شبيه اخته

[اللحالي]

انشدك عن رجلن تغيّر مكانه
من أوّلن مكروه واليوم محبوب

اخذ محلّه واحدن من اخوانه
واخذ محل اخته مقدّر ومكتوب

واصبح شبيه اخته بتالي زمانه
مايلبس الغتره ولايلبس الثّوب

يالرّبع تراه ماهو ليّ فيه واحد ماله عضويه بالمنتدى ويبي يكد الشايب عن طريق الوتس آب

وانا ماودّي اعلم انه نافل سالم الغيداني

[فارس الامواج]

حياك الله أنت وصاحب اللغز والجميع في هذا المنتدى الغالي

حل اللغز ( يوم السبت )

[اللحالي]

وصلت من عندي ونسمع من

المرسل التّاكيد

[اللحالي]

انشدك عن رجّال فرّق خواته
نزل عليهن ثمّ خلّن له الدّار

ماقصدهن يوم رحلن مبغضاته
بس الزّمان يطوّع صغار وكبار

وان طال عمره يرجعن زايراته
ويبقن بجنبه ساكناتن وحضّار

اللغز مرسول ياعرب

[ترانيم حربيه]

ماشاء الله على فارس الامواج ماخلانا نشارك

تسلمووون جميعا

[ترانيم حربيه]

اما اللغز الثاني ماني مخليته اخاف يجي فارس ويحله هههههههههههههه

وش رايك في التاج والنجمات للضابط

[اللحالي]

رمعه قويّه مثل ماقلت له لكن

مالك لوى ؛ حسب كلام راعيه

ياترنومه

[ترانيم حربيه]

لاياجدي انت الحل صحيح انشدك عن رجّال فرّق خواته هذا التاج

في رتبة الرائد العسكرية (التاج) بعد النقيب (3نجوم) اذا حصل عليه

يبعد النجووم ويجي مكانهن متاكدة

[اللحالي]

قلت لك مالك لوى

على قول راعيه