رحلت يابدر الحويفي

[أيوب البلاجي]

رحلت يابدر الحويفي وخليت

السمعه العطره وجزل المعاني

والطير وديار القنص والمكاشيت

والطيب بين الناس قاصي وداني

فرقاك ياريف الخوي شايع الصيت

هزة عسى ربي يبيحك كياني

مافيه شك انك عن الحي قفيت

مير العوض في طيبين المجاني

نعم العيال اللي على الطيب ربيت

سلمان وخوانه طوال اليماني

محزم ظفر ماهوم رخوم وسرابيت

اعيال عم ومن نوادر اخواني

تمت وانا بالقلب مثل الدناميت

والدمع لامني نهيته عصاني

سعد المحمدي

[الهاشمي]

الله يرحمه والمسلمين امين
نسمع بيه وبربعه
صح لسان الشاعر وماقصر

[اصايل]

صح لسان الشاعر والناقل

الله يرحمه ويغفر له ياارب

كل التقدير

[اللحالي]

صح لسان الشاعر والنّاقل

والله يرحم ابو سلمان

واخوانه المسلمين آمين

[رجآوي]

الله يرحمنا وموتانا وإنا لله وإنا إليه راجعون

كلنا راحلين نسأل الله حسن الختام

صحّ إيمانك والقائل