إلا ليا صلّيت

[اللحالي]

أنا هواي وشفّ بالي ليا شفت=وضحن لهن بعلوّ دخنه مفالي
من غرب أبو نبطه ليا سكّة الزّفت=يرعنّ في جوّن من الوسم سالي
والعود عند الذّود من بعد ما شرفت=يرودهن هذاك هو شفّ بالي
يزعج لهن صوتن ليا لجّ به خفت=وتقول صاب الذّود عينة اجفالي
ودوّجت في وسط المغاتير وانكفت=واخذت عن خاطر كريم السّبالي
هن شرحة الخاطر ليا شفت ما عفت=وإن شفت من رسم التّمدّن هبالي
فليا وصلت الذّود لو ما تحروفت=عندي وزن درعان صرف الرّيالي
وليا بغيت الحورفه ما تكلّفت=مليت صطلي من حليب المتالي
حتّى ليا جوا ربعنا ما تحسّفت=أكرمتهم من درّ وضحن زلالي
خلفات ما قادن ومن الطّمع خفت=جبرات مكرمهن على كل حالي
لو من حشاي وثومة القلب علّفت=يرخص لهن عمري وحالي ومالي
وصفت لين انهيت ما تقل وصّفت=عندي مقابلهن بكل المعالي
إلاّ ليا صلّيت فالبيت وأطّفت=وسلمت من ترديد قيلن وقالي


= ‎ ‎ ‎

الشاعر مالك جزاء الغيداني

[اصايل]

صح لسان الشاعر ابيات راااااقيه
تسلم يمناك ياعمي على النقل الرااااائع
كل الاحترام والتقدير

[اللحالي]

الله يسلم المديره من كل شر

ويجزاك خير اصايل