اللحالي
12-12-2016, 02:38 PM
بسم الله الرحمن الرحيم
بالنّـفـد بين الحـطب يبدى معشانا
مـع شــبّة النار ودلالٍ نحـضّـبها
وبين السّدر بالفياض اصبح مغدّانا
بأرضٍ طويل النّظر يرمق مراحبها
والكل مـنّا مـع الـثّـانـي بـنـخـوانا
والأرض متعـيّده مـاطـر سحـايبها
حبايبي الجميع تحت السماء وفوق كل أرض
السلام عليكم ورحمة الله وبركاته
احبابي العموم
في هذا الموضوع ,,, احكي لكم عن رحلة ثلاث رجال في أوّل يوم من المربعانيه لعام /38هـ : باتجاه الشمال من منطقة القصيم ، وهم؟؟؟ فريدي :عوفي :غيداني::من حرب/ رجال لا تجد فيهم أي قصور من علوم الطّيب والحمدلله .بغير قاصر بالغير في الجزيره العربيّه , وليسوا جديدين المعرفه ببعضهم وليسوا جديدي الخوّه في ما بينهم بالرّحلات القصيره والطّويله من حيث المسافات ولكن تعاملاتهم في ما بينهم تشوبها بعض الملاحظات ؟ منها وجود حرف الياء بأخر كلّ اسم من الاسماء الثلاثه؟ وإذا سئلت الواحد عن ما يسمّى بالبطولات الكوراويّه قال لك تقهو : أو قال؟ كل من النعمه :؟ ولو قلت فلان سيّر على فلان وش ذبحله قالوا لك رح انشده/ وكثيري التّهاوش في ما بينهم؟ و من أحلا وأجزل الرّجال مع الغير ؟؟؟
مشهود لهم بالثلاث
الجار؟ والخوي؟ والضيف
لكن واحد منهم هو سبب أغلب الهواش ويقول الاتي
يابو محمد شف لنا راي صايب
صبري على محيميد ما عاد ينطاق
هاللي تشوف هواشنا والطّلايب
في ما يسميه السّناعيس بخناق
وأهواشنا يملى وساع الرّحايب
ناخـذ لنا هـدّات ما تاصـل أطـقـاق
لو قلت ابو فارس عـنـاده نـشـايب
اخاف من ساعة حسوفات وفراق
وإشهد على الحاصل بجزل النّدايب
ليا صـار مـا له عـن نواياه مـفهاق
هاللي تشوف الفرتشنر له نحايب
شمال مشذوبه تناحـيه الاوسـاق
وامـسى بنا في باردات الـهـبايب
ويـقـول خـلّوكم رويقين الأخــلاق
هـذا مــن الحـاضـر بروس الزّرايب
وإلاّ قديم العـلم له ليل وأشراق
مضت بنا هجف السّنين الدّعايب
وحـنا عـلى هالحال بجلال ودقاق
يـاخـوي فـيـنـا ضـايعـات الطّبايب
والكل مـنّـا للـعـنا يـطـرق أرمـاق
لكن عـلـيـنا يـابن عـمّـي رقـايب
أمـامـنـا والخـلـف وثنين الاشناق
مـا عـاد بالحـسبه نعـيد الحـسايب
رغـم اننا نـعـرف ذباذيـب الأبـراق
هذا ما تيسّر من تعبير جعلته لحبايبي الجميع هديّه للتسليه في هذا الوقت المشغل للأفكار الله يكفينا شر مسبباته والأهم من هذا تطبيق المحجّه البيضاء لا تخفى على الجميع/ و للجميع تحياتي وتقديري ؟ وألتمس العذر من الجميع
تعبير بدوي : وشايب ؟ وش عاد بقي
احترامي و الســــــــــــــــــــــلام
بالنّـفـد بين الحـطب يبدى معشانا
مـع شــبّة النار ودلالٍ نحـضّـبها
وبين السّدر بالفياض اصبح مغدّانا
بأرضٍ طويل النّظر يرمق مراحبها
والكل مـنّا مـع الـثّـانـي بـنـخـوانا
والأرض متعـيّده مـاطـر سحـايبها
حبايبي الجميع تحت السماء وفوق كل أرض
السلام عليكم ورحمة الله وبركاته
احبابي العموم
في هذا الموضوع ,,, احكي لكم عن رحلة ثلاث رجال في أوّل يوم من المربعانيه لعام /38هـ : باتجاه الشمال من منطقة القصيم ، وهم؟؟؟ فريدي :عوفي :غيداني::من حرب/ رجال لا تجد فيهم أي قصور من علوم الطّيب والحمدلله .بغير قاصر بالغير في الجزيره العربيّه , وليسوا جديدين المعرفه ببعضهم وليسوا جديدي الخوّه في ما بينهم بالرّحلات القصيره والطّويله من حيث المسافات ولكن تعاملاتهم في ما بينهم تشوبها بعض الملاحظات ؟ منها وجود حرف الياء بأخر كلّ اسم من الاسماء الثلاثه؟ وإذا سئلت الواحد عن ما يسمّى بالبطولات الكوراويّه قال لك تقهو : أو قال؟ كل من النعمه :؟ ولو قلت فلان سيّر على فلان وش ذبحله قالوا لك رح انشده/ وكثيري التّهاوش في ما بينهم؟ و من أحلا وأجزل الرّجال مع الغير ؟؟؟
مشهود لهم بالثلاث
الجار؟ والخوي؟ والضيف
لكن واحد منهم هو سبب أغلب الهواش ويقول الاتي
يابو محمد شف لنا راي صايب
صبري على محيميد ما عاد ينطاق
هاللي تشوف هواشنا والطّلايب
في ما يسميه السّناعيس بخناق
وأهواشنا يملى وساع الرّحايب
ناخـذ لنا هـدّات ما تاصـل أطـقـاق
لو قلت ابو فارس عـنـاده نـشـايب
اخاف من ساعة حسوفات وفراق
وإشهد على الحاصل بجزل النّدايب
ليا صـار مـا له عـن نواياه مـفهاق
هاللي تشوف الفرتشنر له نحايب
شمال مشذوبه تناحـيه الاوسـاق
وامـسى بنا في باردات الـهـبايب
ويـقـول خـلّوكم رويقين الأخــلاق
هـذا مــن الحـاضـر بروس الزّرايب
وإلاّ قديم العـلم له ليل وأشراق
مضت بنا هجف السّنين الدّعايب
وحـنا عـلى هالحال بجلال ودقاق
يـاخـوي فـيـنـا ضـايعـات الطّبايب
والكل مـنّـا للـعـنا يـطـرق أرمـاق
لكن عـلـيـنا يـابن عـمّـي رقـايب
أمـامـنـا والخـلـف وثنين الاشناق
مـا عـاد بالحـسبه نعـيد الحـسايب
رغـم اننا نـعـرف ذباذيـب الأبـراق
هذا ما تيسّر من تعبير جعلته لحبايبي الجميع هديّه للتسليه في هذا الوقت المشغل للأفكار الله يكفينا شر مسبباته والأهم من هذا تطبيق المحجّه البيضاء لا تخفى على الجميع/ و للجميع تحياتي وتقديري ؟ وألتمس العذر من الجميع
تعبير بدوي : وشايب ؟ وش عاد بقي
احترامي و الســــــــــــــــــــــلام