سوّيت لي معروف

[اللحالي]

سوّيت لي معروف مجزات مـعـروف
واكلت انا في لحـيـتي شـرّ جـزواي

مـاعـاد ينـفـعـني تندّام و أحـسوف
في قصد فعل الخير حـصّـلت بلواي

اسباب من صاده من العسرصـادوف
و ابدالي المـنطـق بكـثر التّشـكـواي

وعـطـيته المـقـدور من حال ملهوف
وجـاب المـطـمّـه كامـله بالتّـعــدواي

الله يـصـيـبـه في مرض مابه اريوف
يـاخـالـقـي طـالـبـك قـبـلان رجـواي


خدين الليل اللحالي

[اصايل]

صح لسااااانك وبيض الله وجهك

ياعمي لاتندم على الطيب الله يسعدك
وجزاك بالجنه يارب ^^


أحترامي وتقديري



لاتزعل نفسك طيب

[اللحالي]

صادقه يابنت اخوي انا ماندمت على البذل الطّيب انا ندمت على المصيبه اللي حصلت من معرفه لي بيني وبينه معاريف وهو راعي الاوّله الصدق يقال لكن ردينا المعروف بعونن من الله ووقع بأحتياج وقضيت لازمه بسياره نيسان بيكب وراح على اننا نروح للمعرض لنقل الملكيّه ومن يسره و سكر الجوال وانا مأدل منزله في بريده بعد انتقاله من قريه
وانقطعت اخباره وبعد اربع سناوات يتصل بي ابو خالد زميلنا هنا عاثر على السياره مركونه بمكان تالفه وكود عن طريق الجهات المسؤله

حسبي الله عليه النّذل
رجل حولي بالسّن ابوعائله
الله يكفي شرّه
لكن استاهل

والعذر من الجميع أطلت الشرح مالي حق لكن لتعذروني

[اصايل]

مايخاف من ربي

ومعذووووووور

ربي يعوضك ياعمي انت سويت خير و
عند ربي مايضيع حق

انا اسفة من غير قصد جبرتك على ذكرها

كل احترامي وتقديري

[اللحالي]

عادي يابنتي حنّا ماذكرنا اسم وكل يبي يلقا وفقه