صح لسان شاعرها

[اللحالي]

كلام درر

العز مطلب والمراجل توافيق
والهون باب مالنا فيه مدخال

مالي على بعض المواضيع تعليق
واللي تشوف العين ما يشرح البال

اصد عما يفعلون المخاليق
لكن مايخفى على الله مثقال

وان شفت بيبان السعاده مغاليق
الصبر مفتاحًٍ على كل الاقفال

واذا لحقني من زماني ملاحيق
ازبن على منزل تبارك والانفال

الفقر ماعاب الرجال المطاليق
كما يعيب المال عبادة المال

جيل المصالح ينقضون المواثيق
والجيل الأول فرق عن كل الاجيال

عاشوا على شده وعاشوا على ضيق
لكن صاروا للشيم مضرب امثال

الجود مايبغى دعايه وتسويق
الجود بالافعال ماهو بالاقوال

الكنز ماهو بالذهب فالصناديق
الكنز معرفة الرجاجيل الابطال

صح لسان شاعرها

منقول