ياللي تسولف

[اللحالي]

ياللي تسولف كان مرّة بك سوالف طايشه
لاتندفع و يصـير لك مع كلّ دحـدار قرشي

تراك في وقتٍ به العـدوان حولك شايشه
والكل منهم ودّه أنّه معك في قضب شوشي

سمعت بجبال اليمن عفّاش مع عفايشه
لجلاجهم بكهوف روس جبال صنعاء يدوشي

و اللي بصعدا يحتوث في خنجره و بقايشه
بكلاشه و بجباله و قل وين أذنك ياحبشي

و اللي بغربك يالمسولف جاك في طرايشه
على ماقالوا مابهم من بالسّوالف يختشي

واللي شمالك من ورى الاردن وبك نوايشه
لو قلت وش حال الصّداقه قال لك مافيه أشي

واللي بشرقك من ورى البحرين صدره غايشه
و اللي على النّهرين حتّى بالنّظر مايرمشي

و انت اللي تناظرهم و لكن بنظرة هايشه
و انا على المصدار ياصبري و ياكود اعطشي

و الكل مـنّـا كاتمن صـبره على حـشـايـشه
مايصلح التّفتيش في صرح الزّمان الغشغشي

من شان بيت الله يصير الوجه في بشايشه
و كرامةٍ للمـصـتفى مـانستمع للوشوشي

كـم غـدرتن للرّافـضـي يـوقـع بـنـا بـلا يـشـه
و نعالج المـوقـف بجـزل الصّـبر وكتوم جهشي




اعتذار من الجميع باقي القصيده عيّايطلع للنّشر؟