غرة محرم لعام سبع وثلاثيني

[معيض الضعيني]

غرة محرم لعام سبع وثلاثيني=فيه الوسم مبتدي او قبلها ابليله
يا الله بنون تمناه المسلميني= يا منشي اخيالها ومرسل هماليله
تمح محل مره فينا عدت اسنيني = وشعبانها والشغايا دارجا سيله
تعم كل الوطى والمرتع الزيني = تشبع بعارينها وتروي مخاليله
والارض خضراء ولبست للفساتيني= العشب متنوعا بعيونك اتخيله
ولقط الزبيدي يسار الخط ويميني= والجو طاب لمدور كل تعليله
فيه ام سالم تلحن للدواويني = اتشوفها بالربيع غنت مواويله
والبر وقت الربيع طب المريضيني= ما دام يقدر يروح واعضامه اتشيله
لقالونه وسكره والضغط تسكيني= يترك اعلاجه ويحس متقوين حيله
واختامها بالصلاة لسيد النبييني = اعداد ما خط حرف وعد ترتيله

معيض الضعيني

[اصايل]

‏
اللهم صل وسلم على نبينا محمد

صح لسانك أخوي

كل التقدير والاحترام

[اللحالي]

تسلم ابو وليد وان شاءالله سنة خير وان شاءالله تربع كل بلدان المسلمين
وترببع الشمال والوعد هناك ولاتعلم بعض ناس
هههههههههههههههه

[أيوب البلاجي]

صح لسانك
الله يجيب الخير ويغيث ديار المسلمين

[سعد السمين]

صلى الله عليه وسلم
صح لسانك يابو وليد وبيض الله وجهك
والله يرزق المسلمين بالخير من عنده
تحياتي وتقديري لك

[معيض الضعيني]

‏
اللهم صل وسلم على نبينا محمد

صح لسانك أخوي

كل التقدير والاحترام



صح بدنك واسعدني مرورك المشرف دمتي بصحه وعافيه

[معيض الضعيني]

تسلم ابو وليد وان شاءالله سنة خير وان شاءالله تربع كل بلدان المسلمين
وترببع الشمال والوعد هناك ولاتعلم بعض ناس
هههههههههههههههه

الله يسلمك يا ابو سلطان وشرفني مرورك
عادتك العلم الغانم يا والدي وزيارة ولدك واجب
ويامرحبا تراحيبت العود بسيل = ترحيبت العود العمى في اعياله

[معيض الضعيني]

صح لسانك
الله يجيب الخير ويغيث ديار المسلمين

صح بدنك ومرورك مشرف ومعطر لاعدمناك

[معيض الضعيني]

صلى الله عليه وسلم
صح لسانك يابو وليد وبيض الله وجهك
والله يرزق المسلمين بالخير من عنده
تحياتي وتقديري لك

اللهم امين وصح بدنك ابو تركي واسعدني مرورك المشرف والمعطر لاعدمناك