههههههههههه

قال تشرب ضيق غيرك قلت صبه

من يســـوي شي لله مــا خــسر

قال قـــلبي مالقى له من يحبـــه

قلت احــبه واحــتسب فيه الاجــر

[ابو مناحي]

رتب ضلوعي وقلبي فك بيبانه=تراك بين الحنايا يا مروّقها
منته براعي مكانه مالها خانه=الا مكانتك مطبوعه وثايقها
رجّعتني بعد قلبي ما اصدر اعلانه=يا اللي تجمّع ولايف ماتفرقها

[اصايل]

[ إْلبُعد ] يآ شينـہ , ويآ ثقل دمّـہ..
و لون [ آلغيآب ] أسود , و طعم [ إْلجفآ ] مرّ

ثلآث مآ فيهن رحمّـہ .. ولآ ذمّـہ
علىَ آلقلوب [ آلعآشقـہ ] طبعهآ .. شّر ..!

[ابو مناحي]

راياتنا ماتنكّس دوم خفّاقه=بين الكواكب وناظر فوق ماطاحت
دليل صدق الخيال ان لاح براقه=ولا اخيّل خيالٍ بروقه تو مالاحت

[اصايل]

تغيب واعذارك من اللطف والذوق
تلجم لساني .. لا يساير ظنونـي

منك اتعلم كيف اكابر على الشوق
واصد مـا كنك تساوى عيوني

[ابو مناحي]

يكتبني الشوق والوجدان يقراني=وش حيلتي كان لاتكتب ولاتقرا
فسرت حلم الليالي والخبر جاني=ماكل من غنّى يجاريني على المسرا
واللي يترجم كل ماينطق لساني=ماني على قولت امع الخيل ياشقرا

[ترانيم حربيه]

احتجت لك نــــاديت لك وانت نــــــايم

ماني مـــصدق خافقي تجـــرحة انت

وين انت ماهــــي مثل وين انت دايم

وين انت هالمرة من القلب وين انت

[ابو مناحي]

تلعب بي الاحلام في روحه وفي جيّه=اخلصت كل المشاعر واصبحت ضدي
لعلها اليوم ماهي احلام ورديه=جريت في درب الاحلام حتى بيحت سدي

[اصايل]

يوم الوفا يجمع شتات المخاليق ..!!
..............................يطري علي قلبي من الخلق مخلوق ..!!
تهتز من طاريه اقصى المعاليق ..!!
...................................متمركزن حبه على كل معلوق ..!!


^^

وناسه التحدي اليوم

[ترانيم حربيه]

‏قال علمني عن السحر المباح

قلت علمني عن القلب الخلي

يا مـــقيدني وانا حـــر الجناح

لا تبعثــــرني وانا بك مــمتــلي

[ابو مناحي]

يامرازيم المزون اللي تجي=من بحرها ناشيه ومحمّله
كم عيونٍ للمخايل ترتجي=ياعساها للعيون مجمّله

[ترانيم حربيه]

هون على قلبك ترى الوضع عادي

أنـا مـن طعون .. الـرفـاقـه تعلمت

إنـي أكـون بوجه .. الأيـام هادي

حتى .. لـو إني من غـيـابـك تألمت

[ابو مناحي]

ترى طعون الليالي ماتبا زياده=من لايحاول نقصها لايزودها
النفس ماهي على التجريح معتاده=ونفسي على الكتمان دايم معودها

[اصايل]

انﺖ ..ﺍﻗﺮﺏ ..ﻗﻠﺐ ﻟﻮ ﻛﻨﺖ ﺍﻟﺒﻌﻴﺪ
ﻭﺍﻧﺖ ﺍﻏـﻼ ﺣﻠﻢ ﻭ ﺍﻏــﻼ ﺍﻣﻨﻴﻪ

ﻭﺍﻧﺖ ﺍﺟﻤﻞ ﺑﻴﺖ ﺏ ﺍﺑﻴﺎﺕ ﺍﻟﻘﺼﻴﺪ
ﻭﺍﻧﺖ ﺍﺣﻼ ﺷﻌﺮ ﻭ ﺍﺣﻼ ﺍﻏﻨﻴﻪ.."^^

[ابو مناحي]

هل وهل والاسئله تبغى جواب=والعقد تنحل من حلالها
للشجاع السيف مصقول النصاب=والاصايل قيل من خيالها
والمواقف نحتميها بالحراب=والمعارك يظهرون ابطالها

[اصايل]

صح لسااااااااانك ماشاء الله مبدع

انا اشكل با الشعر حسب الاذواق
ومختار كون ابيات معنى وقيمه

مره غزل مره عتب مره فراق
ومره من ابياتي عليها الوسيمه^^

[ترانيم حربيه]

هواجيسٍ في قلبي مثل نقطة التفتيش

ما تترك بـ قلبي حـــاجة .. ما تفتشها

يقــولون طنش هــم الأيام لجل تعيش

تجاهــل زمآنك و الهــواجيس طنشها

[اللحالي]

اشوف الضّباب اللي تخاوى معه بغبار
ومنهم نسيت اذكرك ياجوّي الصافي

وأشوف بيمين الودّ وأشوف عنه إسار
وتحته ومن فوقه ومن قدم واخلافي

حوامي وطيسٍ تشعث الكبتن الطّيار
وفكري معه مشعوث من همّه الخافي

السّموحه من الجميع ترى الشّايب ماعاد إلاّ خير يالله حسن الخاتمه

[ترانيم حربيه]

يارب يطول لنا في عمر الشايب ويخليه لنا ومايحرمنا من وجوده بينا ياكثر غلاااه هالشايب


يقولون وش وسط المعاليق قلت وسوم

وســــوم الغـــرام اللي كــوتني مطارقها

بقــى للغـــلى لو انه اقفــى وراح رسوم

رســــوم المنازل والعـــواصيف تطـــرقــها

[ابو مناحي]

انا اللي وفيت وصفيت وغدا كل معروفي=أكيّف عباد الله وانا ماني بمتكيّف
ولاكن عزاي القاف والكلمات وحروفي=ليا بار الزمان بصاحبه ماقلبي صخيّف
وكان الزمان اليوم لا باير ولا موفي=انا ماني مورّا ترا ولا صرت متعيّف

[ترانيم حربيه]

في غيبتك تثقل علي الدقايق

والوقت مع غيبتك ماعادينطاق

ربطتني مابين عــهــد ووثــايق

وخليتني بس للقصايد والأوراق

[اللحالي]

بعد اذن الجميع الله يجزى بنتنا ترانيم الخير من رحمته واخوانها المسلمين
على دعواتها السّابقه ؛؛ وبعد

قيمتك يالانسان في قوّة إمان=وراحتك في حسن النّوايامع الغير
تدري متى تصير مامثلك انسان=إلاّالّذي مثلك بحسن التباصير
لياصرت بالآيات مبحر وفهمان=تراك سالم من جميع التقاصير

[ترانيم حربيه]

تسلم ياجدي انت جزاك الله خير ربي يسعدك دنيا واخرة


راعني وإجلس معي لو ربع ساعه

لا تعــتذّر بـ الظروف ، وفي دوامــك

لعنبـــوك منين وارث هـ القطاعـــه

لا خـــوالك قاطــعين ولا عمامـــك

[اللحالي]

كيف ابنسا من تصرّف بي بحينه
وارتحل وانا أتاحرّى للرتحالي

اتصارع مع هواجيسن دفينه
كيف منزالي تحت جرفٍ لحالي

[ترانيم حربيه]

ياصباح الخير ياللي علي روحي تمون

شوفتك في كــل يوم حشي مامـــلها

ارفق بقلبي علي الهون جعلك ماتهون

كــل طعنة في خفــوقي تراك دواا لها

[اصايل]

الطيب مطلوب و الاخلاق مطلوبه
و الوقت لا دار فال الله و لا فاله

احيان ودك تشوف بلاد منكوبه
ولا تشوف السنافي حالته حاله

[ترانيم حربيه]

هو فيه أحد يستأذن إن دش بيته

أدخل ولا تستأذن إن جيت مشتاق

أنا بكـــل نبضه عـــشانك بـنـيـتـــه

بيتك بقلبي لو مضــى وقت وفـراق

[ابو مناحي]

قول البنادم يعبر عن مدى صبره=ياحظ من هو كلامه دايماً راقي
العرف والفهم والتفكير والخبره=احظوظ ماهي بضايع وسط الاسواقي
ولاكل كسرٍ يفيد الطب في جبره=ولاكل من هو يشيل الموس حلاقي

[ترانيم حربيه]

يقـــولـــون متغيرّ وأنا ما تغيرت

من جيت لـ الدنيا وهذا مسيري

من عادتي لا ضقت ولا تحيّرت

أصد وأكفّي الناس شري وخيري

[اصايل]

ياحظ من يدعي له الناَس بالخير
گآسب قلوب النآس من فعل طيبه

فـي گُـل قلـبٍ لـه معـزھ وتقـدير
وطـاريه عـند النآس گُلن يـجيـبه

[ابو مناحي]

يبدو لك انك في عيوني ولا شي=ويبدو لي اني مانقصت بمقامك
ويبدو لك اني حاسدك شربة المي=ويبدو لي اني محتفظ باحترامك
وفي حكم غيرك منت مامور منهي=اعرف نظامك وانت حر بنظامك

[ابو مناحي]

ياحظ من يدعي له الناَس بالخير
گآسب قلوب النآس من فعل طيبه

فـي گُـل قلـبٍ لـه معـزھ وتقـدير
وطـاريه عـند النآس گُلن يـجيـبه



هههههههههههههه
انتي من وين جيتي
هذا مخالفه للنظام اذا شفتيني
بالموقف المفروض ماتطوفين وانتي
مطفيه النور والسياره مافيها بوري ولا فرامل
هههههههههههههه

[اصايل]

ههههههه

طيب صح الحرف:2 (2):


بس ولايهمك انت الفايز لانك تعبت ف كتابتها

وانا كريمه وانت تستاهل^^