اسامحك بالخطا - فهد عيسى المحمدي

[اللحالي]

اسامحك بالخطا لاجل المسامح كريم=ياكثر ماسامحك وتعيد نفس الخطا

مدري متى تفتهم درب الهوى ياغشيم=تعيد نفس الخطا وابقى كريم العطا

لابد مايكتمل عقل الهوى للفهيم=يفهم بنظرات عين الحب لامن سطا

الوقت ماهو على حساب التعلّم مقيم=تمضي حياة البنادم مسرعه بالخُطا

مرة سحابة وصال تهل الاشواق ديم=تهل الاشواق وسط الصدر لين تغطا

قلبٍ ضناه العنا والهم وسطه نديم=مير انت تذبح شعوره بالجفا والبطا

الصدر خاوي ولابه غير عوجٍ هشيم=وانقوش حبٍ قديمه واسمك مشخبطا

قلباً صدق بالمحبه والغلا من صميم=اورّد الشوق ذوق ويصدرنّ اعبطا

اذكّرك بالغرام اللي ربا بالجحيم=واذكّرك بالجمر واللي بوسطه وطا

مع السلامه وهذا آخر كلاماً حميم=تلقى بحياتك سهوم اللي لقتلك نطا

[فارس الامواج]

صح لسان الشاعر

ونقل مميز من شخص هو عنوان للتميز ( اللحالي ))

والمسامح كريم

[اللحالي]

آيوالله اشهد ان ابوعبد العزيز ذكّرنا بالمفيد بهالقصيده
واشهد انّك فارس على ماقالو خانّا المصريين:بتاع كله
بالخياله اللي ماقدر احد قبلك يتخيّلها

(فارس اشرس كاين بحري) زين انّك حربي سلام

[معيض الضعيني]

الله الله لله درك يا ابو عبدالعزيز صح السانك واعتلا شانك وجزله من جزل لاعدمناك