تغريدات الشايب [الأرشيف]

اللحالي

12-27-2014, 09:57 AM

احسب انّك يالسنافي بالمدود قريّب=والرّموز اللي لمقصود الهدف مرصوده

وان حصل لك قبل ترقدبالفراش شريّب=الغبوق اللي على بعض العرب ياكوده

لو وصلت لموسكو عن ليبيا متنيّب=كان شفت الكنغرس بمثلّث البرموده

ينتهي بالنّوم باقي للهروج إحسيّب=يالرّهيب اللي مدادك ماعرفت حدوده

للنّعيم اللي مفلّي في دعوب جذيّب=نام راعيها وهي بالدرهشه موعوده

من يبي يجذب لهاالماءمن مجمّ قليّب=بين خلق الله على عدٍّ اعطاش اوروده

الله يكفيني هواشك يابو مناحي بغير قاصر بالباقين

معيض الضعيني

12-27-2014, 11:25 AM

الله الله يا ابو سلطان درر ومرجان من وسط بحر اللحالي وصح السانك وجزله من جزل لاعدمناك

اللحالي

01-01-2015, 10:23 PM

لو قلت لي كلمه على غير مقصود=وتعرّضت لمنقدين الهروجي
وش ياجب أسوّيه في صدق مردود=لياقام منضوح السوالف يروجي
ان قلت ابي اجامل تخدرت ببرود=وان قلت هرج الصدق قالوا بيوجي

ترانيم حربيه

01-02-2015, 05:12 PM

احسب انّك يالسنافي بالمدود قريّب
والرّموز اللي لمقصود الهدف مرصوده

وان حصل لك قبل ترقدبالفراش شريّب
الغبوق اللي على بعض العرب ياكوده

لو وصلت لموسكو عن ليبيا متنيّب
كان شفت الكنغرس بمثلّث البرموده

ينتهي بالنّوم باقي للهروج إحسيّب
يالرّهيب اللي مدادك ماعرفت حدوده

للنّعيم اللي مفلّي في دعوب جذيّب
نام راعيها وهي بالدرهشه موعوده

من يبي يجذب لهاالماءمن مجمّ قليّب
بين خلق الله على عدٍّ اعطاش اوروده

الله يكفيني هواشك يابو مناحي بغير قاصر بالباقين

والله اني كنت اقول الشايب اصله طيب

شايب يحسب حساب لنزلته وصعوده

شايب قلبه نظيف وطاهر( ن ) وحبيب

وما يحب الشوربه لو كان فيها فووده

بس بعض احيان اشك بنيته واغيب

ويش يعني بالكلام ويش هو مقصوده

في كــــلامه دايم يحط البعيد قريب

وكل مطلب منه ترجمته يزيد عقوده

اسفه على اللقافه بس قلبي طيب

ودي اني مااتدخل بس انا مقروده

ههههههههههههههههههههههههههههههههههه

اسفه على اللقافه ياجدي انت

اللحالي

01-02-2015, 05:37 PM

والله اني كنت اقول الشايب اصله طيب

شايب يحسب حساب لنزلته وصعوده

شايب قلبه نظيف وطاهر( ن ) وحبيب

وما يحب الشوربه لو كان فيها فووده

بس بعض احيان اشك بنيته واغيب

ويش يعني بالكلام ويش هو مقصوده

في كــــلامه دايم يحط البعيد قريب

وكل مطلب منه ترجمته يزيد عقوده

اسفه على اللقافه بس قلبي طيب

ودي اني مااتدخل بس انا مقروده

ههههههههههههههههههههههههههههههههههه

اسفه على اللقافه ياجدي انت

يابنتي والله انّك محشومه عن اللقاف إلاّوالله ميانةٍ ترفع الرّاس

الله يرفع قدرك يابنتي / بالنسبه للترجمات ؟ غيّر جبل ولاتغيّر طبعه

واسلوبي هذا يادوب يجدي مع جدتي &

ومليار ترليون شكر لك ع القصيده والله نها جزله من جزله

((حتى الشوربه صارلها رونق خاصّ بالابيات))

ههههههههههههههههههههههههههههههه

ترانيم حربيه

01-02-2015, 08:55 PM

يسلمك ربي ويطول بعمرك على الطاعه ويسعدك دنيا واخره

ويخليك لنا ومايحرمنا ربي من وجودك بيننا وسعة صدرك

وصبرك على هبالنا ياجدي انت

اللحالي

01-06-2015, 01:23 PM

يأرض الجزيره ليه صرتي رخيصه=وأستسهلو في قيمتك بعض ناسك

البعض منهم رايدك بالنّقيصه=ماكنّ ساسه من منابيع ساسك

وين الرّجال اللي بقدرك بخيــصه=اليوم طاطي للخسيسين راسك

اللحالي

01-07-2015, 01:28 PM

ياقذر طغيان اليهود المريكان=وياوسخ خطتهم مع الدّاعشيين

كل الهدف على العرب ثورة ايران=وقطعت علاقاته مع الرو سييّن

ومساعد الموساد من مصر الاخوان=على تحاورهم مع التّركييين

يالشّام ياماء مقبلن لك من أحزان=على الرّفض يالشّام مالك عوينين

اللحالي

01-07-2015, 06:22 PM

يالله مدّ بعمر زيزوم الاسلام=مافيه غيره وقتنا اليوم زيزوم

ياسيّدي العالم الله بالانجام=لكن حروف اللي بالافجاع مصدوم

طيحتك بين يدين خطلين الاكمام=صابت جسايمنا بمسمومة اسهوم

وتكالبوا من حولنا فسد الاذمام=يالله عسى قويّ الايمان محشوم

يا عالمن في مالنا فيه تعلام=لاباليمام ولا بمن فيه ميموم

اللحالي

01-20-2015, 12:00 AM

إليكم هالاجابه حصلت في إدارة جوازات بالقصيم بسبب لبسي لماغ شامي

من الابيات هالبيتين

قالوا عراقي قلت نعم عراقي=قالواوش اللي جايبك قلت الاوفاق

ولافيه فرق بشايدين السّناقي=ان كنت بالقـصيم وان كنت بعراق

هاذي جزيره للجزيري مساقي=في عرضها وبطولها للقدم ساق

وحنّا عرب مهما حصل من عواقي=تذهب عوايقنا وللبعض نشتاق

اللحالي

01-24-2015, 03:14 PM

رمز؛ برقي ؛ بأسم عرب وعجم؟

ياحيّ ياقيّوم يا ألله راجيك
تعزّنا يا ألله في عزّالاسلام
يامن تغمّدناجزايل حسانيك
تجعل لنافي شامخ الصّرح مقدام
يمشي برايتنابمجهود يرضيك
وعن واجب التّوحيد مابه تلعثام

اللحالي

02-02-2015, 01:46 AM

احمدك ياللي ماتعدد فضايلك
ياموجدن فكري وعقلي بروحي

يامطيّن فضل النّظر من جزايلك
وعلم القلم لمدوّرين الرّبوحي

بـتـجارةٍ حا نو تها يشبه الفلك
يامن لمن يرجيك مانت بشحوحي

اللحالي

02-04-2015, 11:43 PM

لاتنشد النّاس عن خافي سرايرها
لوفي سرايرك مايطلب تنشّادك

ادرس خفاياك لو طالت سوايرها
بينك وبين العليم بخافي اسدادك

ترى السّدايد ليا بانت قرايرها
في قلّ منفوعها تلقى تحشّادك

اللحالي

02-18-2015, 06:16 PM

حبايبي ؛ بعض بني آدم / جامعين النّذاله والخساسه والغدر والخيانه والخداع والقذاره ؛يكرمون النّزيهين من المسلين ؟ ويتسببون في مالايليق بالمسلم؛؛؛؛ ولافيه أحقر من اللي يقول وهو ليس كفو لقوله / حقير الحضري اللي يتشمّت فالبدو ؛ وحقير البدوي اللي يتشمت فالحضر و هم جميعهم يشهدون ان لاإله إلا الله وان محمد رسول الله
(السموحه ياحبايبي تعصيبة الشايب قشرى)

يامسببينٍ بالنّفوس الحزازات
والله مانتم للعواقب زعايم

لوثارت النّعرات فيقشرالاوقات
صرتم بهايم يكرمن البهايم

قصدي جبانتكم بوقت المهمات
تضيع هرجة خاربين الذّمايم

اللحالي

03-16-2015, 01:28 PM

ياجاحد النعمه كفالله شرّك
يالله لاتعمّنى في بلاويك

يامخرّبن حلوك بحنضال مرّك
يالله عسى من صاري المرّيسقيك

اللحالي

03-16-2015, 07:23 PM

FGFGMzYHL4o

اللحالي

03-25-2015, 12:56 AM

الصّاحب اللي متعبتني عسوفه=لو ما عسفته طال فيه النقاشي
قبل يتسطّر بالقلم صعب اشوفه=وليا تبيّن صابني باندهاشي
وفيه الكلام ملوّعتني حروفه=يوم النصيب اسند عليه انتعاشي

اللحالي

03-29-2015, 02:03 PM

امثال شعبيّه
سئلني وقلت

قال الجزيري ماذا

قلت الجزيري

ان جعت اطعمك وان زمرت لطمك

قال الشبابي ؟وهو يقصد قبايل شبابه

قلت الشّبابيين

بالعلم فقها وبالطّيب شبها

قال على هالحال انت منهم

قلت وليّ الشّرف نعم

قال لاتنساني قلت هلابك

اللحالي

04-02-2015, 04:07 PM

بسبب ماشاهدته في رسايل الواتس اب

لاتنشرون اخبار واطين الاخطار
لجل الوطن ماحسّبوا للمنايا

ادعولهم فالنّصرفي سرّ وجهار
في ماتجاه اللي عليم الخفايا

وادعوا لميّتهم معى سيدالابرار
في ماردن للحوض يوم الضّمايا

من دون مايعلم خسيسين الاشرار
ولا لفرحتهم تشــــــــاد الحكا يا

اللحالي

04-09-2015, 09:41 PM

تهب الهبوب وينشي الغيم من منشاه
وتسمع رعد وتشوف برقه وهمّالي

لعلّه على دارن بها الربع ينثر ماه
حراوي سبعة أيام في قدرة الوالي

وفي كلّ شهر إعيد ويزيد في عطاه
كرامه من الله للعزيزين مسبالي

اللحالي

04-15-2015, 05:54 AM

يامرحبا في كلّ من يدرك الطّيب
في منتدى من يفتخر في شبابه

وبكلّ منهم بالجزيره تراحيب
أحلى من ثعول المطرمن سحابه

ترحيبتي في مدركين المواجيب
مع سمح بال وطيبةٍ مع حبابه

اصايل

04-15-2015, 07:47 AM

صح لسانك وبيض الله وجهك
مدونه راااااائعه
ياعمي جزاع
تم التقييم^^
دمت بحفظ الله

اللحالي

04-20-2015, 08:17 AM

صح بدنك يابنت حرب
ـــــــــــــــــــــــــــــــــ

واقول

انا ليا ناظرت في زرق الانواط
ترعش عروق الرّاس ثم أستشاطي

ويلوفني مع التنرفز تخرباط
ودموع عيني تنوصف بالشّواطي

وان قمت ألاحق جمر ناري بملقاط
مثل الهبيل اللي به ألانفراطي

اللحالي

04-21-2015, 04:39 PM

بسبب متمشعر بمقاصد تجاهي بأحد القروبات

يعني متمشعر بصفصفة هرج لذالك لم احفض منه شي

قلت من باب المداعبه لهذا المتمشعر لكونه قريب

يالشّاعر اللي ماقدرت افهمك زين
حتّى لوانّي صرت معك متشانق

انا اشهد انّك شاعرٍ تفضخ العين
لكن جماهيرك لها الوقت خانق

وش عاد لو لك بالغزل والمزايين
وجبت البيوت بلابسات البخانق

ذيك السّوالف رمزها بين قوسين
وبين الكواكب يملكن الرّوانق

يروق فيهن من صنوف الثّقالين
متضيّفين مع الكوارع نقانق

كلٍ يبي يقول وين الميامين
اللي بجزل الذّوق لهم دوانق

هذا القصيد اللي عليه البراهين
بالارض فلواته سباق الغرانق

ومع طائرات الميق واحد وعشرين
ينفض جناحينه ومعهن يعانق

والسموحه من الجميع هذا مايسمح به النشر

اللحالي

05-02-2015, 12:40 PM

صحيح من قال المعنا ببطن الشاعر

من يسلّم علينا يحيي الله نباه
ننشده عن علوم النّاس ماهو غريب

مير لا ينشد الشّايب ويبحث خفاه
ثم تثور الثّواير في عصور المشيب

اللحالي

05-19-2015, 05:02 AM

يالشّايب اللي ضاعفاتن جهايدك
ماعاد فكرك واردن للغزا ير

ولاعاد له مشلاع يثري حمايدك
وعلى غزير اليمّ ماله سباير

وحتّى ماهو متماشين في بدايدك
يالله دخيلك عن كشوف السّراير

اصايل

05-19-2015, 06:20 AM

الله يعطيك الصحه والعافيه

وانت كفو ^^يالشايب

تقبل لقافة بنتك ^^

اللحالي

05-19-2015, 06:38 AM

لاوالله تشريف ماهي لقافه يابنتي

الله يرفع قدرك ويعلّي شانك ويعافيك ويسترك

اللهم صلي على محمد

اصايل

05-19-2015, 11:17 AM

والله انا الي لي الشرف ياعمي جزاع

الله يطول بعمرك ومشكور على دعواتك الحلوا ^^

اللحالي

05-27-2015, 11:33 AM

بيت من قصيده تنتظر الكتابه وانا قول الصبر

ياهل المعرفه بالنّوايا الشّفيفه
تراي جاهل في صنوف الشّفوفي

حتّى الكلام ليابديت تحريفه
اشوفني متلعثمٍ بالحروفي

يرجّني فدفاد نفض السّفيفه
او الخليع اللي رثع بالجروفي

سمع وشيش الدّاب يعصف وحيفه
ماعاد يسمع قولةٍ لا تخوفي

ياعزّاله

اللحالي

05-28-2015, 03:05 PM

من الذّكريات و على وقت الملك سعود

شاعر يقول

رخصت بضايعنا وغلينّ الاسعار
وعقبان نجد أستادبت للسّفالي

فماذا عن الوقت الحاضر

والغريب انّه لازل بعض المهايطين يمتدح نفسه بالشجاعه
ولايوجد لها اثر ؟

اللحالي

06-14-2015, 03:15 AM

من الذّكرايات قلت

يابو مشاري لي صدوفن تصارعني
والكل منّا بهزم الخصم طمّاعي

حاولت لو واحدن منهن يطاوعني
اقول ليا طاع هذا صاحبه طاعي

لاشك مامنهن اللي قال يسمعني
وانا بعد هرجهن مايدخل اسماعي

وابي تدخّلك لعلّه يمنّعني
ويصير آيضاء لشرّ الخصم منّاعي

أمّا تقنّع أصدوفي اوتقنّعني
وإلاّ على مايقال تصير فرّاعي

ابو مشاري؛؛؛ هو

الشاعر جضعان كريّم الغرابي الحربي

ومردّه والله مايحضرني ألان ومبطي عن مصادفه
المعذره من الشاعر ومن الجميع

اللحالي

06-21-2015, 04:00 PM

يامتّجه في مقصدك يمّة الشّرق
أعجبتني واطربتني بالشّروقي

خلّ المهيمن بالجمرينحرق حرق
وخلّ الجزيري بالجزيره يروقي

يالقايد اللي فيك متميّز الفرق
المتّضح لمخايلين البروقي

يامحمد بتحميدةٍ مابها درق
يالله عسى مسعاك فيه الاؤفوقي

اللحالي

06-25-2015, 07:12 PM

حبايبي ارسل ولد أحد الخوات رساله بالوتس قصيده لشاعر مفادها عن المقانيص وألابتعاد عن المدن وضجيجها و انا عارفن قصد ولد الاخت هههههههه
وقلت
راح الشّباب وطرب وقته وريعانه
ماباقي إلاّ قثيث أعصاب منهدّه

في وقت فيه الدهورالعجف غشيانه
منها نشوف الشقاوي صافقن خدّه

على نفس قافيّة القصيده المرسله

؟هذا مبدى ههههههه اللهم اني صايم
بعد العيد نشوف

يقول البناخي (قثيث أعصاب) هذي لحاهاسالفه؟

فالبدايه قلت البيتين يكفن ؛ لكن لفهمي لقصد؛ ابو رغد؛ أقول الله يسهل
وان شاءالله بعد العيد نواصل سالفتنا

اللحالي

06-30-2015, 07:29 PM

دعواتكم ياللي تصلّون وتصومـــــــون
لمن حامل سلاحه يجاهد وهو صايـم

الله ينصر الاسلام بعزايم المسلمين

يآلله ان تنصر جنودنا الشّجعان على العدوان
في كلّ مكان وزمان

اللحالي

08-18-2015, 06:01 PM

تلوم الهواجس حالة الفكر بالشقوى
بعد نفضته للرّيش مع الفضاء يلوي

من الموقف اللي فيك يامكثرالهقوى
بتعزيل تصنيفه من المرّ والحلوي

انا مؤمنن واقول حيل الله الاقوى
عسى الله يهنينابتعجيلة الجلوي

ياربّي تتمّم باقي العمر بالتّقوى
وتخلف على الصّقار بوماية الشلوي

اللحالي

08-18-2015, 06:14 PM

ياكبر طغيان بعض الناس بالدنيا
ينسون من كوّن الدّنيا بتدبيره

وينسون ان الخلايق كلّها فنيا
رغم انّهم يعهدون الموت بالسّيره

اللحالي

08-28-2015, 02:44 AM

ياعا بدين الله بموجب كــــتابه
كونو مع المعبود في كلّ الاوقات

حتّى توافق ساعة الاستجابه
مع واجب المسلم بخمس الصّلاوات

وصل(ن)مع اللي مايخيب الرّجابه
جليل عرشه فوق سبع السّماوات

اصايل

09-28-2015, 12:34 AM

http://womenw.co/uploads/12-2013/227904_mn66com.gif

اللحالي

10-03-2015, 11:47 AM

الله يجعل لك السعاده بالدارين

اصايل نجد

اللحالي

10-03-2015, 11:57 AM

حتى الكلام اللي بحلقي تحاسد
مافاد قولت خلّنا نمضي العيد

نسرح بصبح وبالليال انتواسد
وهياطنا بين الخلايق بتصعيد

جميع والاجساد عيّت تجاسد
ياكثر مافينا نفور التّجاسيد

اللحالي

اللحالي

11-17-2015, 07:09 PM

السموحه من الجمع

التغريده الاؤلى؛؛؛ الخطى وارد في ذريّة آدم؛؛ لولم يكن ماحصل بين السّعوب حرب في الجيوش

لذالك نحذف اي مشاركه في مواضيع المثقّفين

اللحالي

11-18-2015, 01:36 AM

من على تويتر
وبسبب ؛ طلال الغيداني

اللحالي

وش فيـك يا تويتـر قليـل المـروّه
ما تدري إنّ هروجنا مستشيطه

أنا مـن اللـي بـالـمـهـايـط تـفـوّه
وأزعل ليا ضاقت عليّ البسيطه

ردّ طلال الغيدني

خلّك على الوتساب يابو سموّه
والطيـر الأزرق مـا عليه الغبيطه

الـعـود حـصّـل جـوّ مـا هـو بجوّه
ودوّر ودار وعـاد يــمّ الـخـريـطـه

رد اللحالي

المنتدى ماجـود ياللي تـدوّه
لو البـرد بالجلد يكثـر بطيطه

مالي ومال اللي تغثبر زهوّه
يابو رغد بين الغليط وغليطه

اللحالي

11-18-2015, 12:05 PM

أشوف الضّباب اللي تخاوى معه بغبار
ومنهم نسيت أذكرك ياجوّي الصّافي

وأشوف بيمين الودّ وأشوف عنه يسار
وتحته و من فوقه و من قدم وخلافي

حوامي وطيسن تشعث الكبتن الطيّار
وفكري معه مشعوث من همّي الخافي

اللحالي

12-09-2015, 12:24 PM

ياصاحبي ماعد لي في عشوقك
ولاعاد لك ياصاحبي في عشوقي
انا الحجازي ماتعارف بسوقك
وانت العرقي ماتعارف بذوقي

اللحالي

12-09-2015, 02:05 PM

ان ماتصافيناعلى نهج الايات
على كتاب الله وسنّة رسوله

عزّالله اللي خاسرين انتصارات
لو الجيوش من العتاد محموله

اللحالي

12-09-2015, 02:11 PM

نمدح بعضنا ونتباها بالامداح
ميرالفعول الحازمه وين اهلها

عن داعش وامثال داعش من اشباح
واللي بناء داعش وزاد وكفلها

اللحالي

12-26-2015, 09:35 PM

الأمانه عافها صمّ الصّخور
وشالها الانسان رغم أنه بشر

وخاض فيها بين امواج البحور
وكان ماينجي بها خاب وخسر

اللحالي

12-26-2015, 09:39 PM

يقولون فكّر قلت وش ناتج التّفكير
وانا من وعد بالفور وانا بتفكيري

وحتّى الكلام اللي يلجلج به القرقير
سبب ناتجك يالفول مع جبنة الكيري

اللحالي

12-26-2015, 09:42 PM

يابدر ابن عواد شدّن رحايلك
جالي خبر منجاعهن بالرّحيلي

لعل بالجنّه ملافي نزايلك
والمؤمنين برحمتك يالفضيلي

اللحالي

12-26-2015, 09:47 PM

انا وش يطيب لخاطري بعد ابو سلمان
خيّال الفلا فكره وهو قايد السّربها

ماهوقلّ بأمثاله ولاهو وحيد لسان
لكن طيّب السّمعه ومن حقّي افخربه

اللحالي

12-26-2015, 09:51 PM

تعاونوا يأهل الكتاب السّماوي
في ماعرفتم منه خلوكم اخوان

ترى عداكم يكثرون البلاوي
ويلقون فيكم من خبيثين الأضغان

اللحالي

12-27-2015, 02:53 PM

ياشايفن نفسك تثاورغبايرك
تراك بالمعقول في أسفل الدّرك

الماكر اللي واقعن فيه غيرك
دونه على خشمك يبي يبطي الفرك

اصايل

12-27-2015, 07:45 PM

أبداع ياعمي جزاع
دمت برعاية لله

اللحالي

12-27-2015, 11:07 PM

الله يجزاك الخير يابنتي اصايل

اللحالي

01-08-2016, 12:50 AM

كلّ مايزداد للسّيف الصّهيل
تخرس الغربان عن نعيق غاق

كان شمّ الملح سعوط الفتيل
أمتدى بالرّفضي نتع الشهاق

اللحالي

01-08-2016, 12:55 AM

التّقدّم صار له بعض المبادي للأمام
لكن الله يستر الأحوال من شرّ الرّجوع

كان ماء شطّ البحر جاه أنثلام
ثم تحدّر مع مهب الرّيح في كثر الوجوع

اللحالي

01-08-2016, 01:04 AM

قلت قول الصّدق يامذيع البلد
يازعيم الصّدق تفخر بك مصر

من يقول الصّدق في عزم وجلد
أشهد انّه من صناديد النّصر

؟كلمة صدق قالها مذيع قناة مصريّه
اسمها البلد
الكلمه لصالح السعوديّه بقصاص الارهابيين
بمافيهم ؛ نمر النمر

اللحالي

01-08-2016, 01:09 AM

الهقاوي كانها تموت جوع
في فجوج الكون ماتلقى غذاء

اقصر الخوات عن بعد النّجوع
مالها غير التّدبّر في كذاء

اللحالي

01-08-2016, 01:15 AM

بعض الظّنون اللي على الشّكّ يردنّ
يمكن يوافقني معاهن طموعي

لكن عساي اقول ذولي ماهن هنّ
ولامنهن اللي يصتحب مع سنوعي

اللحالي

02-21-2016, 12:45 AM

في خاطري همسةٍ عجزت ابرمجها
وأذيعها لاتحبس الصّمت بأخلاقي
وتفجّر الصّدر من كثرة تمروجها
مع الشّرايين في قلبي وبأحداقي

اللحالي

02-21-2016, 12:51 AM

أبقى مع اللي شاد خلقك من امشاج
وخلّك قوي ايمان تسعد وترتاح

ومرافقتك المؤمن بكلّ منهاج
واحذر من التّمساح لو أنت سبّاح

اللحالي

02-21-2016, 12:56 AM

يافكري اللي سمعنا عنه مايستساغ
احذر تصدّق كلام الغطرسي الهبود
مايزعبون الجيوش الهايله من فراغ
تحت أسم شلّة رفض مدعومةٍ من يهود

اللحالي

02-21-2016, 01:02 AM

الكرسي الوردي مع الكرسي الازرق
الكلّ منهم مع الثّاني برغباته

ألوان متخالفه لاشك ماتفرق
الشّيخ ياجوه كيره ودّه وهاته

اللحالي

02-21-2016, 01:09 AM

ياعنودٍ تطلب مغازلتها بالسيوف
ميّته لكن بعث روحها قتّالها
وزعجت في عالي الصّوت من بين الصّفوف
واستشاطت حالة النّاس من موّالها

اللحالي

02-21-2016, 03:18 PM

دايم الهوجاس يسري بي بليل
وفي لجوف النّوم مألقالي ملاذ
اشهد ان النّوم ياعيني بخيل
ومن بلوغ البخل صعب الأنتقاذ

خدين الليل

اللحالي

02-21-2016, 03:25 PM

تجوّدوا ياللي ببطن السّفينه
ترى البحار العاتيه شرسة امواج
وبحّارة الأبحار صعبة رطينه
والعالم الله في خفيين الأوهاج

اللحالي

02-21-2016, 03:31 PM

يانجد ربعينك من النّاس ضافوك
واكثرهم اللي جايّ لك من شمالك
من عقب ماهم ذامّينك ويهجوك
في قول هذا نجد شرّ ومهالك

اللحالي

02-21-2016, 03:35 PM

ليه يوم اموت ماسوّيت شيّ
في سبيل الله ضدّ المغرضين

اشهد انّي ميتٍ لو كنت حيّ
دام مابي خير لليتم الدّفين

اللحالي

02-21-2016, 03:41 PM

لو صرت ياهتلر تنادي برتويت
مالك مع الاسلام لو رتوتولك

ياشاهت الأفارسه والأباشيت
رسولنا محمد ومنهو رسولك

اللحالي

02-21-2016, 03:45 PM

لاتصافق مع الامواج يالشّامي
لو يناليلك الاقصى بصيحاته

كان جرح الصّويب مع البطى دامي
وين يلقى الطّبيب ووين شاشاته

اللحالي

02-21-2016, 03:52 PM

يقولون العواصف مقتفيها رعود الصّيف
لكن ماقالت الأرصادعن تدفيق ماطرها

عسى مالك على صلع الجماهي يالبرد تحذيف
وعسى ماهي من اللي بكاف ونون وامرها

اللحالي

02-21-2016, 04:01 PM

ثارت غبرة النّطق من تجريمه
والجرم متشيّد بحلم النّايم

من يفهم اللي مابلغ تفهيمه
في ساعةٍ فيها سحور الصّايم

اللحالي

02-21-2016, 04:10 PM

وين الهواش اللي مع النّاس ودّي به
لكن مع الناس عيّت تسلك اخلاقي

والهاجس اللي تدغدغني هباهيبه
ودّي فراقه وهو ودّه على فراقي

لكن مع البرد تسري بي قوانيبه
في ليلةٍ . مابها. للفكر. مخفاقي

ويطري عليّ ابن داوود ومحاريبه
وخريف تال المصيف وحتّ الأوراقي

اللحالي

02-21-2016, 04:25 PM

أحساس آمّك بالمهمّات يتبعك
على أحتياجات الصّغير متناوب

لويسئله طبيب عن ويش يوجعك
نظر على أمّه وأمّه اللي تجاوب

اللحالي

02-21-2016, 04:30 PM

يالنظره اللي خذيتي بالتّأمّل سروح
ياكثر مأنتي بدرب الفكر متماديه

لكن ترى واسع الدنيا تعيب الصروح
والنّاس متصاحبه فيها وتعاديه

اصايل

02-21-2016, 05:16 PM

أحساس آمّك بالمهمّات يتبعك
على أحتياجات الصّغير متناوب

لويسئله طبيب عن ويش يوجعك
نظر على أمّه وأمّه اللي تجاوب

صح لسانك وبيض الله وجهك
ابيات رااااقيه

بس ياعمي الابيات المقتبسه ^^

http://www.traidnt.net/vb/attachments/559274d1300016204-500.png

كل التقدير والاحترام

اللحالي

02-21-2016, 05:46 PM

أميره ي اصايل صدقيني يابنتي
ان فيه ابيات ابقيها حبيسة الفكر خوف من تعثّري منها

الله يجزاك الخير ياحربيّه

اللحالي

02-21-2016, 05:55 PM

يالله دخيلك عن غرابيل الصّدوف
لياصار تطلب عكس مايطلب هواك

والناس يالمصدوف من منهم يروف
أطيبهم اللي يشجب بحال العراك

اللحالي

04-24-2016, 06:56 PM

حبايبي الجميع

مالك بن سطام الغيداني

شايبن عمره سنتين وعليهن شهور
ويسيّر يمّي ويقول ليّ سوالف ويختصر البعض

وقلت له الآتي

يامالك السّطّام عطني علومك
يأخو زياد ويامنيشن على لين

تراي صرت اعرف مبادي فهومك
وهذافخرليّ في فهوم السلاطين

ياتاج راسي وش نوايا يمومك
عطني وانا جدّك رموز العناوين

قبل تطير وتبعد ارواج حومك
وإلاّ رحيلي عن انجوع الغيادين

واشوفه يتبسّم مدري ناقد عليّ اوناوين على شي الله يستر

أيوب البلاجي

04-30-2016, 08:47 AM

تغريدات جميله
قبل تطير وتبعد ارواج حومك
وإلاّ رحيلي عن انجوع الغيادين
البيت هذ ثقيل الله المستعان..
اللي بهاالعمر هم حلات البيوت
الله يخليهم لمن يرجيهم.
الشايب كفشناحسابه في تويتر وباقي الشعرا نبي نكفشهم ......

اللحالي

05-02-2016, 02:54 AM

هلابك يابو فهد كلّك خير وبرك

الله يخلي لنا ويّاك الرّجاء ويصلح لناولك الذّرّيّه

اللهم صلي على محمد كما صليت على ابراهيم

اللحالي

05-02-2016, 03:20 PM

ياخوي لاتشكي سوايا العدوّين
قوّاتهم بالجوّ يصدع رعدها

متمكنين وبأسلحتهم قويين
واحوالنا تشكي علينا جهدها

وين الشّجاعه والجدود الشّجيعين
ما با قي إلاّ أزوا لنا في نكد ها

تعال نتقهوى ترانا مساكين
ولهودنا ماعاد نحصي عددها

انا لياهالحين ابكي فلسطين
تبيني ابكي زود للي بعدها

اصايل

05-02-2016, 03:29 PM

انا لياهالحين ابكي فلسطين
تبيني ابكي زود للي بعدها

صح لساااااانك ياعمي جزاع

الله ينصر الاسلام والمسلمين

عجبني البيت الله يسعد قلبك
كل الاحترام والتقدير

اللحالي

05-02-2016, 03:42 PM

هلابك المديره

مشكوره ع المرور الرائع يالاميره اصايل

اللحالي

05-30-2016, 11:54 AM

يامسلمين الله جلّ وتعالاء
تواصلوا مع الولي بالصّلاوات

ولايدخل الاجسام غيرالحلالاء
وتصدّقوا مع بذلكم للزّكاوات

يأمّة الاسلام مأنتم جهالاء
هذا كتاب الله به شرح الايات

اللحالي

05-30-2016, 11:59 AM

في غير ماتفرض عليك الامانه
بالواجب اللي مؤكلٍ فيه تدّيه

افتح كتاب الله وشف وش بيانه
وتدبّر احكامه وشرعة معانيه

اللحالي

05-30-2016, 12:03 PM

قال المثل لاعشت غيري تذكّرت
انّي بذلت جهود لك في حياتي

في مالك اعلنته وفي لي اسررت
بعد رحيلي تستعد ذكرياتي

اللحالي

05-30-2016, 12:07 PM

مايفرح المظلوم طيلة حياته
يبقاء اثار الظّلم لو يقتضوله

لكن تحقق فرحته في صلاته
والصّدق في منطوقه اللي يقوله

اللحالي

05-30-2016, 12:10 PM

لاتبحث التاريخ ياطامعن فيه
تراك تلقابه اشناع المواجع

ومن الضعافي يكثرون المشاريه
المسعد اللي مايعرف المراجع

اللحالي

05-30-2016, 12:14 PM

لياقام صاحبك المعادي يساومك
وفي حالك ومالك يمد الايادي

تراه قد بيّت ببطنك سقاومك
و يبيك ربيع ورعاك الجرادي

اللحالي

05-30-2016, 12:21 PM

ماهوبخافيكم كلام الاشاريس
ادغال ماقالوا ماهي خافيتكم

ليادقّت الألسن طبول النّواقيس
تـنا قــلت دقّـاتـهـم آلسـنـتـكـم

اللحالي

05-30-2016, 12:28 PM

اللي بمسراحه يدوّر على الرّي
بأرض الجزيره حافياتن اخفوفه

ماهوب لاجنّي ولاهوب انسي
ومن مايح الرّحمات عينه ذروفه

اللحالي

05-30-2016, 12:33 PM

يقول فرحان الرّبيلي بمعناه
الله يرحم من غدت به احتوفه

يقول يشوفه عمى العين بخباه
وإلاّ المفتّح ياصله مايشوفه

الله يرحم فرحان الرّبيلي واخوانه المسلمين

اللحالي

05-30-2016, 12:39 PM

الاياوجودي وجد من للخطر مزهوم
وعقبه بنات مع اليتيمات ينخنّه

ولافيه غيره في صدى المعضلات يقوم
بو قتن ذكور المجتمع خيّبوا ظنّه

اللحالي

05-30-2016, 12:44 PM

ي الله راجينك تحقق رجانا
يالرّحم الرّحمن ياحي ياقيّوم

ي الله تنصرنا على من عادانا
بجهاد في عونك على نصرمظلوم

اللحالي

05-30-2016, 01:03 PM

يالله ياللي مأنت بالنصر عاجز
ياعالمن في مايعانيه الاسلام

:::::::

واسباب ماتملي علينا الحواجز
غصبٍ علينا نقبل الصّبر يالشّام

::::::::::::::

خذ عن فلسطين الجريحه مواجز
خمسين عام لمن ينفّذ بالاكمام

ابيات من قصيده

تبرك جاثيه في غياهب آل لاجدوى
إلاّ ان يقيّض الله امرٍ من عنده
مانحن إلاّ برجواه الحي القيّوم

اللحالي

05-30-2016, 01:13 PM

القرش ماهو بس في بين الامواج
القرش بفجوج الاراضي نشوفه

اقول لك بإجاز منعن للأحراج
افكار غلثه و النّفوس مهروفه

اللحالي

05-30-2016, 01:18 PM

قالو لي قصيدك وليه مايشرح عنك
مثل مأنت تشرح عنه الكمّ والكيفي

واقول انّي انا البنك وهورصيد البنك
وبين البنك والرّصيد مامن تخاليفي

اللحالي

06-28-2016, 11:11 PM

الوقت.. هذا.. تعالا. به.. صهيل.. الرّخيم
ياللي على الموجبه. وردك. ورود .الهيام

تدري. وش. اللي يبهذل في حوال الفهيم
لياجات قشر الظروف وضاع جدوى الكلام

اللحالي

06-29-2016, 12:07 AM

يافكري اقصر على مايحتوي عقلي
لاتطلق,, اعنان,, فلواتك,, بالأرثاعي

تراك صبّيت من سمنك على بقلي
و,,اشرقتني, باللتيح, بغير, مرباعي

اللحالي

06-30-2016, 01:11 AM

ياكثر ماباقي على الوسم يازياد
كان العمر يمديه في ذيك الأيّام

ماهو بمعجبني مع النّاس الاعياد
من, فكري, لعقلي كثيرات الألوام

ترانيم حربيه

06-30-2016, 01:25 AM

حتى برمضان يالشايب فكرك مشغول هههههههههههه

الوسم مـاهــو يــم حــروه ومـيعـاد

باقي عليه اشهــور مــع عدة ايـام

وش فيك ماتعجبك في نجد الاعياد

اظــن تــفكيرك نهــج يمــة الشام

كان ودي اصبر عن الهواش في رمضان بس ماش تحكني يد

ههههههههههههههههه

اللحالي

06-30-2016, 02:35 AM

حياك يالاميره شرفتي يابنتي

ماتصلح الايام بلى هواش حتّى برمضان فيه ساعات مسموح فيها؛هههههه

اللحالي

07-11-2016, 07:54 PM

احمدك,,, يالمعبود,, للجنّ, والأنس
انّي, من اللي طيبهم, مابه, أهساس

بعض العرب, ربعه تحرمه من الونس
وربعي من اللي للفضاء, يرفع الرّاس

اللحالي

07-11-2016, 08:07 PM

ابي, اتشمّس, تالي الليل وارتاح
ويادوب ابوخالدوابوهمس ويياي

والفاكهه, خوخ, وكمثرى, وتفّاح
وبالطّايره جنّ القزازات, بالشّاي

اللحالي

07-12-2016, 08:18 AM

لاتسبق. الاحداث. و تقرقع اطبول
ثمن.. يقولون..اسمك.. القرقعاني

قولن.. بليّا أفعال. مامنه محصول
والمس وقه. تحسب. لراع السواني

اصايل

07-12-2016, 09:57 AM

ابي, اتشمّس, تالي الليل وارتاح
ويادوب ابوخالدوابوهمس ويياي

والفاكهه, خوخ, وكمثرى, وتفّاح
وبالطّايره جنّ القزازات, بالشّاي

هههههههه الله يسعدك ياعمي

وين الشمس تالي الليل :3 (12):

مدونه راااائعه الله يعطيك الصحه والعااافيه

اللحالي

07-25-2016, 09:30 PM

ياللي مسرّحني بهوجاسك مع اشعوف الهبوب
بالقيض.. وحرور.. القوايل. شايطن. سلهابها

تطلبني.. اللي.. لوتنكّبته.. غلبني.. بالنكوب
مابالسّمايم... غير.. حرق... الكبد.. ياطللابها

اللحالي

07-26-2016, 02:37 AM

هههههههه الله يسعدك ياعمي

وين الشمس تالي الليل :3 (12):

مدونه راااائعه الله يعطيك الصحه والعااافيه

ويّاك يابنتي

وش اسوّي بفارس الامواج يالاميره

هو صاحب الفكره والمضيف بذاك الوقت

ههههههههههههههههههههه

الله يجزاء الجميع خير

اصايل

07-26-2016, 02:48 AM

ايوووا السالفة فيها العم ابوخالد :3 (14):
طيب طيب سجن النجوم ينتظركم
:2 (1):

ههههههه الله يسعد قلبك ياعمي جزاع
كل الاحترام والتقدير

اللحالي

07-26-2016, 03:47 AM

لاااااااااا تشمّسنا وطاب الفال

ابو خالد تعال نتشمّس بالفندق

هههههههههههههههه

اللحالي

07-27-2016, 10:40 AM

ياعــربـنـا لـيـه مـافـيـكـم عـلى السّـنّه تـكـاتـف
وانـتـم اللي ذا أخـوّ,و,ذانـسـيـب و,ذابـنـاخـي

لـيـه مـا,الإيـمـان يـهـل الـعـرف للارواح هـاتـف
مـثل مـايهـتـف هــطول الغـيـم في سقي التّأخي

اللحالي

07-31-2016, 05:58 AM

ذيّ لـمّـة الحـيـران مع ركبي الذّود
في مـقـفرن شمال شرق الصداوي

في صحصحٍ من كثر الاذواد مشهود
ربيع,,من,,,شكره,,,لربّه ,,,رهاوي

اللحالي

08-04-2016, 06:48 PM

بأفريقيا.. يالذّيب.. لو نشدتك
عن نظرتك للضّبعه العرجائي

لعل ماهي صاحبتك وحسدتك
اوقلت عرجاءواسمها الوركائي

اللحالي

08-06-2016, 09:57 AM

يامرسل,,ابشر,كلمة اهلا تناديك
ياقائد,,,الرّحله,,,بليّا,,,اشتكاكي

بعد صلاة الفجر,,مبدا,,,مماشيك
وانا على باب,,اليمين,,,امتراكي

من قصيده ,,,راقده

اللحالي

08-06-2016, 10:53 AM

راحت,,علينا,,السّالفه,,مافهمنا
واللي,,يسولفها,,علينا,,توفّاء

ولاعاد,,ينفعنا,,,مصارع,,ندمنا
والطّرف عن كثرالسّهر ماتغفّاء

اللحالي

08-08-2016, 08:26 PM

انا..اللحالي..و العناء..مقسومي
ياللي..تنشّد..عن..بعيد...اروادي

لا و الله إلاّ..خذ..صحيح..اعلومي
غيداني أصل وخال ابوي اشدادي

اللحالي

08-09-2016, 03:25 PM

لانبتعد عن من خلقنا من أمشاج
ثمّ..تقضي الامراض فينا حوايج

والله لو جيبت لنا أطنان الاعلاج
ما نستفيد..بغير...قربه...نتايج

اللحالي

08-11-2016, 02:29 PM

الشايب اللي بتال العمر يتسجوج
ماكنّه...إلاّ..بخف..العقل...متهيّج

بين الاوادم بضيق الصدر يتحجوج
وهو مع قرينيسة..الاجنان وغنيج

من شانها مع عديد.فجوج يتهجوج
واللي يشوفه يقول الشايب مريّج

اللحالي

08-15-2016, 02:13 PM

من ما سمعته..من هذولا..وذولاك
زاد..القصيد و زاد..فيه..احترافي

زاد..الرّصيدوزادت سكوك الاسباك
ومن معدن القصيد صرف القوافي

اللحالي

08-25-2016, 12:26 AM

ياللي تقول أراسلك في سنبشات
انا أشهد انّا خاسرين البخوتي

ماتجمع النّمله من بذور الأنبات
يروح لقمه للبعير السّحوتي

الجوّ صار لممتطينه مسارات
العنكبوتيّه مع العنكبوتي

اللحالي

08-29-2016, 03:49 PM

انا أتلو كتاب الله مثل ناس يتلونه
ولكن تلاوة صمت ماني بجاهرها

واشوف روحي كل ماتلوه ممنونه
ليا أرسلت من عيني للأيات ناظرها

يجم الوجل بالصّدروالحدب من دونه
تجاره وفي حانوت و القلب تاجرها

اللحالي

08-30-2016, 10:58 AM

و لّ ياطيرٍ عناه معيّفه ملواحه
شايفه ولا يبيه و للنّدى مايوحي

ماتقل يسمع من الصّقّار طول صياحه
رغم طول الحنجره في صوتها المبحوحي

هقوة انّه ماطمع ينفض بريش جناحه
ويوم حصلت نفظت الجنحان قال سروحي

اللحالي

08-31-2016, 08:53 PM

ياربّي طلبتك يالعلي العظيم ارجيك
فبيتٍ من ابيوتك وللبيت متوجّه

ياعالم بحال اللي بمطلوبه يناجيك
توفقني المجهود في عشر ذالحجّه

اللحالي

08-31-2016, 09:09 PM

اللي يسوّي طيب يبي المدايح
لو شيّد الحفلات ماهو بمخلوف

ومدح المجامل من كبار الفضايح
لوكان في كل القناوات مشيوف

اللحالي

09-01-2016, 12:17 AM

يابراد الصّبح لا تخدع اللي بك سرح
كيف حاله يوم تلحق عليه القايله

مامعه بدره وبالرّمضا بعيد انطرح
وقابض الارواح بالمطيح قام يشايله

اللحالي

09-01-2016, 09:45 PM

يالسّتر لاتاقف بدرب الفضيحه
ترى الفضيحه وقتنا اليوم تاطاك

ثم وين قبرك يالنّزيل بضريحه
واللي تشبّث فيك وشلون ينعاك

اللحالي

09-07-2016, 12:40 AM

ياللي تبي من خالق الكون جزوى
تغانم السّاعات في غرس الابذار

لادام روحك في حياتك تعزوى
اجعل حياتك حقل موفور الاثمار

اللحالي

09-08-2016, 07:10 PM

القلب مثل الطير و الطير جزاع
لا ضاق وإلا جاع يبعد شلوعه

والقلب مثل الطيرفي كل مشلاع
ليا صار له من قايد الرّيم لوعه

اللحالي

09-10-2016, 12:22 AM

ليا صار ماندرك جزيلات الافعال
و ابن الصّويتيّه مساوي كديشه

ماهو بلازم نلبس شماغ وعقال
بدالهن ننسف على الرّاس خيشه

اللحالي

09-14-2016, 04:56 PM

بعض الاوادم يوم تسمع هياطه
تقول جاب القدس لك مع شواويه

وهو في لقا الأفعال له انفراطه
ماهو على ماقال و لا حراويه

ترانيم حربيه

09-14-2016, 08:58 PM

القلب مثل الطير و الطير جزاع
لا ضاق وإلا جاع يبعد شلوعه

والقلب مثل الطيرفي كل مشلاع
ليا صار له من قايد الرّيم لوعه

ههههههههههههههههههههه

هذي بحق يالشايب من بدينا بالمنتدى

وانت تقول انا مطوع مااقول الغزل ووصاة الوالدة الله يرحمها

اجل هذي وشي حديث البخاري ههههههههههه

اللحالي

09-14-2016, 11:57 PM

ههههههههههههههههههههه

هذي بحق يالشايب من بدينا بالمنتدى

وانت تقول انا مطوع مااقول الغزل ووصاة الوالدة الله يرحمها

اجل هذي وشي حديث البخاري ههههههههههه

لالا ماهو عن البخاري

ممكن عن الترمذي اغيره

آولّي وقعنا: الله يرحمك يايمّه واخوانك المسلمين
ياوجيه الخير

نسينا اللي يترصّدون خلاص مانعودها

وحقّكم علينا هآه

يالقـايده يوم جـبن بس لك طاري
صـاروا لنا بالمراصـد ناس هوّاشه

ماهقوتي من طرفهم تنفع اعذاري
وأنتي لوّ أدوّرك آلـقـاك مـنـحـاشـه

لكن ابي أقـول ياللي ودّك اخـباري
ترى العقل من حلومه صابه رعاشه

ترانيم حربيه

09-15-2016, 03:56 PM

هههههههههههههههههه

مهي المسئلة بالنسيان المسئله باللي يقولوا انهم تاركين الغزل

من سنين ومالهم فيه ويوم مسكناهم متلبسين قالوحلم ههههههههههه

يــالشــايـب المشكلة مهــيب بالجـاري

المشكله كـذبت الشايب على الشاشه

يـقـول انـا شايب محـافـظ على اذكـاري

واحب مـدح المطـر والسيـل ورشـاشـه

والا الغــزل حالــف مــااجيب له طــاري

وصيــة امــي وخــوف الله ومطـــراشـه

واليــوم بالقـــايــدة يــقــول ويــمــاري

من زينها طــار قلبه من وسط جـــاشه

ههههههههههههههههههههههه

اللحالي

09-15-2016, 05:25 PM

ههههههههههههههههههههههه
صح لسانك
هههههههههههههههههههههههههه

امي الله يرحمها واموات المسلمين

قالت

الغزل اللي من هالنوع وانا ماقلت النوع اللي هي تقصده الله يرحمها

اللحالي

09-18-2016, 06:45 PM

‏زيارتي لك من مودتك يالين
ودّك يودودني على والدينك

حفيدة الشايب واخت السلاطين
و منابع الاشراف متجاذبيك

يالله صلاح النيه والذّرّيه ياكريم

اللحالي

09-18-2016, 07:39 PM

لياجيتم الخرج أقروا لي عليه السلام
من شان الاحفاد يستاهل نسلّم عليه

الله يسقيه من ودّان وبل الغمام
اللي به زياد ويّا لين من ساكنيه

اللحالي

09-18-2016, 08:58 PM

ياشيب عيني على ماقيل من همّي
من شوفتي موقعٍ ذكّرني الماضي

يا بوي يا خوي يا خالي و يا عمّي
رحتم وانا اصارع المشتاءومقياضي

اللحالي

09-18-2016, 09:40 PM

لا تغترب عملتي في شان جيراني
تراي من لابةٍ مأكثر جوايدها

لو أقدر احصي جزايل كل غيداني
عدّدتهم في تغاريدٍ أغردها

اللحالي

09-18-2016, 11:25 PM

يامحمد الله عالمٍ بالخفايا
نستودعك من نزّل العلم بكتاب

يآلله سترك ياعليم النّوايا
على ولي العهد ذهاب وأياب

اللحالي

09-21-2016, 05:20 AM

اللي يحبّك طامعن في عطاياك
متمصلحن من مايمدّن اياديك

ترى ليا قلّ العطى صار يشناك
وان ماعطيته حرّض اللي معاديك

اللحالي

09-21-2016, 11:44 PM

ياذاكرين الذّيب و الذّيب وينه
ماعادبه بأرض الجزيره ولاذيب

يمكن طلع مستذيبين بعرينه
وعلى الرّعايا بالمرا تع قوانيب

اللحالي

09-25-2016, 07:30 AM

ياللي سنح لك بالتسفنج علاقه
الله لايجبر لمجهودك عظام

عطيت حللاقين شفرة حلاقه
وتعلّموا فن الحلاقه بالأيتام

اللحالي

09-26-2016, 03:58 AM

يامن تعرف بيوم فيه الوعدي
كانك تبي تقبل من الوعضاوي

عليك في ماقال فيه السعدي
واحفظ كلام محمد الشعراوي

اللحالي

09-28-2016, 09:07 PM

يأسلام وش يضعفك فبلاد الاسلام
و انت بمقرّك من عصور النّبوّه

قامت تحاذف منك أحروف وأرقام
ليه الجبل قام إيتزعزع أرسوّه

اللحالي

09-30-2016, 12:59 PM

يقولون سيّر ودّنا نجتمع ويّاك
وانا أقول من ضيفاتكم كيف باسيّر

ليا جيت ضيفتكم وجوّ ذولا وذولاك
سمعت الكلام بمثلكم كامل الدّير

اللحالي

10-02-2016, 07:40 AM

ادفش مع الايام وادفع ركايبك
وعلى الله الارزاق مادمت حيّا

دامك مع الاعوام تذري هبايبك
امش الطّريق اللي لنفعك سويّا

اللحالي

10-02-2016, 08:03 AM

تدري بأن الله هو اللي يحاسبك
واهل الخطايا في جهنّم جثيّا

يوم انت من دنياك تقضي نحايبك
مابه و ساطاتن و لابه أحميّا

اللحالي

10-05-2016, 01:52 AM

ارض الجزيره بيتكم يالمسلمين
من العرب مواطنيها و الاعجام

اخوان فيها مواطنين و مقيمين
من بحرهاجنوب لياماوراالشام

اللحالي

10-07-2016, 05:16 AM

تمر الغرايس موميات العواسيب
جزل الفوايد مير صابه خمجّي

يمكن زواريعه سواد الحواجيب
او من كثر مايشرب من الهمجّي

اللحالي

10-07-2016, 05:46 AM

يالمؤمنين بكتاب الله وهدي الرّسول
نحتاج في بيننا ننبذ عداواتنا

و آلله لو نتّفق بأفكارنا و العقلول
مايقدرون العداء يثنون و قفاتنا

اللحالي

10-15-2016, 05:03 PM

لو ننصر الله بمعنا ننصرأكتابه
كان أشتفامن عدانافي مواجعنا

ان تنصروا الله ينصركم بأثوابه
يا أمّةٍ منك انّا في منافعنا

اللحالي

10-16-2016, 08:35 AM

اللي بفقد العقل قام إتفنّن
تراه قدّ خاض بنفاق السّياسه

مايستريح البال غير المجنّن
وإلاّترى اصحاب العقول بتعاسه

اللحالي

10-17-2016, 12:33 PM

بالنوم اشوف الحلم مسرح للاشباح
وباليقضه فكري حصانه جموحي

و ياكثر من باقي و يكثر من راح
و لا نعتبر من روحة اللي يروحي

اللحالي

10-17-2016, 12:39 PM

الناس في ماقيل شاقي ومرتاح
وفيهم من يغشّك وفيهم نصوحي

ولاهو بخافيك الخساير والارباح
و الطّايحين و عاليين الصروحي

من قصيده لاتصلح للنشر
لذالك منها تغريدتين فط

اللحالي

10-18-2016, 03:25 PM

ياحسن نصر الملالي لاتحرّق رزّك
مافلح لبنان بوجودك خربت بيوته

و الله انّا كافلينن لك تحطّم عزّك
كان جيت لمن بوصف لقنبله موقوته

اللحالي

10-19-2016, 10:11 AM

اطرق نظرعيني على الحرف واقراه
واقول ياحرف العرب وش علومك

يأبن القلم ابوك تشكر مزاياه
و الله عطانا عقل نفهم اسلومك

اللحالي

10-27-2016, 02:51 PM

يالله طلبتك وش سبب رفض القبول
مابه لنا مهروب منك إلاّ إليك

و الطّغوته تصيطرت على العقول
و انهان منها اللي بحاجه يرتجيك

اللحالي

10-30-2016, 10:38 PM

دهاك الهم يافكري دهاكا
و لا أرى لك منهُ فكاكا

فأنتَ و اقعٍ بهِ لامحالةٍ
إلاّ ان يعجّل اللهَ شِفاكا

تجربه جديده لاتضحكون

اللحالي

10-31-2016, 01:08 PM

ليا صار ماعندك فلوسٍ تهايط
وتصيرمثل اللي يقولون له حرّ

يبي يحسبونك حساب اللقايط
اللي مثل ينبوح في منطقه هرّ

اللحالي

10-31-2016, 11:05 PM

تعامل مع الجن الازرق ولا تنسدح للجوع
ترى ماحدن نافعك يامحسك الشّوشه

تبي تبلغ اللي فيه عنك القلم مرفوع
وعلى مثل ماقالوا تبي تضيغ بالطّوشه

اصايل

11-01-2016, 12:09 PM

تعامل مع الجن الازرق ولا تنسدح للجوع
ترى ماحدن نافعك يامحسك الشّوشه

تبي تبلغ اللي فيه عنك القلم مرفوع
وعلى مثل ماقالوا تبي تضيغ بالطّوشه

:3 (12):

بسم لله الرحمن الرحيم ياعمي

لا يقعد بالجوع احسن من التعامل مع بسم لله^^

صح لسااااانك وبيض الله وجهك
ابيااااات ومدونه رااااااائعه الله يعطيك العافية

اللحالي

11-03-2016, 08:40 PM

ههههههههه
الله يعافيك يابنت اخوي
جزاك الله خير على التشريف

اللحالي

11-03-2016, 08:40 PM

ماعندنا قيقات نفتح مقاطع
واصواتنا نامت عليها الحناجر

صرناكمالغشمان والعلم ساطع
ونذكر بهولنداء البقر و البياجر

اللحالي

11-04-2016, 12:46 PM

ياناقلينن بالمقاطع مآسي
شوري عليكم بالنّقل لاتعجلون

يجي لكم الدّور بالافتراسي
على الطبيعه بالنواظرتشوفون

اللحالي

11-05-2016, 02:44 PM

يانافل انا طرالي اشتري سيكل
اشوفني في حلوم الليل سوّاقه

والنّاس تقول لي كم نمرة الهيكل
ومصدّره محرر ٍبالاردو اوراقه

اللحالي

11-06-2016, 01:59 PM

الناس وش جاهم علينا يعادون
وحنّا نوافهم بجزل المعونات

من شانهم بسم الكتاب يتسمّون
بنطق اللسان وفي قراءات الايات

و يافون لليهود و فينا يغدرون
وش ذنبنا ياخاينين الامانات

اللحالي

11-08-2016, 01:35 PM

اتعبت فكري في متابعة الاخبار
خمسين عام مع الكذوب الجوايح

وفي كلّ عام اقول تثور الاحرار
و اقول فيه يهجرسن الصّوايح

اللحالي

11-11-2016, 11:33 PM

ياعبدالعزيز البيت من مبتدى التسييس
على منهج التسييس في وقته القاسي

ماني قايلن يامسندي سببه تعميس
ولا جت له الاسباب من بعد الارماسي

اللحالي

11-17-2016, 07:11 PM

‏صديقي الهوجاس في ساعة الهمّ
يفزع مع اللي فازعٍ به نصيبي

مالي بهم مقصود بالمدح والذّم
لو منهم المولود راسه يشيبي
من ابيات

اللحالي

11-17-2016, 07:34 PM

يافاهم المقصود يامارد الجمّ
ارسل نديبك في مخاوا نديبي

لعل ماخجّت به الشلف يلتمّ
في ساعةٍ ماله بسقمه طليبي

اللحالي

11-20-2016, 12:46 PM

اشوف بشمالك يالوطن للسّحاب ازوال
و ابي اروح يمّك يالحدود الشماليه

هذيك الدّيار بناسها تضرب الامثال
شمال الوطن واللي شماليّ غربيّه

اللحالي

11-24-2016, 12:39 AM

اللي وقوعه فوق شوكة كداده
من بعد ماهوبالفضاممضي سين

لا تنحتينه يا عيون الجراده
ثم يندفن بالارض وانتي تطيرين

اللحالي

11-24-2016, 10:26 PM

الكبر له ناسٍ عن البرد تدفيه
وتكيّفه في حاميات السّمايم

لياضاف عند اللي كبارٍ علابيه
يبشر بمن يشيل عنه الذّمايم

اللحالي

11-30-2016, 12:04 AM

الضيف قبل يضيف من عنه يدرون
اعنيك يامن طلبة الله طبيبه

يالحزن قبل يسكن بعين محزون
وشلون نظرات العرب تستريبه

دامه بعلم الغيب من به يعرفون
قبل تنادي به سبوب المصيبه

اللحالي

12-19-2016, 01:56 PM

ياكثر نومي وانا في جرهدن خالي
و الثّوب صيفي و انا بالمربعانيّه

ولأعرف أجمّع حطب من كثرةهبالي
بين الجنوبيّه و بين الشّماليّه

اللحالي

12-19-2016, 02:17 PM

ياخوفتي يالبحر كان اندلج لفظك
واسفربجدّه عرب عفّاش والسّيسي

ماني بعارف قبول اللفظ من رفضك
لأحفاد فرعون مع أحفاد بلقيسي

اللحالي

12-20-2016, 06:19 PM

و الله مايذبح الرّجال بين الجموع
غير احترامه لناسٍ ماهي كفواحترام

ياصل به الأمرفي حالة طروز الدّموع
رغم المعيبه من الشّدّات دمع الكرام

اللحالي

01-01-2017, 07:05 PM

والله ماني بداري وين اسوق الركاب
انا أشهد انّي بهذا الوقت مثل الغبي

حضور حالي مابين الناس مثل الغياب
والقافله شفت حالي في جنبها صبي

اللحالي

01-01-2017, 09:08 PM

لا توجعون القلب ياشامتينه
شماتكم يدعم خباث العدوّين

من بيننا لكن خباث الضغينه
منّا وفينا لكن وجيه كرهين

اللحالي

02-12-2017, 01:15 AM

يالشاعر اللي في كلامك توغواش
بالارض - لكن - - للثريّا - -تناوش

ماشفت لي من بعدعرشك تعرماش
لوكنت عندك - قلت في بركتك بش

اللحالي

02-25-2017, 04:40 PM

توزقزق - العصافيرو - غدوتاً
والغراب والحمامةُ يسجعاني

فمالهم - عندنا - من - شفاعةٍ
كأم - سالم - وزهر القحوياني

هههههههههههههههه

اللحالي

02-26-2017, 06:03 PM

و الله لو فيه - حيله نفعل المستحيل
نقوم - بالفزعه اللي ربّي - اعلم بها

لكن مثل حالة اللي بالسّماء يستخيل
و لاتمطر السّحُب و الرّعّاد يرزم - بها

اللحالي

03-01-2017, 01:00 AM

ياحادرن وادي حدج تالي عصير
على الحدج ياصبر كبد الحمارا

زادت - تحمّل عن كبود المناعير
الصّبر شفته - في كبود الهكارا

اللحالي

03-01-2017, 01:03 AM

واصل - جهودك ياشجيع الثعالب
لياصار في بالك - سبوب القراده

هذا - زمانك -في فعول المقالب
لا يستريح - ليون - بأحلا - رقاده

اللحالي

03-03-2017, 08:55 PM

شاطت على من يسكن ببيتٍ اجار
و مصروف -اكله مايوفّي قسايم

وشلون شلواطه على صالي النّار
و اللي - يحوفه - خاربين الذّمايم

اللحالي

03-04-2017, 11:58 PM

قومتك - مع تكبيرة اهل المآذن
فيها من الخيرات ماينعش الرّوح

وكان الكفوف مع الآذاني تحاذن
بتكبيرة الإحرام والصدر مشروح

اعرف - ترى - جوارحك ماتواذن
وتقوم بأسباب التّمرزاق - بنجوح

اللحالي

03-09-2017, 07:52 PM

اناشهد انّه كلامن - مالحق له نقيد
والكلمه - الصامله تشوش رجالها

واثنينكم يالحروب اجمال رثع وهبيد
واحمولكم مابه اللي قبلكم -شالها

اللحالي

03-14-2017, 02:51 AM

يامسولف لي عن الماضي وسيرة ناسه
وشهو - اللي فادنا - من سالفة ماضينا

عش - حياتك - دام روحك يمتتع بأنفاسه
مانبي - نخويك - يامسولف - ولا تخوينا

اللحالي

03-15-2017, 04:23 AM

الوقت - ماعاد - - تقراني - - مفاهيمه
لوقلت له في شروق الشّمس يمسيني

اليوم - مافي - خبر - كانا - لنا - قيمه
يبيعني - من قبل - قبل -امس شاريني

اللحالي

03-15-2017, 07:14 PM

ياطارق -النظره كفيت اللواهيد
ترى - القلوب من اللواهيد مليا

الله يفكك من عيون - الحواسيد
يامكبّد عقول - الاوادم - وحليا

خطفت في عينك عقول الاواليد
وشعاد في شيبانهم من -ذهليا

اللحالي

اللحالي

03-15-2017, 10:42 PM

ياللي تبون انحراف الناس لرضاكم
حنّا وش اللي عن - الآيات - يرضينا

ياللي - من آمّة نبي الله - ضحاياكم
باللي - يصبّح - بناء - واللي يمسّينا

اللحالي

03-19-2017, 03:29 PM

https://pbs.twimg.com/media/C7Re-nrXwAAKfIm.jpg

والله مالوم - العيون - اللي - مدامعها
تنزف من الموق وتسقي لحية الشايب

وقلب - الوجل - من مواجيله مطاوعها
وفكره - بفزعة - ربوعه بالسعد لايب

دحمان-الحاج

03-19-2017, 09:09 PM

http://www.m5zn.com/newuploads/2017/03/19/jpg//b9a03e025db7489.jpg (http://www.m5zn.com/out.php?code=16608112)

ما احد يلوم العين لا هلت دمعها
وما يخفاك الشيء هذا يا ابو سلطان

اللحالي

03-19-2017, 09:21 PM

ايوالله لكن ماباليد حيله يابو ابراهيم

اللحالي

03-20-2017, 11:59 PM

انا ابي اتفلسف مير شيروا عليّ براي
وش اللي يخليني - فريد - التفلسافي

على مستوى قعر البحر ناصبن مركاي
وفوق - النّجوم الرّاس حذر التمشوافي

اللحالي

03-27-2017, 09:38 PM

احمدك -يامصلح --لنا - الذّراري
عسى عطانا منك جزل المصافيط

يأسرتي - فيكم - ياكثر استراري
ياكثر - ماني مفتخر بآل شليبيط

اللحالي

04-05-2017, 05:49 PM

‏الصوره اللي كان يضرب لها شان
اليوم - بعيون - الاوادم - - حقيره

ياليتنافي - ساعة - عنان - وسنان
كان - استبنّا - راينا - في - بصيره

جزّاع

اللحالي

04-05-2017, 07:56 PM

شفتني مهيوم في غبّة فضاء
تايهن - بين الكواكب مستهيم

و الهبايب بالمسارات فؤضّاء
مرتحل بالكون ماني بالمقيم

اللحالي

04-06-2017, 04:34 PM

الاوادم - تفرّج في صنوف العذاب
بالأوادم - ولا منهم - يجيد الفزوع

والاوادم بسمّ الهلك راحوا -ذهاب
من اوادم بفعل الغدر بين الجموع

اللحالي

04-09-2017, 03:22 AM

وين انت ياللي ودك انك قايم - وقاضب طرف
من بيت شعرفي خلا مبني على خمس اعمده
ماحولك اللي يستبيح العلم في قلت - سرف
ولا - حولك اللي ينظر المبناء ويمدح مشهده

اللحالي

04-09-2017, 03:22 PM

‏اللهُ - أكبر - لياجى - وقتن - - يهينك
ثم صرت - مابين - تعذيلاتك ونصحك

وش لون تفهم من اللي ناشدك وينك
بالمنطق - اللي تشوفك فيه يافصحك

اللحالي

04-10-2017, 09:45 PM

لياصار مالي منك مايستر الحال
و اللي - عليم - بحالنا ممهلن لك

اصادق -العدوان في كل - منوال
و أصادقك - بأسلوب لين أستزلّك

اللحالي

04-20-2017, 09:26 PM

انأشوف - يالميزان -فاضيةٍ اكفوفك
ولا - واحده - مع ثانيه في توازنها

وياكثرمن في نظرة عيونه إيشوفك
لكن عدم الجدوى بسيرتك - ضامنها

اللحالي

04-22-2017, 12:53 AM

لويتعبك ممشاك في رمل الاطعاس
اخيرلك - من طفشتك بين - الامواج

ولاتحسبك -تاجد فزوعن من الناس
لو انت - بس - لشربة الميّ محتاج

اللحالي

04-26-2017, 05:05 PM

انا ابي انشد القاضي عن معاملة - ديّان
غداء - مستدين الدّين - بين - المحابيسي

وانأشوف بالميدان سيسي - بجنب حصان
وعسى مايصيرالفوز في سبقة السيسي

اللحالي

04-26-2017, 08:43 PM

انا الشايب اللي سارحن مع طرف بدوان
و لالي - معرفه - بالكنس و النواقيسي

يادوب أعرف تويتر ودردش وانا عمسان
و بعض - العرب - مايفهمون بغطاريسي

اللحالي

04-27-2017, 01:02 AM

ماشفتك يالعسامه وش مغيّب بك عن الزّملوق
عسى - ماعاصفن بك عاصفن -مفقدك جنحانك

اناخابرك لك في مثل هذا-الوقت شرعة ذوق
ولكن - غيبتك - خلّتني - انشد - ليه - فقدانك

اللحالي

04-30-2017, 02:35 AM

ياللي - بمنطوقك تقل - ندس ندّاس
لوشفت نفسك من طوال الحساسي

بطش - الكلام ومانويته -من ابلاس
ماهو - مغيّر - شيّ - من مابراسي

اللحالي

04-30-2017, 05:26 PM

العدوّ - اللي - والله انّه هو اكبر عدوّ
اللي هو في حراسات الجنودوفي امان

مير لاتامنون الغدر من - جنابه - يالبدوّ
كاولي ومصادق الموساد وفي اخرزمان

اللحالي

05-02-2017, 01:06 AM

اناشوفني - في وقت يكثربي الخمشا
وحالي - تسارج في كلوفي -حوايجها

واناشوف رجلي ماتساعدعلى الممشا
ومقبل - عليّ من النّواشي - رعايجها

ردايم - سحايب صيف و البرق بالمنشا
وتحته - الهبايب في تصيفق -عجايجها

اللحالي

05-07-2017, 05:49 PM

جليس الرّفض لوهو بمقام الحرم ساجد
خذ الحذر منه إلين تقضي على انفاسه

لو انّك - تشوفه - بأسم الاسلام متواجد
تراه - اخذن - شريعة - ابليس -بفراسه

اللحالي

05-14-2017, 12:05 AM

ياللي - تغنّوبك - ربوعك - تهنّيك
اكيد - مرحالك - يدرهم للاوشاك

بكره - تدبّر - لك مكيده و تفنيك
ثم عاد وش احوال ربعك بذكراك

اللحالي

05-15-2017, 04:51 PM

يامن - على الكيبرد تكتب نياشين
احذر من الفيروس صلف العنادي

بالأجهزه يركض من إيسار ليمين
و من عدوته - كلّن -يصيح وينادي

اللحالي

05-22-2017, 10:20 PM

يامناقش -- الحيين -- بسم - - الميّتين
في - سيرة - الحيين - مايجدي نقاش

مير اكتب المصروف في شيك السنين
لاتقبل - المدفوع - في تسليم - كاش

اللحالي

05-24-2017, 09:20 PM

زيارتك - ياترمب - هذي - ثمينه
منها عرفنا عقول بعض - الاوادم

اللي - فهمنا - ساير الحال حينه
واللي يعرف الحي في حال قادم

اللحالي

05-27-2017, 12:24 AM

يابليس عبر الوتس - ترسل رسايلك
و بأصابع - رجولك - تطقّ - الازارير

شهررمضان اللي عن الصّوت خاذلك
حتّى - يدينك - - ماتجيد - - التّحارير

اللحالي

05-27-2017, 12:27 AM

ياشهر - ناسك - مع متابعة الافلام
تباشروا في ضفّ معروض الاسواق

الله - يعزّيك - -بصناديد - - الاسلام
وعساك - مستودعهم بحسن الاوفاق

اللحالي

05-31-2017, 02:52 AM

سلام - مبدى - الكلام اللي تورّيته
مبداي في فيس بوك وبين عشّاقه

سلام الاسلام عبر القاف - اهديته
مع كل ورده - من الانواع في باقه

اللحالي

06-04-2017, 12:18 AM

‏كثير - مانسمع - هتافات - الأعداء
و أنا اعني - اللي يدّعون اسم الأسلام

لكن ترى الأعراض في رايي اجداء
وهو مشفي الاجسام من شرّالأسمام

اللحالي

اللحالي

06-05-2017, 06:33 AM

‏على الثقيل اللي بالأرماز مقصود
ياللي - لصعبات - الشّدايد - تكبّد

امسك -لسانك - لايجي لك بجالود
و إلاّ - يجي لك - بالقرار - المؤبّد

اللحالي

06-05-2017, 11:47 PM

‏انا بحاجة - نشدة - انسان - به مسّ
كبير - سنّ - و عايشن - مع -تعاسا

عن حال من بصفوفهم - سمّهم دِسّ
ومن دسّة - الاسمام - ماهم وناسا

اللحالي

اللحالي

06-07-2017, 03:57 PM

ابطيت و اناقول - يالفكر هوّد
ومن المعاند معك ياكثرخوفي

ماطعتني - و بعنف رايك تجوّد
يتعبك وقتك ثم تعرف النّكوفي

اللحالي

06-07-2017, 04:49 PM

الشّلوطه ماهي جديده بالأبشار
لو المجالس في جنان معروشه

من حطّ كيروسين في لهبة النار
تبي تشلوط -مابقى من رموشه

اللحالي

06-12-2017, 03:50 PM

ايييييييييه مابقي من العمر

اللي بقي يادوب يرتع بآلايات
لعل - يتقبّل - عزيز -الجلالي

انأشهد ان النافع من المسرّات
تهجدي - ف مؤخرات الليالي

اللحالي

اللحالي

06-13-2017, 12:35 AM

ياللي تبون العافيه من غثاءالبال
خلّوا قناوات -الفضاء و الأذاعات

ترى المرض من مايقولون قتّال
ولاله طبيب و لاعرف له علاجات

اللحالي

06-13-2017, 12:38 AM

يالجزيره - -لايزعلك - الحقود
من هل الاوطان وإلاّمن مقيم

انتي اللي فيك -تربّوا - أسود
ويعرفون رضاك بكتاب الكريم

اللحالي

06-18-2017, 12:53 PM

يامن عطاك الله جزيلات الاخلاق
داوم على حمدو شكرمن عطاكا

تراك في قمّة رفيعات - الآوفاق
و الشّاهد -اللي -حشِر ماينتحاكا

اللحالي

07-06-2017, 01:07 AM

وين انت ياللي تدرك الصّدق بالأنس
ابي انشدك - كانك - تعرف - الاجابه

آليوم - ياللي - عارفن - وقتنا الأمس
هو ينتقارن - في - وقوت - الصّحابه

اللحالي

07-12-2017, 10:03 PM

الحَرّ - ياللي -تطلب الخير فرصتك
من واحدٍ - يعطيك - جزل العطايا

ابذل سبيل الماء حسب أستطاعتك
تلقاء - جزاته - بالكبود - - الظّمايا

اللحالي

07-12-2017, 10:07 PM

لاننشغل - عن - دِيننا - بالحكاوي
نقول - مع فلان - وإلاّ مع -فلان

وننساء مواجيب الكتاب السّماوي
ناسين - ان العمر - قافيه - ديّان

اللحالي

07-19-2017, 06:58 PM

‏ياشهد مدري يا 'هني' ياهلافيك
يامرحبا - يسعدك - ربّي بدنياك

اسرتك - كلٍ في -قدومك يحييك
و انا مع - الغالين - اقول حيّاك

يالله الصلاح https://t.co/HQXbXUXPPj

اللحالي

07-22-2017, 09:58 PM

لاشفت ابو وجين بين المسلمين
اضغط على بلفه وزرقن شقفّه

واستدرجه لأعلا الهمالاي بالّين
ومن عالي -أعلاهن بقدرتك دفّه

اللحالي

07-23-2017, 03:39 PM

‏الغي - لوهو - فالبدايه يغاغي
ماينفهم - لكن منه - تنقبلياء

ماهو مغاغي للبشر من فراغي
مير اريفت دنياه و إلاّ محلياء

تدل عارفها

اللحالي

07-27-2017, 12:24 AM

الناس -ليا - شافت - عيونك - تهامل
يسرّهم - لو انت - ميّت من الضحك

كلّن يبي يعرف وش اللي انت عامل
و المشكله - كان الحكومه - تسامحك

اللحالي

07-27-2017, 09:45 PM

ترى الحظيظ - اللي من الجاهليين
وقابل محمد وأعلن اسلامه ومات

ختم - - حياته - - متّبع - - للنّبيين
والرّحمه - من المعتلي -للسّماوات

اللحالي

07-31-2017, 12:53 AM

سمعت - يافاهميني عن بحر ميّت
لكن ذهلت بسماعي عن بحريابس

وبغيت - اسجّل به الابيات ثم عيّت
ويقول -جارالله -آتأكّد من الحابس

اللحالي

08-03-2017, 03:17 PM

هذا العدل ياللي عن العدل نشّاد
و هذا الكلام اللي يجب نقتدي به

نفع القرار اللي -بعطشات الاكباد
هو ساس دستورالظّروف العصيبه

اللحالي

08-04-2017, 12:49 AM

الناس صاروا بالسياحه يهرجون
ماهم بيمّك يالكتاب - السماوي

يبون - في عدّة -لغات يتحاكون
وإلاّ أنت خلّك مرجعن - للفتاوي

اللحالي

08-04-2017, 08:42 PM

تعبت - في مابين - غبيا - و صحياء
لكن عسى الله يجزل اجري بمافات

صبري -على ماصار لي بين الاحياء
عساه - تكفير(ن) لمابين - الاموات

اللحالي

08-07-2017, 02:02 PM

سعادتي -من كلمةٍ تبهج الصدر
من واحدن جاوب بهابعدالادراك

احس - لها - قيمةٍ - عالية -قدر
آلقاء -ثمنها بين نومة - هذولاك

اللحالي

08-10-2017, 05:00 PM

ماعاد يوجد صدق يذكر بالاسلام
ولااا عاد يوجد ذكر حسن النّوايا

اليوم مظهر فقر بالشارع -العامّ
وجمع الفلوس ورصدها بالخفايا

اللحالي

08-15-2017, 12:56 AM

ياكاشتين - بجرجيا - - بالأجازات
لاتبخلون - - بمالكم - -يالصّخيين

كم من شهر به تجمعون الريالات
جودوابهن في دفعهن للخدومين

اللحالي

08-26-2017, 03:44 PM

انا بصلة - الرّحم - وش اسوّي
لياصار جمع الناس يجلب نمايم

في هذي الحيرات ماني بتوّي
مبطي -وانا منها ردي العزايم

اللحالي

09-06-2017, 01:13 AM

احسب - انّي جاهلٍ بين الفواهم
واثرني - فاهم - وبين الجاهلينا

مير كلن في صدى فكره يساهم
والفواهم - تنصح - اللي واهمينا

اصايل

09-06-2017, 12:27 PM

صح الله لساااانك ياعمي جزاع
وبيض الله وجهك نظم ومعنى الله يسعدك
وكل عام وانت بخير ياعمي

اللحالي

09-06-2017, 07:28 PM

هلابك الصايل حرب
صح الله بدنك يالاميره وعيدك مبارك ان شاءالله ومن يعز عليك مديرتنا الغاليه
الله يجزاك الخير واخوانك المسلمين

الله يمد بعمرك على طاعته

تحياتي وتقديري واحترامي لك و للجميع