ودي أشوفه

[سعد السمين]

ودي أشوفه





ودي اشـوفـه يـاسـعد ربــع سـاعـه=ومــن عـقـبها كـيـفه اذا وده يــروح
ابـنـشـده وانـــت الــزمـه باستماعه=وان مالتزم ياخوك مسموح مسموح
أبـنـشـده وش مـكـسـبه والـطـمـاعه=يـومـه يـغـربلني عـلى قـل مـصلوح
زاد بــحـلاه وزاد عــنـي انـقـطـاعه=وزود عـلي الـشوق وزود بي جروح
يـاخـوك لــو يـبـتعد بـالقلب مـرباعه=دام الـزهر لابـان فـي عـطره يـفوح
تـعـبت وانــا انـتظر شـوفه مـطلاعه=وتـعـبـت ودلال الـجـفا بـنـها يـفـوح
عـلـمه يـرجـع عـلـي ويـغير اطـباعه=ولا يـــروح وقــدمـه الــبـاب مـفـتوح



عارف بن هذال
______________




يـقـول مــن خـلـه بـكـى فــي وداعــه=ومـن يـومها لـلحين ماله سوى البوح
كـلـه سـبـايب مــن سـعـوا بـالقطاعه=وحــطـوا بـقـلبه جــرح لازال مـفـتوح
يـامـرحبا بـالـلي لــي الـحـال ذاعــه=وعـبر عـن الـلي يـشغله لـي بوضوح
كـنـي عــن الـلـي فـيه عـندي مـناعه=وقـلبي مـن أسـباب الهوى كله نقوح
لــكـن يــابـو هـــذال سـمـعا وطـاعه=لـو كـنت أنـا ويـاك نـبحر عـلى لـوح
لـديـار مــن قـلـبك سـكـن بــه ولاعــه=وإنت أسأل اللي عذب القلب والروح
أمــــا اقـتـنـعـت بـحـجـتـه وبـدفـاعـه=وألا نـصـيـحه ودعـــه وإنــسـه وروح



سعد تركي السمين

[اللحالي]

صح ألسنتكم جميع

واقعيين ماشاء الله عليكم

وان صدق ظنّي انّه كلام زماله

[سعد السمين]

صح ألسنتكم جميع

واقعيين ماشاء الله عليكم

وان صدق ظنّي انّه كلام زماله



صح بدنك يابو سلطان

هههههه المشكلة إني ماعرفت وش كلام الزمالة عشان أعلمك :3 (12):

لكن هو مدري عنه ،، لكن عن نفسي لاوالله صادق

المهم إنه باب وجواب وسلامتك

[اللحالي]

قصدي زمالة عمل يعني زميل عمل

[سعد السمين]

قصدي زمالة عمل يعني زميل عمل

لاوالله زمالة واتس يابو سلطان هو بالمدينة وانا بالخرج

وماقابلت ابو هذال إلا مره وحده ونعم لكن اغلب تواصلنا واتس

[معيض الضعيني]

صحت الالسن وجمعكم الله على طاعته ورضاه

[سعد السمين]

صحت الالسن وجمعكم الله على طاعته ورضاه

اللهم آمين
وصح بدنك يابو وليد
تحياتي وتقديري لك