طلّاب حقّ !!

[اللحالي]

مساجلة بين اللحالي وبين الشاعر :

بادي خليوي البدراني الحربي


الشاعر بادي /


‎ ‎‎ ‎ ‎ = ‎ ‎ ‎
يا فلان أنا برفع لـك اليـوم شكـواي=يا ريف من ضاقت عليه المساعـي
وريف الضعيف ومركز الطيب والراي=ومسقي كبود الضدّ سمّ الأفاعـي
وزبن الضِّعيف اللي مِن الضّيم جلّاي=وستر العذارى فـي نهـار الدِّواعي
……………………………………..=شاعـر غزيـر وبالمعـانـي صنـاعـي
طـلّاب حــقّ ورايــدٍ مـنـك الـوفـاي=واحذر من المخلوق ساحر وداعـي
وانشـدك عـن قصّـة عذابـي وبلـواي=ونِقرت حضوضا والرِّقيب الزِّراعـي
ومخيمر اللـي بيـن الأجـواد حكّـاي=لو كان شايب عنـده الحـقّ ضاعـي
من عقب ما هو بيـن بايـع وشـرّاي=الـيـوم بالمـيـدان صـايـر شجـاعـي
دنيا عطت بعـض الأجاويـد الأقفـاي=وأهل الرِّدى والظلم فيهـا سواعـي
وأنشدك عن عذرى لها جملة أبناي=ما يشتكون من الظمى والمجاعي
ستّه واساميهم غريبـه بالأسمـاي=والكـلّ يحكـم دور وأمـره مطـاعـي
وأنشدك عن رجلٍ طعامـه من الـماي=بالمحكمـه منصـوب ضـدّ النِّـزاعـي
فاهـم حكيـم وترجمانـي بالإمـلاي=متعـلِّـمٍ كَـتْـبَ الـفـرد والجـمـاعـي
والوقـت هـذا شـبّ نــاره لمـكـواي=وعصبت راسي من تزايـد صداعـي
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎




ردّ اللحالي /



‎ ‎‎ ‎ ‎ = ‎ ‎ ‎
حـيّ الجـواب الّـلـي بقـافـه عـلـى الآي=بـــداه بـــادي مـــع طـريــقٍ سـنـاعــي
جــــواب سـلِّـمـتـه يـمـيـنــه لـيـمـنــاي=ورحّـبــت بـرسـالــة نــقّــيّ الـطِّـبـاعـي
فهـمـت معـنـى قــاف جـيِّــد بـالإمــلاي=وعبّـرت أنـا مـن خاطـري مـا استطاعـي
مـــع مـنـهـج الأبـيــات ســــارً نــوايــاي=بالـرَّمـز والَّا الـشَّــرح مـــا لـيــه داعـــي
بـــادي ومـــن مـثـلـه فـهـيـمٍ بمـعـنـاي=مـاهــوب بــحــلان الـفـهـيـم الـبـراعــي
ومثلـه يسامحنـي لـيـا شــاف عجـفـاي=فـكّـاك مـــن صـكَّــت عـلـيـه الـقـلاعـي
حـــرٍّ ليـامـنّـه نـــوى الـخـصـم بــــدلاي=تــثِّــر مخـالـيـبـه طــعـــونٍ وســاعـــي
وريــــفٍ لـضـيـفـه بـالـكــرم والـتِّـهــلَّاي=مثـلـه جـزيـل الـنَّـفـس ذكـــره يـذاعــي
وريــفٍ عـلـى الجـيـران لــو منـهـم وذاي=صــبّــار بـالـشِّــدات عــنـــده مـنــاعــي
وأنــا أحـمـد الله طـيِّــب ومـــن دَنـايــاي=وطــول أذرعــة ربـعـي يـطـوِّل ذراعــي
ومطلب وفاك أبشر بـه إن ردت قضـواي=مـا يضيـع مطلـوبٍ وهـو بـاسـم داعــي
الّـلــي يـفــلّ الــحــقّ يـجـيــه طــــوّاي=الّا الــــــذي ودّاه غـــابـــة ســبــاعـــي
وإذا إن مقصـودك تبـي تقـيـس جــدواي=أنــا أشـهـد أنّـــه راح فـكــرك ضـيـاعـي
أنت امـش فـي مسعـاك وأنـا بمساعـي=وأنت اسكن شراعك وأنا أسكن شراعي
وحـذري مــن السَّـاحـر مـولَّـم بمخـبـاي=ويـبـيـن مــــا خــفّــاه والـنّـيــم يــاعــي
وأطـــرد وراه لـيــن يـشـكـي خـطـايـاي=ودمـعـه مــن عـيـونـه يـسـيِّـل تـلاعــي
عسـاه مـا لـه مـع هــل الخـيـر نـعّـاي=مانـيـب مــن يـرحـم خـبـيـث الطِّـبـاعـي
وإمَّــا الِّــذي سـبَّــب عـذابــك بالـخـفـاي=إن جــاك مـنـه الـشَّــر فـأنــا الـدِّفـاعـي
والّلـي تـقـول إنّــه بـيـن الـنَّـاس حـكَّـاي=طـاغـوت والطَّـاغـوت مــا لــه شفـاعـي
وإنّ طشّـه الله يـا ابـن عـمّـي بمـرمـاي=أدَّبــت فـيــه الّـلــي بـســنّ الـرِّضـاعـي
لـو كـان مـا فـي قتلـتـي لــه تنشـمـاي=حـيـث انّ بـاعـه مــا يـجـي ربــع بـاعـي
وعـذرى ذكــرت عيالـهـا دون الاسـمـاي=يـــا كـثــر مــــا مــــرَّوا بـلـيَّــا نـفـاعــي
نــعـــدّ مـقـفـيـهــم ونـــعـــدّ لــلــجــايّ=ولا استـفـدنـا مـــن عـيــال الشَّـعـاعـي
والّلـي تقـول انّــه بـيـن الـنَّـاس قـضَّـاي=هـذاك فعلـه مــع هَــلَ العـلـم شـاعـي
وإذا انّ وقـتــك شـــبّ نـــاره لـلاحـمـاي=لا تـرتـخـي ويـصـيـر حـيـلــك رعــاعــي
لـيـا شــبّ لــك الـنَّـار رشـــه بـطـفّـاي=لا تـسـلَّـم أمـــرك لـلـدَّهــر والـنِّـزاعــي
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎