الله يسامح صاحب (ن) مايتوبي

[ابن حران]

سلطان لاتواسي.. ولا تقول للي روق
لا تقول اروق،، و ثم اشقق جيوبي
البآرحه صدري من الهم مخنوق
كنه مجودني بزارير،، ثوبي
العين ذايب دمعها داخل ..الموق
والقلب باقي له شوّيِ ويذوبي
اغيب لي ساعه من الحزن وافوق
هم (ن) طغى با الفكر واتعب اجنوبي
ليه الغدر .!.؟.ولاتنسى لي حقوق
وليه الخيانه.؟! تبتدي منه صوبي
وفيت له والفايده دم محروق
والجسم ناحل مايل(ن) للشحوبي
تدري وش الي فاتق (ن) كبدي فتوق..!!
اني وفيت وهذي اكبر ذنوبي
لن الوفا بابه بها الوقت مغلوق
هذا زمان الكاذبه واللعوبي
اضّحك مع العشاق.. وتصير معشوق
وتحب كذابه .. تحب الكذوبي
وتدري وش الي زايداً فيني العوق
يومنها ضاقت بي اخر دروبي
رفعت كفيني كذا للسما فوق
ودعيت لي دعوه بوقت الغروبي
دعيت له من غير لا اشّعر ولا افوق
الله يسامح صاحب (ن) مايتوبي
واللحين يا سلطان لا تقول للي روق
ياكيف اروق وحبه اكبر عيوبي.؟؟؟

سعد بن فهد

[اللحالي]

تدري وش اللي فاتق(ن)كبدي افتوق=انّي وفـيـت وهــذي اكبر ذنوبي
:::::::::::::::::::::::::::::::::::::::::::::
رفـعـت كـفّـيـنـي كـذا للـسـمـاء فوق=ودعيت لي دعوه بوقت الغروبي

صح لسان الشّاعر وسلمت يدي النّاقل

تقديري للجميع ياهلا