الأم

[اللحالي]

ياوجد عيني شوفة أمي على حيل

وأضمها لين الضلوع تحماها

ياللي لك أم تشوفها صبحاً وليل

أطلب من الله دووم تلحق جِزاها

البِر ما هو حكي ربع وفناجيل

البر إليااا رَضّيَت يسدّك دعاها

لبيه سمي وأبشري وأسبق الخيل

في حاجة أمك يوم تسمع نداها

تكفى تماكن مابقى وأحذر تميل

قبل تغيب الشمس ويجف ماها

الحق على باقي العمر جنب الويل

أحذرك عينك لاتسبب عماها

لاتصير في بذل العطى لأمك بخيل

أجزل لها المدآت عن من سواها

وأحذر تعق أمك بقطع المواصيل

لا أبطيت عنها كدّر الشرب ماها

أجلس وعطها العلم دقه وتفصيل

سولف لها وأسمع حلاوي حكاها

معها أشرب الدله بحلو الفناجيل

و الله ماينفعك شخصاً سواها

يحلى لذيذ التمر مع صافي الهيل

لا من تقدّعته و عينك تراها

تسمع دعاها والرضى والتهاليل

ياسعد عينك يوم تكسب رضاها

كنك تشوف الوسم لاعقّب السيل

لامن ضحك سن الغلا في شفاها

يبرّك - عيالك - ليا جو رجاجيل

و البنت - تلحق برها مع مناها

نصيحتي - تكفون جيلاً بأثر جيل

الأم.. الأم.. الأم .. ربي عطاها

صح لسان شاعرها وجزاه الله خير واخوانه المسلمين

[اصايل]

صح لسانه وسلمت يمناك
والله يرحم من مات و يطول بعمر من بقي
تحياتي وتقديري

[اللحالي]

تسلمي اصايل الله يسعد واخوانك المسلمين
جزاك الله خير يالأميره