ضعون الجزيرة

[اللحالي]

وش فيك ياجزّاع تشكي مواجيع=ماجيت لك بمسببات الاوجوعي

هذا الصّحيح ان كان تبي التّسانيع=وشعاد آسوّي في شناع الاوضوعي

حلايب أضعون الجزيره مضاريع=والضّرع مابه رضعةٍ للرّضوعي

ضاعت آمالك يامدوّر قراطيع=وبانت آمال القلقسي والسّيوعي

الله يكفينا شرور الفواجيع=والوقت ياجزّاع هذا يروعي

واقول قل لي وش نفوع المناجيع=يامنتقدني في كثير الشّلوعي

تراي دارس في مناهج توابيع=واشوف تبعك مختلف عن تبوعي

يامن تشوف انوار عقلك مواليع=مابه لغيرالله سجود وركوعي

واللي من أوجاله اعيونه دواميع=مايسكتنّه مرسلات الذّيوعي
௦
الرّد=
௦
يالفكر في ليلك نجومك سواطيع=مير السّحاب يحول دون السّطوعي

ولاني مطرّد بالغداري جرابيع=ولو اشوي الجربوع ماسدّ جوعي

وانت تعرف جوعي يخلج الأضاليع=وضيافتك ماكمّلت لي اشبوعي

والصّدر ماهو مرتعن للمراييع=ولاني بهجّان القعود الرثوعي

ياماوياما بالضروف المراويع=واقول ياحالي تحمّل ريوعي

وش فدتني به ياكثير المقافيع=غير المشوع اللي شعاها المزوعي

والناس تاخذ حقّها بالتّشافيع=لو بالصروف المختلف بالشروعي

وانا تلاوفني احذوف المقاليع=ومن كثر ما صاليك شانت طبوعي

يامن موارّى لك تجيد التّصاويع=واخذت بدروس المناهج بروعي

انا خذيت من التّجارب تلاكيع=وسكّرت عن كثر اللجالج اسموعي



خدين الليل السرهيد
و
اللحالي الغيداني

[اصايل]

صح لساااانك ياعمي جزاع
مبدع ماشأء الله تبارك الرحمن
والله يسعد قلبك

تقديري واحترامي

[اللحالي]

صح بدنك يالاميره اصايل

والله يجزاك الخير ع جزالة الاشاده منّك يالجزله