اغرقتني بالجمايل ..

[اللحالي]

ان شاء الله انّي اكون صادق مع من يقرأون لي سوى كان ابيات او كتابات قصصيّه
بأنّي لي أساليب متعدّده منها تفضيل الانفراديّه بالتعبير الرّمزي تجاه أحبّتي
لكل منهم ما يتناسب مع مفهومه والاكتفاء بمايفي بالمفهوم
كما في هذه الابيات والمعني بها ::ابن العمّ الشاعر معيض علي الضعيني
ولمابيني وبين هذا الرجل من أخوّه خاصّه فضّلت التّحدّث معه كما في الآتي



‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎
يابو وليد اغرقتني بالجمايل=اللي موسّقهن جزال الهدايا
‎ ‎‎ ‎ ‎ = ‎ ‎ ‎
يامن حباك الله طبوع الفضايل=وجزل الطّمانينه وحسن النّوايا
‎ ‎‎ ‎ ‎ = ‎ ‎ ‎
يابن علي فضل الولي له دلايل=أوّلهن ليا عطاك جزل المزايا
‎ ‎‎ ‎ ‎ = ‎ ‎ ‎
وأبدلك في لهدات وقت العلايل=في ما يسرّك من لذيذ الشّهايا
‎ ‎‎ ‎ ‎ = ‎ ‎ ‎
وبارك لك بما تدركه من حصايل=واصلح لك عيالك وكل الدّنايا
‎ ‎‎ ‎ ‎ = ‎ ‎ ‎
وأمّنك من شرّ العدوّ المخايل=وأكرمك بالصّحّه جزال النّجايا
‎ ‎‎ ‎ ‎ = ‎ ‎ ‎
ذي جنّة الدّنيا بجزل الحفايل=لعلها لك من جزيل العطايا
‎ ‎‎ ‎ ‎ = ‎ ‎ ‎
يامعيض يامدرك فعول الجزايل=في وقت غالب طيّبينه شقايا
‎ ‎‎ ‎ ‎ = ‎ ‎ ‎
ماهو ردى في طيبين القبايل=لكن متى للغُفل تاتي جلايا
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎

[معيض الضعيني]

صح السانك يا ابو سلطان وتستاهل كل خير والله يمد بعمرك على طااعته وارضاه ويغفرلك كل ذنب وخطيه ويصلحلك النيه والذريه ياراعي المطيه


حييت يا راع البيوت الجزايل = يا اللي لك الجزلات عد الروايا
تبدع بقافك مثل بدع المثايل =شرد القوافي تعسفه كالمطايا
جتك التحيه من الضعيني تهايل = وسحابه وابروقها في سمايا
معبره عن مابقلبي وشايل = لكم قدر محسوب وسط الحنايا
مقداركم عندي كما اجبال حايل = وجبال حايل غلوها لطنايا
جيتك يابو سلطان ماله بدايل = ولاقدر اجزيكم بجزل العطايا
لوجيتكم اعداد ماسال سايل = مارد صاع بوصلكم في مجايا
لوكان راكب فوق قب الاصايل = ما ألحق الاول طليق السجايا
بحاول اواصلك بزود الوصايل = مادام راسي حي ويشم الهوايا
لعل يكتبلي بها الاجر طايل = في يوم يحسب فيه كل الخطايا
وتمسح اذنوب العبد يوم الهوايل = لامن وقف قدام رب البرايا
والمعذره ان كان قافي تمايل = ماكامل الا من علم بالخفايا


ا