ياناسنا

[اللحالي]

ياناسنا - من دار - نجران - لطريف
ومن ينبع الغربي - لشرق الهفوفي

اللي - ركب - قارب - بليّا - مجاديف
واللي - مع - الصّحراء يهزّ الكتوفي

شوفوا - لتيّارات - فينا - جواريف
و حنّا - على - الشّيله نطق الدفوفي

هذا - زمان - مصارعين - العواصيف
ماهو - زمان - المصتحب -للخروفي

أمّا الفعول - اللي ثمرها - تشاريف
و إلاّ القبور - المظلمات - اللجوفي

صبرٍ على الغدّار معطاش - بالصّيف
و يصير - عرق - الحنضله له علوفي

واللي -بغدره -يطعن البطن بالسّيف
مثل - - منادي- جاردين - السيوفي

جميعهم --- لعلهم - - - بالذّوا -ليف
وشمسٍ - تضيّ - بجوّهم للكسوفي

ماينقص - الأبحار- كثر - الغواريف
ولا - أوجع - البيدى رجيف الخفوفي

هذا - كلامي -يالرّجال - - العواريف
و انا -أدري - انّه -للفهيم - معروفي

ماني - وحيد - آدم - برمز التّصاريف
و هرجن بلاء مقصود ماهو أمخلوفي

ولالي على منطق هروجي تحاسيف
مطلب - فكر و بمنطق ألساني اوفي

في - مانعاني - منه - جور التّكاليف
و على - حوال - الكلّ منه الكلوفي

تسعّطي - به - يالونوف - المراعيف
في - مايسمّيه - الجلوجي - جيوفي

و يالباسقات - ليا - رقوك -الخواريف
ماعاد - يبقى - فيك - غير الحشوفي

[معيض الضعيني]

صح لسانك أبو سلطان الإبداع لايستغرب على أهله

[اللحالي]

صح الله بدنك ي ابو وليد وماعليك زود ي الامير

الله يجزاك الخير وامثالك يالغالي

[أيوب البلاجي]

صح لسانك يابوسلطان
ابحرت بالمعاني وابدعت.....

[اللحالي]

صح الله بدنك ي بو فهد

كفوك المفهوم الجزل يالجزل /الإبحار من أجل اشباع ذوقك وامثالك ي الأمير