ابو مناحي
04-06-2016, 06:12 AM
بين جرح من زماني وفكرٍ ما استراح=من يجمع كل فكر ويداوي للجروح
آهـ من قلبٍ شكى الهم مدري من جراح=الوكاد انه من الهم بالخافي يبوح
كن في جوفه ميادين زرقات الرماح=والسبب مشروح مافيه داعي للشروح
كم سنينٍ روّحت بالكفاح بلا نجاح=والمكافح حدّه الظلم للوقت الشحوح
ضاعت حقوق وقضايا بعصر الانفتاح=وراعي الغدر يتفوّق على القلب النصوح
والفساد يديره اللي لبس ثوب الصلاح=ظاهره صالح وخافيه شبهات ونقوح
والبواخر بالبحر لامجي ولا مراح=دونها موجٍ على مدرج المرسى جموح
وباتجاه السير عيّن يهبن الرياح=الرياح معاكسه والبواخر ماتروح
وحكمة الله بالغه مايغيرها اقتراح=والعزا في كلمة اقدار مكتوبه بلوح
وابشروا ياللي لبستوا بماضيكم وشاح=اقبل الحاظر تباشيره الغرّا تلوح
والكلاب اللي تنابح ومكسبها النباح=الكلاب كلاب لو جات بالصوت البحوح
والنباح سلاحهم مالهم غيره سلاح=والسباع سباع ماردّها الكلب النبوح
والمخايل برقها في عروض المزن لاح=نسمع الرعّاد والبرق بالمنشى يلوح
ولاتهل الا هماليل بالسم الذحاح=كم روحٍ سالمه منه وازهق كم روح
بشّرو من يعترض في طريقه بالصباح=سيله يعم السهل ويتعلا بالسفوح
انتهى وقت الحيل والمجامل والمزاح=بزمرةٍ ولّا زمنها غموضه والوضوح
واشقر الجنحان من فوقها رف الجناح=وكل مارف بجناحينه الورقى تنوح
من يقول رزاح بالدرب تبقى ماتزاح=يبشر ان رزاح راحت وعاشقها يروح
=ناصر الشميلاني
آهـ من قلبٍ شكى الهم مدري من جراح=الوكاد انه من الهم بالخافي يبوح
كن في جوفه ميادين زرقات الرماح=والسبب مشروح مافيه داعي للشروح
كم سنينٍ روّحت بالكفاح بلا نجاح=والمكافح حدّه الظلم للوقت الشحوح
ضاعت حقوق وقضايا بعصر الانفتاح=وراعي الغدر يتفوّق على القلب النصوح
والفساد يديره اللي لبس ثوب الصلاح=ظاهره صالح وخافيه شبهات ونقوح
والبواخر بالبحر لامجي ولا مراح=دونها موجٍ على مدرج المرسى جموح
وباتجاه السير عيّن يهبن الرياح=الرياح معاكسه والبواخر ماتروح
وحكمة الله بالغه مايغيرها اقتراح=والعزا في كلمة اقدار مكتوبه بلوح
وابشروا ياللي لبستوا بماضيكم وشاح=اقبل الحاظر تباشيره الغرّا تلوح
والكلاب اللي تنابح ومكسبها النباح=الكلاب كلاب لو جات بالصوت البحوح
والنباح سلاحهم مالهم غيره سلاح=والسباع سباع ماردّها الكلب النبوح
والمخايل برقها في عروض المزن لاح=نسمع الرعّاد والبرق بالمنشى يلوح
ولاتهل الا هماليل بالسم الذحاح=كم روحٍ سالمه منه وازهق كم روح
بشّرو من يعترض في طريقه بالصباح=سيله يعم السهل ويتعلا بالسفوح
انتهى وقت الحيل والمجامل والمزاح=بزمرةٍ ولّا زمنها غموضه والوضوح
واشقر الجنحان من فوقها رف الجناح=وكل مارف بجناحينه الورقى تنوح
من يقول رزاح بالدرب تبقى ماتزاح=يبشر ان رزاح راحت وعاشقها يروح
=ناصر الشميلاني