الشّايب

[اللحالي]

في إحدى طلعات اللحالي مع زملاء له يصغرونه سناً
حين تجاذب أطراف الحديث .. يكثرون من مقولة
يـالشايب في الطالعة والنازلة فجاءت الأبيات :


‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎
يالِّلي تقولون شايـب قلـت لـه سبّـه=وأنــا فـخـورٍ بشيـبـي مـــن بـدايـاتـه
أنـــا الَّلـحالـي خـديـن الليل وأحـبّــه=بحـر الدّجـى مــا بحـلـتْ وش بغبّـاتـه
مانـيـب تــوّي بـعــرفٍ فـيــه متـنـبِّـه=سـبـع وثلاثـيـن عــامٍ فــي متاهـاتـه
أنشد نجوم السِّماء عن دربٍ أرغب به=الله خـلـقـهـن لـتـحـديـد اتّـجـاهـاتــه
أوّل شبـابـي عـلـى الـفُـرد أتَمـلـوبّـه=يـا مـا حـلا مـع فجـوج الـبـرّ شوتـاتـه
وخِـرج المعاميـل والفَـروه مـع الجِـبّـه=ولـيـا وقـفـت أتــذرَّى فــي كْـفـاراتـه
وأمشي خطوط الصّحـاري لـو تِعذّبّـه=مــا فـيـه قـــارٍ تقـيّـدنـي مـسـاراتـه
واليـوم أنـا شايـب ولا زال لــي هَـبّـه=مثـل هَبـوب الشِّمـال بصلـف هبّـاتـه
إليـا تناولـت الأحـمـر بـيـج مــع خِـبّـه=ثـم راح يَغْنِـج عـلـى تهـويـس يايـاتـه
وقامت تجاوب كناديسه وأنا ألعـبّ بـه=مـع خايـعٍ مـا وطـى بـه جِـرّة رعـاتـه
وش أنــت يالِّـلـي تـغـازل زيـنـة ألَّـبَّـه=بالسّـوق وإلا عـلـى مخـمـل كنَبـاتـه
العشـق مـا هــو لـلِّـي ضـايـعٍ طِـبّـه=اللـي فقـد بنت عـمِّـه غـايـة منـاتـه
لـه تالـي الِّليـل دامــه يَـقْـدَر الشَّـبَّـه=ويصلِّـح البـنّْ عـلـى كـيـف مشْهـاتـه
بـعـدٍ انقـضـى ركعتـيـنٍ طـالـبٍ ربّـــه=إنّـه يعيـنـه عـلـى تحقـيـق مَرضـاتـه
إليـا رحـل مـا لــه إلا مــا تِـزَهّـب بــه=الِّلـي يعـيـن لـيـا كِشْـفَـتْ حسابـاتـه
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎