ديوان الشاعر عويّض الغيداني

[اللحالي]

اليـوم سيّـر لــي خـويّـن مخـاويـه
ورضــا عـلـيّ بـحـال و بـحـال عـيّـا

ولاهمّنـي يزعـل ويرضاعلـى خيـه
همّـي علـيـه انـكـان مـابـه حمـيّـا

العقـل والحكمـه و مـابـه و مافـيـه
ماتنـصـب الـرّجـال مــن غيـرشـيّـا

مانلحـق الخـوه واهلـهـا مشـاريـه
نتعـب علـى مرضاتـهـم هالسـويّـا

لا اخطـاء حديـنـا بـالـرّدا مانجـازيـه
نــجــزاه بـالـنّـوّمـاس و الـمـقـدريّـا

مـاحـاز مرضـاتـه و قـــدره نحـيـيـه
و لا لـه امجالسنا حـلـيّ و سمـيّـا

و فـي لازمـه علـى بعضنـا انبدّيـه
نجـود لــه مــن مــا نـجـود و تهـيّـا

طـبـعـن لهـلـنـا مـاقـدرنـا نـخـلّـيـه
وضـح النّقـا مـاهـو كــلام السعـيّـا

و ان كـان للـفـوّاز شـيّـن امخفـيـه
مأضنّـتـي القـانـون يـحـمـا الغـبـيّـا

وان كان ضاع الحق من عند راعيه
يستاهـلـه لا جــاه هـــرج القـفـيّـا

[اللحالي]

ياسعـود وقتـن صـار فيـه انصفاقـه
صـرنـا لعـذبـات الـعـلـوم نـتـشـوّق

اللـي ذبحـه الجـوع واللـي بفـاقـه
واللـي ذبحـه الهـم واللـي مــروّق

اقلوبـنـا يـاسـعـود صـــارت رقـاقــه
اللي تعاف السّوق قامـت تسـوّق

مـن عقـب ماناخـذ عليهـم ذواقــه
الـيـوم كـلـن مــن طـرفـنـا تـــذوّق

سايـس اومـورك لاتجيبـك حماقـه
منت بسعه والدرب قدمك مضـوّق

دربـن يجـيـه مــن المـقـرّد دراقــه
تبـي النّجـاه و بالنياشـي مـطـوّق

اعلومـهـم دايــم لــك الله ادقـاقــه
وكلن علـى الثّانـي يحـب ايتفـوّق

خوذ الحذر واحتـاط مـن كـلّ عاقـه
مـادهـور الاشـنـاب غـيـر المـعـوّق

محدن يسوق بدون رخصه سواقه
علـى الطريـق اللـوق دايـم تلـوّق

[اللحالي]

ابي اتراجع عن اللي قلت وانساها
يامـا غدالـي مـن الروحـات والجيّـه

الكلمـه اللـي تعـز الـرّوح ماابغاهـا
و العنـدلـيـبـه بـدلــهــا عنـدلـيـبـيّـه

مير الـف مبـروك خذهـا ثمعطناهـا
ترى البسـاط احمـدي والنيـه النّيّـه

دام الرّعيـه بامـان ووسـط مرعـاهـا
الله يخلّـي السـعـودي للسعـوديـه

وش عادلـي فـي حضـرت محيـاهـا
اللي وراهاءالخطـر ميـه علـي ميّـه

ومـن جابهـا بيـن خلـق الله وودّاهـا
يصبر علي سم راس الداب والحيّه

قصـه قديمـه وأنـا ضّيـعـت معناهـا
الله و اكـبـر عليـهـا مــن اهجيـنـيّـه

ازريت حالـي اعـدّل مـن خطاياهـا
من شان اعدّل خطاياء الغير بيديّـه

[اللحالي]

سفينـةٍ بالهـواء واقفـت عليـهـا الـهـواء
كم يومن اصبح علـى الامـواج قبطانهـا

ياما عليها انتعشت وششت بعدالطّواء
وأخـيـر مــن تجربتـهـا طـيـب برهـانـهـا

الـرّاس مرفـوع وألّعبـه عـلـى مسـتـواء
دنـيـا لهلـهـا بـشـوش وتخـلـف ألوانـهـا

كم من حواهـا وفارقهـا عقـب مأحتـواء
وكم من بخيتٍ تصـدّق مـن غلااثمانهـا

هــي كلـمـةٍ قالهـامـن قالـهـا مـاغــواء
سمعتـهـا وأفـتـخـرت بـــروس حيّـانـهـا

مـن كـلّ ديـره تــروّ وحــط لــك مـرتـواء
تـلــقــاه لابـــــارت الـدّنــيــا بـخـلاّنـهــا

ومن لا ألتزم بالصّـلاة وديـن ربّـي هـواء
وهذي هـي الـدّرّه اللـي فـوق ميزانهـا

[اللحالي]

يـابـوي فـرقــى مـــن نـــوده تـعـاسـه
يشهد لي الماضي وتقدير الإحساس

راجعـت ديـوان السلـف فـي حماسـه
وقلّبـت صفحاتـن بـلا حـرف واطــراس

قـلـبـت صفـحـاتـه بـعـقــل وفــراســه
وأخذت لي مع ماضي الوقـت مـرواس

مـن واهجـن بالجـوف داسـه وحاسـه
ولا أظن في بالـي نمونـه علـى نـاس

قضـيـت ثلـثـن مــن حيـاتـي دراســـه
فتنه على قاسي تخصص بالاهجـاس

أجّــــل صـبـاحــي وأتــحــرّا دمــاســه
ليلـي رحيـل لأصبـح الصّبـح عـسّـاس

مـن حـول شكّـاي التعـب واعتمـاسـه
لو كان ينعم في حياتـه علـى سـاس

علـى ارتيـاح النـفـس حـظّـه قيـاسـه
وأنـا علـى فلكلـور شعـبـيّ الأتـعـاس

أعـيــش فـبـعـاث الـدهــر وافـتـراسـه
لـي سجتـن غبـره تحـلـى بـالأونـاس

والــــدّم فـقـراتــه تــعـــوّض يـبــاســه
وأنــا أتـعـوّض مــن عـدمـهـن بـيـبّـاس

والعـمـر فــوت وضيـقـة الــروح يـاسـه
أيــام مـعـدوده ويـرجـع عـلــى يـــاس

وش عاد لـو طـال الثمـر فـي غراسـه
ثمره من الغرسـه علـى سـن غـرّاس

يـامـا حــلا طـيـب الـكـرى والـونـاسـه
فـي عثعثـن مخليـه ربـي مـن النـاس

يجـلا عـن الخـاطـر ويـرفـى مسـاسـه
ولـلــرّوح لــــذّه تقتـنـيـهـا بـالأنـفــاس

عن شوف من دار الرّحى في هراسه
عـفـن العـلـوم معـقّـب الـعـز والـبـاس

ورجلـن يحـب الحسحسـه والبـلاسـه
أشهـد شهـادة حـق مـا فيـه نومـاس

عيبـن عـلـى الطـيـب وعــار ودنـاسـه
لا صـار لـه مــن لابـتـن تـرفـع الــراس

غيـرة حقـود وسـاس خبـث ونجـاسـه
بنفـوس عفنيـن المذاهـب والأنـجـاس

مـا يسلـك الـجـدران غـيـر البسـاسـه
يـا ذيـب أعــزك لا تحـلّـى بالأبـسـاس

[اللحالي]

ابـن زويبـن مــات قبـلـه سبيـلـي
اللي بشعـره طـوّع القـاف تطويـع

ولحقه بـدر والاكلبـي والعسيلـي
وصياف ابن عواد مع متعب امطيع

واللي بقاء منهـم قفـاه الرّحيلـي
ما دامت الدنيا للهلهـاء المطاميـع

والشعر يبقـى والمشاعـر تزيلـي
و لا حـــيّ إلاّ وادعـــوه الـوداديــع

الـدّايـم الله والبـقـى بالحصـيـلـي
يشفـع لعـبـدالله نـهـار التشافـيـع

[اللحالي]

القلب.. في. حب.. . الغنادير.. زاني
بيضن.. على. درب. المخاطر. تـرادم

وليا. عذلت. القلب. عنهن.. عصـاني
وليا.. جـبـرتـه.. قـال.. طـبـع. البنادم

عـلى.. نهــر. ذوقي. يتل.. السـواني
وكـبـدي.. وشرياني.. تغذاعلى الدم

وليا..حديت ..النفس ..عنها.. حـداني
وليا... حـدتني ..عـنه ...منها. ..تندم

وان. قـلت .ياقـلبي .ونـفـس الهـواني
واحـد. عـكس. .دربي.. واحـد ..تقدم

القـلب .مـخلص .في. جميع .المعاني
والنفـس. تبني. في .كـياني. وتـهــدم

واسلمـت. للواقـع. بعـضـمت. الساني
لا اخلا بعـال الصـوت مـنهـم ولا اعـدم

[اللحالي]

يأبن الحـميدي عـنك ماعـنك صـدّه=لكنّ جـوّي صـار فـيـه انـعـكاسـات

ماكنت احـسب ان القرابه مضـدّه=وتسعى ورى تدمير مايعني الذّات

كـنـت احـسبـن ان المـودّه مـوادّه=تـبـقـى ولا في تاليـتـهـا حـراكات

وأثـر الـمـودّه بالـقــلـوب المـغــدّه=طبعٍ لعـفـنـيـن المذاهب وعادات

ولا ني بحـال مـزمـّلـيـن الأشـدّه=وصـيتي مـن والدي تـرك مـافـات

أمّـا انـت مـثـل ابـان عـلـمٍ نـردّه=شـامـخ ورمزٍ للوفـاء فـوق ابانات

رغم الظروف بـحيلك اللي تـهـدّه=تبقى زعيم وهامتك فوق هامات

يوم الضـعـيّـف راس مـاله مـخـدّه=ربّي رفـع حـضــرة جنابك دراجات

قـلـت الكـلام وصـرت يامـيـر قـدّه=ياسيفي اللامع عـلى كل شامات

قـلـتـه و قـولي مـا أتـرجّـى مـردّه=وترجمت مافي خاطري عدّة ابيات

يامـيـر مـانـسـمـع صـياح المـودِّه=اللي مـن الجاره عـلومـه طريفات

اكـرمـك ربّـي عـن مـعـدّه وجـدّه=وتـعـيـش رمـزٍ للوفـاء طيب الذّات

ويا حـلوهـا حـلواه فـزعـه .. ومـدّه=يأبن الحميدي بالليال الـصّـعـيـبات

مـعـروف يافـيـصــل و لازم نــردّه=بأذن الـعـزيز إلهـنا مـحي الامـوات

يوم الدهر دربي عن النّاس سدّه=حققت لي حلمن غدت فيه صكّات

بـيـديـك مـعـروفـك لجـيـبي تـمـدّه=لعـلـها لك في مـوازيـن حـسـنات

ولك يـابن بـتـلاء مـاتـريـد و تــودّه=آمـر وانا سـيـفـك بكل المـهـمّـات

ماينجزي راع الحـسـانــي بـضـدّه=وألله يـبـلاء مـن يـضــدّه بعــاهـات


الشاعر عويض محمد الغيداني

؟مجاراة





بـدّ السلام وصـادق الشّوق بـدّه=على الامـيـر وبـلّـغـه بالـتّـحـيّات

واطلق عنان الفكر والحـبل مـدّه=الله خلق لنا الفضاء والمـحيـطات

لياصار نصـف اليابسه مـجرهـدّه=باقي الكواكب قاضـيه بالمـدارات

الـحـرّ له جـنـحـان مــحـدٍ يــردّه=لوضاق ماضاقت عليه المساحات

ومثلك ليا عـانا من الوقـت شِـدّه=مـايتـخذّ مـوقف حصـون ودفاعـات

عِزّك ليا صـدّت وجـيـهـن مـصــدّه=وشفت العوايق في طريقك صعيبات

فـيـصـل سـلاحـك للـنّـوايـب تـعــدّه=شـيـخٍ مـقـامـه فـوق كل المـقـامات

هيهات تلقـى اللي يـسـدّ بـمـسـدّه=وهيهـات تنجب مثله البيض هـيهـات

ابـوه قـبـلـه وارثٍ طـيـب جـــدّه=له في سنام المجد بصمه ورايات

امارته من سـاسهـا مـسـتـمـدّه=ماجـت بـحـشد اعلام ولا دعـايات

مـدافـعـن بالواجـهـه مـسـتـعـدّه=مثل الجبال الشامخه كل الاوقات

هـم السـلاح اللي سـريـعٍ مـردّه=هم درعنا بعـد الولي بالمـهـمّـات

مـدحي لهـم مـاله حـدودٍ تـحـدّه=لكنّ للتعـبـيـر والشّـخـص طـاقـات

هذا ولي عن ساحة الشّعـر مِـدّه=ولانـي حـريـص أجاري ابيات بأيات

لاشك جـتني رايـعـه مـسـتـجـدّه=مـن شـاعـرٍ له بالنّـوادر سـجـلاّت

خـلّيـتـني أحـاول بـسـاقـتـك هـدّه=مـنهـا أستـفـيددروس وأطوّر الذّات

وإلاّ الـبـحـر مـالي بـجـزره و مــدّه=ماني مكلّف بالـعـقـد والمسـافات

مالي مع أهل الغوص مركب وعدّه=لـلـبـحـر سـاداتـه ولـلـبـر سـادات




الشاعر مساعد عبيّد الغيداني

[اللحالي]

ياللي براسك شيب وبعارضك شيب
تـبـى تـجـيـك بـقـوم و إلاّ تـجـيها

طـعـني وريـح ياكـثـيـر الـعـذاريـب
قـدام تـزعـلـنـي و تـزعـل ذويـهـا

جربت من لوعات بـقـعـا تـجـاريب
ومن خبط عشواء ماحسبنا يديها

وبسدودنا مايلحـق الشك والرّيب
حـنـا نـعـذل انـفـوسـنـا و نـهديها

من طيب مسمتنا على منقع الطيب
إن بـدي الـفـزعه و نشفـق عليها

تركض وراهـا ناشف الريق والجـيب
و هي لـعـبتي لازال وألعب عليها

لا شتقتها عـديت روس المراقـيب
ومن فقدهـا ماهل دمـعي عـليها

مثلي مثل غـيري وطبع الـلواعيب
ناسن تبـا هـلهـا و ناسن تـبـيـهـا

من طـيـب اهـلها مالحقنا عذاريب
ومن شين اهلها ما عترفـنا عليها

يخطي بها واحد وكم واحد مصـيب
ومن ذاق حـبّ الطـيبه مـانسـيها

ما ننحني منها لخضر المـشاعيب
ندرا على السمعه ونضحك عليها

نضحك على الزينه ونبكي علي الذيب
ذيبن عـواء و الـجـوع مـنها و فـيـها

[اللحالي]

ياليتني يـاحـمـود طـاوعـت نيره
يومنها يا حمود تضرب لي امثال

ويا ليتني ياحمود ماخترت غيره
ذاك الدريب الي يحول مع الجال

جال الوطاه ام الصخورالخطـيره
عـسـيـرت الـمـلـوا عـلي كل حيال

شاهد عـصـر على مـقـام الامـيره
اللي لها المعروف في كل الاحوال

جـتني بلعلم و فيه معناء وغيره
بـسـلوب ويجابي و لافـيـه سـؤال

ابـدت بادب وبكل عقل و بـصـيره
وراحـت بـعـهـدوعـد وعلوم رجال

ماكنت احسب احساب سالم وزيره
ياراس راسي ما قدم عينك اشكال

راسـي تـصـافـقـه الـريـاح و تـديره
وما كان يخطرلي ويطري على بال

حـتـي وقعـت بفخ من لا استشيره
ولاله علي كسب النواميس مدهال

صـور لي الـدنـيـاء بـصـوره كبـيره
وراحت حياتي بين الاقفـاوالاقبال

اتـبـع هـوا نفسي على غـيـر سـيره
لـيـن انـتهـيت بوضع مزري وبطال

وسقت القدم ياحمود مع كل ديره
اسعاء وراء حضن عليه الدهر مال

وجربت والتجريـب ماهـو مـعـيره
برهـانها ابرك من هلا القيل و القال

مـنـهاء تـعـلـمـنـا عـلـومـن كـثـيـره
واحسن فوايدها عن الي للناء قال

يالله عسى في تـالـي الامـرخـيـره
وعرفت صدقاني وتالـيت الانـذال

صغير و اختي بـالـمـعـانـي كـبـيره
منهاء لبست البشت وشماغ وعقال

[اللحالي]

اقفيت لي مع سيد واقبلت مع سيد
ونسيت سيـدً مـن سيـاده عـظيـمـه
دربً عـليـه رمـوز صـدر ومـواريــد
ذكـره شـرف ماهي مغـالـط عقيـمـه
عـليه لـه سيـفيـن ومـشمـخه غـيـد
مـع رايـة التوحـيد مذهب وشيـمـه
دربً لـشمـطـان اللـحـى والاوالـيـد
فوقـه غــزال الكـور و شـداد ريـمـه
ياعبيد انا قصرت مـع حضرة فهيـد
غفـله واثـرها يابـن عـمـي جـريـمـه
انبـت نـفـسي ولحـقـتـني لـواهـيـد
هـذا حسـب فهـمي وغيـري فهيـمـه
بالـغت بالـموضوع مـالي مـقاصيـد
الا بحـق اهـل الـريـاء و الـنـمـيـمـه
اما انت تكفيك الاشاره على الصيد
ولايـنـكـر المـعـروف نـاسً حكـيـمـه
رمسـت بالكـلمـه على غـير تحـديـد
والـحـر يـفـهـم والبـهـيـمـه بـهـيـمـه
مـن يدعون الشعـر بيدي لـهم قـيـد
بـقـفـل اعـجمـيً لاويً فـيـه سيـمـه
تلقى براسـه عهـد نـاس ومـواعـيـد
اللي عـن الواجـب يـذب الخـريـمـه
والـكـيـكـهـان اللـي وراه ومـلابـيـد
امتيح وضريـغـط مع اخته حليـمـه
عـابـلـهـم يـاعـبـيـد مـلـح البـواريـد
مـنـي ومـنك لـكـل عـي وسـقـيـمـه
ياعبـيد واللـه مالـها عنـك ياعـبـيـد
ان كـان لـه عـنـدك مـعـزه و قـيـمـه
الصاحب اللي عيد الـعام فـي عـيـد
عيـدً مـن الحـسـبه و عيــدً غـنيـمـه
ومـن لا تـغنم مثـل عنتـر وابـو زيـد
ياعنـك مـالـه بالـنـواصـي شـكـيـمـه
ابا اضـرب الامثـال تـاره وابا اعـيـد
ذكـرى وابا احيـيهـا و خـوه قـديـمـه
لعيـونهـا ياعبـيد ما انقص ولا ازيــد
كـلـمـه لـراعيـهـا وقـدر و حـشـيـمـه
ادرا عـلـيـهـا مـن كــلام الـهـرابــيـد
ومـن طيب اهلها مارضيت الهزيمـه
وحنا لـها ياعـبيد في جـرهـد البـيـد
اللـي لـهـا بنـويـشـي القـبـع سـيـمـه
وهـذي صفـاتً للـرجـال الصـنـاديـد
ماضـي وحـاضـر والنـوايـا سلـيـمـه
ومن لابـدا النايف وجاب التواكيـد
ابـوه *سـعـد *اللي يفـارق مقـيـمـه
تـرى المقام الشيـن نكـبـه وتعـقـيـد
لا حـدك الله بين خصم و خـصيـمـه
سـمـري حسـيتـه للـدلال البغـاديــد
وسيدي عكسته وكتبولي قسيـمـه
نبلش من اخـطانا ببـعض المـقاريـد
ومن العيـاء ما نسـتـمـع لتـعلـيـمـه
و ان كان ماجتنا علي كيف ما نريـد
وش في فنا الدنياء لنا من عــزيمـه
انـاشــد الـطـيـب بــدر الانـاشــيــد
والا الـردي مـني عسـاه الحـريـمـه
اللـي لـهـا بـالـكـبـد مثـل العـبـاريـد
روس الرصاص اللي مذرب زمـيمـه
ولاودي افتـح باب لاهـل المنـاقـيـد
كـالـنـود يسـري بالـظـمايـر نسـيـمـه
من لامـني ياعـبيد عـسـاه مايفـيـد
ويموت ما يملك ويـطـرد حـريـمـه
ياقل جنس عبيد و الصاحب فهيـد
خـويــهـم مـايـلـحـقـونـه شـتـيـمـه
و لا اقول انا الشاعر زعيم القواصيد
ذوقـي مـع الشـعـار رق الجمـيـمـه
الله ينصـر من على الحـد والحـيـد
لاجل الوطن وأمنه عسى الله يديمه

الشاعر / عويـض محـمد الغيـداني

[اللحالي]

يـاصـاحـبـي لايـبـعـدنّك حـضـايـب
عـني وناصـاحـبك ياطـيّب السـاس

انكان للصّـحـبه و اهـلهـا نجـايب
ابنجب المرسول من فوق عرماس

اقفا بـعـلم ولي بـعـد مـنه جـايب
لكنّ عـاد بـداه ريـشـه و قرطاس

وشلون تصخيبي معاء كل خايب
وانا الّذي رفعت قدرك على الراس

لاجـيتني لأسـمك دعـيت القرايب
ولارحت قلت افلان ياعدم الاجناس

مـاسـمع بك الهزله ليا صرت غايب
ولياء حضؤت انشوم عن كل هلاس

مـير اسـمع اسـمع كانها بالمـعايب
من لابدى النومـاس مـافيه نومـاس

خـلّـك زبـونـن لــلـرداء و الـطّـلايـب
مـحـدن بنا له بيت من بنك الافلاس

قدمك كيان وفيه مـخـطي و صـايـب
ولا انته وكيل ادم وحواء على الناس

و ان عبت ماني مثل حضـرتك عايب
و من لايدوس الرّاي كد قـيل ينداس

عـلّـه مـهـفّ امـقـيـط ورشـاه خـايـب
ياماء غـداء للنّاس من جـوهـر وماس

ولا هي علي الجوهروفرقاء الصحايب
و سـط الـبـحـر درّه و لؤلؤ و غـطـاس

شف عارضي من ماء جراء ليّ شايب
من صـدّة الطـيّب و من غي الانجاس

يا ماء حـسـبـت لكل شارب حـسايب
وياما لهـم قـرّبـت و ابـعـدت الارمـاس

لـيـن انـهـا طـابـت عـلى غـيـر طـايـب
و اسـلمـت للواقع و سـلّـمـت للياس

ياسي من الصـحبه وبعـض النشـايب
اللي لـهـا نـاسـن يـحـدّون الامـواس

[اللحالي]

سلام - يافيصل - وسلام ياكويت
يادار - منهم - بالشجاعه -بنوها

باالارض عفريته و بالجو عفريت
و سط - البحر داراتهم -حكموها

بحرآ تخافق فيه سفن ويواخيت
غبطانها - دون الحريب احتموها

مسيرةٍ يفخربها - الحي و الميت
شامت لخومريم على من بغوها

ياطيب المسمت وياشايع الصيت
لك منزله بالروح في بيت ابوها

كنك ملك تامر وتنها على البيت
والمنزله من طيب اهلها ولوها

ولٌيٌت بذكر الله وبسمه وسميت
وقريت وردي والملوك اكتبوها

مؤمن - بما أنزل و فيهم وبديت
ذكرالله - البادي علي من تلوها

ومهمابديت وقلت عنك و توريت
بجمايلك - ياعزوتي - كل ابوها

دايم بذكراها لااصبحت و امسيت
ترجمتها - بأبياتها - و اسمعوها

لوقلت مهماقلت - فيكم وسويت
جميلتي - تسبق واهلك اسبقوها

عويض الغيداني

المردّ

عنّي و عن من في كنفها - تربّيت
يامرحبا - ترحيب - --لافضّ - افوها

مرسولها - لا زان - طلعك و عديت
أسرع من إرماشة هدب إخت اخوها

وأغلى من الكمبودي العود والزيت
اللي - من أقصى - آسيا إستوردوها

وأحلى من الشهد النقي عالي الريت
اللي - من بطون - المسمى جنوها

سورته - بالفرقان - لا من تقصّيت
ستة عشر - ترتيبها - فهرسوها

بالصاحب اللي في مواصله انابخيت
و سريرته - بالشك - ما غثربوها

شاعر - وقرم - وللثقيلات زنتيت
ونوادره - بين - الضلوع احفظوها

على - مواجيبه - شراره وكبريت
ماهو -بمن عرض المناكب عطوها

لو كان في نجد العذيه ورى هيت
وانا بـ هوري - بين - كبر وعوها

قدره - بصدري - حافظه ماتوانيت
اوخوّته - ينبض - قلبها - ما نعوها

عساك سالم دوم لن رحت وإن جيت
أنته ومن - سمع - البيوت و قروها


فيصل عوض

[اللحالي]

ترى القصايد فن و سلوب و افكار
ومن - لايثمنها- -يجوز - - ايهضمها

قلته وانا - شاعر - وتلميذ - شعار
ولي هاجسن با اهل النبط واحترمها

اللي - قصايدهم - بها نوع - معذار
في - بطن -راعيها ولا احدن فهمها

وربعي هلا الطولات وافين الاشبار
ارفع - على - روس المعالم علمها

قومن - لهم - عندي مكانه ومقدار
ما أبني بوسط اسوارها و اهدمها

ولا احدن يبايرضاء علي نفسه العار
حتي - اتصيّد - غرّتي - و اغتنمها

ما اسمع - بربعي كل حاقد وهذار
اصلي وفصلي عزوتي و احشمها

وان كان ياباجد -ورى القصد دوار
اهل الدّور - حنّا - لزوم - انهزمها

حنّا طيورن - للسهد -سر و جهار
قل له يعرف- اكتابتي من قلمها

ون كان ماء يفقه علومي وماصار
قل له -يثبت - حجته - من عدمها

واللي - يبيلي شر - ناويك - بأشرار
وما قل - دل - بكلمتي- واستلمها

عويض محمد عويض

[اللحالي]

من لا يثمّن - كلمته - قبل يحتار
الصمت له عن بعض الاقوال حكمه

خذها من الي غاص ببحورالاشعار
و عانق - دغاليبه و حوته - وفقمه

ماخاب من درّه و لاحاش محار
و ماطاب له من ناقد الشعر نقمه

سقت القدم مع كل وافي ومغوار
و من ما تهيا قلت والصمت حكمه

عويض محمد الغيداني

[اللحالي]

في برّ - آمان - ولال - أبليس طاري
فجئه - لاني - وياه في حي الاوهام

لي في مضيقن - مجلسه مستعاري
متربعن - قدمي - على - شكل صدام

قلت - انت صدام العرب - قال ساري
معناك - ياعويض - على بحر الاحلام

قلت - أتعقب - مأسرّي - البيت عاري
طير السعد - حضّي - وانا وانت قدام

قال انت - ماتدري - ولا انته بداري
لكن - تعوذ - من صحيبك -من اشمام

قلت - انت - غادي مادرى عنك غاري
لو اتعوّذ - منك - ياء - كيف - ابا انام

قال - انت من ذوقي -وطبعي تماري
قلت - ايه - بس - من البكت - 5اقلام

توّي - جديد - و بين - بايع - وشاري
وكلن - يساومني -علي روس الاقلام

قال - انت - وش لك يوم -فيها تماري
كنك - براس - الاشعلي - دون -للزام

قلت - انت عار -ومسكنك في مجاري
تبغاني - اصدق لك وانا -وانته اخصام

اضحك - علي - غيري - ومخ - التجاي
امّاء - انا - مؤمن - ولي دين الاسلام

وصحصحت - يومنه سراء كل ساري
بس - البكت - باقي - بلا 5 - الاقلام

عويض

[اللحالي]

ايوالله اسمي وامر القاف وانهاه
مثل العلم من فوق جزل القوافي

اسـمي و عنواني عـلـي مـا تـوراه
بسلوب واستفهام من قلب صافي

ما اعلوج الساني علي غير مسماه
وعن صـف ربعي ماتلفّـت اخلافي


و الرجل مايحقر و لوشانت الرياه
و لاله علي مقـسـوم غيره ملافي


و الخط واضح يابو صالح وتقراه
وفي منـزلـة غـيـري تثير الخلافي

و تقـول تكتب يا عويض و تمحاه
و قـصـايد الـرجـال لإسمه أضافي

عـلـمـن تلـمّـح به و علـمـن تورّاه
و لايبيّح المكنون غـير الـخـوافي

وان كانـهـا منّي خـطـيّه و عيبهاه
عليك مرضى بالخـطـا يـالـسـنافي

اتعب على مرضاة شخصك وشرواه
لـعـيـون مـا بيني و بـيـنـك ووافي

لعيون منصور الصبيحي واخـوياه
اللي. لـهـم. فـوق الـمـروه. مـلافي

ومن كبّر الشّرهه و شانـت نـواياه
يزعل و يرضى والنتيجـه عـوافي

وان سـل لك منصورسيفـه بيمناه
للنّفـس حـقّ و للضّـمـير أرتجافي

منصور يبشربي ونا رهن شـلـفـاه
وهاذي تواقيعي وهـاذا اعـتـرافي

عن الرّداء منصور يكرم مـحـيـاه
ولا تلحق الشكات غير الـضـعـافي




عويض محمد

[اللحالي]

في وقـتـهـا لاجـات غـايـة مـرامي
مـنـهـا استمد لطـاقـتي وارد البير

اللى لـه المـعـروف حقـه اشـمامي
رد الـثنا فى حـزتـه قـيـمـتـه غـير

درعـن يـتـوجـبـه جـزيـل الكلامي
باللي لهم منصا و مـاقـف و تاثير

لك ماقفن مـايـنـسي يابو سـامي
طلق الحجاج ليالفوك الخطاطير

في ساعـتن نوّ الخلا مـايـسـامي
متصروعن بجباه جرد العـثـامـيـر

دوّن افجوجه مـاتـسـرّ. الـمـقـامي
تـنـعى مضـاربها. زحـول الـمناعير

احـترت ماني فـاهـمـن بـالـعـلامي
بين الجمـوع اللى تـهـز الـطـوابير

في مشهدن مؤسف ونبرة كلامى
تنبيك عنما فيّ من دون تقـصـير

ولـوّحـت بـالـيـمـنـا. برد.الـسـلامي
وحييت فيك ومنك غنّا لي الطير

بسـلـوب أحلا من شفا كل ضـامي
قـرقـوح يـنـبـوعن مصفا له بزيير

واحلامن اللي زام من فـوق زامي
در الـشـنـاح اللي وبرهـا شـعـاثير

و احلا من اللي بين روس النوامي
ممزوج بخـلاص الحساوأهل تمير

وسقت الحمـيّا ياندا سوق شامي
عقاب حرش طمـوحـات الـبواكير

ماني وانا عويض بضنوت حرامي
در الـمـسـوح اللى بـهـادمّ خـنزير

لي مـع سـكارا نجد درع وحزامي
منكم و إيليكم على الشر و الخير

في حـقـكم مـاتـرحـمـون التـهـامي
أهل السيوف الى تقص الحـنـاجير

وفي مجدكم حكمه وذروة سنامي
فعلن تحدث عنه مـعـتـق بتقدير

وهـنـي من مـعـكـم ولو بالكلامي
بسلفي وذكرا وردهـا والمـصـادير

عويض محمد الغيداني

يـامـرحـبـا بك. ياعـزيـز. الـمـقـامي
يـاشـاعـرٍ مـاعـنـه. صـدّه و تـبـريـر

اجاوب اللي يـسـتـحـق اهـتـمـامي
الى وصـلـني مـنـه بـعـض التعابير

صح الله السـانك كـمـال و تـمـامي
يامصخرٍ صعبات الابيات تصـخـير

بالشعر قسمك من عـلو الـسـنـامي
و مكانتك ضمن الرجال الشـواعير

يـاعـويـض محمد عـداك الـمـلامي
عطيتني عن بعض مـاصـار تـقـرير

تـثـنـي عـلـيّـه يـاكـريـم. الـكـرامي
من طيب راسك يازبون المخاسير

وضح سـبب صـوتٍ يـجـر الكلامي
من شـان نـعـرف لـه علاج وتدابير

و ابـشـر بـعـزك. يـاقـوي الـحـزامي
مير ان بغـيت بـجـاه و الا دنـانـيـر

انا رفـيقـك بـالـخـطـر و الـسـلامي
و انـا عـويـنـك بالليال الـمـعـاسـير

و انا خويك بـالـرخـاء و الـزحـامي
في حزة الشّـدات و الا التـيـاسـير

ولاهي غـريبـه بينـنـا يـالـقـطـامي
يالاشقـر اللي مملكوه الـصـقـاقـير

و حنا قرابه في خوال وعـمـامي
بيني و بينك مـاتـجـوز الـمـعـاذير

انس الهموم وحطني لك محامي
واللي تبيه يصير باذن الله يصير

لاتقول انا محـتار مـادري عـلامي
اطلب تجد ماتطـلبـه دون تاخـير

و اقبل تحياتي و جـل احـتـرامي
والمعذره وان كان بالشعر تقصير

نداء الغيداني

.....................

جـيـيـتـك عـنـدي غـالـيـه يانـسـيبي
و اغلامن اللي بالحشـا حطم الجاش

اللى بـصـدري مـنـه حـاش النصـيبي
جـرحـن يئنبني وانـا مـنـه مـنـداش

مـوجـود. لاكـنـي بـحـالـة. غـريـبـي
حالة غريبن نيش من عقب ماهاش

ومـا قـدّر. الله. لـلـبـنـادم مـصـيـبي
مـاعـنـه لاحـيـلـه و لا عـنه منحـاش

عـلـى. فـراشـي و اتـذكّـر. حـبـيـبـي
اللي وانا غايب رحل فوق الإنعاش

ورى الثراء جسمه وانا في مـغـيـبي
شرقأ عن الصمان غـربأ عن ألـطـاش

ديـرة هـل الـتاريخ عـوق الـحـريبي
اخوان مريم مروية حدب الاعطاش

يـم الـكـويـت اللي لـهـلـهـا نـصـيـبي
لـحـرّيّـة الـطّـيب و تحطيمـة.اللاش

حـرّه.. ابـيّـه.. لـلـكـيـان.. الـرهـيـبـي
تغسل بدم الـجـوف عن كـل هـتـاش

آل الصّـبـآح مـطـوعـيـن الـصـعـيبـي
بجموعهم ماشمـخـت سـيـره ألواش

عـنـه اكرم اكرم يانـسـيـبي صحيبي
ياشوق بنت العود زاهـيـة الاقـماش

عـودن يـثـيـرمـن الـفـزع بالحضيبي
لاراق جوّه و الهـوا يـنـعـش انـعـاش

امرض على فـرقـا عـزيـزي و طـيـبي
و عـلـى دروبـه.دايـم الـدوم طـرّاش

لك يا رباح الحق و انـا اسـتـجـيـبـي
وعينن لك وساده وعينن لك افـراش

عويض محمد الغيداني