عسى الله يجيب

[اللحالي]

عسى الله يجيب اللي يصب أوله و أتلاه
سحابٍ من المنشا تسبّح ملايكته

سنا برق نوّه لا لمع من جهة منشاه
تفاجابه الأرصاد ماهي بـ مدركته

صدوق الحيا سيله يسابق غشاين ماه
على وجه الأرض وماه ما يسبق بركته

يجينا تقول إنه حزينٍ يجرّ إخطاه
على ما مضى نادم والأيـام منهكته

سبب من تركها لأشهب اللال والمضماه
وهي خدها لـ مزونه الغرّ تاركته

على اليابسة كنه يبي يسجد لـ مولاه
يالولا يد المولى عن الأرض ماسكته

ضحك ثم بكى سبحان من ضحّكه وأبكاه
مثل عاشقٍ تبكيه الأيام لـ أضحكته

تكاشف مزونه كنّ برقه من محيّاه
يصوّر مسايل ماه و يتابع إ حركته

غرام بدويٍ يتبع إبله ولا يشعاه
سوى بارقٍ فيه أكثر الناس شـاركته

تخيّل مخاييله لـ عيني و بـ إذن الله
يخيلونه أهل المملكة غرب مملكته

ويعمّ الله بنفعه ربوع الوطن و أرجاه
ولا عاد يبقى جيب في وسط بايكته

سلطان مطلق الشتيلي

[معيض الضعيني]

اللهم امين الله يجيب.الخير
وصح السان الشاعر مطلق
وسلمت أبو سلطان على النقل الجزل

[اللحالي]

تسلم يابو وليد جزاك الله خير واخوانك المسلمين