اوجد رساله

[اللحالي]

يافـكـري اوجـد رسـاله مـن زلايلـهـا=عـنوانها لايبين منين ووين وجـهـاتـه
اكـتب رسـاله تشـعّــب لك رسـايلهـا=وعـنـوانهـا يبحـل الافـكار شـفـراتـه
وأليا أكـتمل سـردهـا واسـفـر كلايلها=ويرقـابهـا الفكر في عالي مـسـاراتـه
يبحث بها وين تاقـف بـه سـجـايـلـها=لـعـلّـهـا حــايـزه فـي غــزر غــايـاتـه
وانـا بـسـولـف بـهـا واذكـر ذهــايـلـها=لكن ابي اصـيـر جـاهـل في سـواياتـه
ماهي بحـمـطه بخـيش شوال كايلهـا=و لافـيـه مـن يـقـدر يـعـزز طـمـوحــاتـه



اللحالي الغيداني

والمعذره من الجميع؛؛؛؛ على خرفعة التعبير؛؛ لقصد

والعرف مايعرض على العارفين

[ابو مناحي]

الله
الله الله
الله الله الله

صح لسانك واعتلا شانك
بصراحه مطلع القصيده بيت ذهبي
ولايستغرب على ابو سلطان
والقافيه مميزه وغير مستهلكه
ومن اعجابي بالجزاله جاريتها بابيات
عسى تكون قد المقام اما المضمون مدري وين
نية ابو سلطان ههههههههه

[ابو مناحي]

شفرات الافكار لو تخفي دلايلها=بعض الردارات يلقطها بشاشاته
بروق تبرق ولا تمطر مخايلها=يومي بها الغربي بكيفه ومشهاته
وعدل المسارات ماهو مثل مايلها=وبعض المسارات ماتامن ملفاته
وقدح الزنود اللي تشب بفتايلها=يجهل بها اللي يضيّع في حساباته
واللي يدينه تكلبش من فعايلها=مايكشف الجاني الا اثار بصماته
ترميه بين الافاعي في مسايلها=وعنوان مكتوبه يحطم كل هقواته



ولك تحياتـــي وتقديـــري
http://haaarb.com/up/uploads/14084030871.jpg

[اللحالي]

قدّ المقام ومليار ياشاعرنا ومديرنا كفو عليك

يالامير وتاج الرّاس ,, ابو مناحي

آيوالله ان كلامك بصلب المقصود يالغالي

الله يجزاك خير الجزاء واخوانك المسلمين

ويمدّ بعمرك على طاعته

[اصايل]

صح الله ألسنتكم وبيض الله وجيهكم
أمتعتونا متعكم الله بالصحه والعافية
كل التقدير والاحترام