لاتشتكي

[اللحالي]

لا تشتكي همك على كل من جـــاك
بعض البشر يفرح إذا قلت مهمـــوم

يخفي سمومه بين همك وشكــــواك
يشمت بحالك و الحصيله شقا ولوم

واحذر من اللي ينقل الهرج لعـــداك
يظهر لك الطيب وهـو منــه معــدوم

قلبـــه مريض ويخلط السم بـــدواك
يعرض عليك الرأي و الرأي مسموم

وابَعَـــدْ عن إللي يستغلك لا جــــاك
تلقـــاه دايــم بين الأخيــار مذمـوم

احسب حسابك في كلامك و معناك
و سط المجالس كل ما ادليت بعلوم

خل سمعك اكثر من كلامك و فتواك
تلقى القــدر يمك من الناس ملـزوم

ولا تذكر افعالك بما تجود يمنــــاك
عنك الولي يدري ولك الخير مقسوم

و خلك مع إللي يشتكي لك وينخـاك
بك ينتخي من ضيم الأيام وهمـــوم

خذها و صايا تسعـدك دوم دنيـــاك
و احفظ معانيها تحفظك من اللـوم

صح لسان شاعرها

[همس الآيام]

الله عليه انشهد
صح لسان الشاعر وسلمت يمينك

على الانتقاء الرائع والجميل

شكرا لك

[اللحالي]

الأروع مرورك ي همس مشكوره يالاميره

تحياتيوتقديري