طود الشكوك

[اللحالي]

يابو رغد قامت شكوكي تحوّفني
مدري وش اللي دعالأسباب جابتها

مايهي بعاده دغادغهن تخوّفني
كم دغدغت و الفكر خارق مهابتها

لكن تالي و قتها صارت تلاطفني
و بحالي اذواقها تعطي حبابتها

واخاف فكري على غيري يوصفني
ثم يمطر بساحتي وابل سحابتها

و اقوم اهايط اهياطن مايشرفني
و اقول يا عا ذيليني من دعابتها

قابلت فيها السعودي قال يؤسفني
اللي خذت باليماني طود كسبتها

وقابلت فيهاالصّعيدي قال بتكسفني
و قابلت فيها الشوام و قيل لابتها

و بحلت فيها و هي قامت تواجفني
و شلون ابرمج مع الامواج حسبتها

اللحالي الغيداني


اربع ليالي تمر ولاغفى جفني
محتار بالوقت و الدنيا و غبتها

حاولت فيها و عيّت لا توالفني
و لمحت فيها دروبن مير خبّتها

وعودت من عندها تايه وضافتني
قالت خذ العلم واوصيك بكتابتها

اللي خذاله من الايام ينصفني
واللي بقاله من السبعين سبّتها

واللي يشوفه بعينه مايحسفني
لكل حاجه صلاحية صناعتها

لا يتهمني مدامه صار عايفني
قبله بشر قد تمنتها و كبتها

وقل للسعودي وجيه اللآل ماتفني
لو عدّل النّسل بالغربي وغـربتها

وقل للصعيدي بمزحه لا يكتفني
والشام شامك وكل الناس هبّتها

الشاعر طلال الغيداني

[اللحالي]

صح لسانك يابو رغد شاعر مافيك حيله يالامير

(وقل للسعودي وجيه اللآل ماتفني)

تسلم يالغالي لافض فوك

[اللحالي]

على ماقال صدام الله يرحمه

(عفيه عليك)

[همس الآيام]

صحت السنتكم

ابيات جميلة يعطيكم العافيه

[اللحالي]

الله يعافيك يالأميره همس ويسعدك ويسترك واخوانك المسلمين

[سعد السمين]

صح لسانك يابو سلطان
وصح لسان الشاعر طلال
أبدعتم الله يحفظكم

[اللحالي]

صح الله بدنك ي ابو تركي وماعليك زود يالغالي